សម្ដេចអគ្គមហាសេនាបតីតេជោហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជាបានបង្ហោះសារមួយនៅល្ងាចថ្ងៃទី ១០ សីហា ២០២៥ ពាក់ព័ន្ធនឹងប្រជាជនថៃ ចូលមកមើលសារនិងបញ្ចេញមតិអាក្រក់មកលើសម្ដេច ។ នៅក្នុងខ្លឹមសារដែលសម្ដេចបានបង្ហោះផ្សព្វផ្សាយពាក់ព័ន្ធនឹងការរំខានរបស់ពលរដ្ឋថៃ បានឱ្យដឹងថា៖ «ព្រឹកមិញខ្ញុំបានបង្ហោះសកម្មភាពវាយកូនគោលរបស់ខ្ញុំ។ខ្ញុំមិននឹកស្មានថាមានកាសែតថៃមួយយកទៅចុះផ្សាយនោះទេ ដែលនេះបង្ហាញឲ្យឃើញថាប្រជាជនថៃមួយចំនួនបានតាមដានសកម្មភាពខ្ញុំជាប្រចាំ» ។ សម្ដេចបានបន្តថា ៖« តាមការសង្កេត នៅពេលខ្ញុំបង្ហោះសារម្តងៗ មានប្រជាជនថៃលើស៥ភាគរយចូលមើល និងខ្ពស់​បំផុតពេល​ខ្ញុំបង្ហោះសារទាក់ទងដល់ការប្រើប្រាស់ចម្ពាមកៅស៊ូ ជាអាវុធ​ក្នុង​ចំណោម​អ្នកចូលមើលមានប្រ​ជាជនថៃ​ចំនួន17.1%ចូលមើលផងដែរ» ។ សម្ដេចបញ្ជាក់ថា៖« រៀងរាល់ការបង្ហោះរបស់ខ្ញុំតែងមានជនជាតិថៃដែលអាក្រក់មួយចំនួនចូលមករំខានដោយការខមិន(comments)ជាភាសារថៃឬអង់គ្លេសក្នុងន័យអាក្រក់ដល់កម្ពុជា។ខ្ញុំមិនឲ្យបិទចោលនោះទេតែពេលខ្លះ ខ្ញុំឆ្លើយតបខ្លីថា(Don’t Thai to me) » ។

(ភ្នំពេញ)៖ ប្រទេសកម្ពុជា តាមរយៈក្រសួងការបរទេសបានធ្វើការប្រកាសច្រានចោល ការចោទប្រកាន់ពីសំណាក់ប្រទេសថៃ ដែលថា កម្ពុជា បានដាក់មីនថ្មី ធ្វើឱ្យកងទ័ពថៃ ៣នាក់ រងរបួសក្នុងនេះម្នាក់បានពិការជើងម្ខាង ខណៈដើរល្បាតតាមខ្សែបន្ទាត់ព្រំដែន ។ ថ្លែងនៅថ្ងៃទី ១០ ខែសីហា ឆ្នាំ២០២៥នេះ ឯកត្តម ជុំ សុន្ទរី អ្នកនាំពាក្យក្រសួងការបរទេសកម្ពុជាឱ្យដឹងថា ក្រសួងការបរទេស និងអន្តរជាតិសូមប្រកាសបដិសេធយ៉ាងដាច់អហង្ការចំពោះសេចក្តីថ្លែ ងការណ៍របស់ថៃដែលចោទប្រកាន់ កម្ពុជា ដាក់មីនថ្មី នៅតាមព្រំដែន ។ ឯកឧត្តមបានបញ្ជាក់ថា៖« អាជ្ញាធរកម្ពុជា និងគ្រប់សកម្មភាពកំចាត់មីន និងជួយសង្គ្រោះជន ពិការដោយសារមីន បានប្រកាសបកស្រាយ និងបដិសេធរួចហើយចំពោះការចោទប្រកាន់ ដោយគ្មានមូលដ្ឋានរបស់ភាគីថៃនេះ»។ អ្នកនាំពាក្យក្រសួងការបរទេសបានលើកឡើងដោយបញ្ជាក់ថាគិតរហូតមកដល់ពេលបច្ចុប្បន្ននេះពុំមានការស៊ើបអង្កេតណាមួយដែលអាចជឿរជាក់បាន និងប្រកបដោយតម្លាភាព ត្រូវបានដំណើរការពាក់ព័ន្ធនឹងឧបទ្ទវហេតុដែលបានលើកឡើងដោយភាគីថៃនោះទេ។ កម្ពុជាសូមអំពាវនាវដោយឲ្យមានការអត់ធ្មត់ ហើយ ជៀសវាងនូវការចោទប្រកាន់ជាសាធារណៈដោយប្រញាប់ប្រញាល់ដែលវាអាចធ្វើឲ្យប៉ះពាល់ដល់ការជឿទុកចិត្តគ្នាទៅវិញទៅមក ហើយនឹងស្មារតីបទឈប់បាញ់ ដែលចូលរួមដើម្បីធ្វើការស្ថាបណាជាបន្ទាន់។ អ្នកនាំពាក្យបានលើកឡើងថាកម្ពុជាទាមទារឱ្យប្រទេសថៃគោរពដោយពេញលេញចំពោះកិច្ចព្រមព្រៀងដែលសម្រេចបាននៅក្នុងកិច្ចប្រជុំវិសាមញ្ញកន្លងមកថ្មីៗនេះ របស់គណៈកម្មការកិច្ចការព្រំដែនទូទៅកម្ពុជា ថៃ (GBC) ជាពិសេស កិច្ចព្រមព្រៀងការរក្សាទីតាំងឈរជើងរបស់កងទ័ពនាពេលបច្ចុប្បន្ន ហើយជៀសវាងធ្វើចលនា ឬក៏ល្បាតឆ្ពោះទៅទីតាំងម្ខាងទៀត ៕ ដោយ ៖ ម៉ាដេប៉ូរូបភាព…

(ភ្នំពេញ)៖ នៅថ្ងៃអាទិត្យ ទី ១០ ខែ សីហា ឆ្នាំ២០២៥នេះក្រុមអនុព័ន្ធយោធាបរទេសប្រចាំប្រទេសកម្ពុជា(MACPP)ដែលមាននិវេស្ថានទាំងក្នុង និង ក្រៅប្រទេសកម្ពុជាបានចេញដំណើរឆ្ពោះពីរាជធានីភ្នំពេញទៅកាន់ ខេត្តឧត្តរមានជ័យដើម្បីពិនិត្យស្ថានភាពជាក់ស្តែង និងទីតាំង ស្នាក់នៅរបស់ជនភៀសសឹក ដែលមានមកពីប្រទេសចំនួន៩ និងមានចំនួនអ្នកចូលរួម ១៤រូប។ ក្នុងចំណោម៩ប្រទេសនេះរួមមាន អូស្រ្តាលី អង់គ្លេស កាណាដា ចិន បារាំង ជប៉ុន កូរ៉េខាងត្បូង ឡាវ និងវៀតណាម។នេះបើតាមការបញ្ជាក់ពីសំណាក់ អ្នកនាំពាក្យក្រសួងការពារជាតិកម្ពុជា។ ថ្លែងនៅព្រឹកថ្ងៃទី ១០ ខែសីហា ឆ្នាំ២០២៥នេះ លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងអ្នកនាំពាក្យក្រសួងការពារជាតិឱ្យដឹងថា ៖ ការចុះពិនិត្យដល់ទីតាំងជាក់ស្តែងពីសំណាក់អនុព័ន្ធយោធាបរទេសនេះដែរនឹងមានការចូលរួម និងដឹកនាំដោយមន្រ្តីជាន់ខ្ពស់កងទ័ពកម្ពុជាដើម្បីឱ្យបេសកម្មប្រព្រឹត្តិទៅដោយរលូន