(ព្រះវិហារ)៖ មេទ័ពជាន់ខ្ពស់កម្ពុជាមួយរូប បានប្រាប់អនុព័ន្ធយោធា និងមន្រ្តីទូតនានា ថាទាហានថៃ បានចាប់ខ្លួនទាហានកម្ពុជាចំនួន២០នាក់ ធ្វើជាចំណាប់ខ្មាំង ក្រោយពីបទឈប់បាញ់ចូលជាធរមាន។ ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹករងព្រះវិហារ បានលើកឡើងយ៉ាងដូច្នេះ ក្នុងឪកាសអញ្ជើញអនុព័ន្ធយោធា និងមន្ត្រីទូត មកពីប្រទេសចំនួន ១៣ ដើម្បីចុះពិនិត្យការអនុវត្តបទឈប់បាញ់រវាងប្រទេសកម្ពុជា និងប្រទេសថៃ នៅតាមតំបន់ព្រំដែន នៅថ្ងៃពុធ ទី ៣០ ខែកក្កដា នេះ។ មន្ត្រីខ្ពស់យោធាដដែល បញ្ជាក់ថា នាវេលាម៉ោង៥ និង១៨នាទីព្រឹកថ្ងៃទី២៩ ខែកក្កដា កងទ័ពថៃបានប្រើរថគ្រោះមួយគ្រឿង ជាមួយកម្លាំងថ្មើរជើងចំនួន៣០នាក់បាញ់សំដៅលើកងកម្លាំងកម្ពុជានៅបុស្បូវជាំតែចំនួន២គ្រាប់ ប៉ុន្តែកងកម្លាំងកម្ពុជាមិនបានបាញ់តបតទៅភាគីថៃនោះទេតាមបទបញ្ជារបស់ថា្នក់ដឹកនាំ ដោយកងកម្លាំងបានចូលទៅលេណដ្ឋានដើម្បីធ្វើការលាក់ខ្លួនការពារសុវត្ថិភាព។ នៅពេលនោះ កងកម្លាំងថៃ បានបាញ់មកលើកម្ពុជាបន្ថែមទៀត និងបានដណ្តើមយកលេណដ្ឋានរបស់កងទ័ព កម្ពុជាប្រមាណ៤០ម៉ែត្រ ហើយបានប្រើល្បិចបក់ដៃហៅកងទ័ពកម្ពុជាឱ្យទៅចចារគ្នា។ ឧត្តមសេនីយ៍ទោ ច័ន្ទ សុភ័ក្រ្តា បន្ថែមថា កងទ័ពកម្ពុជាប្រមាណ៦នាក់ បានចូលទៅជិតកងកម្លាំងថៃដោយបានចាប់ដៃស្វាមគមន៍គ្នា និងថតរូបជុំគ្នាទុកជាអនុស្សាវរីយ៍។ ប៉ុន្តែក្នុងអំឡុងភាគីទាំងពីរកំពុងឈរថតរូបជុំគ្នា ស្រាប់តែកងទ័ពថៃដែលលាក់ខ្លួននៅពីក្រោយស្ទុះមកលើកកាំភ្លើងភ្ជង់ ហើយចាប់កងទ័ពកម្ពុជាជិត២០នាក់។ ឯកឧត្តម បញ្ជាក់ថា កងទ័ពកម្ពុជាម្នាក់បាត់រត់រួច ប៉ុន្តែកងទ័ពកម្ពុជាពីរនាក់អាចនឹងត្រូវបាញ់សម្លាប់។ហើយរហូតមកទល់រសៀលថ្ងៃទី៣០…

(ភ្នំពេញ)៖ ដោយផ្អែកលើស្ថានភាពបច្ចុប្បន្ន ឯកឧត្ដមរដ្ឋមន្ត្រីក៏បានយកឱកាសនេះដើម្បីឱ្យអង្គសិក្ខាសាលាទាំងមូល ជាពិសេស អង្គការ ILO បន្ថែមការចាប់អារម្មណ៍លើការលេចចេញនូវសកម្មភាពរើសអើង និងអំពើហិង្សាមួយចំនួនទៅលើពលករខ្មែរដែលកំពុងស្នាក់នៅ និងធ្វើការនៅប្រទេសថៃពីសំណាក់ក្រុមជ្រុលនិយមថៃ។ ឯកឧត្ដមរដ្ឋមន្ត្រីបានស្នើឱ្យភាគីពាក់ព័ន្ធទាំងអស់ ពិចារណាពិភាក្សារកដំណោះស្រាយជាក់ស្ដែងលើកស្ទួយដល់សិទ្ធិពលករទេសន្តរប្រវេសន៍កម្ពុជាដែលកំពុងស្នាក់នៅ និងធ្វើការនៅប្រទេសថៃ ក៏ដូចជាអ្នកដែលបាននិងកំពុងវិលចូលមកស្រុកវិញយ៉ាងគំហុក ដោយសារតែពួកគាត់ព្រួយបារម្ភចំពោះសុវត្ថិភាព។ ប្រសាសន៍ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លើកឡើងកាលពីថ្ងៃទី២៨ ខែកក្កដា ឆ្នាំ២០២៥ បានបង្ហាញអំពីរូបភាពនៃការប្រព្រឹត្តិអំពើហិង្សាពីសំណាក់ក្រុមជ្រុលនិយមថៃមកលើពលករខ្មែរដែលកំពុងស្នាក់នៅ និងធ្វើការនៅប្រទេសថៃ។ ការបង្ហាញនេះ គឺធ្វើឡើងក្នុងពេលដែលឯកឧត្តមរដ្ឋមន្ត្រី ក្នុងពិធីបើកសិក្ខាសាលាត្រីភាគី ដែលមានក្រសួងការងារ និងបណ្ដុះបណ្ដាលវិជ្ជាជីវៈ, អង្គការវិជ្ជាជីវៈរបស់និយោជក, អង្គការវិជ្ជាជីវៈរបស់កម្មករនិយោជិត និងអង្គការអន្តរជាតិខាងការងារ (ILO) ស្ដីពី «ការត្រួតពិនិត្យប្រចាំឆ្នាំ២០២៥ នៃការអនុវត្តកម្មវិធីការងារសមរម្យប្រចាំប្រទេសកម្ពុជា ឆ្នាំ២០២៤-២០២៨» នៅសណ្ឋាគារកាំបូឌីយ៉ាណា។ ឯកឧត្តមរដ្ឋមន្ត្រី បានថ្លែងអំណរគុណយ៉ាងជ្រាលជ្រៅចំពោះភាគីពាក់ព័ន្ធទាំងអស់ ដែលបានចូលរួមយ៉ាងសកម្ម និងប្រកបដោយស្មារតីទទួលខុសត្រូវខ្ពស់ក្នុងការអនុវត្តដោយជោគជ័យនូវ កម្មវិធីការងារសមរម្យប្រចាំប្រទេសកម្ពុជា (DWCP) នាពេលកន្លងមកនេះ។ នៅក្នុងចំណោមបណ្តាប្រទេសជាសមាជិកអាស៊ាន មាន កម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន ថៃ ទីម័រខាងកើត…

(សៀងហៃ)៖ នៅថ្ងៃទី២៦-២៨ ខែកក្កដា ឆ្នាំ២០២៥ ឯកឧត្តម សំ សិទ្ធិសេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាននៃក្រសួងប្រៃសណីយ៍និងទូរគមនាគមន៍ បានដឹកនាំគណៈប្រតិភូទៅចូលរួមក្នុងសន្និសីទពិភពលោកស្តីពីបញ្ញាសិប្បនិម្មិត (WAIC) ឆ្នាំ២០២៥ ដោយមានការអញ្ជើញចូលរួមពី ឯកឧត្តម Li Qiang