ប៉េកាំង ៖ ប្រទេសចិនបានបង្ហាញពីឆន្ទ:ចង់ជួយដោះស្រាយជម្លោះកម្ពុជា-ថៃ ពិសេសពង្រឹងទំនាក់ទំនងឡើងវិញ និងការបោសសម្អាតមីនតាមព្រំដែន បន្ទាប់ពីការប៉ះទង្គិចគ្នានៅតាមព្រំដែនដ៏សាហាវបំផុតក្នុងរយៈពេលជាច្រើនទសវត្សរ៍មកនេះ។ ការអះអាងបែបនេះរបស់ប្រទេសចិន កើតឡើងស្របពេលដែលរដ្ឋមន្ត្រីការបរទេសចិន លោក វ៉ាង យី បានជួបជាមួយប្រមុខការទូតកម្ពុជា និង ថៃ នៅខាងក្រៅសន្និសីទថ្នាក់តំបន់មេគង្គ ក្នុងខេត្តយូណាន នៅថ្ងៃទី១៤ ខែសីហា។ នាឱកាសនោះ លោក វ៉ាង បានប្រាប់សមភាគីកម្ពុជា-ថៃថា ចិនគាំទ្រប្រទេសទាំងពីរចូលរួមកិច្ចសន្ទនា លុបបំបាត់ការយល់ច្រឡំ និងកសាងទំនុកចិត្តគ្នាទៅវិញទៅមក នេះបើយោងតាមសេចក្តីថ្លែងការណ៍របស់ក្រសួងការបរទេសចិន។ ប្រមុខការទូតចិនរូបនេះបន្តថា ដូចពាក្យចាស់របស់ចិននិយាយថា បងប្អូនអាចឈ្លោះគ្នាក្នុងគ្រួសារបាន ប៉ុន្តែគួរតែរួបរួមគ្នាប្រឆាំងនឹងការគំរាមកំហែងពីខាងក្រៅ។ ដូច្នេះ ខ្ញុំជឿជាក់ថា ភាគីទាំងពីរអាចគ្រប់គ្រងជម្លោះជាក់លាក់បានត្រឹមត្រូវ និងធ្វើការរួមគ្នាដើម្បីដោះស្រាយបញ្ហាប្រឈមនានាជាសកល។ លោក Wang មានវ័យ៧១ឆ្នាំរូបនេះបន្ថែមថា ចិនសង្ឃឹមថា កម្ពុជា-ថៃអាចបើកច្រកព្រំដែនឡើងវិញឱ្យបានឆាប់តាមដែលអាចធ្វើទៅបាន ហើយចិនសន្យាគាំទ្រ ក៏ដូចជាផ្តល់ជំនួយសម្រាប់ការបោសសម្អាតមីននៅតាមតំបន់ព្រំដែនកម្ពុជា និងថៃ។ ជម្លោះព្រំដែនដ៏រ៉ាំរ៉ៃរវាងប្រទេសជិតខាងអាស៊ានទាំងពីរ បានផ្ទុះឡើងកាលពីខែមុន រួមមានទាំងការទម្លាក់គ្រាប់បែក ការបាញ់កាំភ្លើងធំ ការវាយប្រហារតាមអាកាស និងការប៉ះទង្គិចគ្នាដោយថ្មើរជើង ដែលបានសម្លាប់មនុស្សយ៉ាងហោចណាស់ ៤៣នាក់ និងបង្ខំឱ្យមនុស្សជាង ៣០០.០០០នាក់ផ្សេងទៀតភៀសខ្លួនចេញពីផ្ទះសម្បែងរបស់ពួកគេ។ ភាគីទាំងពីរបានធ្វើបទឈប់បាញ់ បន្ទាប់ពីមានអំពើហិង្សារយៈពេល៥ថ្ងៃ ក្រោយមានការអន្តរាគមន៍ពីលោកប្រធានាធិបតីអាមេរិក…

(ភ្នំពេញ)៖ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជា បានថ្លែងនៅយប់ថ្ងៃទី១៤ ខែ សីហា ឆ្នាំ ២០២៥ថា ៖ ប្រទេសចិនគាំទ្រកម្ពុជា និង ថៃក្នុងការចូលរួមក្នុងកិច្ចសន្ទនា ដោះស្រាយការយល់ច្រលំ កសាងទំនុកចិត្តគ្នាទៅវិញទៅមក និងការស្ដារឡើងវិញនូវទំនាក់ទំនងនិងកិច្ចសហប្រតិបត្តិការឱ្យវិលត្រឡប់មកវិញ ។ លោកបានបញ្ជាក់ថា”គាំទ្រភាគីទាំងពីរអនុវត្តទាំងស្រុងនូវកុងសុងស៊ីសដែលកំណត់នៅក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) និងការពង្រឹងស្ថានភាពបទឈប់បាញ់។ គាំទ្រអាស៊ានក្នុងការដើរតួនាទីត្រឹមត្រូវ និងការដោះស្រាយបញ្ហាយ៉ាងត្រឹមត្រូវតាម”របៀបអាស៊ាន” គាំទ្រភាគីទាំងពីរក្នុងការឆ្លើយតបទៅនឹងតម្រូវការរបស់ប្រជាជនទាំងពីរប្រទេស និងការបើកច្រកព្រំដែនឡើងវិញឱ្យបានឆាប់រហ័ស”។ ជាមួយគ្នានេះដែរ ឯកអគ្គរដ្ឋទូតចិនក៏បានបង្ហាញភ្ជាប់រូបភាពនៅថ្ងៃទីទី១៤ ខែសីហា ឆ្នាំ២០២៥ ដែល ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានជួបពិភាក្សាក្រៅផ្លូវការជាមួយ ឯកឧត្តម វ៉ាង យី រដ្ឋមន្រ្តីការបរទេស នៃសាធារណរដ្ឋប្រជាមានិតចិន និង ឯកឧត្តម ម៉ារីត សាងៀមផុង្ស រដ្ឋមន្ត្រីការបរទេស នៃព្រះរាជាណាចក្រថៃ ក្នុងឱកាសកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង លើកទី១០ នៅទីក្រុងអាននីង ខេត្តយូណាន ប្រទេសចិនផងដែរ៕…

(ភ្នំពេញ)៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានកិត្តិយសដ៏ខ្ពង់ខ្ពស់ទទួលបាននូវពានរង្វាន់ “Smile Asia Philanthropic Visionary Award” លើកទី ២ នៅក្នុងកម្មវិធី “Smile Asia Charity Gala 2025” ដោយមានការប្រគល់ជូនដោយផ្ទាល់ពីលោកជំទាវ Gan Siow Huang, Minister of State ទទួលបន្ទុកកិច្ចការបរទេស និងកិច្ចការពាណិជ្ជកម្មនិងឧស្សាហកម្ម នៃសាធារណរដ្ឋសិង្ហបុរី ព្រមទាំងមានការចូលរួមពីភ្ញៀវកិត្តិយសក្នុងតំបន់ និងអន្តរជាតិជាច្រើនរូបទៀត នាថ្ងៃទី១៤ ខែសីហា ឆ្នាំ២០២៥ នៅសណ្ឋាគារ Singapore Marriott Tang Plaza ប្រទេស សិង្ហបុរី ។ សូមបញ្ជាក់ជូនផងដែរថា ពានរង្វាន់ “Smile Asia Philanthropic Visionary Award” ត្រូវបានបង្កើតឡើង ដើម្បីផ្ដល់ជូនជាកិត្តិយសដល់បុគ្គលឆ្នើមរូបណា ដែលបានចូលរួមចំណែកសំខាន់ក្នុងសង្គមលើវិស័យថែទាំសុខភាព ហើយពានរង្វាន់នេះជាលើកដំបូងត្រូវបានប្រគល់ថ្វាយជូន ម្ចាស់ក្សត្រីនៃប្រទេសប៊ូតង់ ទន្ទឹមនឹងនេះ…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានអញ្ជើញជួបពិភាក្សាការងារជាមួយ ឯកឧត្តម តូ ឡឹម អគ្គលេខាធិការបក្សកុម្មុយនីស្តវៀតណាម តាមប្រព័ន្ធបញ្ជូនរូបភាព និងសំឡេង នារសៀលថ្ងៃទី១៤ ខែសីហា ឆ្នាំ២០២៥ ។ ឯកឧត្តម ជា ធីរិទ្ធ អ្នកនាំពាក្យគណបក្សប្រជាជនកម្ពុជាបានឲ្យដឹងថា នៅក្នុងជំនួបនេះ សម្ដេចតេជោ ហ៊ុន សែន បានបង្ហាញនូវក្តីរីករាយដែលបានជួបជាមួយ ឯកឧត្តម តូ ឡឹម សាជាថ្មី ជាពិសេស សម្ដេចបានសម្ដែងនូវក្តីពេញចិត្តចំពោះទំនាក់ទំនងកម្ពុជា និង វៀតណាមទាំងក្នុងក្របខ័ណ្ឌបក្ស ក្របខ័ណ្ឌរដ្ឋាភិបាល ក្របខ័ណ្ឌស្ថាប័ននីតិប្បញ្ញត្តិ គឺមានភាពល្អប្រសើរ និង រឹងមាំ ។ សម្ដេចតេជោ បានបញ្ជាក់ថា ភាពល្អប្រសើរ នៃទំនាក់ទំនងកម្ពុជា-វៀតណាម បានឆ្លុះបញ្ចាំងអំពីភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ ស្ថិរភាពយូរអង្វែង ដែលមានជាមួយគ្នា ដែលជាផ្នែកសំខាន់នៃការជំរុញទំនាក់ទំនងគ្រប់វិស័យផ្សេងទៀត ។ សម្ដេចតេជោ បានមានប្រសាសន៍អំពីចំណុចសំខាន់ៗ ពាក់ព័ន្ធទំនាក់ទំនងក្របខ័ណ្ឌបក្ស ដែលភាគីទាំងពីរបានពង្រឹងជាមួយគ្នាតាំងពីថ្នាក់ក្រោម រហូតដល់ថ្នាក់កំពូល…

(ភ្នំពេញ)៖ ចិន និងកម្ពុជា គឺជាមិត្តដែកថែប និងជាសហគមន៍វាសនារួមគ្រប់រដូវកាល តែងតែគាំទ្រនិងជួយគ្នាទៅវិញទៅមក។ ភាគីចិនគាំទ្រកម្ពុជាក្នុងការរក្សាស្ថិរភាពនយោបាយ ជំរុញការអភិវឌ្ឍសេដ្ឋកិច្ច និងលើកកម្ពស់ជីវភាពរស់នៅរបស់ប្រជាជន ។ នេះគឹជាការថ្លែងបញ្ជាក់ពីសំណាក់ ឯកឧត្តម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិន ប្រចាំ នៅកម្ពុជា នាយប់ថ្ងៃទី ១៤ ខែសីហា ឆ្នាំ២០២៥នេះ ។ ឯកអគ្គរដ្ឋទូតចិន បញ្ជាក់ថា ប្រទេសចិន រីករាយក្នុងការសហការជាមួយកម្ពុជា ដើម្បីបង្កើនតួនាទីរបស់គណៈកម្មាធិការសម្របសម្រួលអន្តររដ្ឋាភិបាលចិន-កម្ពុជា ពង្រឹងក្របខ័ណ្ឌកិច្ចសហប្រតិបត្តិការ”ត្បូងពេជ្រដែលមានវិស័យអាទិភាពទាំង៦”ឱ្យបានសម្បូរបែប និងជំរុញសមិទ្ធផលគួរឱ្យកត់សម្គាល់បន្ថែមទៀតសម្រាប់”ច្រករបៀងអភិវឌ្ឍន៍ឧស្សាហកម្ម” និង”ច្រករបៀងត្រីនិងអង្ករ” ធ្វើឱ្យកិច្ចសហប្រតិបត្តិការចិន-កម្ពុជាក្លាយជាផលប្រយោជន៍កាន់តែច្រើនជូនដល់ប្រជាជនកម្ពុជា និងរួមចំណែកដល់ការអភិវឌ្ឍន៍ និង វិបុលភាពក្នុងតំបន់ ។ ជាមួយគ្នានេះដែរ ឯកអគ្គរដ្ឋទូតចិនក៏បានបង្ហាញភ្ជាប់រូបភាពនៅថ្ងៃទីទី១៤ ខែសីហា ឆ្នាំ២០២៥ របស់ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានជួបពិភាក្សាក្រៅផ្លូវការជាមួយ ឯកឧត្តម វ៉ាង យី រដ្ឋមន្រ្តីការបរទេស នៃសាធារណរដ្ឋប្រជាមានិតចិន និង ឯកឧត្តម ម៉ារីត…

(ភ្នំពេញ)៖ ប្រទេសកម្ពុជា បាននាំចេញនូវផលិតផលកសិកម្មទៅកាន់ប្រទសអូស្ត្រាលី លើកដំបូងចំនួន ១២តោន នៅថ្ងៃទី ១៤ ខែសីហា ឆ្នាំ២០២៥ ដែលនៅក្នុងនោះរួមមាន គ្រាប់ស្វាយចន្ទី ដំណាប់ស្វាយ ខ្នុរស្ងួត ចេក និង នំត្រាវ ។ យោងតាមក្រសួងពាណិជ្ជកម្មបានឱ្យដឹងថា បន្ទាប់ពីការនាំចេញនូវផ្លែឈើក្រៀម គ្រាប់ស្វាយចន្ទីរលើកដំបូងនេះ តាមការគ្រោងទុក ការនាំចេញផលិតផលកសិកម្មទៅប្រទសអូស្ត្រាលីបន្តបន្ទាប់ទៀតនឹងមានចំនួនកើនឡើង ហើយក៏មានផលិតផលកសិកម្មកាន់តែច្រើនថែមទៀត ។ ការនាំចេញនេះធ្វើឡើងដោយ ក្រុមហ៊ុន Royal Trust Trading Co., Ltd (RTT) ដែលមានការចូលរួមផងដែរ ពីថ្នាក់ដឹកនាំក្រសួង-ស្ថាប័នពាក់ព័ន្ធ ឯកអគ្គរដ្ឋទូតអូស្រ្តាលីប្រចាំនៅកម្ពុជា អគ្គនាយក RTT ប្រធានសមាគមវិនិយោគិន នវានុវត្តន៍ និងអភិវឌ្ឍន៍ និងតំណាងវិស័យឯកជនពាក់ព័ន្ធផ្សេងទៀត។ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម បញ្ជាក់ប្រាប់អំពី កិច្ចខិតខំប្រឹងប្រែងរួមគ្នារវាងក្រសួងពាណិជ្ជកម្ម និងវិស័យឯកជន ដោយមានការគាំទ្រពីដៃគូអភិវឌ្ឍន៍ដូចជា នាយកដ្ឋានការបរទេស និងពាណិជ្ជកម្ម ប្រទសអូស្ត្រាលី កម្មវិធីភាពជាដៃគូ កម្ពុជា អូស្ត្រាលី…