(ត្បូងឃ្មុំ)៖ ឯកឧត្តម វង សូត អនុប្រធានទី២ រដ្ឋសភា នៃព្រះរាជាណាចក្រកម្ពុជា និងលោកជំទាវ រួមជាមួយឯកឧត្តម លោកជំទាវ តំណាងរាស្ត្រមណ្ឌលខេត្តត្បូងឃ្មុំ នាព្រឹកថ្ងៃទី៧ ខែសីហា ឆ្នាំ២០២៥ បានអញ្ជើញសួរសុខទុក្ខគ្រួសារសព លោក ព្រឹន្ទបាលទោ ឆៃ រ័ត្ន និងលោកអនុសេនីយ៍ឯក អ៊ុន វណ្ណា ដល់គេហដ្ឋានផ្ទាល់ ស្ថិតនៅស្រុកក្រូចឆ្មារ និងស្រុកមេមត់ ក្នុងខេត្តត្បូងឃ្មុំ។ លោក ព្រឹន្ទបាលទោ ឆៃ រ័ត្ន និងលោកអនុសេនីយ៍ឯក អ៊ុន វណ្ណា ជាយុទ្ធជនសមរភូមិជួរមុខ ដែលបានពលីជីវិតក្នុងការការពារបូរណភាពទឹកដី ពីការឈ្លានពានរបស់ទាហ៊ានសៀម រយៈពេល ៥ថ្ងៃ ចាប់ពីថ្ងៃទី២៤ ដល់ថ្ងៃ២៨ ខែកក្កដា ឆ្នាំ២០២៥ ហើយសពរបស់យុទ្ធជនទាំងពីររូប ត្រូវបានតម្កល់ធ្វើបុណ្យ តាមប្រពៃណីសាសនានៅតាមគេហដ្ឋានរៀងៗខ្លួន។ ឯកឧត្តម អនុប្រធានទី២រដ្ឋសភា បានសម្តែងនូវការដឹងគុណនូវគំរូវីរភាពដ៏អង់អាចរបស់យុទ្ធជនពលីគ្រប់រូប រដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត តែងតែគិតគូរនឹងយកចិត្តដាក់ ហើយបានរៀបចំដោះស្រាយគោលនយោបាយ ឧបត្ថម្ភទ្រទ្រង់ជីវភាពជូនក្រុមគ្រួសារសព បានយ៉ាងសមរម្យបំផុត។…

(ភ្នំពេញ)៖ ក្រសួងការពារជាតិបានបញ្ជាក់ប្រាប់ដល់សាធារណជន និងអ្នកសារព័ត៌មានជាតិ និងអន្តរជាតិអំពី លទ្ធផលកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) នៅប្រទេសម៉ាឡេស៊ី ។ គួរបញ្ជាក់ថា កិច្ចប្រជុំនេះបានដឹកនាំដោយ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៃព្រះរាជាណាចក្រកម្ពុជា និងឯកឧត្តម ណាត់ថាក់ផុន ណាកផានីត រដ្ឋមន្រ្តីស្តីទី ក្រសួងការពារជាតិ នៃព្រះរាជាណាចក្រថៃ បានប្រព្រឹត្តទៅក្នុងបរិយាកាសស្ថាបនា និងវិជ្ជមាន ដែលនាំមកនូវលទ្ធផលប្រកបដោយផ្លែផ្កា ភាគីទាំងពីរក៏បានឯកភាពលើលក្ខខណ្ឌនៃបទឈប់បាញ់ និងការរៀបចំយន្តការសម្រាប់អនុវត្ត។ ភាគីកម្ពុជា និងភាគីថៃបានឯកភាពអនុម័តនូវកំណត់ហេតុនៃកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) រវាងកម្ពុជា និងថៃ និងសេចក្តីថ្លែងការណ៍រួម។ អាស្រ័យដូចបានជម្រាបជូនខាងលើ សូមសាធារណជន និងអ្នកសារព័ត៌មានជាតិ និង អន្តរជាតិជ្រាបជាព័ត៌មាន ៕ ដោយ ៖ ម៉ាដេប៉ូ

