ភ្នំពេញ៖រដ្ឋមន្ត្រីក្រសួងយុត្តិធម៌ឯកឧត្តម កើត រិទ្ធ ថ្មីៗនេះ បានជំរុញ ទៅ ភាគី ពាក់ព័ន្ធពង្រឹងគុណភាពសាលាជម្រះក្ដីឬតុលាការ នៅ ចំពោះមុខនូវរឿងហេតុមួយចំនួនដែលកំពុងតែកើតឡើងដូចជា អំពើ ជួញដូរមនុស្ស ជួញដូរពលកម្ម ការកេងប្រវញ្ចពលកម្ម និងអាជីវកម្ម ផ្លូវភេទ ជាដើម។ការណែនាំនេះធ្វើឡើង នៅថ្ងៃទី១៦ខែកញ្ញា ក្នុងកិច្ចប្រជុំស្ដីពី ចំណាត់ការលើសំណុំរឿងជួញដូរមនុស្ស សំណុំរឿងសម្អាតប្រាក់ និងសំណុំរឿងរំលោភសេពសន្ថវៈ ក្នុងគោលបំណងបង្កើនប្រសិទ្ធភាព និងពន្លឿនចំណាត់ការនីតិវិធីពាក់ព័ន្ធនឹងសំណុំរឿងព្រហ្មទណ្ឌ។ ផ្អែកតាមលទ្ធផលនៃកិច្ចប្រជុំលោករដ្ឋមន្ត្រីក្រសួងយុត្តិធម៌ បាន ប្រាប់ទៅកាន់ស្ថាប័នអយ្យការត្រូវផ្តល់កិច្ចសហការពេញលេញ និងគ្រប់ជ្រុងជ្រោយជាមួយមន្ត្រីអនុវត្តច្បាប់ពាក់ព័ន្ធ ក្នុងការអនុវត្ត ប្រតិបត្តិការប្រយុទ្ធប្រឆាំងគ្រប់ទម្រង់នៃអំពើជួញដូរមនុស្ស ជួញដូរ ពលកម្ម កេងប្រវ័ញ្ចពលកម្ម និងអាជីវកម្មផ្លូវភេទ។ បើតាមឯកឧត្តម កើត រិទ្ធ គឺស្ថាប័នអយ្យការត្រូវយកចិត្តទុកដាក់ ផងដែរ ពន្លឿនការស្រាវជ្រាវពាក់ព័ន្ធនឹងបទល្មើសសម្អាតប្រាក់ ឱ្យបានទាន់ពេលវេលា និងឱ្យមានប្រសិទ្ធភាព ហើយសាលាជម្រះ ក្តីគ្រប់ជាន់ថ្នាក់ត្រូវពន្លឿនចំណាត់ការឱ្យបានឆាប់រហ័ស។ រីឯចៅក្រម ព្រះរាជអាជ្ញា និងមន្ត្រីអនុវត្តច្បាប់ទាំងអស់ ត្រូវយកចិត្តទុកដាក់ ពង្រឹង សមត្ថភាពរបស់ខ្លួនបន្ថែមទៀតលើជំនាញផ្នែកប្រយុទ្ធ ប្រឆាំង នឹងការសម្អាតប្រាក់ ជួញដូរមនុស្ស ជួញដូរពលកម្ម កេងប្រវ័ញ្ច…

ភ្នំពេញ ៖ ថ្លែងក្នុងសិក្ខាសាលាផ្សព្វផ្សាយអំពីកសិកម្មអភិរក្ស និងប្រពលវប្បកម្មនិរន្តរភាពនៅប្រទេសកម្ពុជា នាព្រឹកថ្ងៃទី២០ ខែកញ្ញា ឆ្នំា២០២២ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា សុខសន្តិភាព និងស្ថិរភាពនយោបាយគឺជាបុរេលក្ខខណ្ឌដ៏ចម្បង និងសំខាន់បំផុតសម្រាប់កសាងខឿនសេដ្ឋកិច្ច និងអភិវឌ្ឍប្រទេសជាតិ។ កំណើនសេដ្ឋកិច្ចកម្ពុជា ជាងពីរទសវត្សរ៍កន្លងមកទទួលបានក្នុងរង្វង់ជាង៧%ក្នុងមួយឆ្នាំ។ ប៉ុន្តែដោយសារវិបត្តិជាសាកលបណ្តាលមកពីការឆ្លងរាលដាលនៃជំងឺកូវីដ-១៩ បានធ្វើឱ្យសេដ្ឋកិច្ចជាតិយើងមានការធ្លាក់ចុះក្នុងអត្រា -៣,១% នៅឆ្នាំ២០២០ និងបានធ្វើឱ្យប៉ះពាល់ជីវភាពរស់នៅរបស់គ្រួសារក្រីក្រ និងជនងាយរងគ្រោះ។ ទោះជាយ៉ាងណា ដោយសារមានកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការបង្វែរវិបត្តិឱ្យទៅជាឱកាស បានធ្វើឱ្យកម្ពុជាសម្របខ្លួនទៅនឹងប្រក្រតីភាពថ្មី ហើយរំពឹងថា កំណើនសេដ្ឋកិច្ចជាតិអាចសម្រេចបានក្នុងអត្រា៥,៤% ក្នុងឆ្នាំ២០២២នេះ ទោះបីមានការទទួលរងនូវផលប៉ះពាល់បន្ថែមពីសង្គ្រាមរវាងរុស្ស៊ី-អ៊ុយក្រែន ក៏ដូចជាសង្រ្គាមពាណិជ្ជកម្ម និងបច្ចេកវិទ្យា និងការប្រែប្រួលអាកាសធាតុជាដើម។ ឯកឧត្តម វេង សាខុន បានវាយតម្លៃខ្ពស់ ចំពោះសម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជា ដែលបានខិតខំប្រឹងប្រែងយកចិត្តទុកដាក់សហការជាមួយដៃគូអភិវឌ្ឍន៍ និងក្រុមហ៊ុនឯកជនផ្នែកកសិកម្ម រៀបចំឱ្យមានព្រឹត្តិការណ៍នេះឡើង ដើម្បីផ្សព្វផ្សាយដល់គ្រប់ដៃគូពាក់ព័ន្ធទាំងអស់ដែលកំពុងចូលរួមក្នុងវិស័យកសិកម្មបានស្វែងយល់ និងពង្រីកសកម្មភាពកសិកម្មអភិរក្សនិងប្រពលវប្បកម្មនិរន្តរភាពឱ្យបានកាន់តែទូលំទូលាយថែមទៀត។ ឯកឧត្តមបន្ថែមថា កសិកម្មអភិរក្ស និងប្រពលវប្បកម្មនិរន្តរភាពមានតួនាទីសំខាន់ក្នុងការបង្កើនភាពធន់ទ្រាំនៃប្រព័ន្ធផលិតកម្មដោយសារសម្ពាធជីវៈ និងអជីវៈ ព្រមទាំងផ្តល់ផលប្រយោជន៍ជាច្រើនដូចជាជួយកម្ចាត់ស្មៅ កែប្រែស្ថានភាពដី និងទប់ស្កាត់ការហូរច្រោះដីជាដើម។…

