(ភ្នំពេញ)៖ នាពេលនេះ ថៃបានកំពុងបានប្រើប្រាស់នូវអំពើទុច្ចរិតដោយបានប្រើប្រាស់នូវយុទ្ធនាការព័ត៌មានមិនពិតសំដៅធ្វើយ៉ាងណាបំភាន់ និង បំភ្លៃ ដល់សហគមន៍អន្តរជាតិជុំវិញបញ្ហាជម្លោះព្រំដែន។ លើកឡើងក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅថ្ងៃទី៧ ខែសីហា ឆ្នាំ២០២៥ នាទីស្តីការគណៈរដ្ឋមន្ត្រី ឯកឧត្តម ជុំ សុន្ទរី រដ្ឋលេខាធិការ និងជាអ្នកនាំពាក្យ ក្រសួងការបរទេស និងសហប្រតិបត្តិការអន្តរជាតិឱ្យដឹងថា ៖ កម្ពុជាកត់សម្គាល់ដោយស្រងាកចិត្តនូវយុទ្ធនាការព័ត៌មានមិនពិតដែលបាននិងកំពុង ដំណើរការដោយភាគីថៃ ស្របពេលដែលប្រទេសទាំងពីរកំពុងចូលរួមក្នុងកិច្ចសន្ទនាសម្រាប់ការអនុវត្តឱ្យពេញលេញនូវបទឈប់បាញ់ ។ យុទ្ធនាការនេះត្រូវបានគេមើលឃើញថាជាការប៉ុនប៉ងដើម្បីបំភាន់សហគមន៍អន្តរជាតិ ការបកស្រាយដោយខុសស្គងនូវជំហររបស់កម្ពុជា ហើយនិងការបង្វែងការចាប់អារម្មណ៍ពីសកម្មភាពរបស់ ខ្លួនឯងផ្ទាល់។ ឯកឧត្តមអ្នកនាំពាក្យបានគូសបញ្ជាក់ថាកម្ពុជាបានបង្ហាញឱ្យឃើញច្បាស់ជាប់ជានិច្ច នូវសុច្ឆន្ទៈ ការអត់ធ្មត់ និងការតាំងចិត្តចំពោះសន្តិភាព របស់ខ្លួន ។ ពិសេសតាមរយៈការគោរពដោយពេញលេញចំពោះកិច្ចព្រមព្រៀងឈប់បាញ់ ដែលសម្រេចបានក្នុងកិច្ចប្រជុំពិសេសកាលពីថ្ងៃទី២៨ ខែកក្កដា ឆ្នាំ២០២៥ នៅប្រទេសម៉ាឡេស៊ី ។ ជាមួយគ្នានេះកម្ពុជាបានចូលរួមយ៉ាងសុទ្ធចិត្ត យ៉ាងសកម្មក្នុងការចូលរួមកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC)ដើម្បីស្វែងរកដំណោះស្រាយផ្លូវការទូត និងតាមកិច្ចចរចា ចំពោះវិបត្តិបច្ចុប្បន្ន។រៀបចំដំណើរការចុះពិនិត្យរបស់អ្នកការទូតបរទេស និងបណ្តាទីភ្នាក់ងារសហប្រជាជាតិនៅតាមទីតាំងជនភៀសខ្លួន។ ឯកឧត្តម ជុំ សុន្ទរី បានថ្លែងថាកម្ពុជា មិនដែលបង្កប្រទូសសារ៉ាយណាមួយឡើយ ហើយសកម្មភាពយោធារបស់កម្ពុជាមានលក្ខណៈការពារខ្លួននៅក្នុងទឹកដីរបស់ខ្លួនប៉ុណ្ណោះ។ ជាមួយគ្នានេះអ្នកនាំពាក្យក្រសួងការបរទេសបានធ្វើការបញ្ជាក់បន្ថែមថា កម្ពុជាសូមធ្វើការបដិសេធយ៉ាងម៉ឺងម៉ាត់…

ភ្នំពេញ៖កិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ នឹងចាប់ផ្តើមនៅរសៀលថ្ងៃទី៧ ខែសីហា ឆ្នាំ២០២៥​នេះ​នាទីក្រុងគូឡាឡាំពួ ប្រទេសម៉ាឡេស៊ី ។ព្រះរាជាណាចក្រកម្ពុជាដឹកនាំដោយនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ និងភាគថៃដឹកនាំដោយរដ្ឋមន្ត្រីស្តីទីថៃលោកឧត្តមសេនីយ៍ Natthaphon Narkphanit ។តាមគម្រោងក៏នឹង​មាន​តំណាងមក​ពីប្រទេសម៉ាឡេស៊ី សហរដ្ឋអាមេរិក និងប្រទេសចិន ចូលរួមសង្កេតការណ៍ផងដែរ។ តាមរយៈសេចក្តីរាយការណ៍របស់លោក ពុយ គា ទីភ្នាក់ងារក្យូដូ ជប៉ុន រាយការណ៍ពីទីក្រុងគូឡាឡាំពួ​បានឱ្យដឹងថា ដោយឡែកកិច្ចប្រជុំថ្នាក់លេខាធិការដ្ឋានរវាងកម្ពុជា-ថៃ រយៈពេលបីថ្ងៃកន្លងមក (ថ្ងៃទី៤-៦ខែសីហា បានឯកភាព​គ្នាជាគោលការណ៍លើចំណុចមួយចំនួនស្ដីពីការអនុវត្តបទឈប់បាញ់តាមបណ្តោយព្រំដែននៃប្រទេសទាំងពីរ។ ក្នុងនោះក៏មានការព្រមព្រៀងគ្នាលើកិច្ចខិតខំប្រឹងប្រែងរបស់អ្នកសង្កេតការណ៍បណ្តោះអាសន្នដែលជាអនុព័ន្ធការពារជាតិអាស៊ានដើម្បីត្រួតពិនិត្យលើការប្រតិបត្តិជាក់ស្តែង។ ក្រុមអ្នកសង្កេតការបណ្តោះអាសន្នអាស៊ានមាន៧ប្រទេស​រួមមាន៖ ម៉ាឡេស៊ី ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន សិង្ហបុរី និងវៀតណាម។ នៅមានចំណុចសេសសល់​មួយ​ចំនួនទៀតដែលត្រូវពិនិត្យនិងពិភាក្សាឡើងវិញក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ នារសៀលថ្ងៃទី៧ ខែសីហានេះ។ ក្នុងសេចក្តីសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នាព្រឹកថ្ងៃទី៧ ខែសីហា​លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានឱ្យដឹងថា កិច្ចប្រជុំ​ក្រុម​លេខាធិការព្រំដែនទូទៅកម្ពុជា-ថៃ រយៈពេល៣ថ្ងៃមកនេះ គឺពីថ្ងៃទី៤ ដល់ទី៦សីហាកន្លងនេះ មានសញ្ញាវិជ្ជមាន​ជាច្រើនរវាងភាគីទាំងពីរ។ ក្រុមការងារលេខាធិការដ្ឋានកិច្ចការព្រំដែនទូទៅកម្ពុជា-ថៃ បានផ្លាស់ប្តូរនូវចំណុច​សំខាន់ៗជាច្រើនប្រកបដោយភាពវិជ្ជមាន ។ធាតុចូលជាច្រើនរបស់កម្ពុជា…

(ព្រៃវែង)៖ កាកបាទក្រហមកម្ពុជា ក្រោមម្លប់គង់ប្រថាប់ដ៏ឧត្តុង្គឧត្តមនៃ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានចាត់គណៈប្រតិភូចូលរួមគោរពវិញ្ញាណក្ខន្ធ និងរំលែកទុក្ខដ៏ក្រៀមក្រំបំផុតជាមួយក្រុមគ្រួសារសព ព្រិន្ទបាលឯក សំរិទ្ធ ព្រី ដែលបានពលីក្នុងសមរភូមិ ដែលពិធីបុណ្យសពធ្វើនៅគេហដ្ឋាន នៅភូមិកគោ ឃុំបន្ទាយចក្រី ស្រុកព្រះស្តេច ខេត្តព្រៃវែង។ ស្ថិតក្នុងមានទុក្ខដ៏ក្រៀមក្រំនេះ ឯកឧត្ដម វេជ្ជបណ្ឌិត សុខ ឡុង នាយកនាយកដ្ឋានសុខភាពកាកបាទក្រហមកម្ពុជា