និងទទួលបានជោគជ័យ។សម្រាប់បេសកម្មរបស់អនុព័ន្ធយោធានេះដែរកើតឡើងដោយសារសមិទ្ធផលនៃកិច្ចព្រមព្រៀងបទឈប់បាញ់រវាងកម្ពុជានិង ថៃ កាលពីថ្ងៃទី២៨ ខែកក្ដដា ឆ្នាំ២០២៥។ ជាមួយគ្នានេះអ្នកនាំពាក្យក្រសួងការពារជាតិបានថ្លែងឱ្យដឹងដែរថាគិតរហូតមកទល់ពេលនេះគឺមានរយៈពេល១២ថ្ងៃហើយដែលកងកម្លាំងរបស់យើងនៅសេសសល់ចំនួន១៨នាក់ទៀតនោះពុំទាន់ត្រូវបានភាគីថៃដោះលែងនៅឡើយទេ ខណៈដែលកម្ពុជាម្តងហើយម្តងទៀតតែងតែស្នើសុំឱ្យមានការដោះលែងស្របតាមច្បាប់មនុស្សធម៌អន្តរជាតិ និងស្របតាមការអំពាវនាវរបស់បណ្តាប្រទេសកៃគូ រួមនឹងស្ថាប័នអន្តរជាតិនានា។ លោកជំទាវបានថ្លែងដោយបញ្ជាក់បន្ថែមថា ខេមរភូមិន្ទ ព្រមទាំងសហគមន៍អន្តរជាតិ គឺតែងតែទទូចទាមទាររហូតទាល់តែខាងភាគីថៃបំពេញកាតព្វកិច្ចរបស់ខ្លួននៅក្រោមច្បាប់អន្តរជាតិ ដោយយើងមិនទុកគ្រួសាររបស់យើងណាម្នាក់ចោលសោះឡើយ ហើយកម្ពុជា សូមគូសបញ្ជាក់យ៉ាងម៉ឺងម៉ាត់…

ភ្នំពេញ ៖ ឯកឧត្តមប៉ែន បូណា អ្នកនាំពាក្យរាជរដ្ឋាភិបាលកម្ពុជា បានថ្លែងនៅក្នុងសន្និសីទសារព័ត៌មាននៅវេលាម៉ោង១១ថ្ងៃត្រង់ ថ្ងៃទី០៩ សីហា ២០២៥ បានឱ្យដឹងថា ភាគីកម្ពុជាបាន​អនុវត្តយ៉ាង​ខ្ជាប់ខ្ជួន​នូវកិច្ចព្រមព្រៀងបទឈប់បាញ់ ដោយរក្សាភាពស្ងៀមស្ងាត់ និងការអត់​ធ្មត់ខ្ពស់បំផុត ។ ប៉ុន្តែ ទន្ទឹមនឹងនោះដែរ​យើងសង្កេត​ឃើញ​ថាមានព័ត៌មានក្លែងក្លាយច្រើនណាស់ ដែលចេញមកពីភាគី ថៃ ដែលជា​ព័ត៌មានភូតកុហក នៅក្នុងអំឡុងពេល​ដែលយើងកំពុ​ង​តែអ​នុវត្ត​ន៍បទឈប់បាញ់នេះ ។ ឯកឧត្តមបានបន្តថា អ្នកនាំពាក្យរាជរដ្ឋាភិបាលកម្ពុជា កត់​សម្គាល់ឃើញថា ព័ត៌មានមិនពិត ភូតកុហកទាំងអស់នោះ ពុំបានផ្ដល់​ផល​ប្រយោជន៍អ្វីទេ កុំថាឡើយដល់ទៅប្រជាពលរដ្ឋខ្មែរ ហើយនិងសហគមន៍អន្តរជាតិដែលមិនជឿ លើព័ត៌មានទាំងនោះ សូម្បីតែប្រជាពលរដ្ឋថៃខ្លួនឯង ក៏មានមន្ទិលសង្ស័យលើព័ត៌មានដែលបញ្ចេញដោយរាជរដ្ឋាភិបាលនិងកងទ័ព​ថៃដែរ ។ ដូច្នេះសូមភាគីថៃបង្ហាញនូវឆន្ទៈ និងការប្ដេជ្ញាចិត្ត គោរពកិច្ចព្រមព្រៀងបទឈប់បាញ់ដោយស្មោះត្រង់ ដើម្បីរក្សា​សន្តិភា​ពក្នុងប្រទេសទាំងពីរ និងផ្ដល់ផលប្រយោជន៍ដល់ពលរដ្ឋទាំងពីរ ( កម្ពុជា-ថៃ ) ។

