ភ្នំពេញ៖មន្រ្តីអ្នកនាំពាក្យក្រសួងការពារជាតិកម្ពុជាបានលើកឡើងថាសហរដ្ឋអាមេរិកបានបញ្ជាក់ពីគោលជំហររបស់ ខ្លួនដោយនឹងចូលរួមគាំទ្រផ្នែកភស្តុភារ និងបច្ចេកទេសសំខាន់ៗ ដើម្បីបង្កើតក្រុមការងារអ្នកសង្កេតការណ៍អាស៊ាន​ឱ្យបានលឿនបំផុតសំដៅបញ្ចប់ជម្លោះព្រំដែនរវាងកម្ពុជានិងថៃ។ ថ្លែងក្នុងសេចក្តីសង្ខេបព័ត៌មានប្រចាំថ្ងៃស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅទីស្តីការគណៈ​រដ្ឋមន្ត្រីកាលពីព្រឹកថ្ងៃទី៧ ខែសីហា ឆ្នាំ២០២៥ លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និង​ជាអ្នកនាំពាក្យក្រសួងការពារជាតិបានបន្ថែមថាក្រៅពីបង្ហាញការប្តេជ្ញាចិត្តជម្លោះព្រំដែនកម្ពុជានេះសសហរដ្ឋអាមេរិកក៏នឹងធ្វើផែនការយោធា គ្រឿងបរិក្ខារ ប្រព័ន្ធបញ្ជូនកម្លាំងប្រព័ន្ធឃ្លាំមើលតាមអាកាស និងសម្ភារទំនើបៗជាច្រើន​ទៀត។ បើតាមការលើកឡើងរបស់អ្នកនាំពាក្យខាងលើការបង្ហាញពីការចូលរួមដោះស្រាយបញ្ហាជម្រោះព្រំដែនរវាងកម្ពុជា-ថៃពីសំណាក់សហរដ្ឋអាមេរិកនេះធ្វើឡើងបន្ទាប់ពីនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួង​ការពារជាតិកាលពីថ្ងៃពុធទី៦ ខែសីហា បានជួបជាមួយនាយឧត្តមនាវី Samuel Paparo មេបញ្ជាការបញ្ជាការដ្ឋាន​ឥណ្ឌូ​ប៉ាស៊ីហ្វិក សហរដ្ឋអាមេរិក​ និងលោក Edgard Kagan ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេស​ម៉ាឡេស៊ី។ លោកជំទាវបានគូសរំលេចខ្លឹមសារនៃជំនួបនេះថា លោក Edgard Kagan បានបង្ហាញពីជំហររបស់សហរដ្ឋ​អាមេរិកក្នុងការគាំទ្របទឈប់បាញ់ ដែលលោកប្រធានាធិបតី ដូណាល់ ត្រាំ បានផ្តួចផ្តើម ដោយដឹកនាំពីភាគី​ម៉ាឡេស៊ី ជាប្រធានអាស៊ានប្តូរវេន ក្នុងការអនុវត្តបទឈប់បាញ់។លោកទាំងពីរ ក៏បានបញ្ជាក់ថា នឹងតាមដានឱ្យការ​អនុវត្តនេះ ប្រកបដោយភាពជោគជ័យ និងមានប្រសិទ្ធភាព។ លោកនឹងចូលរួមគាំទ្រ ផ្នែកភស្តុភារ និងបច្ចេកទេស​សំខាន់ៗ ដើម្បីបង្កើតក្រុមការងារ អ្នកសង្កេតការណ៍អាស៊ាន (AMT)…

(ភ្នំពេញ)៖ តាមរយៈបណ្ដាញសង្គមនាយប់ថ្ងៃទី៦ ខែសីហា ឆ្នាំ២០២៥ សម្ដេច​នាយក​រដ្ឋមន្ត្រី ហ៊ុន ម៉ាណែត បានលើកឡើងថា ខ្ញុំមានការរំភើប​ដោយក្នុង​មួយ​រយៈនេះបានឃើញនូវស្មារតីស្នេហាជាតិ សាមគ្គីឯកភាពជាតិរបស់ប្រជាពលរដ្ឋខ្មែរ​នៅទូទាំងពិភពលោក ដែលបានរៀបចំប្រមូលគ្នាសម្ដែងមតិគាំទ្រទៅដល់សន្តិភាព