(ខេត្តស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន អ្នកតំណាងរាស្ត្រមណ្ឌលស្វាយរៀង និងប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា បានអញ្ជើញចូលរួមក្នុងពិធីបូជាសព លោកអនុសេនីយ៍ទោ តែម សុខជា ស្ថិតក្នុងភូមិទួលស្តី ឃុំទួលស្តី ស្រុកចន្ទ្រា ខេត្តស្វាយរៀង នាព្រឹក ថ្ងៃព្រហស្បតិ៍ ៦កើត ខែស្រាពណ៍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៣១ ខែកក្កដា ឆ្នាំ២០២៥។ គួរំលឹកផងដែរថា លោកអនុសេនីយ៍ទោ តែម សុខជា ជាយោធិន បម្រើការងារនៅកងពលតូចលេខ៨ ចំណុះឲ្យកងពលធំអន្តរាគមន៍លេខ៣ កងទ័ពជើងគោក នៃកងយោធពលខេមរភូមិន្ទ  បានពលីជីវិតនៅលើសមរភូមិប្រយុទ្ធខេត្តព្រះវិហារ កាលពីថ្ងៃសុក្រ ១៥រោច ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៥ ខែកក្កដា ឆ្នាំ២០២៥ ជន្មាយុ ៤៣ឆ្នាំ ។ មរណភាពរបស់ លោកអនុសេនីយ៍ទោ តែម សុខជា គឺជាការបាត់បង់នូវឧត្តមស្វាមី ឪពុក ដែលប្រកប…

(ភ្នំពេញ)៖ ក្រុមជំនាញគ្រាប់បែកទម្លាក់ពីយន្តហោះរបស់អង្គភាពស៊ីម៉ាក់នៅថ្ងៃទី៣១ ខែកក្កដា ឆ្នាំ២០២៥បានស្រាវជ្រាវណ្តៅគ្រាប់បែកផ្ទុះចំនួន៤ទីតាំង និងគ្រាប់បែកទម្លាក់មកមិនទាន់ផ្ទុះកប់ក្នុងដីចំនួន៥ទីតាំង (មានរន្ធគ្រាប់បែក)របស់ថៃ អគ្គនាយក នៃ មជ្ឈមណ្ឌលសកម្មភាពកំចាត់មីនកម្ពុជា (CMAC) ឯកឧត្តម ហេង រតនា បានបញ្ជាក់ថា គ្រាប់បែកMK-84 ដែលមិនផ្ទុះ និងរណ្តៅគ្រាប់បែកមិនទាន់ផ្ទុះ សុទ្ធតែជាគ្រាប់បែកទម្លាក់ថ្មីរបស់កងទ័ពអាកាសសៀម ក្នុងសង្គ្រាមរយៈពេល ៥ថ្ងៃ២៤-២៨ខែកក្កដា ឆ្នាំ២០២៥នេះ។ ឯកឧត្តមបានបញ្ជាក់ថា ”គ្រាប់បែកទាំងនេះគ្មានអ្វីស្មុគស្មាញយល់នោះទេ ក្នុងសង្គ្រាមឥណ្ឌូចិនគ្មានការទម្លាក់នៅតំបន់ទាំងនេះទេ អង្គភាពសុីម៉ាក់មានព័ត៌មានទិន្នន័យការទម្លាក់គ្រាប់ទាំងនោះ ផ្តល់ដោយក្រសួងការបរទេសសហរដ្ឋអាមេរិកយ៉ាងច្បាស់លាស់។ ទន្ទឹងនឹងនេះគ្រាប់បែកត្រកូលMKនេះមានកំណត់សំគាល់និងប្រភពច្បាស់លាស់ ជាពិសេសទិន្នន័យយន្តហោះF-16 និងប្រភេទគ្រាប់បែកដែលបានទម្លាក់សុទ្ធតែមានកំណត់ត្រា។ យន្តហោះF-16នេះអាចដឹកគ្រាប់បែកMK-84ចំនួន ៤គ្រាប់ក្នុងការទម្លាក់ក្នុង ១ជើង”។ ឯកឧត្តម ហេង រតនាបានបញ្ជាក់ប្រាប់ដែរថា ៖ មានពួកអគតិលាបពណ៌បានលើកឡើងថា គ្រាប់បែក MK-84នេះជាគ្រាប់បែកចាស់ សុំបញ្ជាក់ថា ករណីគ្រាប់បែកចាស់មានអាយុកាលជាង ៥០ឆ្នាំមកហើយនោះ មិនមែនគ្រាន់តែរបកទឹកថ្នាំនោះទេ ច្រែសស៊ីដែកជ្រៅៗ ទន្ទឹងនឹងនេះរណ្តៅគ្រាប់ផ្ទុះ រន្ធរណ្តៅគ្រប់បែកមិនទាន់ផ្ទុះ ជាភស្តុតាងស្រាប់ ។ ចំពោះ អ្នកណាសង្ស័យអាចអញ្ជើញទៅទស្សនាជាក់ស្តែងបាន ដោយអាចយកទាំងអ្នកជំនាញអន្តរជាតិខាងគ្រាប់បែកទម្លាក់ពីយន្តហោះលើពិភពលោកយើងនេះ មកសិក្សាវាយតម្លៃយ៉ាងហ្មត់ម៉ត់បានផងដែរ ៕ ដោយ ៖…

(បន្ទាយមានជ័យ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ កាលពី ទី៣០ ខែកក្កដា ឆ្នាំ២០២៥ បន្តសួរសុខទុក្ខ និងនាំយកស្បៀងជូនពុកម៉ែបងប្អូនភៀសសឹកនៅទីតាំងសុវត្ថិភាព ស្រុកមង្គលបូរី ខេត្តបន្ទាយមានជ័យ ។ ឯកឧត្តមប្រធានក្រុមការងារ បានជម្រាបជូនពុកម៉ែបងប្អូនអំពីការចរចាបទឈប់បាញ់ និងស្ថានភាពតំបន់ព្រំដែននៅខេត្តបន្ទាយមានជ័យ។ រាជរដ្ឋាភិបាល និងអាជ្ញាធរខេត្តនឹងបន្តគាំពារពុកម៉ែបងប្អូនទាំងអស់រហូតដល់អាចវិលត្រឡប់ទៅផ្ទះសំបែងវិញ។ តមក ឯកឧត្តម ឌិត ទីណា បានអញ្ជើញចូលរួមការវេចនំអន្សមជាមួយប្រជាពលរដ្ឋនៅស្រុកថ្មពួក សម្រាប់ផ្គត់ផ្គង់នំអន្សមចំនួន ៥០០០ ដើម ជូនពុកម៉ែបងប្អូនភៀសខ្លួនមកទីតាំងសុវត្ថិភាព និងកងកម្លាំងការពារតំបន់ព្រំដែននៃខេត្តបន្ទាយមានជ័យ។ ឯកឧត្តមប្រធានក្រុមការងារ បានកោតសរសើរ ឯកឧត្តម ប្រាក់ ដាវីដ និងក្រុមការងាររាជរដ្ឋាភិបាលចុះមូលដ្ឋានស្រុកថ្មពួក ព្រមទាំងអាជ្ញាធរស្រុក ចំពោះការររៀបចំកម្មវិធីវេចនំអន្សមនេះ ដើម្បីឱ្យពុកម៉ែបងប្អូនទទួលបានស្បៀងបន្ថែមផង និងចូលរួមវេចនំអន្សមជូនកងទ័ពជួរមុខផង។ ឯកឧត្តម ឌិត ទីណា បានទទួលអំណោយជាស្បៀង គ្រឿងបរិក្ខារប្រើប្រាស់ និងគ្រាប់ពូជបន្លែ សម្រាប់ចែកជូនពុកម៉ែបងប្អូនដែលបានភៀសខ្លួនមកទីតាំងសុវត្ថិភាព ក្នុងខេត្តបន្ទាយមានជ័យ ។ ក្នុងនាមក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ឯកឧត្តមរដ្ឋមន្ត្រីបានថ្លែងអំណរគុណដ៏ជ្រាលជ្រៅចំពោះក្រុមហ៊ុន អ៊ីស្ត វេស…

(ខេត្តសៀមរាប)៖ ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក.) បានអញ្ជើញជួបសំណេះសំណាលសួរសុខទុក្ខ និងនាំយកអំណោយទៅជូនបងប្អូនប្រជាពលរដ្ឋជនភៀសសឹក ពីសមរភូមិទិសខេត្តព្រះវិហារ និង ខេត្តឧត្តរមានជ័យ ជិត ១៥០០នាក់ ដែលក្នុងនោះរួមមានទាំងកុមារ ជនចាស់ជរា ជនមានពិការភាព និងស្ត្រីមានផ្ទៃពោះ នៅវត្តស្វាយលើ ស្រុកស្វាយលើ ខេត្តសៀមរាប