ភ្នំពេញ ៖ ប្រទេសកម្ពុជា និងថៃ បានកំណត់យកថ្ងៃទី០៤ ខែសីហា ឆ្នាំ ២០២៥ ជាថ្ងៃប្រជុំនៃគណៈកម្មាធិការព្រំដែនទូទៅ ដែលនឹងប្រព្រឹត្តធ្វើឡើងនៅទីក្រុង​កូឡាឡាំពួរ ប្រទេស​ម៉ាឡេស៊ី ។ ក្នុងកិច្ចប្រជុំនោះដែរ​ កម្ពុជាបានស្នើឱ្យសហរដ្ឋអាមេរិក ប្រទេសម៉ាឡេស៊ី និងប្រទេសចិន ចូលរួមធ្វើជាអ្នក​អង្កេតការណ៍​ផងដែរ ។ នៅក្នុងសន្និសីទសារព័ត៌មានកាលពីព្រឹកម៉ោង៧ ថ្ងៃទី០១ ខែសីហា ឆ្នាំ២០២៥ លោកជំទាវ ម៉ាលី សុជាតាបានមានប្រសាសន៍ថា កម្ពុជាបានឯកភាពតាមសំណើរបស់ភាគីក្នុងការរៀបចំកិច្ចប្រជុំវិសាមញ្ញគណៈកម្មាធិការព្រំដែនទូទៅ នៅទីក្រុងកូឡាឡាំពួរ ប្រទេសម៉ាឡេស៊ី ហើយកម្ពុជាក៏បានថ្លែងអំណរគុណដល់ប្រទេសម៉ាឡេស៊ី ដែលបានសម្របសម្រួលនិងផ្ដល់ទីតាំងសម្រាប់កិច្ចប្រជុំនេះ ។ លោកជំទាវបន្តថា ជាមួយគ្នានេះ កម្ពុជាក៏បានស្នើឱ្យប្រទេសម៉ាឡេស៊ី សហរដ្ឋអាមេរិក និងប្រទេសចិន ចូលរួមកិច្ចប្រជុំ ក្នុងនាមជាអ្នកអង្កេតការណ៍ដោយសារប្រទេសទាំង៣នេះ បានដើរតួនាទីយ៉ាងសំខាន់ក្នុងការសម្របសម្រួល ឱ្យមានបទឈប់បាញ់រវាងកម្ពុជានិងថៃ កាលពីថ្ងៃទី២៨ ខែកក្កដា ឆ្នាំ ២០២៥ ។ កម្ពុជា សង្ឃឹមយ៉ាងមុតមាំថា កិច្ចប្រជុំនេះ នឹងប្រព្រឹត្តទៅយ៉ាងស្ថាបនា និងប្រកបដោយផ្លែផ្កា ។ គួរបញ្ជាក់ថា ក្នុងប្រជុំគណៈកម្មាធិការព្រំដែនទូទៅ ដំបូងឡើយ គ្រោងនឹងធ្វើឡើងនៅក្នុងប្រទេសកម្ពុជា…

ភ្នំពេញ៖ សហរដ្ឋអាមេរិកបានសម្រេចបញ្ចុះពន្ធលើទំនិញនាំចេញពីកម្ពុជាទៅកាន់អាមេរិកមកត្រឹម ១៩ភាគរយ (ពីអត្រាដំបូង ៤៩% និងបានចុះត្រឹម ៣៦% ជំហានទី១)។ នេះជាដំណឹងដ៏ល្អសម្រាប់ប្រជាពលរដ្ឋ និងសេដ្ឋកិច្ច​របស់កម្ពុជាដើម្បីបន្តអភិវឌ្ឍន៍ប្រទេសជាតិតទៅមុខ។ លើបណ្ដាញសង្គមផ្លូវការនៅព្រឹកថ្ងៃទី១ ខែសីហា ឆ្នាំ២០២៥​ សម្ដេចធិបតីនាយករដ្ឋមន្ត្រី ហ៊ុន ម៉ាណែតបានបង្ហោះសារដែលមានខ្លឹមសារថា “សូមអរគុណឯកឧត្តមប្រធានាធិបតី ដូណាល់ ត្រាំ(Donald Trump) ដែលឯកឧត្តមបាន​យក​ចិត្តទុកដាក់ដោយផ្ទាល់ នៅក្នុងការផ្ដួចផ្ដើមនិងជំរុញឱ្យមានការឈប់បាញ់គ្នារវាងកងទ័ពកម្ពុជានិងកងទ័ពថៃ និងបន្តតាមដានការអនុវត្តបទឈប់បាញ់ដោយផ្ទាល់ រហូតដល់មានសន្តិភាពជាអចិន្ត្រៃយ៍និង​ប្រក្រតីភាព​នៃទំនាក់​ទំនងរវាងកម្ពុជា-ថៃនៅពេលខាងមុខ។ បន្ថែមលើនេះ ឯកឧត្តមប្រធានាធិបតីក៏បានផ្ដល់នូវការយោគ​យល់​សម្រាប់​កម្ពុជា ដោយបានផ្ដល់នូវឱកាសក្នុងការបន្តពង្រឹងការអភិវឌ្ឍសេដ្ឋកិច្ច និងទំនាក់ទំនងពាណិជ្ជកម្មរវាងកម្ពុជា​និងសហរដ្ឋអាមេរិកបន្តទៅទៀត។ សម្ដេចធិបតី ហ៊ុន ម៉ាណែត បានបន្ថែមថា “នៅក្នុងអំឡុងពេលដែលខ្ញុំបានសន្ទនាតាមទូរសព្ទជាមួយឯក​ឧត្តម​ប្រធានា​ធិបតី Donald Trump កាលពីថ្ងៃទី ២៦ និង ទី២៨ ខែកក្កដាកន្លងទៅនេះ ខ្ញុំបានបញ្ជាក់អំពីសារសំខាន់នៃ​សន្តិភាព​និងការអភិវឌ្ឍនៃប្រទេសកម្ពុជាដោយសារកម្ពុជាទើបងើបពីសង្គ្រាមរ៉ាំរ៉ៃនៅក្នុងប្រទេសជាង ៥០០ឆ្នាំមក​ហើយ។ នៅក្នុងឱកាសនោះ ខ្ញុំក៏បានស្នើសុំឱ្យឯកឧត្តមប្រធានាធិបតីផ្ដល់ការយោគយល់ផងដែរ សម្រាប់បន្ធូរអត្រា​ពន្ធ​លើទំនិញនាំចូលពីកម្ពុជាឱ្យ​នៅត្រឹមអត្រាទាបណាមួយដែលជួយឱ្យ​កម្ពុជាមានឱកាសបន្តអភិវឌ្ឍន៍ប្រទេសជាតិ​និងលើកស្ទួយជីវភាពរស់នៅរបស់ប្រជាជនកម្ពុជា។ សម្ដេចធិបតីបន្តថា​ឯកឧត្តម Donald Trump បានបង្ហាញនូវការការចាប់អារម្មណ៍យ៉ាងខ្លាំងពាក់ព័ន្ធ​ជាមួយ​ប្រវត្តិសាស្ត្រដ៏​ជូរចត់​របស់កម្ពុជា ក៏ដូចជាសមានចិត្តនៅក្នុងការជួយដល់ប្រជាជនកម្ពុជាឱ្យមានសន្តិភាព ក៏ដូចជា​ជួយឱ្យ​កម្ពុជាមាន​ឱកាសបន្តអភិវឌ្ឍន៍ប្រទេសបន្តទៀត។ ចំពោះការស្នើសុំរបស់ខ្ញុំពាក់ព័ន្ធនឹងការយោគ​យល់អំពី​អត្រាពពន្ធ ឯកឧត្តមប្រធានាធិបតីបានប្រាប់ខ្ញុំកាលពីថ្ងៃទី ២៨ កក្កដា…

(ភ្នំពេញ)៖ ឯកឧត្តម ជួប ប៉ារីស៍ រដ្ឋលេខាធិការក្រសួងបរិស្ថាន បានអញ្ជើញចូលរួម​ក្នុងសិក្ខាសាលាប្រកាសដាក់ឱ្យអនុវត្តគម្រោង ស្តីពី “ទប់ស្កាត់ការបំពុលដោយ​ផ្លាស្ទិក​សម្រាប់សមាគមន៍ និងទន្លេមេគង្គនៅកម្ពុជា” ដោយមានការចូលរួមពីលោក Chen Cong អគ្គទីប្រឹក្សានៃស្ថានទូតចិន ប្រចាំកម្ពុជា តំណាងមកពីក្រសួងបរិស្ថាន សាកលវិទ្យាល័យ សាលារាជធានី ខេត្ត មន្ទីរបរិស្ថានរាជធានី-ខេត្ត ដៃគូអភិវឌ្ឍន៍ និងអ្នកពាកព័ន្ធ នាព្រឹកថ្ងៃទី៣០ ខែកក្កដា ឆ្នាំ២០២៥ នៅសណ្ឋាគារ កាំបូឌីយ៉ា​ណា រាជធានីភ្នំពេញ។ ឯកឧត្តម ជួប ប៉ារីស៍ បានថ្លែងថា បច្ចុប្បន្ន សំណល់ប្លាស្ទិកដែល​បានបោះចោល​ភាគច្រើន ជាប្លាស្ទិកដែលប្រើតែមួយដងបោះចោល ដោយថង់ប្លាស្ទិកប្រមាណ ១០លានថង់ ត្រូវបានប្រើប្រាស់ជារៀងរាល់ថ្ងៃនៅក្នុងរាជធានីភ្នំពេញ ខណៈប្រជា​ពលរដ្ឋកម្ពុជាម្នាក់ៗដែលរស់នៅក្នុងក្រុងនានា ប្រើប្រាស់ថង់ប្លាស្ទិកជាង ២ពាន់​ថង់/ឆ្នាំ ប្រមាណជា ១២ ថង់/ខ្នងផ្ទះ/ថ្ងៃ ។ សំណល់ប្លាស្ទិកទាំងនោះ មួយចំនួន​បាន​ប្រមូលទៅទីលានចាក់សំរាម ប៉ុន្តែមួយចំនួនទៀតដែលសល់ ត្រូវបានចោល និងហូរចូលក្នុងទន្លេ បឹងបួរ រួចបន្តហូរចូល សមុទ្រ និងបានបង្ករការគំរាមគំហែង​យ៉ាងធ្ងន់ធ្ងរដល់បរិស្ថានធម្មជាតិ ជីវៈជម្រុះ វដ្តអាហារ…

អ.ស.ប ៖ អ្នកជំនាញអង្គការសហប្រជាជាតិបាននិយាយនៅក្នុងរបាយការណ៍ថ្មីមួយថា ការគំរាមកំហែងរបស់ក្រុមរដ្ឋអ៊ីស្លាម និងក្រុមជ្រុលនិយមអាល់កៃដា រួមទាំងដៃជើងរបស់ពួកគេ កំពុងលេចឡើងកាន់តែខ្លាំងក្លាបំផុតនៅក្នុងតំបន់នៃទ្វីបអាហ្រ្វិក ពិសេសស៊ីរី ដែលជាប្រទេសត្រូវបានក្រុមឧទ្ទាទាំងពីរចាត់ទុកថា ជា “មូលដ្ឋានយុទ្ធសាស្ត្រសម្រាប់ប្រតិបត្តិការខាងក្រៅ”។ សារព័ត៌មាន AP បានចុះផ្សាយនៅថ្ងៃទី៣១ ខែកក្កដាថា របាយការណ៍របស់អ្នកជំនាញយូអិនផ្ញើទៅកាន់ក្រុមប្រឹក្សាសន្តិសុខ បានឱ្យដឹងថា ក្រុម Jama’at Nasr al-Islam wal-Muslimin ដែលមានទំទាក់ទំទងជាមួយក្រុមអាល់កៃដានៅអាហ្វ្រិកខាងលិច ហៅកាត់ថា JNIM និងក្រុម al-Shabab ដែលមានទំនាក់ទំនងជាមួយក្រុមអាល់កៃដានៅអាហ្វ្រិកខាងកើត កំពុងបន្តព្យាយាមពង្រីកទឹកដីឱ្យស្ថិតក្រោមការគ្រប់គ្រងរបស់ពួកគេ។ អ្នកជំនាញដែលឃ្លាំមើលការដាក់ទណ្ឌកម្មប្រឆាំងនឹងក្រុមជ្រុលនិយមទាំងពីរនេះ បាននិយាយថា មានការព្រួយបារម្ភកាន់តែខ្លាំងឡើង ទាក់ទិននឹងក្រុមភេរវករបរទេសដែលវិលត្រឡប់ទៅកាន់អាស៊ីកណ្តាល និងអាហ្វហ្គានីស្ថាន ក្នុងគោលបំណងបំផ្លាញសន្តិសុខក្នុងតំបន់។ ក្រុមអ្នកជំនាញក៏បានព្រមានដែរថា ក្រុមរដ្ឋអ៊ីស្លាមនៅតែបន្តតំណាងឱ្យការគំរាមកំហែងដ៏សំខាន់បំផុតចំពោះទ្វីបអឺរ៉ុប និងអាមេរិក។ តួយ៉ាង នៅសហរដ្ឋអាមេរិក ក្រុមអ្នកជំនាញបាននិយាយថា ផែនការវាយប្រហារភេរវករជាច្រើន ត្រូវបានជំរុញដោយជម្លោះនៅហ្គាហ្សា រវាងអ៊ីស្រាអែល-ក្រុមហាម៉ាស់ ឬដោយបុគ្គលចាត់បញ្ជូនដោយក្រុម IS ដែលត្រូវបានគេស្គាល់ថា ជាពួក ISIL។ បើតាមរបាយការណ៍របស់អ្នកជំនាញ, ប្រាក់ខែអ្នកប្រយុទ្ធរដ្ឋអ៊ីស្លាមត្រូវបានកាត់បន្ថយពី៧០មកត្រឹម៥០ដុល្លារក្នុងមួយខែ និង ៣៥ដុល្លារក្នុងមួយគ្រួសារ ទាបជាងពេលណាៗទាំងអស់ ក្រោយត្រូវបានផ្តួលរលំ…