បាននាំយកសារលិខិតរំលែកទុក្ខរបស់ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រគល់ជូនក្រុមគ្រួសារសព ដែលក្នុងសារលិខិតនោះ សម្តេចកិត្តិព្រឹទ្ធបណ្ឌិត បានគូសបញ្ជាក់ថា «មរណភាពក្នុងបុព្វហេតុការពារបូរណភាពទឹកដី និងអធិបតេយ្យជាតិ របស់លោកព្រិន្ទលបាលឯក សំរិទ្ធ ព្រី គឺជាការបាត់បង់វីរយុទ្ធជន ដ៏អង់អាចក្លាហាន នៃកងយោធពលខេមរភូមិន្ទ ដែលមានទឹកចិត្តមោះមុតក្នុងសមរភូមិ ប្រយុទ្ធស៊ូប្តូរជីវិត តាមពាក្យស្លោក ជីវិតជូនជាតិមាតុភូមិ អដ្ឋិធាតុជូនប្រពន្ធ កូន និងក្រុមគ្រួសារ»។…

(ម៉ាឡេស៊ី)៖ សហរដ្ឋអាមេរិក បានបង្ហាញពីការត្រៀមខ្លួនក្នុងការចូលរួមឲ្យមានសន្តិភាពពិតប្រាកដរវាងកម្ពុជា-ថៃ តាមរយៈការអនុវត្តកិច្ចការជាបន្តបន្ទាប់រួមមាន ៖ ការធ្វើផែនការយោធា, គ្រឿងបរិក្ខារ, ប្រព័ន្ធបញ្ជូនកម្លាំង, ប្រព័ន្ធឃ្លាំមើលតាមអាកាស និងសម្ភារបច្ចេកទេសទំនើបជាច្រើនទៀត ។ ការបញ្ជាក់នេះ បានធ្វើឡើងក្នុងជំនួបរវាងឯកឧត្តម ទៀ សីហា រដ្ឋមន្ត្រីក្រសួងការពារជាតិកម្ពុជា ជាមួយនឹងនាយឧត្តមនាវី Samuel Paparo មេបញ្ជាការបញ្ជាការដ្ឋានឥណ្ឌូប៉ាស៊ីហ្វិក សហរដ្ឋអាមេរិក (USINDOPACOM) និងឯកឧត្តម Edgard Kagan ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសម៉ាឡេស៊ី នៅថ្ងៃទី០៦ សីហា ២០២៥ ម្សិលមិញ ។ ឯកឧត្តម ទៀ សីហា បានបញ្ជាក់ថា មន្ត្រីសហរដ្ឋអាមេរិកទាំង២រូប បានបញ្ជាក់ប្រាប់ឯកឧត្តមក្នុងជំនួបនោះ ពីជំហររបស់សហរដ្ឋអាមេរិកក្នុងការគាំទ្របទឈប់បាញ់ ដែលឯកឧត្តមប្រធានាធិបតី Donald Trump បានផ្តួចផ្តើម ដោយដឹកនាំពីភាគីម៉ាឡេស៊ី ជាប្រធានអាស៊ានប្តូរវេណ ក្នុងការអនុវត្តបទឈប់បាញ់។ ឯកឧត្តមទាំងពីរ ក៏បានបញ្ជាក់ទៀតថា នឹងតាមដានឲ្យការអនុវត្តនេះប្រកបដោយភាពជោគជ័យ និងមានប្រសិទ្ធភាព ហើយលោកនឹងចូលរួមគាំទ្រ ផ្នែកភស្តុភា និងបច្ចេកទេសសំខាន់ៗ ដើម្បីបង្កើតក្រុមការងារអ្នកសង្កេតការណ៍អាស៊ាន (AMT)…

(ព្រះវិហារ)៖ ព្រឹទ្ធសភា បានសម្តែងនូវគារវកិច្ចគោរពចំពោះវីរភាពអង់អាចក្លាហានមោះមុត របស់វីរយុទ្ធជន ដែលបាន និងកំពុងលះបង់កម្លាំងកាយ-ចិត្ត បូជាសាច់ស្រស់ ឈាមស្រស់ ដើម្បីបុព្វហេតុការពារជាតិមាតុភូមិកម្ពុជា ។ នេះជាការគូសបញ្ជាក់របស់ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា ក្នុងឱកាសអញ្ជើញជាតំនាងសម្ដេចតេជោ ហ៊ុន សែន ប្រធានព្រឹទ្ធសភា ដឹកនាំគណៈប្រតិភូព្រឹទ្ធសភា ប្រគល់អំណោយជាគ្រឿងឧបភោគបរិភោគ និងសម្ភារៈប្រើប្រាស់មួយចំនួន ជូនដល់កងពលតូចអន្តររាគមន៍លេខ៨ និងទីបញ្ជាការអន្តរាគមន៍ទួល ៩៥ នៅក្នុងបរិវេណសាលាខេត្តសៀមរាប និងបានចុះសាកសួរសុខទុក្ខ វីរយុទ្ធជនរងរបួសចំនួន ៣០នាក់ ក្នុងពេលប្រយុទ្ធជាមួយកងទ័ពឈ្លានពានថៃ ដែលកំពុងសម្រាកព្យាបាលនៅមន្ទីរពេទ្យបង្អែកខេត្ត នៅរសៀលថ្ងៃទី៦ខែសីហា ឆ្នាំ២០២៥ ។ ឯកឧត្តមអនុប្រធានទី១ ព្រឹទ្ធសភា បាននាំនូវការផ្ដាំផ្ញើសួរសុខទុក្ខ និងប្រសិទ្ធពរជ័យរបស់សម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ជូនដល់វីរយុទ្ធជន ដែលកំពុងឈរជើងយ៉ាងរឹងមាំនៅតាមបណ្តោយព្រំដែនកម្ពុជា-ថៃ និងវីរយុទ្ធជន ដែលកំពុងសម្រាកព្យាបាលស្នាមរបួសបង្កឡើងដោយសកម្មភាពឈ្លានពានយ៉ាងគឃ្លើនព្រៃផ្សៃថោកទាបរបស់កងទ័ពថៃ មកលើបូរណភាព ដែនដីកម្ពុជា។ ឯកឧត្តមអនុប្រធានទី១ បានវាយតម្លៃខ្ពស់ និងសម្តែងនូវគារវកិច្ច គោរពចំពោះវីរភាពអង់អាចក្លាហានមោះមុតរបស់វីរយុទ្ធជន ដែលបាន និងកំពុងលះបង់កម្លាំងកាយ-ចិត្ត បូជាសាច់ស្រស់ ឈាមស្រស់…

ភ្នំពេញ ៖ ក្នុងរយៈពេលប៉ុន្មានថ្ងៃមកនេះ បណ្ដាញសារព័ត៌មានរបស់ថៃជាច្រើនបានផ្សព្វផ្សាយព័ត៌មានមិនពិតដែលនាំឱ្យមានការយល់ច្រឡំមកលើកម្ពុជា ។ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា ឯកឧត្តម​ ជុំ សុន្ទរី បានបញ្ជាក់នៅក្នុងសន្និសីទសារព័ត៌មាន​វេលាម៉ោង១១​ថ្ងៃទី ០៧ សីហា ២០២៥​ឱ្យដឹងថា កម្ពុជាទាមទារឱ្យថៃ បញ្ឈប់ការផ្ដល់ព័ត៌មាននិងផ្សព្វផ្សាយព័ត៌មានមិនពិត ហើយវិលត្រលប់មករកកិច្ចសន្ទនាដោយសុចិត និងកិច្ចសហប្រតិបត្តិការក្នុងតំបន់ ។ ឯកឧត្តមបន្តថា ព័ត៌មានមិនពិតរបស់ប្រទេសថៃ បានធ្វើឱ្យមាន​ផលប៉ះ​ពាល់​ដល់​ការ​ជឿ​ទុក​ចិត្ត​នៃប្រទេសទាំងពីរ ហើយក៏ជាការ​គំរាមកំហែងចំពោះ វឌ្ឍន​ភាព​ដែល​សម្រេច​បានក្រោ​មកិច្ច​ព្រមព្រៀងឈប់បាញ់គ្នា ។ កម្ពុជានៅ​តែមា​នកា​រតាំង​ចិត្ត​នូវ​រាល់​ការដោះស្រា​យ​បញ្ហា​ទាំងអស់ដោយសន្តិវិធី តាមរយៈយន្តការការទូត ជាពិសេសគឺគណៈកម្មាធិការកិច្ចព្រំដែនទូទៅ ដែលបាន​ផ្ដល់នូវលទ្ធផលមួយចំនួន ។ ទន្ទឹមនឹងនោះដែរ កម្ពុជាក៏បានអំពាវនាវដល់សហគមន៍អន្តរជាតិ រួមទាំងប្រទេស​សមាជិក​អាស៊ាន បណ្ដាទីភ្នាក់ងារអង្គការសហប្រជាជាតិ បណ្ដាប្រទេសដែលសង្កេតការណ៍ ពិសេស​ប្រធាន​អាស៊ានបច្ចុប្បន្ន ម៉ាឡេស៊ី សហរដ្ឋអាមេរិក និងប្រទេសចិន សូមឱ្យ​គាំទ្រយន្តកា​រ​សត្យា​នុម័ត ដើម្បីត្រួតពិនិត្យសភាពការណ៍ ដូចជាការស្នើឡើងនូវយន្តការត្រួតពិនិត្យរបស់អាស៊ាន ។ កម្ពុជាក៏សូមអំពាវនាវដល់ប្រព័ន្ធឃោសនាទូទៅ សូមឱ្យស្វែងរកការពិត​ជាសត្យានុម័ត​ដោយគាំ​ទ្រដ​ល់យ​ន្តការផ្ទៀងផ្ទាត់ឯករាជ្យ ដូចជាការស្នើឡើងនូវក្រុមត្រួតពិនិត្យរបស់អាស៊ាន និង​ជៀស​​វាងនូវការផ្សាយការបកស្រាយជាឯកតោភាគី ដែលមិនគិតគូរ​ទៅ​ដល់​ការ​ពិត​ដែល​កើត​មានឡើង និងការបង្ហាញ ឱ្យច្បាស់នូវការតាំងចិត្តរបស់កម្ពុជាចំពោះការអត់ធ្មត់ ហើយ​និង​ការ​ទូត ៕

(ភ្នំពេញ)៖ បន្ទាប់ពីបញ្ចប់ដំណើរការកំណែសន្លឹកកិច្ចការ បូកពិន្ទុ និងផ្ទៀងផ្ទាត់ គណៈ​កម្មការប្រឡងប្រជែង សម្រាំងបានបេក្ខជនមន្រ្តីការទូតជាន់ខ្ពស់ ក្របខ័ណ្ឌ​ក្រសួង​ការបរទេស និងសហប្រតិបត្តិការអន្តរជាតិ ចំនួន ៧១នាក់ (ស្រី ២៨នាក់) ក្នុងចំណោម ៨០៣នាក់ នឹងត្រូវចូលរួមការប្រឡងប្រជែងវិញ្ញាសាសួរផ្ទាល់មាត់។ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជា​ប្រ​ធានគណៈកម្មការរៀបចំការប្រឡងប្រជែង ព្រមទាំងសមាជិក សមាជិកា នៃ​គណៈ​កម្មការ និងអនុគណៈកម្មការនានា តំណាងក្រសួង ស្ថាប័នពាក់ព័ន្ធ និងអ្នក​សង្កេត​ការណ៍ ល្ងាចថ្ងៃទី៦ ខែសីហា ឆ្នាំ២០២៥ នៅមណ្ឌលកំណែសាលាភូមិន្ទរដ្ឋបាល បានពិនិត្យផ្ទៀងផ្ទាត់ និងចុះហត្ថលេខាលើលទ្ធផល សម្រាប់ការបេក្ខជនប្រឡង​ប្រជែង​ជ្រើសរើសមន្រ្តីការទូតជាន់ខ្ពស់ (វិញ្ញាសាសរសេរលើកទី១)។ យោងតាមការបញ្ជាក់នៅក្នុងឱកាសផ្តល់បទសម្ភាសន៍ដល់អ្នកសារព័ត៌មានក្នុងឱកាសអញ្ជើញចូលរួមកាត់វិញ្ញាសារប្រឡងកាលពីពេលកន្លងទៅ លោកជំទាវ ពេជ្រ ពុទ្ធិសាធបូព៌ានាគី រដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា ក្រសួងនិងធ្វើការជ្រើសរើសជំនាញចំនួន៣ ក្នុងនោះទី១មន្រ្តីការទួត​ជាន់ខ្ពស់ផ្នែកច្បាប់ ទី២មន្រ្តីការទួតផ្នែកទំនាក់ទំនងអន្តរជាតិ និងទី៣ មន្រ្តីការទួត​ជាន់ខ្ពស់ផ្នែកសេដ្ឋកិច្ច ។ លោកជំទាវបន្ថែមថា ការប្រឡងជ្រើសរើសមន្រ្តីការទួត​ជាន់ខ្ពស់នេះ គឺបន្ទាប់ពីទទួលគោលការណ៍ពិសេសពីសម្តេចធិបតីនាយករដ្ឋមន្រ្តី គឺ​និងធ្វើការជ្រើសរើស៣ឆ្នាំជាប់គ្នា ដោយនៅក្នុង១ឆ្នាំជ្រើសរើសបានចំនួន…