ភ្នំពេញ ៖ ដោយបានការឯកភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងនាមជាប្រធានប្ដូរវេន នឹងធ្វើជាម្ចាស់ផ្ទះរៀបចំកិច្ចប្រជុំថ្នាក់រដ្ឋមន្ត្រីអាស៊ានទទួល បន្ទុកឧក្រិដ្ឋកម្មឆ្លងដែន លើកទី១៦ និងកិច្ចប្រជុំពាក់ព័ន្ធ (16’h AMMTC and Its Related Meetings) ចាប់ពីថ្ងៃទី២១-២២ ខែកញ្ញា ឆ្នាំ២០២២ តាមប្រព័ន្ធវីដេអូ។ កិច្ចប្រជុំថ្នាក់រដ្ឋមន្ត្រីអាស៊ានទទួលបន្ទុកឧក្រិដ្ឋកម្មឆ្លងដែន លើកទី១៦ គឺជាវេទិកាសម្រាប់ រដ្ឋមន្ត្រីមកពីបណ្តារដ្ឋសមាជិកអាស៊ាន ផ្លាស់ប្ដូរយោបល់ និងចែករំលែកបច្ចុប្បន្នភាពអំពីនិន្នាការនៃ ឧក្រិដ្ឋកម្មឆ្លងដែនក្នុងតំបន់ និងសកល ជាពិសេសលើប្រភេទនៃឧក្រិដ្ឋកម្មទាំង១០ ដែលបានកំណត់ ក្នុងក្របខណ្ឌនៃកិច្ចសហប្រតិបត្តិការរបស់អាស៊ាន ដូចជា៖ ការរត់ពន្ធអាវុធ អំពើភេរវកម្ម ការសម្អាតប្រាក់ អំពើប្លន់លើផ្ទៃសមុទ្រ ការរត់ពន្ធមនុស្ស ការជួញដូរមនុស្ស បទល្មើសសេដ្ឋកិច្ចអន្តរជាតិ បទល្មើស បច្ចេកវិទ្យា ការជួញដូរគ្រឿងញៀនខុសច្បាប់ និងការជួញដូរសត្វព្រៃ និងឈើខុសច្បាប់។ ទន្ទឹមនេះ កិច្ចប្រជុំ ក៏នឹងពិនិត្យ…

ភ្នំពេញ៖ នៅព្រឹកថ្ងៃចន្ទ ៩រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែកញ្ញា ឆ្នាំ២០២២គណៈកម្មាធិការ អចិន្ត្រៃយ៍ រដ្ឋសភានៃព្រះរាជាណាចក្រកម្ពុជា បានបើកកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សរិន ប្រធានរដ្ឋសភា។ អង្គប្រជុំបានធ្វើការពិភាក្សា និងអនុម័តតាមរបៀបវារៈ ដែលមានលទ្ធផល ដូច ខាង ក្រោម៖១- អង្គប្រជុំបានអនុម័តប្រគល់ សេចក្តីព្រាងច្បាប់ស្តីពី ការអនុម័តយល់ព្រម លើពិធីសារទីបួន ស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន ដល់គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និង ធនធានទឹក នៃរដ្ឋសភា ដោយសហការជាមួយ គណៈកម្មការ កិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាន នៃរដ្ឋសភា ពិនិត្យ សិក្សា ហើយ ធ្វើរបាយការណ៍ជូនគណៈកម្មាធិការ អចិន្រ្តៃយ៍រដ្ឋសភាវិញ។២- អង្គប្រជុំបានអនុម័តលើ គម្រោងចំណាយថវិការបស់រដ្ឋសភា ឆ្នាំ២០២៣ ដើម្បីបញ្ជូន ទៅក្រសួងសេដ្ឋកិច្ច និងហិរញ្ញវត្ថុ…