ខេត្តព្រះវិហារ៖ នារសៀលថ្ងៃទី១២ ខែសីហា ឆ្នាំ២០២៥ ឯកឧត្តម សុខ សូកេន រដ្ឋមន្រ្តីក្រសួងអធិការកិច្ច បានដឹកនាំគណៈប្រតិភូក្រសួង ចុះសាកសួរសុខទុក្ខ និងនាំយកអំណោយជាថវិកា សម្ភារៈប្រើប្រាស់ប្រចាំថ្ងៃ រួមនឹងគ្រឿងឧបភោគបរិភោគចែកជូនដល់បងប្អូនវីរៈយុទ្ធជនរងគ្រោះដោយសារការវាយប្រហាររបស់ពួកសៀមឈ្លាននៅតំបន់ព្រំដែនទិសប្រាសាទព្រះវិហារ និងប្រជាជនរងគ្រោះដែលកំពុងសម្រាកព្យាបាលនៅមណ្ឌលសុខភាព១៦មករា ខេត្តព្រះវិហារ។ ឯកឧត្តមរដ្ឋមន្ត្រីបានពាំនាំនូវការផ្តាំផ្ញើសួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងបានជំរាបជូនអំពីចំណាត់ការប្រកបដោយភាពឈ្លាសវៃនិងម៉ត់ចត់របស់ប្រមុខរាជរដ្ឋាភិបាល ក្នុងការការពារបូរណភាពទឹកដី និងអធិបតេយ្យភាពជាតិ និងសូមបងប្អូនទាំងអស់ត្រូវមានជំនឿទុកចិត្តលើរាជរដ្ឋាភិបាលដែលតែងតែគិតគូរ នងរួមសុខរួមទុក្ខជាមួយបងប្អូនគ្រប់កាលៈទេសៈ។ ដើម្បីផ្សារភ្ជាប់នូវទឹកចិត្តអាណិតស្រឡាញ់ដោយស្មោះ ឯកឧត្តម សុខ សូកេន បានចូលសាកសួរសុខទុក្ខតាមបន្ទប់នានាដែលកងវីរៈយុទ្ធជនសម្រាកព្យាបាល និងបានជូនពរដល់បងប្អូនឆាប់ជាសះស្បើយចៀសផុតពីជំងឺដង្កាត់ពិសេសឆាប់បានទៅកាន់ភូមិឋានដ៏កក់ក្តៅរបស់ខ្លួន ក្រោយសភាពការណ៍វិលទៅរកប្រក្រតីភាពវិញ។ ទន្ទឹមនឹងនេះ ឯកឧត្តមរដ្ឋមន្ត្រី បានថ្លែងនូវការដឹងគុណ និងសូមអរគុណចំពោះការលះបង់អស់ពីកម្លាំងកាយចិត្ត បញ្ញាស្មារតី និងការធ្វើពលិកម្មគ្រប់បែបយ៉ាងរបស់បងប្អូនវីរកងទ័ពជួរមុខដ៏អង់អាចក្លាហានដើម្បីបុព្វហេតុការពារអធិបតេយ្យភាព បូរណភាពទឹកដី និងសុខសន្តិភាពពេញលេញរបស់ប្រជាជនកម្ពុជា។ សូមបញ្ជាក់ថា នៅក្នុងការចុះសួរសុខទុក្ខនៅមណ្ឌលសុខភាព១៦មករា ឯកឧត្តម សុខ សូកេន បាននាំយកអំណោយជាសម្ភារៈបរិក្ខារប្រើប្រាស់ គ្រឿងឧបភោគបរិភោគចែកជូនបងប្អូនដែលកំពុងសម្រាកព្យាបាលជំងឺចំនួនសរុប ២៧០នាក់ ក្នុងនោះមានយុទ្ធជនដែលបានរងរបួសអំឡុងពេលជម្លោះព្រំដែនកម្ពុជា-ថៃ ចំនួន១០១នាក់ បងប្អូនប្រជាពលរដ្ឋជាជនភៀសសឹកចំនួន ១៨នាក់…

