អាមេរិក ៖ រដ្ឋមន្ត្រីការបរទេសអាមេរិក បានប្រកាសស្វាគមន៍ កិច្ចប្រជុំវិសាមញ្ញគណៈកម្មាធិការព្រំដែនទូទៅ ហៅកាត់ GBC រវាងកម្ពុជា-ថៃ កាលពីថ្ងៃទី៧ ខែសីហា នៅទីក្រុង គូឡា ឡាំពួ ដោយចាត់ទុកថា « ជាជំហានដ៏សំខាន់ឆ្ពោះទៅមុខ ដើម្បីពង្រឹងការអនុវត្តបទឈប់បាញ់ និង ការបង្កើតយន្តការសង្កេតការណ៍ អាស៊ាន»។ យោងតាមសេចក្តីថ្លែងការណ៍ របស់លោករដ្ឋមន្ត្រី Marco Rubio ចេញផ្សាយដោយ ក្រសួងការបរទេសអាមេរិក បានរៀបរាប់ទៀតថា «លោកប្រធានាធិបតី Trump និងខ្ញុំ រំពឹងថា រដ្ឋាភិបាលកម្ពុជា និង ថៃ នឹងគោរពយ៉ាងពេញលេញ នូវការប្តេជ្ញាចិត្ត របស់ប្រទេសទាំងពីរ ក្នុងការបញ្ចប់ជម្លោះនេះ។ យើងនៅតែដឹងគុណ ចំពោះនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម សម្រាប់ការដឹកនាំរបស់លោក និង សម្រាប់ការធ្វើជាម្ចាស់ផ្ទះ នៃដំណើរការបទឈប់បាញ់ ដែលជាលទ្ធផលផ្ទាល់ នៃ ឆន្ទៈរបស់លោក ក្នុងការរៀបចំកិច្ចប្រជុំពិសេស ថ្ងៃទី២៨ ខែកក្កដា ជាមួយសហរដ្ឋអាមេរិក ដើម្បីដោះស្រាយជម្លោះ»។…

(ភ្នំពេញ)៖ គិតរាប់ចាប់តាំងតែពីម៉ោង១២រំលងអធ្រាត្រ មកដល់វេលាម៉ោង ៦,០០ ព្រឹកថ្ងៃទី០៨ ខែសីហា ឆ្នាំ២០២៥នៅទិសខាង ខេត្ត ព្រះវិហារ និង ឧត្តរមានជ័យ សភាពការណ៍ តាមខ្សែបន្ទាត់ព្រំដែនកម្ពុជា-ថៃមានសភាពស្ងប់ស្ងាត់។ បញ្ជាក់នាព្រឹកថ្ងៃទី ០៨ ខែសីហានេះ លោកជំទាវ ម៉ាលី សុជាតា អ្នកនាំពាក្យក្រសួងការពារជាតិ បានឱ្យដឹងថា បើទោះជាសភាពការណ៍តាមព្រំដែនស្ងប់ស្ងាត់យ៉ាងណាក្តី ប៉ុន្តែ កងកំលាំងរបស់កម្ពុជា នៅតែប្រុង ប្រយ័ត្នខ្ពស់ជានិច្ចក្នុងការទប់ស្កាត់ការចូលមកដែនអធិបតេយ្យភាពកម្ពុជាពីសំណាក់កងទ័ពថៃ ។ កងកំលាំងកម្ពុជាយើងមានការប្រុងប្រយ័ត្នខ្ពស់ និងអនុវត្តតួនាទីភារកិច្ចរបស់ ខ្លួន យ៉ាងខ្ជាប់ខ្ជួន ។ ជាមួយគ្នានេះអ្នកនាំពាក្យក្រសួងការពារជាតិបានលើកឡើង ចំពោះអំពីលទ្ធផល នៃកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) ដែលទើបបានបញ្ចប់កាលពី ថ្ងៃទី ០៧ ខែសីហា ឆ្នាំ២០២៥ ក្នុងទីក្រុង កូឡាឡាំពួរ ប្រទេសម៉ាឡេស៊ីវិញ ត្រូវបានលោកជំទាវអ្នកនាំពាក្យបានគូសបញ្ជាក់ថា កម្ពុជាក៏បានស្នើឱ្យមានការដោះលែងកងកំលាំងកម្ពុជាទាំង ១៨រូបដែលស្ថិតក្រោមការឃុំគ្រងរបស់កងទ័ពថៃឱ្យបានឆាប់រហ័សបំផុត។ ក្រសួងការពារជាតិកម្ពុជា និង កងយោធពលខេមរភូមិន្ទបានប្តេជ្ញាថាមិនទុកចោលសមាជិកខ្លួនណាម្នាក់ឡើយ ៕ ដោយ ៖ ម៉ាដេប៉ូ ,វេង…

(ភ្នំពេញ)៖ ក្រោយការសម្រេចបានលទ្ធផល នៅក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) ដែលទើបបានបញ្ចប់ទៅថ្ងៃម្សិលម៉ិញនេះ(ថ្ងៃទី ០៧ ខែ សីហា)ក្នុងទីក្រុង កូឡាំពួរ ប្រទេស ម៉ាស៊ី ដោយក្នុងលទ្ធផលនៃកិច្ចប្រជុំនេះមានការសាទរគាំទ្រពីសំណាក់ យ៉ាងខ្លាំងក្លា ពិសេស ពី រដ្ឋមន្រ្តីក្រសួងការបរទេសសហរដ្ឋអាមេរិក និង ក្រសួងការបរទេសចិន ។ នេះបើតាមការបញ្ជាក់ពីសំណាក់ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា។ ថ្លែងក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅថ្ងៃទី៨ ខែសីហា ឆ្នាំ២០២៥នេះ នាទីស្តីការគណៈរដ្ឋមន្ត្រី ឯកឧត្តម ប៉ែន បូណា អ្នកនាំពាក្យ រាជរដ្ឋាភិបាលកម្ពុជា ឱ្យដឹងថា ៖ ក្រៅអំពីបង្ហាញការសាទរពីសំណាក់ប្រទេសធំៗចំនួនពីរ គឺ រដ្ឋមន្រ្តីក្រសួងការបរទេសសហរដ្ឋអាមេរិកនិងក្រសួងការបរទេសចិនហើយ ក្នុងថ្ងៃដដែលនេះ សម្តេចបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក៏បានផ្ញើលិខិតផ្លូវការមួយទៅគណៈកម្មការពានរង្វាន់ណូបែលសន្តិភាព ដើម្បីគាំទ្របេក្ខភាព ឯកឧត្តមប្រធានាធិបតីសហរដ្ឋអាមេរិក ដូ ណាល់ត្រាំ សម្រាប់ពានរង្វាន់ណូបែលសន្តិភាព ។ ឯកឧត្តម វ៉ាង…

(ខេត្តកែប)៖ លោកជំទាវ ឃុន ណៃហៀក អនុរដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ និង លោក ព្រុំ គន្ធិ អភិបាលរង នៃគណៈអភិបាលខេត្តកែប ព្រមទាំងអាជ្ញាធរពាក់ព័ន្ធ កាលពីព្រឹកថ្ងៃទី៧ ខែសីហា ឆ្នាំ២០២៥ បានអញ្ជើញបើកកម្មវិធី «វេទិកាការងារ» របស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ ដើម្បីនាំយកឱកាសការងារជូនដល់បងប្អូនប្រជាពលរដ្ឋ ជាពិសេស ពលករខ្មែរដែលទើបត្រឡប់មកពីប្រទេសថៃ នៅសាលាស្រុកដំណាក់ចង្អើរ ខេត្តកែប។ ក្នុងឱកាសនោះ ក្រុមការងាររបស់ក្រសួងបានផ្សព្វផ្សាយអំពីឱកាសការងារ ការបណ្តុះបណ្តាលជំនាញបច្ចេកទេស និងវិជ្ជាជីវៈ និងអត្ថប្រយោជន៍នៃរបបសន្តិសុខសង្គម (ប.