គាំទ្រដល់កងកម្លាំងរបស់យើងក្នុងកិច្ចការការពារបូរណភាពទឹកដី ក៏ដូចជាការទាម​ទារ​ឱ្យថៃ​ដោះ​លែងយោធិនយើងចំនួន១៨រូប ដែលស្ថិតក្រោមការឃុំគ្រងរបស់​កងទ័ពថៃ។ ក្នុងនាមរាជរដ្ឋាភិបាលកម្ពុជា និងក្នុងនាមខ្លួនខ្ញុំផ្ទាល់ ខ្ញុំសូមអរគុណចំពោះបងប្អូន​ប្រជា​ពលរដ្ឋខ្មែរទាំងក្នុងប្រទេស និងក្រៅប្រទេសនូវទឹកចិត្តដ៏ថ្លៃថ្លានេះ។ សកម្មភាព​ទាំងអស់នេះ គឺបង្ហាញយ៉ាងច្បាស់នូវស្មារតីស្នេហាជាតិ សាមគ្គីឯកភាពជាតិ ដែល​ជា​​កត្តា​សំខាន់របស់ជាតិខ្មែរយើង ជាពិសេសគឺបង្ហាញយ៉ាងច្បាស់​នូវស្មារតី​ស្រឡាញ់​សន្តិភាព ដេីម្បីឈានទៅបញ្ចប់សង្គ្រាម។ រាជរដ្ឋាភិបាលនៅតែប្រកាន់ជំហរដាច់ខាតក្នុងកិច្ចការពារបូរណភាពភាពទឹកដី និង​ការដោះស្រាយបញ្ហាជម្លោះដោយសន្តិវិធី ដើម្បីបញ្ចប់ជម្លោះរវាងកម្ពុជានិងថៃឱ្យ​បានឆាប់រហ័ស។ ថ្ងៃស្អែកទី៧ ខែសីហា នឹងមានកិច្ចប្រជុំពិសេសនៃគណៈកម្មាធិការ​ព្រំដែនទូទៅកម្ពុជា-ថៃ (GBC) រវាងកម្ពុជានិងថៃ នៅប្រទេសម៉ាឡេស៊ី ដោយមាន​ការ​ចូល​រួម​សង្កេតការណ៍ពីម៉ាឡេស៊ី សហរដ្ឋអាមេរិក និងចិន ដើម្បីពិភាក្សាគ្នា​អំពីការ​ជំរុញអនុវត្តបទឈប់បាញ់ ដែលបានឯកភាពគ្នាកាលពីថ្ងៃទី ២៨ កក្កដា ២០២៥កន្លងទៅ។ ទន្ទឹមនេះ យើងក៏មិនភ្លេចយោធិនកម្ពុជាទាំង ១៨រូបដែលស្ថិតក្រោមការឃុំគ្រង​របស់កងទ័ពថៃ ដោយរាជរដ្ឋាភិបាលបាននិងកំពុងបន្តព្យាយាមតាម​រយៈគ្រប់​យន្តការ ដើម្បីទាមទារឱ្យមានការដោះលែងពួកគេ ឱ្យវិលត្រឡប់មកកម្ពុជា​វិញ​ឱ្យបានឆាប់រហ័សជាទីបំផុត ៕ ដោយ ៖ វណ្ណលុក

(ភ្នំពេញ)៖ សិក្ខាសាលាមួយដែលបានធ្វើការផ្សព្វផ្សាយដល់អ្នកសារព័ត៌មាន ពិសេស​មន្រ្តីរាជការនៃក្រសួងព័ត៌មានត្រូវបានចាត់ទុកថាផ្តល់ប្រយោជន៍​សំខាន់​ពីប្រវត្តិចលនាអន្តរជាតិ គោលការណ៍គ្រឹះច្បាប់ មនុស្សធម៌ អន្តរជាតិក្នុងបរិការណ៍​សាកលលោកបច្ចុប្បន្ន និងកាកបាទក្រហមកម្ពុជា។ ឯកឧត្តម ជុំ កុសល រដ្ឋលេខាធិកាក្រសួងព័ត៌មាន បានថ្លែងពិធីក្នុងបើកសិក្ខាសាលា នារសៀលថ្ងៃទី០៦ ខែសីហា ឆ្នាំ២០២៥ នៅទីស្តីការក្រសួងព័ត៌មាន បានបញ្ជាក់​ថា សិក្ខាសាលានាពេលនេះពិតជាមានសារៈសំខាន់ណាស់ក្នុងការ​ផ្សព្វផ្សាយ​ពី​គោល​ការណ៍ និងតួនាទីរបស់កាកបាទក្រហម។ ឯកឧត្តម លើកឡើងថា៖ «វាជាសិក្ខាសាលាដែលរៀបចំឡើងនៅពេលនេះគឺ​ស្របពេលនឹងស្ថាន ភាពរបស់កម្ពុជា ដែលបានកំពុងរងការឈ្លានពាន​ពីសំណាក់​ភាគីថៃជាជាអមិត្តបានធ្វើការឃ្លានពានលើដែនអធិបតេយ្យកម្ពុជា។ កាកបាទ​ក្រហម​គឺជាស្ថាប័នដ៏ធំមួយនៅក្នុងប្រទេសកម្ពុជា ក្នុងការជួយសង្គ្រោះប្រជាពលរដ្ឋដែលជួប​ទុក្ខភ័យ​ដោយមិនប្រកាន់ជាតិសាសន៍ និងនិន្នាការនយោបាយឡើយ”។ ឯកឧត្តម ជុំ កុសល បានថ្លែងដែរថា កាកបាទក្រហម និង អឌ្ឍច័ន្ទ ក្រហម កម្ពុជា មានតួនាទីជាចម្បងក្នុងការផ្តល់ជំនួយ និងការការពារសិទ្ធិ ដល់ជន រងគ្រោះក្នុង​ស្ថានភាពសង្គ្រាម ដោយការពារជីវិតជនរងគ្រោះ ដោយធានាថាសេចក្តី ថ្លៃថ្នូរ និងជីវិតមិនត្រូវបានរើសអើង ឬបំពានទោះបីជាមានសង្គ្រាមកើតឡើង ក៏ ដោយ ។ ទាក់ទិនក្នុងរឿងនេះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជាបានឱ្យដឹងថាសិក្ខាសាលានេះ ក៏នឹងចូលរួមលើកកម្ពស់…

(ភ្នំពេញ)៖ ក្រសួងការពារជាតិកម្ពុជាបានថ្លែងថាឈានមកដល់ ថ្ងៃទី០៧ ខែសីហា ឆ្នាំ២០២៥នេះសភាពការណ៍តាមព្រំដែនរវាងកម្ពុជានៅតែរក្សាភាពស្ងប់ស្ងាត់ ទោះបីយ៉ាងណាកងកម្លាំងកម្ពុជានៅតែប្រុងប្រយ័ត្នខ្ពស់ក្នុងកិច្ចការពារទឹកដី។ ថ្លែងក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់​រវាងកម្ពុជា-ថៃ» នៅទីស្តីការគណៈរដ្ឋមន្ត្រី លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិបាន​បញ្ជាក់នៅ​ព្រឹកថ្ងៃទី ០៧ ខែសីហា ឆ្នាំ២០២៥ ឱ្យដឹងថា ស្ថានភាពតាមខ្សែបន្ទាត់​ព្រំដែន នៃខេត្តព្រះវិហារ និងខេត្តឧត្តរមានជ័យ មានសភាពស្ងប់ស្ងាត់គិតចាប់តាំង​តែពីម៉ោង ១២,០០រំលងអាធា្រតុថ្ងៃទី ០៧ ខែ សីហា ឆ្នាំ ២០២៥មកដល់ពេលវេលាម៉ោង ៦,០០នាទីព្រឹកថ្ងៃដដែលនេះ។ ចំពោះកងម្លាំងកម្ពុជាក៏កំពុងស្ថិតនៅក្នុង​ការប្រុង​ប្រយ័ត្នខ្ពស់ បំផុតក្នុងការបំពេញតួនាទីរបស់ខ្លួន។កម្ពុជាគោរពយ៉ាងម៉ឺងម៉ាត់បំផុត​ចំពោះ​ការអនុវត្តបទឈប់បាញ់ដែលបានឯកភាពគ្នានៅប្រទេសម៉ាឡេស៊ី​កាលពី​ថ្ងៃទី២៨ ខែកក្កដា ឆ្នាំ២០២៥។ ជាមួយគ្នានេះអ្នកនាំពាក្យក្រសួងការពារជាតិកម្ពុជាក៏បានបង្ហាញពីការប្តេជ្ញាចិត្តជាថ្មីផងដែររបស់កម្ពុជាក្នុងកិច្ចព្រមព្រៀងនៃបទឈប់បាញ់ដែលសម្រេចបានតាមរយៈខិតខំប្រឹងប្រែងរបស់ប្រធានាធិបតី ដូណាល់ត្រាំ សហរដ្ឋអាមេរិក និង លោក អាន់វ៉ា អ៊ីប្រាហ៊ីម នាយករដ្ឋមន្រ្តីនៃប្រទេសម៉ាឡេស៊ី ដោយមានការចូលរួម​យ៉ាងសកម្មពី​ប្រទេសចិន។បទឈប់បាញ់នេះបានទទួលការគាំទ្រ និងស្វាមគមន៍យ៉ាងកក់ក្តៅ​ពីសហគមន៍អន្តរជាតិ និងបានឆ្លុះបញ្ចាំងពីបំណងរួមសម្រាប់សន្តិភាពក្នុងតំបន់ ។ អ្នកនាំពាក្យក្រសួងការពារជាតិកម្ពុជាបានបញ្ជាក់បន្ថែមថា៖ក្នុងនាមជាប្រទេសដែល​មាន​ទំនួលខុសត្រូវខ្ពស់ និងស្រឡាញ់សន្តិភាពកម្ពុជាបានប្រកាន់ខ្ជាប់នូវលក្ខខណ្ឌ​នៃបទឈប់បាញ់ដោយជ្រើសរើសយកការសន្ទនា និងកិច្ចសហប្រតិបត្តិការដោយ​មិនទទួលយកការប្រឈមមុខដាក់គ្នា នឹងជម្លោះឡើយ ។ ការប្រកាន់ខ្ជាប់យ៉ាង​មុតមាំរបស់កម្ពុជាចំពោះកិច្ចព្រមព្រៀងបទឈប់បាញ់នេះបង្ហាញពីគោរពចំពោះ ការខិតខំប្រឹងប្រែងដោយមិនចេះនឿយហត់របស់មិត្តអន្តរជាតិ និងបំណងប្រាថ្នា​របស់​កម្ពុជាក្នុងការរួមចំណែកសន្តិភាព…

(ភ្នំពេញ)៖ ការផ្សព្វផ្សាយរបស់សារព័ត៌មាន ក៏ដូចជាអាជ្ញាធរថៃ ដោយចោទប្រកាន់​គ្មានមូលដ្ឋានទាល់តែសោះ ហើយបាន បង្កើតសាច់រឿងគ្មានភស្តុតាង មិនទាន់មាន​ការ​ស៊ើបអង្កេតច្បាស់លាស់ បង្កើតរឿងផ្ទុយពីការពិតក្នុងចេតនាមួលបង្កាច់មក​លើ​ទាហានខ្មែរម្នាក់មកពីវិទ្យាការដ្ឋានអង្គរក្សហៅកាត់ថា BHQ លាក់ខ្លួននៅទឹកដីថៃ​ដើម្បីបញ្ជូនចលនាយោធាថៃមកកម្ពុជា។ ក្នុងសន្និសីទសារព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នាល្ងាចថ្ងៃទី០៦ ខែសីហា ឆ្នាំ២០២៥ អ្នកនាំពាក្យក្រសួងការពារជាតិកម្ពុជា លោក​ជំទាវ ឧត្ដមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួង​ការពារជាតិ​កម្ពុជា បានថ្លែងដោយធ្វើការច្រានចោលទាំងស្រុងចំពោះសារព័ត៌មានថៃ​ដែលបានផ្សាយប្រឌិតថាទាហានខ្មែរម្នាក់លាក់ខ្លួននៅថៃដើម្បីបញ្ជូនចលនាយោធាថៃមកកម្ពុជា។ អ្នកនាំពាក្យក្រសួងការពារជាតិលើកឡើងថាថៃបានផ្សាយព័ត៌មានមិនពិតដោយប្រឌិតលើកឡើងថា ប៉ូលិសខេត្តប៊ុរីរ៉ាំ បានចាប់ខ្លួនទាហានខ្មែរម្នាក់មកពីវិទ្យាការដ្ឋាន​អង្គរក្ស​ហៅកាត់ថា BHQ នឹងត្រូវបានសង្ស័យថាលាក់ខ្លួននៅទីនោះដើម្បីធ្វើ​សកម្ម​ភាព​យោធា។ ជាមួយគ្នានេះអ្នកនាំពាក្យក្រសួងការពារជាតិកម្ពុជា បញ្ជាក់ថា ”កងយោធពល​ខេមរ​ភូមិន្ទ​មិនអនុញ្ញាតឱ្យយោធិនគ្រប់រូបដែលមានស្នាមសាក់លើដងខ្លួន​បែបក្នុងរូបដែល​ខាងភាគីថៃបានបង្ហាញចូលប្រើការក្នុងក្របខណ្ឌណាមួយរបស់កងកម្លាំងជាដាច់ខាត”។ ក្រសួងការពារជាតិកម្ពុជា ស្នើភាគីថៃឱ្យបញ្ឈប់ជាបន្ទាន់នូវការផ្សាយព័ត៌មានមិនពិត ប្រឌិត និងគ្មានមូលដ្ឋានច្បាស់លាស់ដែលបង្ហាញពីភាពគ្មានវិជ្ជាជីវៈសោះឡើយ៕ ដោយ៖ម៉ាដេប៉ូ និង វេង លីមហួត