ភ្នំពេញ៖ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១២ ខែសីហា ឆ្នាំ២០២៥ បានដឹកនាំកម្លាំងអធិការដ្ឋានរដ្ឋបាលជលផលមេគង្គ ខណ្ឌរដ្ឋបាលបាលជលផលកំពង់ចាម សហការ ជាមួយអាជ្ញាធរស្រុកជើងព្រៃ កម្លាំងប៉ុស្តិ៍នគរបាលរដ្ឋបាលសូទិព្វ និងព្រៃចារ ដោយមានការសម្រប សម្រួលពី ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល រុះរើនិងបំផ្លាញចោលនូវឧបករណ៍ខុសច្បាប់ បានចំនួនBIrករណី នៅចំណុចបឹងជ្រោយ និងចំណុចទំនប់តំបន់ ស្រុកជើងព្រៃ . វត្ថុតាងដែលបំផ្លាញចោល នៅនឹងកន្លែងរួមមាន ៖ ឧករណ៍លូស្បៃមុងចំនួន ២០មាត់,របាំងស្បៃមុងប្រវែង ៦០០ម៉ែត្រ,បង្គោលចម្រឹងចំនួន ៣០០ដើមនិងចាក់លែងកូនត្រីចម្រុះទម្ងន់ ១៤គីឡូក្រាម ចូលបឹងធម្មជាតិវិញ ៕ដោយ៖លី ពៅ

ភ្នំពេញ៖ អ្នកនាំពាក្យក្រសួងព័ត៌មានបានបង្ហាញនូវការកត់សម្គាល់ដោយភាព វិជ្ជមានថា ប្រព័ន្ធផ្សព្វផ្សាយកម្ពុជាបាន​ដំណើរការដោយពង្រឹងភាពជាម្ចាស់ លើខ្លួនឯងនៅក្នុងសម័យឌីជីថល បើទោះបីជាមានឬមិនមានការគាំទ្រពីភាគី​ណាមួយក៏ដោយ។ ក្នុងបទសម្ភាសន៍ជាមួយវិទ្យុជាតិកម្ពុជានៅព្រឹកថ្ងៃទី១៣ ខែសីហា ឆ្នាំ២០២៥​ ឯកឧត្តម ទេព អស្នារិទ្ធ អនុរដ្ឋ​លេខាធិការ និងជាអ្នកនាំពាក្យក្រសួងព័ត៌មានបាន គូសរំលេចថា នៅក្នុងយុគសម័យឌីជីថល ទាំងប្រព័ន្ធផ្សព្វ​ផ្សាយរបស់រដ្ឋ និងឯកជន បានបង្ហាញពីភាពជាម្ចាស់ការ និងលទ្ធភាព បន្សាំទៅនឹងការវិវត្ត​នៃបច្ចេកវិទ្យាទាំង​ពេលបច្ចុប្បន្ន និងទៅថ្ងៃអនាគត។ ភាពរីកចម្រើននៃបច្ចេកវិទ្យានេះ បានតម្រូវឱ្យអង្គភាពសារព័ត៌មានទាំងរដ្ឋ និងឯកជន ធ្វើការផ្លាស់ប្ដូររបៀបរបបក្នុង​ការដំណើរការផ្សព្វផ្សាយ និងការប្រកបអាជីវកម្មរបស់ខ្លួនសម្របទៅនឹងការរីកចម្រើនបច្ចេកវិទ្យា ដោយចាប់យក​មធ្យោបាយឌីជីថលក្នុងការផ្សព្វផ្សាយព័ត៌មានបន្ថែមឱ្យ ការ ផ្សព្វផ្សាយព័ត៌មានលក្ខណៈប្រពៃណី ខណៈដែលកម្ពុជា​បន្តរក្សានូវកេរដំណែល