យោងតាម​បណ្ដាញ​ផ្សព្វផ្សាយ​របស់សម្ដេច​ធិបតីបានបញ្ជាក់ថា កិច្ចប្រជុំនេះជាការអនុ​វ​ត្តនូ​វ​ចំណុ​ច​ដែ​លបា​ន​ឯកភាពគ្នា រវាងសម្ដេច​ និង ឯកឧត្ដម Phumtham Wechayachai​ នាយករដ្ឋមន្ត្រីស្តីទីនៃព្រះរាជាណាចក្រថៃ នៅក្នុងកិច្ចប្រជុំពិសេស នៅទីក្រុង Putrajaya, ប្រទេសម៉ាឡេស៊ីកាលពីថ្ងៃទី២៨ ខែកក្កដា ឆ្នាំ២០២៥ ដែលសហរៀបចំដោយម៉ាឡេស៊ី និងសហរដ្ឋអាមេរិក ដោយមានការចូលរួមដ៏សកម្មពីសាធារណរដ្ឋប្រជាមានិតចិន។ សម្ដេច​បញ្ជាក់ថា ភាគីទាំងពីរ កម្ពុជា-ថៃបានពិភាក្សានិ​ងឯកភា​ពគ្នាលើល​ក្ខខ​ណ្ឌ​នៃការអនុវត្តបទឈប់បាញ់ និងការបង្កើនការប្រាស្រ័យទាក់ទងគ្នារវាងកងទ័ពទាំងពីរ។ ភាគីទាំងពីរក៏បានយល់ព្រមជំរុញការរៀបចំលក្ខខណ្ឌប្រតិបត្តិនៃយន្តការតាមដានត្រួតពិនិត្យការអនុវត្តបទឈប់បាញ់របស់ក្រុមអ្នកសង្កេតការណ៍អាស៊ាន (ASEAN Observer Team) និងឯកភាពឱ្យមានក្រុមអ្នកសង្កេតការណ៍បណ្តោះអាសន្ន (Interim Observer Team) ដឹកនាំដោ​យអនុព័ន្ធយោធាម៉ាឡេស៊ីដើម្បីសង្កេតការណ៍ភ្លាមៗ និងបន្តរៀបចំ​ក្រុ​មអ្ន​ក​សង្កេ​តការណ៍អាស៊ាន (ASEAN Observer Team)។ ភាគីទាំងពីរក៏បានឯកភាព រៀបចំកិច្ចប្រជុំរួមនៃគណៈកម្មាធិការព្រំដែនថ្នាក់ភូមិភាគ (RBC) ក្នុងរង្វង់ពីរសប្តាហ៍ និងកិច្ចប្រជុំគណៈកម្មាធិការព្រំដែនទូទៅ កម្ពុជា-ថៃ (GBC) ក្នុងរង្វង់​មួយ​ខែ​ក្រោយកិច្ចប្រជុំវិសាមញ្ញ GBC នេះ។ ក្នុងករណីចាំបាច់ភាគី​ទាំងពីរអា​ចកោះ​ប្រ​ជុំ​ វិសាមញ្ញនៃគណៈកម្មាធិការព្រំដែនទូទៅ កម្ពុជា-ថៃ (Extraordinary GBC Meeting) ក្នុងទម្រង់ដូចលើកនេះ។ នៅក្នុងឱកាស​នោះ កម្ពុជាក៏បានស្នើសុំឲ្យមានការដោះលែងយោធិនកម្ពុជាទាំង ១៨រូបដែលស្ថិតនៅក្នុងការឃុំគ្រងរ​បស់កងទ័ពថៃឲ្យបានឆាប់រហ័សផងដែរ។

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត អបអរសាទរចំពោះការប្រព្រឹត្តទៅដោយជោគជ័យ នូវកិច្ចប្រជុំវិសាមញ្ញនៃគណៈកម្មាធិការព្រំដែនទូទៅ កម្ពុជា-ថៃ ។ នេះបើតាមរយៈបណ្ដាញសង្គមនារសៀលថ្ងៃទី០៧ ខែសីហា ឆ្នាំ២០២៥ ។ សម្ដេចធិបតី បានបញ្ជាក់ថា ខ្ញុំសូមសម្តែងការអបអរសាទរចំពោះការប្រព្រឹត្ត ទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅ កម្ពុជា-ថៃ (Extraordinary GBC Meeting) ដោយមានការចូលរួមសង្កេតការណ៍ពី ម៉ាឡេស៊ី សហរដ្ឋអាមេរិក និងសាធារណរដ្ឋប្រជាមានិតចិន នាថ្ងៃទី៧ ខែសីហា ឆ្នាំ២០២៥ ។ កិច្ចប្រជុំនេះ ជាការអនុវត្តនូវចំណុចដែលបានឯកភាពគ្នា រវាងខ្ញុំ និង ឯកឧត្ដម Phumtham Wechayachai នាយករដ្ឋមន្ត្រីស្តីទីនៃព្រះរាជាណាចក្រថៃ នៅក្នុងកិច្ចប្រជុំពិសេស នៅទីក្រុង Putrajaya, ប្រទេសម៉ាឡេស៊ីកាលពីថ្ងៃទី២៨ ខែកក្កដា ឆ្នាំ២០២៥ ដែលសហរៀបចំដោយម៉ាឡេស៊ី និងសហរដ្ឋអាមេរិក ដោយមានការចូលរួមដ៏សកម្មពីសាធារណរដ្ឋប្រជាមានិតចិន ។ ភាគីទាំងពីរ កម្ពុជា-ថៃ បានពិភាក្សា និងឯកភាពគ្នាលើលក្ខខណ្ឌ នៃការអនុវត្តបទឈប់បាញ់ និងការបង្កើនការប្រាស្រ័យទាក់ទងគ្នា រវាងកងទ័ពទាំងពីរ។ ភាគីទាំងពីរ…

(ភ្នំពេញ)៖ នាពេលនេះ ថៃបានកំពុងបានប្រើប្រាស់នូវអំពើទុច្ចរិតដោយបានប្រើប្រាស់នូវយុទ្ធនាការព័ត៌មានមិនពិតសំដៅធ្វើយ៉ាងណាបំភាន់ និង បំភ្លៃ ដល់សហគមន៍អន្តរជាតិជុំវិញបញ្ហាជម្លោះព្រំដែន។ លើកឡើងក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅថ្ងៃទី៧ ខែសីហា ឆ្នាំ២០២៥ នាទីស្តីការគណៈរដ្ឋមន្ត្រី ឯកឧត្តម ជុំ សុន្ទរី រដ្ឋលេខាធិការ និងជាអ្នកនាំពាក្យ ក្រសួងការបរទេស និងសហប្រតិបត្តិការអន្តរជាតិឱ្យដឹងថា ៖ កម្ពុជាកត់សម្គាល់ដោយស្រងាកចិត្តនូវយុទ្ធនាការព័ត៌មានមិនពិតដែលបាននិងកំពុង ដំណើរការដោយភាគីថៃ ស្របពេលដែលប្រទេសទាំងពីរកំពុងចូលរួមក្នុងកិច្ចសន្ទនាសម្រាប់ការអនុវត្តឱ្យពេញលេញនូវបទឈប់បាញ់ ។ យុទ្ធនាការនេះត្រូវបានគេមើលឃើញថាជាការប៉ុនប៉ងដើម្បីបំភាន់សហគមន៍អន្តរជាតិ ការបកស្រាយដោយខុសស្គងនូវជំហររបស់កម្ពុជា ហើយនិងការបង្វែងការចាប់អារម្មណ៍ពីសកម្មភាពរបស់ ខ្លួនឯងផ្ទាល់។ ឯកឧត្តមអ្នកនាំពាក្យបានគូសបញ្ជាក់ថាកម្ពុជាបានបង្ហាញឱ្យឃើញច្បាស់ជាប់ជានិច្ច នូវសុច្ឆន្ទៈ ការអត់ធ្មត់ និងការតាំងចិត្តចំពោះសន្តិភាព របស់ខ្លួន ។ ពិសេសតាមរយៈការគោរពដោយពេញលេញចំពោះកិច្ចព្រមព្រៀងឈប់បាញ់ ដែលសម្រេចបានក្នុងកិច្ចប្រជុំពិសេសកាលពីថ្ងៃទី២៨ ខែកក្កដា ឆ្នាំ២០២៥ នៅប្រទេសម៉ាឡេស៊ី ។ ជាមួយគ្នានេះកម្ពុជាបានចូលរួមយ៉ាងសុទ្ធចិត្ត យ៉ាងសកម្មក្នុងការចូលរួមកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC)ដើម្បីស្វែងរកដំណោះស្រាយផ្លូវការទូត និងតាមកិច្ចចរចា ចំពោះវិបត្តិបច្ចុប្បន្ន។រៀបចំដំណើរការចុះពិនិត្យរបស់អ្នកការទូតបរទេស និងបណ្តាទីភ្នាក់ងារសហប្រជាជាតិនៅតាមទីតាំងជនភៀសខ្លួន។ ឯកឧត្តម ជុំ សុន្ទរី បានថ្លែងថាកម្ពុជា មិនដែលបង្កប្រទូសសារ៉ាយណាមួយឡើយ ហើយសកម្មភាពយោធារបស់កម្ពុជាមានលក្ខណៈការពារខ្លួននៅក្នុងទឹកដីរបស់ខ្លួនប៉ុណ្ណោះ។ ជាមួយគ្នានេះអ្នកនាំពាក្យក្រសួងការបរទេសបានធ្វើការបញ្ជាក់បន្ថែមថា កម្ពុជាសូមធ្វើការបដិសេធយ៉ាងម៉ឺងម៉ាត់…