នាថ្ងៃទី៣០ ខែកក្កដា ឆ្នាំ២០២៥ ។ ឯកឧត្តមទេសរដ្ឋមន្រ្តី កែវ រ៉េមី បានពាំនាំការសាកសួរសុខទុក្ខ និងការយកចិត្តទុកដាក់បំផុតពីសំណាក់ សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដល់បងប្អូនភៀសសឹកទាំងអស់ ។ ឯកឧត្តមក៏បានជម្រាបជូនពីការសម្រេចបាននូវកិច្ចព្រមព្រៀងនៃបទឈប់បាញ់រវាងកម្ពុជានិងថៃ ចាប់ពីម៉ោង ១២អាធ្រាត ថ្ងៃទី២៨ ខែកក្កដា ឆ្នាំ២០២៥នេះ ដែលសន្តិភាពនឹងត្រឡប់មកដូចដើមវិញ ហើយបងប្អូនប្រជាពលរដ្ឋភៀសសឹកនឹងអាចបានត្រឡប់ទៅទីលំនៅវិញ ។ ឯកឧត្តមទេសរដ្ឋមន្រ្តី…

(ខេត្តបន្ទាយមានជ័យ)៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល នាថ្ងៃទី៣០ ខែកក្កដា ឆ្នាំ២០២៥ រួមជាមួយថ្នាក់ដឹកនាំក្រសួងសុខាភិបាល ចុះសួរសុខទុក្ខប្រជាពលរដ្ឋភៀសសឹក ដែលកំពុងស្នាក់បណ្តោះអាសន្ន នៅទីសុវត្ថិភាព ក្នុងខេត្តបន្ទាយមានជ័យ ដែលមានការចូលរួមពី ឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ។ ឯកឧត្តមសាស្រ្តាចារ្យ បានពាំនាំនូវការផ្ញាំផ្ញើសួរសុខទុក្ខ ព្រមទាំងនាំយកនូវសម្ភារៈប្រើប្រាស់ជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវ ពេជ ចន្ទមុន្នី ហ៊ុនម៉ាណែត តាមរយៈក្រសួងសុខាភិបាល ដើម្បីចូលរួមដោះស្រាយការលំបាករបស់បងប្អូនប្រជាពលរដ្ឋ ។ ឯកឧត្តមសាស្រ្តាចារ្យ បានណែនាំអំពីវិធីសាស្ត្រនៃការថែទាំសុខភាព ដោយអនុវត្តវិធានការសុខាភិបាលឱ្យបានខ្ជាប់ខ្ជួន ដូចជាការរក្សាអនាម័យ ការហូបស្អាត សម្រាន្តក្នុងមុង ដើម្បីបង្ការខ្លួនពីជំងឺគ្រុនឈាម គ្រុន់ចាញ់ និងចំអិនអាហារឱ្យបានឆ្អិនល្អ ជៀសវាងការបង្កជាជំងឺរាករូស គ្រុនក្តៅ ក្អួត ពុលចំណីអាហារ ផ្សេងៗ។ ក្នុងករណីមានបញ្ហាសុខភាព ត្រូវស្វែងរកសេវាសុខាភិបាល នៅទីតាំងសុខាភិបាល ក្នុងទីសុវត្ថិភាពនេះ ឬមូលដ្ឋានសុខាភិបាលនៅជិតអ្នកបំផុត ដោយមានវត្តមានជាប់ជាប្រចាំនៃបុគ្គលិកសុខាភិបាល ។…

(ភ្នំពេញ)៖ ក្រោយពីមានការឯកភាពគ្នាអនុវត្តបទឈប់បាញ់កាលពី ថ្ងៃទី២៨ ខែកក្កដា ឆ្នាំ ២០២៥ ភាគីកម្ពុជា-ថៃ បានព្រមព្រៀងបើកកិច្ចប្រជុំគណៈ កម្មាធិការព្រំដែនទូទៅកម្ពុជា-ថៃ(GBC)នៅថ្ងៃទី៤ ខែសីហា ឆ្នាំ២០២៥ ដោយកម្ពុជាធ្វើជាម្ចាស់ផ្ទះ។ នេះបើតាមការលើកឡើងពីសំណាក់ លោកជំទាវឧត្តម សេនី យ៍ឯក ម៉ាលី សុជាតា អ្នកនាំពាក្យក្រសួងការពារជាតិ ។ ក្នុងសន្នីសីទសារព័ត៌មានព្រឹកថ្ងៃទី៣១ ខែកក្កដា ឆ្នាំ២០២៥ អ្នកនាំពាក្យក្រសួងការពារជាតិបានឱ្យដឹងថាក្រោពីពីមាន កិច្ចព្រមព្រៀងឈប់បាញ់ នៅប្រទេសម៉ាឡេស៊ីរួចមកនោះទាំង ភាគីកម្ពុជា និងថៃ បានទទួលភាពជោគជ័យមួយចំនួនគឺធានាថាសង្គ្រាមមិនត្រូវកើតមាន ហើយត្រូវបញ្ចប់ និងត្រូវជំនួសមកវិញនូវសុខសន្តិភាព ។ អ្នកនាំពាក្យក្រសួងការពារជាតិបានថ្លែងដែរថា៖”កងទ័ពនៃប្រទេសទាំងពីរកម្ពុជា-ថៃបានគោរព និងអនុវត្តនៃកិច្ចព្រម ព្រៀង ហើយបានជួបប្រជុំគ្នានៅកម្រិតថ្នាក់ភូមិភាគ ។ ប្រទេសម៉ាឡេស៊ីក្នុងនាមជា ប្រធានអាស៊ានបច្ចុប្បន្នបានបញ្ជូនប្រតិភូ អគ្គមេបញ្ជាការកងទ័ពម៉ាឡេស៊ី មកដល់កម្ពុជា ហើយបានជួបពិភាក្សាជាមួយថ្នាក់ដឹកនាំរួចហើយផងដែរ” ។ ទាក់ទិនក្នុងរឿងនេះដែរ លោកជំទាវឧត្តម សេនី យ៍ឯក ម៉ាលី សុជាតា ថ្លែងដោយបញ្ជាក់បន្ថែមថាកាលពីថ្ងៃទី ៣០ ខែកក្កដា ថ្នាក់ដឹកនាំក្រសួងការពារជាតិកម្ពុជាបានរៀបចំកម្មវិធីចុះទៅផ្ទាល់ដោយ មាន គណៈប្រតិភូចំនួន១៣ប្រទេសក្នុងនោះបានចុះទៅដល់ច្រកអានសេះ…

(ភ្នំពេញ)៖ អំណោយសប្បុរសជននានា តាមរយៈរដ្ឋបាលរាជធានីភ្នំពេញ ដែល​មាន​ដូចជាចង្ក្រានហ្គាសធន់តូចនិងកំប៉ុងហ្គាសរាប់ពាន់កំប៉ុងព្រមទាំងខ្ទឹមសផងនោះ ត្រូវ​បានរដ្ឋបាលរាជធានីភ្នំពេញ យកមកផ្ដល់ជូនដល់មូលដ្ឋាន វីរៈកងទ័ពជួរមុខ នៅខ្សែ​បន្ទាត់ព្រំដែនកម្ពុជា-ថៃ នាស្រុកអន្លង់វែង ខេត្ដឧត្ដមានជ៏យ។ ពិធីប្រគល់និងទទួលបានធ្វើឡើង នាថ្ងៃទី៣០ ខែកក្ដដា ឆ្នាំ២០២៥នេះ ដឹកនាំ​ដោយ ឯកឧត្ដម អ៊ីមរ៉ន ហាស្សាន់ អភិបាលរងរាជធានីភ្នំពេញ តំណាង ឯកឧត្ដម ឃួង ស្រេង អភិបាលរាជធានីភ្នំពេញ ផ្ដល់ជូន ឯកឧត្ដមឧត្ដមសេនីយឯក ចន្ទ័ លំផាត តំណាង ឯកឧត្តមកិត្តិសង្គហបណ្ឌិតទេសរដ្ឋមន្ដ្រី គន់ គីម ប្រធានគណ​កម្មាធិការ​គ្រប់គ្រងគ្រោះមហន្ដរាយ និងលោកងួន ទ្ធីរិទ្ធ អភិបាល ស្រុកអន្លង់វែង នៅស្រុកអន្លង់វែង។ អំណោយសប្បុរសជននានា តាមរយៈរដ្ឋបាលរាជធានីភ្នំពេញ ដែលបានប្រគល់​ជូន​ពេលនេះ មានដូចជាចង្ក្រានហ្គាសធន់តូច សម្រាប់ចល័តចំនួន ៣០០០​ចង្ក្រាន​,កំប៉ុងហ្គាស ៦០០០កំប៉ុង និងខ្ទឹមសចំនួន ៥០០គីឡូក្រាម។ ឯកឧត្ដម អ៊ីមរ៉ន ហាស្សាន់ ក្នុងឱកាសនោះ ក៏បានអរគុណផងដែរ​ចំពោះទឹក​ចិត្ត​សប្បុរសជននានា នៅរាជធានីភ្នំពេញ ដែលតែងតែចូលរួមចែករំលែក​នូវធនធាន​តាមលទ្ធលភាពរៀងៗខ្លួន ដើម្បីឧបត្ថម្ភដល់វីរកងទ័ពជួរមុខ…