ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីភាព ដឹកនាំកិច្ចប្រជុំពិនិត្យពិភាក្សាសេចក្ដីព្រាងច្បាប់ ស្ដីពី បទល្មើសបច្ចេកវិទ្យាព័ត៌មាន នៅទីស្ដីការក្រសួងមហាផ្ទៃនៅព្រឹកថ្ងៃអង្គារ ១១កើត ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៦ ខែកញ្ញា ឆ្នាំ២០២២នេះ ។ មានប្រសាសន៍បើកកិច្ចប្រជុំ សម្ដេចក្រឡាហោម ស ខេង បានរំលឹកថាសេចក្ដីព្រាងច្បាប់ស្ដីពី បទល្មើសបច្ចេកវិទ្យាព័ត៌មាន ត្រូវបានក្រសួងមហាផ្ទៃរៀបចំតាក់តែងឡើងតាំងតែពីឆ្នាំ២០១៦ ដោយបានឆ្លងកាត់កិច្ចប្រជុំពិគ្រោះយោបល់ជាច្រើនលើកជាច្រើនសារ និងក៏មានការចូលរួមពីភាគីស្ថានទូតអាមេរិកប្រចាំនៅកម្ពុជាផងដែរ។ សម្ដេច បានបន្តថា ជាមួយគ្នានេះ កិច្ចពិគ្រោះយោបល់លើសេចក្ដីព្រាងច្បាប់នេះ ក៏មានការចូលរួមពីក្រុមហ៊ុនធំៗអាមេរិកចំនួន៥ ហើយសម្រាប់ភាគីកម្ពុជាវិញ មានការចូលរួមពីអន្តរក្រសួង រួមមានក្រសួងប្រៃសណីយ៍ និងទូរគមនាគមន៍ ក្រសួងព័ត៌មាន ក្រសួងពាណិជ្ជកម្ម ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងយុត្តិធម៌ ។ នាឱកាសនោះ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ ក៏បានធ្វើរបាយការណ៍ជូនសម្ដេចក្រឡាហោម និងអង្គប្រជុំ អំពីដំណើរការនៃការរៀបចំសេចក្ដីព្រាងច្បាប់ស្ដីពី…

កំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិអភិបាលនៃគណៈអភិបាលខេត្តកំពង់ឆ្នាំង នៅព្រឹកថ្ងៃទី០៥ ខែកញ្ញាឆ្នាំ២០២២ ក្នុងពិធីប្រកាសចូលកាន់តំណែងអភិបាលរងខេត្តថ្មីចំនួន ០៤រូប នៅក្នុងសាលាខេត្តកំពង់ឆ្នាំងបានថ្លែងថា ក្នុងនាមគណៈអភិបាលខេត្តកំពង់ឆ្នាំង ឯកឧត្តម សូមប្រកាសគាំទ្រ និងសូមថ្លែងអំណរ គុណយ៉ាងជ្រាលជ្រៅដល់ សម្ដេចតេជោ ប្រមុខរាជរដ្ឋាភិបាលដែលផ្ដល់ទំនុកចិត្តប្រកាសតែងតាំងអភិបាលរងខេត្តថ្មីចំនួន៤រូបដល់ខេត្តកំពង់ឆ្នាំង ។ ជាក់ស្តែងក្នុងថ្ងៃនេះ ឯកឧត្តម ប៉ាវ ហ៊មផាន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់សម្ដេច ក្រឡាហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានផ្តល់កិត្តិយសអញ្ជើញជាអធិបតីភាពក្នុងពិធីប្រកាសចូលកាន់តំណែង អភិបាលរងខេត្តថ្មីទាំង០៤រូប ។ ឯកឧត្តមបានបន្តថា ដើម្បីអនុវត្តឲ្យបានជោគជ័យនូវយុទ្ធសាស្ត្រចតុកោណដំណាក់កាលទី ៤ របស់ប្រមុខរាជរដ្ឋាភិបាល ក្រុមប្រឹក្សាខេត្ត គណៈអភិបាលខេត្ត ក្រុមប្រឹក្សាស្រុកគណៈអភិបាលស្រុក ក្រុមប្រឹក្សាឃុំសង្កាត់និងពង្រឹងសមត្ថភាពក្នុងកា រដឹកនាំក្នុងដែនរដ្ឋបាលរបស់ខ្លួនដើម្បីអភិវឌ្ឍន៍ទឹកដីខេត្តកំពង់ឆ្នាំង ឲ្យមានការរីកចម្រើនលើគ្រប់វិស័យ ។ ដោយយកចិត្តទុកដាក់ដោះស្រាយទំនាស់នានាដោះស្រាយសំណូមពរនិងសេវាតម្រូវការនានា របស់ប្រជាពលរដ្ឋ ឲ្យបានទាន់ពេលវេលានិងមានតម្លាភាពស្របតាមលិខិតបទដ្ឋានគតិយុត្តិនានារបស់ជាតិ ។ ឯកឧត្តម ប៉ាវ ហ៊មផាន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់សម្ដេចក្រឡាហោម ស ខេង នៅក្នុងពិធីនេះបានមានប្រសាសន៍ថា លោកអភិបាលរងខេត្តថ្មីទាំង៤…