នាយករដ្ឋមន្រ្តីនៃសាធារណរដ្ឋប្រជាមានិតចិន ព្រមទាំងថ្នាក់ដឹកនាំ និងអ្នកជំនាញបច្ចេកវិទ្យា អ្នកវិទ្យាសាស្រ្ត អ្នកធ្វើគោលនយោបាយ មកពីប្រមាណ ៤៤ប្រទេសនៅជុំវិញពិភពលោក។ សន្និសីទពិភពលោកស្តីពីបញ្ញាសិប្បនិម្មិត គឺជាព្រឹត្តិការណ៍លំដាប់អន្តរជាតិកំពូលមួយដែលប្រមូលផ្តុំដោយថ្នាក់ដឹកនាំមកពីជុំវិញពិភពលោក អ្នកវិទ្យាសាស្ត្រ និងអ្នកធ្វើគោលនយោបាយ ដើម្បីដាក់បង្ហាញអំពីបច្ចេកវិទ្យាបញ្ញាសិប្បនិម្មិតឈានមុខគេ ជំរុញកិច្ចសហប្រតិបត្តិការអន្តរជាតិ និងពិភាក្សាអំពីអភិបាលកិច្ចនិងឥទ្ធិពលសង្គមនៃបញ្ញាសិប្បនិម្មិត ។ ក្នុងឱកាសនៃការចូលរួមសន្និសីទពិភពលោកស្តីពីបញ្ញាសិប្បនិម្មិត (WAIC) ឯកឧត្តម សំ សិទ្ធិសេរី និងគណៈប្រតិភូបានទស្សនកិច្ចពិព័រណ៍របស់សន្និសីទ ដើម្បីស្វែងយល់ពីនវានុវត្តន៍ចុងក្រោយបង្អស់ក្នុងវិស័យ Generative AI, Large Language Models, ដ្រូន និងមនុស្សយន្តផងដែរ។ ជាមួយគ្នានេះ ឯកឧត្តមអគ្គនាយក ក៏បានចូលរួមថ្លែងសុន្ទរកថាគន្លឹះ ក្នុងវេទិកាពិភាក្សាគោលនយោបាយ និងកិច្ចសហប្រតិបត្តិការអភិវឌ្ឍន៍បញ្ញាសិប្បនិម្មិតសកល ដោយឯកឧត្តមបានគូសបញ្ជាក់ពីគោលនយោបាយស្នូលពីរដែលជាមគ្គុទេសន៍ក្នុងការជំរុញបរិវត្តកម្មឌីជីថល និងការអភិវឌ្ឍបច្ចេកវិទ្យាឌីជីថលថ្មីៗជាពិសេសបញ្ញាសិប្បនិម្មិតនៅកម្ពុជាគឺ «ក្របខ័ណ្ឌគោលនយោបាយសេដ្ឋកិច្ចនិងសង្គមឌីជីថលកម្ពុជា ២០២១-២០៣៥» និង «គោលនយោបាយរដ្ឋាភិបាលឌីជីថលកម្ពុជា…

(ភ្នំពេញ)៖ នារសៀលថ្ងៃទី២៨ ខែកក្កដា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានដឹកនាំគណៈប្រតិភូក្រសួង អញ្ជើញដាក់កម្រងផ្កាចូលរួមរំលែកទុក្ខ និងគោរពវិញ្ញាណក្ខន្ធ ឯកឧត្តម ឧត្តមសេនីយ៍ឯក ដួង សំនៀង មេបញ្ជាការកងពលតូចអន្តរាគមន៍លេខ៧ បានពលីជីវិតនៅលើសមរភូមិប្រយុទ្ធព្រះវិហារ កាលពីថ្ងៃទី២៦ ខែកក្កដា ឆ្នាំ២០២៥ ជន្មាយុ ៦៧ឆ្នាំ។ ភាពអង់អាចក្លាហាន និងការលះបង់របស់ ឯកឧត្តម ឧត្តមសេនីយ៍ឯក