(ភ្នំពេញ)៖ មន្រ្តីមន្ទីរពិសោធន៍ទូទាំងប្រទេសត្រូវហ៊ានដាក់គោលដៅខ្ពស់ សម្រាប់គុណភាពមន្ទីរពិសោធន៍ ហើយត្រូវខិតខំប្រឹងប្រែងរក្សានិរន្តរភាព នៃគុណភាព មុននឹងឈានទៅពង្រើក និងពង្រឹងសេវាថ្មីបន្ថែមទៀត ដែល លទ្ធផលចុងក្រោយប្រទេសកម្ពុជា នឹងមានមន្ទីរពិសោធន៍វេជ្ជសាស្រ្តដែលមានគុណភាពនៅទូទាំងប្រទេស។ លើសពីនេះទៀត មន្ទីរពិសោធន៍វេជ្ជសាស្រ្តទាំងអស់ត្រូវចូលរួមបង្កើតជាប្រព័ន្ធប្រទាក់ក្រឡាគ្នាមួយសម្រាប់តាមដាន និង គ្រប់គ្រងមេរោគដែលអាចបង្ករជាជំងឺរាតត្បាតនៅក្នុងប្រទេស ក្នុងតំបន់ ឬនៅលើសកលលោក។ ឯកឧត្តមសាស្ត្រាចារ្យ ឈាង រ៉ា រដ្ឋមន្រ្តីក្រសួងសុខាភិបាល មានប្រសាសន៍ណែនាំបែបនេះ នារសៀលថ្ងៃទី០៨ ខែសីហា ឆ្នាំ២០២៥ ក្នុងពិធីប្រគល់វិញ្ញាបនបត្រដល់មន្ទីរពិសោធន៍ដែលបានទទួលស្គាល់គុណភាពស្តង់ដាអន្តរជាតិ ISO 15189 Plus ដល់មន្ទីរពិសោធន៍ចំនួន ៣ រួមមាន វិទ្យាស្ថានជាតិសុខភាពសាធារណៈ មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ (NCHADS) និងមន្ទីរពេទ្យបង្អែកខេត្តសៀមរាប ដែលមានសុពលភាពចាប់ពីឆ្នាំ ២០២៥ ដល់ ២០២៩។ ពិធីនេះមានការចូលរួមពី ថ្នាក់ដឹកនាំក្រសួងសុខាភិបាល តំណាងស្ថានទូតសហរដ្ឋអាមេរិកប្រចាំនៅកម្ពុជា ប្រធានមជ្ឈមណ្ឌលត្រួតពិនិត្យ និងបង្ការជំងឺឆ្លងរបស់សហរដ្ឋអាមេរិក ប្រចាំនៅកម្ពុជា មន្ទីរសុខាភិបាលខេតសៀមរាប តាកែវ បាត់ដំបង មន្ទីរពិសោធន៍នៃមន្ទីរពេទ្យថ្នាក់ជាតិ និងថ្នាក់ក្រោមជាតិ អង្គការដៃគូអន្តរជាតិ និងមន្រ្តីបច្ចេកទេសមន្ទីរពិសោធន៍។ ឯកឧត្តមសាស្រ្តាចារ្យ…