ភ្នំពេញ៖កិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ នឹងចាប់ផ្តើមនៅរសៀលថ្ងៃទី៧ ខែសីហា ឆ្នាំ២០២៥​នេះ​នាទីក្រុងគូឡាឡាំពួ ប្រទេសម៉ាឡេស៊ី ។ព្រះរាជាណាចក្រកម្ពុជាដឹកនាំដោយនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ និងភាគថៃដឹកនាំដោយរដ្ឋមន្ត្រីស្តីទីថៃលោកឧត្តមសេនីយ៍ Natthaphon Narkphanit ។តាមគម្រោងក៏នឹង​មាន​តំណាងមក​ពីប្រទេសម៉ាឡេស៊ី សហរដ្ឋអាមេរិក និងប្រទេសចិន ចូលរួមសង្កេតការណ៍ផងដែរ។ តាមរយៈសេចក្តីរាយការណ៍របស់លោក ពុយ គា ទីភ្នាក់ងារក្យូដូ ជប៉ុន រាយការណ៍ពីទីក្រុងគូឡាឡាំពួ​បានឱ្យដឹងថា ដោយឡែកកិច្ចប្រជុំថ្នាក់លេខាធិការដ្ឋានរវាងកម្ពុជា-ថៃ រយៈពេលបីថ្ងៃកន្លងមក (ថ្ងៃទី៤-៦ខែសីហា បានឯកភាព​គ្នាជាគោលការណ៍លើចំណុចមួយចំនួនស្ដីពីការអនុវត្តបទឈប់បាញ់តាមបណ្តោយព្រំដែននៃប្រទេសទាំងពីរ។ ក្នុងនោះក៏មានការព្រមព្រៀងគ្នាលើកិច្ចខិតខំប្រឹងប្រែងរបស់អ្នកសង្កេតការណ៍បណ្តោះអាសន្នដែលជាអនុព័ន្ធការពារជាតិអាស៊ានដើម្បីត្រួតពិនិត្យលើការប្រតិបត្តិជាក់ស្តែង។ ក្រុមអ្នកសង្កេតការបណ្តោះអាសន្នអាស៊ានមាន៧ប្រទេស​រួមមាន៖ ម៉ាឡេស៊ី ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន សិង្ហបុរី និងវៀតណាម។ នៅមានចំណុចសេសសល់​មួយ​ចំនួនទៀតដែលត្រូវពិនិត្យនិងពិភាក្សាឡើងវិញក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ នារសៀលថ្ងៃទី៧ ខែសីហានេះ។ ក្នុងសេចក្តីសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នាព្រឹកថ្ងៃទី៧ ខែសីហា​លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានឱ្យដឹងថា កិច្ចប្រជុំ​ក្រុម​លេខាធិការព្រំដែនទូទៅកម្ពុជា-ថៃ រយៈពេល៣ថ្ងៃមកនេះ គឺពីថ្ងៃទី៤ ដល់ទី៦សីហាកន្លងនេះ មានសញ្ញាវិជ្ជមាន​ជាច្រើនរវាងភាគីទាំងពីរ។ ក្រុមការងារលេខាធិការដ្ឋានកិច្ចការព្រំដែនទូទៅកម្ពុជា-ថៃ បានផ្លាស់ប្តូរនូវចំណុច​សំខាន់ៗជាច្រើនប្រកបដោយភាពវិជ្ជមាន ។ធាតុចូលជាច្រើនរបស់កម្ពុជា…