ជាគំរូវីរភាពដ៏ឧត្តុងឧត្តមសម្រាប់ ជាតិ សាសនា ព្រះមហាក្សត្រ ដែលយើងខ្ញុំទាំងអស់គ្នា យុវជន និងប្រជាពលរដ្ឋគ្រប់រូបនិងចាំទុកនូវគុណូបការៈដ៏ធំធេងនេះ។ តាងនាមថ្នាក់ដឹកនាំនិងមន្រ្តីរាជការក្រសួងប្រៃសណីយ៍និងទូរគមនាគមន៍ ឯកឧត្តមរដ្ឋមន្ត្រី សូមចូលរួមរំលែកមរណទុក្ខដ៏ក្រៀមក្រំបំផុតចំពោះការបាត់បង់ឥស្សរជនស្នេហាជាតិដ៏ឧត្តុងឧត្តម ដែលបានរួមចំណែក យ៉ាងធំធេងក្នុងការប្រយុទ្ធតស៊ូជាមួយខ្មាំងសៀម ដែលកំពុងធ្វើការឈ្លានពានមកលើដែនអធិបតេយ្យភាពកម្ពុជាយើង ៕ ដោយ ៖ ង៉ាន់ ទិត្យ

ហ្សាកាតា ៖ វិមានប្រធានាធិបតីឥណ្ឌូណេស៊ីបានប្រកាសបន្ទាប់ពីកិច្ចប្រជុំរវាងលោកប្រធានាធិបតីឥណ្ឌូណេស៊ី Prabowo Subianto និងលោកនាយករដ្ឋមន្ត្រីម៉ាឡេស៊ី Anwar Ibrahim នៅថ្ងៃទី២៩ ខែកក្កដា ថា ឥណ្ឌូណេស៊ីកំពុងទំនាក់ទំនងយ៉ាងសកម្មជាមួយម៉ាឡេស៊ី ដើម្បីលើកទឹកចិត្តឱ្យមានការបន្ធូរបន្ថយជម្លោះរវាងកម្ពុជា និងថៃ។ លោកប្រធានាធិបតី Prabowo បានចាប់ផ្តើមកិច្ចប្រជុំដោយការថ្លែងសាទរលោកនាយករដ្ឋមន្រ្តី Anwar ដែលបានសម្របសម្រួលឱ្យមានបទឈប់បាញ់ក្នុងជម្លោះកម្ពុជា-ថៃ និងថា លោកគាំទ្រយ៉ាងពេញទំហឹងចំពោះតួនាទីរបស់ម៉ាឡេស៊ី ក្នុងនាមជាប្រធានអាស៊ាន ក្នុងការរក្សាស្ថិរភាពក្នុងតំបន់។ លោក Prabowo មានវ័យ៧៤ឆ្នាំរូបនេះ បានបញ្ជាក់យ៉ាងដូច្នេះថា យើងត្រៀមខ្លួនជាស្រេចដើម្បីជួយ ទោះនៅទីណាក៏ដោយ។ យើងចង់ឱ្យអាស៊ានតែងតែដោះស្រាយជម្លោះដោយសន្តិវិធី តាមរយៈការពិគ្រោះយោបល់ ការពិចារណា និងការចរចា។ ដោយឡែក លោកនាយករដ្ឋមន្រ្តី Anwar បានប្រាប់លោក Prabowo ថា កិច្ចសហប្រតិបត្តិការក្នុងចំណោមសមាជិកអាស៊ាន គឺមានសារៈសំខាន់ ក្នុងការថែរក្សាសន្តិសុខក្នុងតំបន់។ លោក Anwar មានវ័យ៧៨ឆ្នាំរូបនេះ បានលើកឡើងយ៉ាងដូច្នេះថា សម្រាប់ពេលនេះ នៅក្នុងការត្រួតពិនិត្យសន្តិសុខ ប្រទេសអាស៊ាន ពិសេសម៉ាឡេស៊ី ឥណ្ឌូនេស៊ី សិង្ហបុរី ប្រ៊ុយណេ និងហ្វីលីពីន នឹងទទួលខុសត្រូវត្រួតពិនិត្យដំណើរការសន្តិភាពនេះ។…