(កំពង់ឆ្នាំង)៖ អនុប្រធានទី២ ព្រឹទ្ធសភា លើកទឹកចិត្ត ដល់ម្ចាស់កសិដ្ឋានចិញ្ចឹមត្រី និងសិប្បករកែច្នៃត្រី ឱ្យបន្តខិតខំប្រឹងប្រែងចិញ្ចឹមត្រី និងកែច្នៃត្រីប្រកបដោយអនាម័យ និងគុណភាព ។ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា ថ្លែងដូច្នេះ ក្នុងពេលអញ្ជើញចុះទៅពិនិត្យស្រះចិញ្ចឹមត្រី និងការកែច្នៃត្រី ក្នុងខេត្តកំពង់ឆ្នាំង នាព្រឹកថ្ងៃទី៨ ខែសីហា ឆ្នាំ២០២៥ អមដំណើរដោយថ្នាក់ដឹកនាំក្រសួងកសិកម្ម ថ្នាក់ដឹកនាំខេត្ត និងមន្ត្រីខុទ្ទកាល័យ ដើម្បីពិនិត្យលទ្ធភាពក្នុងការពង្រីកទីផ្សារផ្គត់ផ្គង់បន្ថែម ។ បច្ចុប្បន្ននេះ ផលិតផលខ្មែរមួយចំនួន បាននិងកំពុងដាក់ផ្គត់ផ្គង់នៅតាមទីផ្សារ និងទទួលបានការគាំទ្រច្រើនពីសំណាក់អតិថិជនក្នុងស្រុក ជាពិសេសក្នុងបរិបទនៃជម្លោះព្រំដែន កម្ពុជា-ថៃ ដែលកម្ពុជាមិនគ្រាន់តែមានឱកាសជំរុញការផលិតទំនិញបន្ថែមប៉ុណ្ណោះទេ ថែមទាំងអាចជំរុញការគាំទ្រផលិតផលខ្មែរផងដែរ។ ឯកឧត្តមបណ្ឌិត ធន់ វឌ្ឍនា បានលើកទឹកចិត្ត ដល់ម្ចាស់កសិដ្ឋានចិញ្ចឹមត្រី និងសិប្បករកែច្នៃត្រី ឱ្យបន្តខិតខំប្រឹងប្រែងចិញ្ចឹមត្រី និងកែច្នៃត្រីប្រកបដោយអនាម័យ និងគុណភាព ដើម្បីផ្គត់ផ្គង់លើទីផ្សារនូវអាហារសម្រាប់សុខភាព ជាពិសេសជំនួសទំនិញនាំចូលមួយចំនួនពីខាងក្រៅស្រុក ៕ ដោយ ៖ វណ្ណលុក

(ភ្នំពេញ)៖ លោកជំទាវ ម៉ាលី សុជាតា អ្នកនាំពាក្យក្រសួងការពារជាតិកម្ពុជាបានថ្លែងបញ្ជាក់នៅព្រឹកថ្ងៃទី០៩ ខែសីហា ឆ្នាំ២០២៥នេះថា ៖ បើតាម កាកបាទក្រហមអន្តរជាតិ បានបញ្ជាក់ពី យោធាកម្ពុជាដែលត្រូវបានទាហានថៃធ្វើការចាប់ខ្លួនទាំង១៨នាក់ក្រោយបទឈប់បាញ់ និង កំពុងត្រូវបានគ្រប់គ្រងដោយទាហានថៃ នៅខណៈពេលនេះមានសុខភាពល្អ និង សុវត្តិភាពផងដែរ។ ថ្លែងនៅថ្ងៃទី៩ ខែសីហា ឆ្នាំ២០២៥ តាមរយៈការផ្សាយផ្ទាល់ពិសេសពី សេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅថ្ងៃទី៩ ខែសីហា ឆ្នាំ២០២៥ អ្នកនាំពាក្យក្រសួងការពារជាតិកម្ពុជាបានឱ្យដឹង”បើតាមការផ្តល់ព័ត៌មាន ដោយប្រតិភូកងទ័ពថ្នាក់តំបន់នៃគណៈកម្មការកាកបាទក្រហមអន្តរជាតិ នៅរសៀលថ្ងៃទី៨ ខែសីហាម្សិលមិញគឺថាទាហានទាំងអស់ដែលទាហានថៃកំពុងគ្រប់គ្រងកំពុងមានសុវត្តិភាព និងសុខភាពល្អ។ តាមរយៈការធ្វើសេចក្តីសង្ខេបព័ត៌មានប្រចាំថ្ងៃនេះដែរ អ្នកនាំពាក្យក្រសួងការពារជាតិ កម្ពុជានៅតែបន្តទទូឱ្យភាគីថៃធ្វើការប្រញាប់ប្រគល់ជូនទាហានទាំង ១៨ រូបមកកម្ពុជាវិញឱ្យបានឆាប់រហ័សបំផុត។ជាមួយគ្នានេះអ្នកនាំពាក្យក្រសួងការពារជាតិបានបញ្ជាក់ដែរថាទាំងក្រសួងការពារជាតិ និង កងយោធាខេមរៈភូមិន្ទនិងមិនបោះបង់ចោលសមាជិករបស់ខ្លួននោះទេទោះក្នុងតម្លៃណាក៏ដោយ។ គួរបញ្ជាក់ដែរថា បើតាមអ្នកនាំពាក្យក្រសួងការពារជាតិ ឱ្យដឹងដែរថាបើគិតមកត្រឹមថ្ងៃទី ៩សីហា ឆ្នាំ២០២៥វេលាម៉ោង ៦:០០ព្រឹកនេះស្ថានភាពនៅតាមតំបន់ព្រំដែននៅខេត្តព្រះវិហារ និង ខេត្តឧត្តរមានជ័យ មានភាពស្ងប់ស្ងាត់ល្អ ប៉ុន្តែកងកម្លាំងរបស់កម្ពុជាបានប្រុងប្រយ័ត្ននិងត្រៀមក្នុងកំម្រិតខ្ពស់ជានិច្ច ៕ ដោយ ៖ ម៉ាដេប៉ូ

(ភ្នំពេញ)៖ សម្ដេចតេជោ ហ៊ុន សែន អស់សំណើច ដែលសាកលវិទ្យាល័យថៃមួយ បោះឆ្នោតដកហូតសញ្ញាបត្រពីសម្ដេច ខណៈសញ្ញាបត្រនោះ សម្ដេច បានបោះចោលក្នុងបង្គន់បាត់ទៅហើយ តាំងពីឆ្នាំ២០០៨ ។ តាមរយៈបណ្ដាញសង្គមនាយប់ថ្ងៃទី៨ ខែសីហា ឆ្នាំ២០២៥ សម្ដេចតេជោហ៊ុនសែនបានលើកឡើងដូច្នេះថា គួរអស់សំណើចណាស់ ថ្ងៃនេះខ្ញុំលឺថា សាកលវិទ្យាល័យថៃមួយនោះដែលខ្ញុំមិនចាំឈ្មោះផង បានបោះឆ្នោតដកហូតសញ្ញាបត្រពីខ្ញុំ ។ ខ្ញុំសូមបញ្ជាក់ប្រាប់អ្នកវិញថា អ្នកមិនបាច់ដកចេញសញ្ញាបត្រពីខ្ញុំនោះទេ ព្រោះខ្ញុំបានបោះវាចោលចូលក្នុងបង្គន់តាំងពីឆ្នាំ២០០៨ នៅពេលដែលថៃលើកកងទ័ព ចូលឈ្លានពានប្រាសាទព្រះវិហាររបស់ខ្មែរមកម៉្លេះ ! សញ្ញាបត្ររបស់អ្នកគ្មានតម្លៃណាមួយសម្រាប់ខ្ញុំរក្សាទុកនោះទេ។ ខ្ញុំមិនមានមោទនភាពណាមួយចំពោះក្រដាសសញ្ញាបត្រមួយសន្លឹករបស់អ្នកនោះឡើយ។ ខួរក្បាលរបស់ ហ៊ុន សែន មិនមែនកើតចេញពីសាលារបស់អ្នកឯងនោះទេ ខួរក្បាលរបស់ ហ៊ុនសែន គឺកើតចេញពីការបង្រៀនរបស់ប្រជាជនខែ្មរ និងសាលារៀនរបស់កម្ពុជា ៕ It is quite ridiculous. Today, I heard that a university in Thailand, whose name I can’t even…