ប្រព័ន្ធផ្សព្វផ្សាយបែបប្រពៃណី ។ ក្រោមការដឹកនាំរបស់ឯកឧត្តមនេត្រ ភក្រ្តា រដ្ឋមន្ត្រី​ក្រសួងព័ត៌មាន បានធ្វើឱ្យកាសែតកម្ពុជា ដែលជាកាសែតបោះពុម្ពបែប ប្រពៃណីបានដំណើរការឡើងវិញ។ ទាំងហ្នឹង​ហើយជាផ្នែកនៃការថែរក្សាកេរ ដំណែលឱ្យនៅតែមានក្នុងប្រព័ន្ធផ្សព្វផ្សាយកម្ពុជា ខណៈយើងបាននឹង​កំពុង ពង្រឹង​ពង្រីកសក្តានុពលនៃការផ្សព្វផ្សាយតាមប្រព័ន្ធឌីជីថលឱ្យ ស្របទៅតាម និន្នាការនៃការទទួលព័ត៌មាននាពេលបច្ចុប្បន្ននេះ។»អ្នកនាំពាក្យគូសបញ្ជាក់បន្ថែម។ អ្នកនាំបាក្យដដែលបន្ថែមថាជាការសង្កេតរបស់លោកទាំងប្រព័ន្ធផ្សាយរបស់រដ្ឋ និងឯកជនកំពុងសម្របខ្លួន បត់​បែនទៅតាមតម្រូវការក្នុងសម័យបច្ចេកវិទ្យា ដោយមានភាពប្រកួតប្រជែងខ្លាំងទាំងគុណភាព និងការពង្រឹង​ក្រមសីលធម៌ វិជ្ជាជីវៈ សមត្ថភាពជំនាញបច្ចេកទេសឌីជីថល ការរៀបចំផែនការ ការគ្រប់គ្រង និងការផ្សាយ​ព័ត៌មានតាមបែបឌីជីថល…

ក្រចេះ ៖បង្ហាញវត្តមាននៅខេត្តក្រចេះ ឯកឧត្តម ទេព អស្នារិទ្ធ អនុរដ្ឋលេខា​ធិការក្រសួងព័ត៌មាន និងជាអនុប្រធាន​គណៈកម្មការដឹកនាំនិងតម្រង់ទិស​ការអនុវត្តភារកិច្ចរបស់ក្រុមការងារសម្របសម្រួលកិច្ចការព័ត៌មាន និងសាធារណ​មតិនៃមន្ទីររាជធានី ខេត្ត បានជំរុញដល់មន្ត្រីនៃមន្ទីរព័ត៌មានខេត្តក្រចេះ​ត្រូវខិត​ខំធ្វើការងារ​ផ្នែកព័ត៌មាន​និងសាធារណ​មតិ ក្នុងមូលដ្ឋានរបស់ខ្លួនឱ្យ​សកម្មថែម​ទៀត ដើម្បីប្រជាពលរដ្ឋទទួលព័ត៌មានត្រឹមត្រូវ និងទាន់ពេលវេលា។ ក្នុងឱកាសជួបផ្ទាល់ជាមួយថ្នាក់ដឹកនាំ មន្ត្រីរាជការនៃមន្ទីរព័ត៌មានខេត្ត​ក្រចេះ​កាលពីរសៀលថ្ងៃទី១២ ខែសីហា ឆ្នាំ២០២៥ ជាមួយនឹងការថ្លែងកោត​សរសើរ​ចំពោះសកម្មភាពកន្លងមក ឯកឧត្តម ទេព អស្នារិទ្ធ គូសរំលេចថា ក្នុងក្របខ័ណ្ឌ​ប្រតិបត្តិការ ក្រុមមន្ត្រីព័ត៌មាននិងសាធារណមតិខេត្តក្រចេះ ត្រូវអនុវត្ត និងតាម​ដាន​ការងារ ដោយ​សហការជាមួយរដ្ឋបាលខេត្ត និងធ្វើការយ៉ាងជាប់លាប់ជា​ប្រចាំជាមួយលោកអភិបាលរងទទួលបន្ទុក​ព័ត៌មាន​និងជា​អ្នកនាំពាក្យខេត្តក្រចេះ ព្រមទាំងមន្ទីរ អង្គភាពជុំវិញខេត្ត ដើម្បីផ្សព្វផ្សាយព័ត៌មានពិត សុក្រឹត។បន្ថែមពី​នេះ​ត្រូវ ពង្រឹង​​ទំនាក់ទំនងជាមួយអ្នកសារព័ត៌មាន ស្រាយបំភ្លឺសាធារណ​មតិ ឆ្លើយតបទៅនឹងការបំភ្លៃ បន្សាបព័ត៌មាន​ក្លែងក្លាយ​ជាដើម។ ការងារព័ត៌មាន និងសាធារណមតិ មានតួនាទីសំខាន់ណាស់សម្រាប់​រដ្ឋបាល​ថ្នាក់ជាតិ និងថ្នាក់ក្រោមជាតិ។ផ្តើមចេញពីសារសំខាន់នេះឯកឧត្តម​អនុរដ្ឋ​លេខាធិការបានបញ្ជាក់ថា មន្ទីរព័ត៌មានខេត្ត ដើរតួនាទីជាសេនាធិការ​ដ៏ល្អរបស់រដ្ឋបាលរាជធានីខេត្ត។ដើម្បីធ្វើជាសេនាធិការដ៏ល្អរបស់រដ្ឋបាលខេត្ត មន្ត្រីមន្ទីរព័ត៌មានចាំបាច់ត្រូវខិត​ខំ​បង្កើនការយកចិត្តទុកដាក់អនុវត្តការងារ​ប្រចាំថ្ងៃរបស់ខ្លួន តាមបែបបុរេសកម្ម និងដោយពង្រឹងបន្ថែមនូវសមត្ថភាព​ផ្នែកបច្ចេកទេស ជំនាញប្រើប្រាស់កម្មវិធីឌីជីថលផ្សេងៗឱ្យស្រប​នឹងការរីក​ចម្រើនក្នុងសង្គម និងទំនោរនៃការ​ទទួលព័ត៌មានសាធារណៈ រាប់បញ្ចូលទាំង​បណ្តាញសង្គម Facebook, TikTok, Instagram, YouTube, X (Twitter) និង…

(ភ្នំពេញ)៖ អ្នកនាំពាក្យក្រសួងការពារជាតិកម្ពុជាថ្លែងថា គិតចាប់ពីម៉ោង ១២រំលងអាធ្រាត្រថ្ងៃទី ១៣ ខែសីហា ឆ្នាំ២០២៥មកដល់ម៉ោង ៦,០០នាទីព្រឹកថ្ងៃនេះ សភាពការណ៍ជួរមុខនៅតាមបន្ទាត់ព្រំដែនខេត្តព្រះវិហារ និងខេត្តឧត្តរមានជ័យមានសភាពស្ងប់ស្ងាត់។កងកម្លាំងរបស់កម្ពុជា គឺស្ថិតក្នុងការប្រុងប្រយ័ត្នខ្ពស់ជានិច្ចក្នុងការបំពេញតួនាទីរបស់ខ្លួនយ៉ាងខ្ជាប់ខ្ជួន ។ នៅក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅថ្ងៃទី១៣ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិបានថ្លែងឱ្យដឹងដែរថាគិតរហូតមកដល់ថ្ងៃទី ២៩ ខែ កក្កដា ឆ្នាំ ២០២៥វេលាម៉ោង ៧,៥០នាទីក្រោយឈប់បាញ់ភ្លាមៗកងកម្លាំងរបស់កម្ពុជាត្រូវបានកងទ័ពថៃចាប់ខ្លួន ដោយខុសច្បាប់ គិតមកដល់ពេលនេះមានរយៈពេល ១៥ថ្ងៃហើយ ។ កម្ពុជាស្នើឱ្យភាគីថៃឆាប់បញ្ចូនកងកម្លាំងកម្ពុជាទាំង ១៨រូបឱ្យត្រឡប់មកវិញជាបន្ទាន់ ស្របតាមច្បាប់មនុស្សធម៌អន្តរជាតិ និងស្របតាមការអំពាវនាវដ៏ទទូចរបស់បណ្តាប្រទេសដៃគូ និង ស្ថាប័នអន្តរជាតិជាច្រើន ។ ជាមួយគ្នានេះអ្នកនាំពាក្យក្រសួងការពារជាតិ បានប្រកាសច្រានចោលទាំងស្រុងការចោទប្រកាន់ ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃដោយសារការផ្ទុះគ្រាប់មីន នៅតំបន់ប្រាសាទតាមាន់ធំ នៅថ្ងៃទី១២ ខែសីហា ឆ្នាំ២០២៥។កម្ពុជាចាត់ទុកថាវាជាការចោទប្រកាន់ ដោយគ្មានមូលដ្ឋានច្បាស់លាស់របស់ភាគីថៃ ពាក់ព័ន្ធនឹងការរងរបួសរបស់ទាហានថៃ ដោយសារការផ្ទុះគ្រាប់មីន នៅតំបន់ប្រាសាទតាមាន់ធំ ក្នុងស្រុកបន្ទាយអំពិល ខេត្តឧត្តរមានជ័យ ព្រះរាជាណាចក្រកម្ពុជា…

(ភ្នំពេញ)៖ លោកបណ្ឌិត ជិន ចេស្តា ដែលជាអ្នកវិភាគនយោបាយ ច្បាប់ និង សង្គម មួយរូប បានលាតត្រដាង និងចាត់ទុក មេយោធាភូមិភាគ២របស់ប្រទេសថៃបច្ចុប្បន្ន លោក“Boosin Padklang ជាឧក្រិដ្ឋជនសង្គ្រាមប្រចាំតំបន់អាស៊ានឆ្នាំ២០២៥”។ លោកបណ្ឌិត ជិន ចេស្តា បានបង្ហាញពីភស្ថុតាងក្នុងបទវិភាគរបស់ខ្លួន ហើយត្រូវ​បាន ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ យកមក​បង្ហោះក្នុងបណ្តាញសង្គម នាយប់ថ្ងៃទី ១២ ខែសីហា ឆ្នាំ២០២៥ ដោយលើកឡើង​ថា ក្នុងរយៈកាល៥ថ្ងៃនៃការប្រយុទ្ធគ្នារវាងកម្ពុជា និងថៃ ពោលគឺចាប់ពីថ្ងៃទី២៤ ខែ​កក្កដា ឆ្នាំ២០២៥ រហូតដល់ថ្ងៃកិច្ចព្រមព្រៀងបទឈប់បាញ់ថ្ងៃទី២៨ ខែកក្កដា ឆ្នាំ២០២៥ មានភស្តុតាងជាច្រើនចង្អុលបង្ហាញថា លោក Boosin Padklang មេបញ្ជាការយោធភូមិភាគ២ថៃ គឺជាឧក្រិដ្ឋជនសង្គ្រាមប្រចាំតំបន់អាស៊ាន​ឆ្នាំ២០២៥​។ មេបញ្ជាការយោធភូមិភាគ២ថៃរូបនេះបានប្រែក្លាយជម្លោះ​ព្រំដែន​ដែល​ជារឿងបច្ចេកទេសសុទ្ធសាធ ទៅជាជម្លោះប្រដាប់អាវុធ ក្នុងគោលបំណង​លេបត្របាក់ទឹកដីកម្ពុជា ដោយមិនញញើតច្បាប់អន្តរជាតិ និងការថ្កោលទោស​ពីសហគមន៍អន្តរជាតិ។ លោកបណ្ឌិត ជិន ចេស្តា បានឱ្យដឹងដែរថា ក្នុងប្រតិបត្តិការយោធាមក​លើទាហ៊ាន​ឈរជើងស្របច្បាប់កម្ពុជានៅតំបន់ប្រាសាទតាមាន់ ប្រាសាទតាក្របី…