ស.ស.) ជូនដល់អ្នកចូលរួមប្រមាណជាង ២០០នាក់ ក្នុងស្រុកដំណាក់ចង្អើរ ខេត្តកែប ។ ក្នុងនោះ បងប្អូនប្រជាពលរដ្ឋ ជាពិសេស បងប្អូនពលករខ្មែរចំនួន ៦៧នាក់បានទទួលការងារភ្លាមៗពីក្រុមហ៊ុនធំៗ ដែលមានតម្រូវការកម្លាំងពលកម្មសរុបចំនួនជិត ១ពាន់កន្លែង៕ ដោយ ៖ ង៉ាន់ ទិត្យ

សៀមរាប៖ សម្តេចមហាមន្ត្រី គុយ សុផល ឧបនាយករដ្ឋមន្ត្រី រដ្ឋមន្ត្រី​ក្រសួង​ព្រះ​បរមរាជវាំង និងឧត្តមប្រឹក្សា​ផ្ទាល់​ព្រះមហាក្សត្របាន​អញ្ជើញជាអធិបតី ដឹកនាំពិធីបួងសួងសុំសុខសន្តិភាពដល់ព្រះរាជាណា​ចក្រ​កម្ពុជា នៅទីសក្ការៈ​បូជាចំនួនបីស្ថិតនៅក្នុងខេត្តសៀមរាប។ ទីសក្ការៈបូជាទាំង៣ដែលបានប្រារព្ធពិធីបួងសួងកាលពីថ្ងៃទី៧ ខែសីហា ឆ្នាំ២០២៥មាន ១.ព្រះអង្គចូលបរិនិព្វាន លើភ្នំគូលែន ,២.ព្រះអង្គ​គោកធ្លក នៅក្នុងតំបន់អភិរក្សអង្គរ,៣.ព្រះអង្គចេក ព្រះអង្គចម និងរូបសំណាកមេទ័ព នៅមុខព្រះរាជដំណាក់សៀមរាប។ ពិធីបួងសួងនេះដែរយោងតាមព្រះរាជតម្រិះដ៏ខ្ពង់ខ្ពស់ របស់ព្រះករុណា ព្រះមហាក្សត្រនៃ​ព្រះរាជា​ណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ ដែលជាទីគោរពសក្ការៈ​។ ក្នុងឱកាសនេះសម្តេចមហាមន្ត្រី គុយ សុផល បានឧទ្ទិសថ្វាយចំពោះព្រះ​តេជ​ះ​បារមីនៃព្រះបរមអតីត​ព្រះមហាក្សត្រ​គ្រប់ព្រះអង្គព្រមទាំង​ទេវតា​ទាំង១០,០០០ លោកធាតុក្នុងលោក សូមបានប្រោសប្រទានពរជ័យ សិរីសួស្តី ជ័យមង្គល វិបុលសុខគ្រប់ប្រការដល់ព្រះរាជាណាចក្រកម្ពុជា និងប្រជានុរាស្រ្តគ្រប់ស្រទាប់។សម្តេចបានបន្តបួងសួង​សម្រាប់វីរកង​ទ័ពខ្មែរជួរមុខ ដែលបានលះបង់សាច់ឈាម និងអំណាចគ្រប់យ៉ាងដើម្បី​ការពារសូរិយោដីជាតិ សូមបានទទួលជោគជ័យ និងសុវត្ថិភាពគ្រប់​កាលៈទេសៈ។ ព្រមទាំងសូមឱ្យព្រះរាជាណាចក្រកម្ពុជាមានសុខសន្តិភាព ចម្រុងចម្រើនសម្បូរ​សុខសាន្ត​ជានិច្ចនិរន្តរ៍៕ដោយ៖​ប៊ុន​រដ្ឋា