(ភ្នំពេញ)៖ ប្រទេសកម្ពុជា ក្រោមការដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ជូនយ៉ាងជោគ​ជ័យនូវផែនការជាតិរួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា ដំណាក់កាលទី៣ (NDC 3.0) ទៅកាន់អនុសញ្ញាក្របខ័ណ្ឌសហប្រជាជាតិ ស្តីពីការប្រែប្រួលអាកាសធាតុ (UNFCCC) នៅថ្ងៃទី៨ ខែសីហា ឆ្នាំ២០២៥។ ការដាក់ជូននូវផែនការជាតិនេះ សបញ្ជាក់ពីការប្តេជ្ញាចិត្តឥតងាករេរបស់កម្ពុជា​ក្នុង​ការ​ឆ្លើយតបនឹងការប្រែប្រួលអាកាសធាតុសកល និងដើម្បីសម្រេចគោល​បំណង​នៃកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ។ NDC 3.0 របស់​កម្ពុជា​បានគូសបញ្ជាក់អំពីការពង្រឹងគោលដៅក្នុងការកាត់បន្ថយការ​បញ្ចេញ​ឧស្ម័ន​ផ្ទះកញ្ចក់និងការបន្ស៊ាំនឹងការប្រែប្រួលអាកាសធាតុ យុទ្ធសាស្ត្រតាម​វិស័យ និងការ​អនុវត្តវិធានការឆ្លើយតបដែលឆ្លុះបញ្ចាំងពីមហិច្ឆតារបស់​កម្ពុជា​ក្នុង​ដំណើរ​ឆ្ពោះទៅរកមាគ៌ានៃការអភិវឌ្ឍដែលបញ្ចេញកាបូនតិច និងធន់នឹង​អាកាស​ធាតុ ។ NDC 3.0 ត្រូវបានរៀបចំឡើងដោយផ្អែកលើ NDCs ដែលបានរៀបចំកន្លងមក ដោយ​មានការ​រួមបញ្ចូលនូវបទពិសោធន៍ គោលនយោបាយថ្មីៗ ការវិភាគវិទ្យាសាស្ត្រ និងការចូល​រួម​ពី​គ្រប់​ភាគីពាក់ព័ន្ធប្រកបដោយបរិយាបន្ន។ NDC 3.0 មានគោល​ដៅកាត់បន្ថយ​ការ​បញ្ចេញឧស្ម័នផ្ទះកញ្ចក់រហូតដល់ ៥៥% ឬស្មើនឹងប្រមាណ ៧៣.៧ MtCO2e (លានតោននៃសមមូលឧស្ម័នកាបូនិក) នៅឆ្នាំ ២០៣៥ ក្រោម​សេណារីយ៉ូមាន​លក្ខខណ្ឌ។ កម្ពុជាត្រូវការថវិកាប្រមាណ ៣២.២២៩ ពាន់លាន​ដុល្លារ​អាម៉េរិក ដើម្បីសម្រេចនូវសកម្មភាពអាកាសធាតុ ទាំងការកាត់បន្ថយការ​បញ្ចេញឧស្ម័នផ្ទះ​កញ្ចក់ និងការបន្សាំនឹងការ​ប្រែប្រួល​អាកាសធាតុ។ កម្ពុជានៅតែបន្តប្តេជ្ញាចិត្តឥតងាករេក្នុងការចូលរួមចំណែកកិច្ចខិតខំប្រឹងប្រែងជាសកល…