រដ្ឋសភា៖ នៅវិមានរដ្ឋសភា នាព្រឹកថ្ងៃចន្ទ ១០កើត ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី ៥ ខែ កញ្ញា ឆ្នាំ២០២២ លោកជំទាវ កិត្តិសង្គហបណ្ឌិត ឃួន សុដារី បានអនុញ្ញាតឱ្យប្រតិភូក្រុមប្រឹក្សាទឹកនៃសភាអាស៊ី ដឹកនាំដោយ ឯកឧត្តម Yongdeok Cho អគ្គលេខាធិការក្រុមប្រឹក្សាទឹកអាស៊ី (Asian Water Council-AWC) ចូលជួបសម្តែងការគួរសម និងពិភាក្សាលើការងារមួយចំនួនពាក់ព័ន្ធនឹងការរៀបចំកិច្ចប្រជុំក្រុមប្រឹក្សាទឹកនៃសភាអាស៊ីលើកទី៥ នៅព្រះរាជាណាចក្រកម្ពុជានាឆ្នាំ២០២៣ខាងមុខនេះ ។ លោកជំទាវកិត្តិសង្គហបណ្ឌិត បានសម្តែងនូវក្តីរំភើបរីករាយយ៉ាងក្រៃលែង និងសូមស្វាគមន៍យ៉ាងកក់ក្ដៅចំពោះប្រតិភូក្រុមប្រឹក្សាទឹកអាស៊ីក្នុងដំណើរទស្សនកិច្ចការងារមកកាន់ព្រះរាជាណាចក្រកម្ពុជា ជាពិសេសរដ្ឋសភាជាតិនាពេលនេះ ។ លោកជំទាវបានមានប្រសាសន៍លើកឡើងអំពី សារៈសំខាន់នៃទឹកដែលជាងតម្រូវការបឋមយ៉ាងចាំបាច់បំផុតរបស់មនុស្ស។ ទឹកជាធាតុផ្សំដ៏សំខាន់បំផុតសម្រាប់គ្រប់ផលិតកម្ម ប្រកបដោយចីរភាព ដែលជាមូលដ្ឋានគ្រឹះនៃសន្តិសុខស្បៀង និងជាប្រភពចម្បងនៃជីវភាពរបស់ប្រជាជនទូទាំងសកលលោក។ លោកជំទាវបានគូសបញ្ជាក់ថា សន្តិសុខទឹកមានសារៈសំខាន់ ហើយមានភាពពាក់ព័ន្ធទៅនឹងវិស័យច្រើនរួមគ្នាក្នុងការគ្រប់គ្រងទឹក ដូចជា វិទ្យាសាស្រ្ត បច្ចេកវិទ្យា បរិស្ថាន សង្គម និងនយោបាយជាដើម។ ជាងនេះទៅទៀត ការគ្រប់គ្រងនិងត្រួតពិនិត្យលើបរិមាណ និងគុណភាពទឹក…

ទីក្រុង Vladivostok ៖ ឯកឧត្តម ជា សំអាង រដ្ឋលេខាធិការ នៃក្រសួងបរិសា្ថន និងជាជនបង្គោលសម្រាប់កម្មវិធីស្តារសត្វខ្លាធំ តំណាងដ៏ខ្ពង់ខ្ពស់ ឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន នាថ្ងៃទី០៥ ខែកញ្ញា ឆ្នាំ២០២២ បានដឹកនាំគណៈប្រតិភូកម្ពុជាមកចូលរួមវេទិកាអន្តរជាតិលើកទី២ ស្តីពីសត្វខ្លាធំ ដែលមានតំណាងអញ្ជើញមកពីប្រទេសសរុបចំនួន១៤ (វត្តមានជាក់ស្តែង៩ប្រទេស)ចូលរួម និងវេទិកានេះរៀបចំឡើងដោយប្រទេសរុស្ស៊ី និងប្រព្រឹត្តទៅនៅទីក្រុង Vladivostok ។ គោលបំណង នៃវេទិកាខាងលើគឺ ដើម្បីពិនិត្យពិភាក្សាទៅលើវឌ្ឍនភាព នៃការអភិរក្សសត្វខ្លាធំនៅលើពិភពលោក និងអនុម័តលើសេចក្តីថ្លែងការណ៍ទីក្រុង Vladivostok ស្តីអំពីការអភិរក្សសត្វខ្លាធំ។ ឯកឧត្តម ជា សំអាង បានជម្រាបជូនអង្គវេទិកាថា ក្នុងពេលដែលកម្ពុជាទទួលបានសុខសន្តិភាព ឯកភាពជាតិ ស្ថេរភាពនយោបាយ និងក្នុងដំណើរនៃកំណើនសេដ្ឋកិច្ចជាតិ និងការអភិវឌ្ឍជាតិរាជរដ្ឋាភិបាលកម្ពុជាបានគាំទ្រគោលការណ៍ស្តារសត្វខ្លាធំ និងផែនការសកម្មភាពចំនួន ៨ចំណុចសម្រាប់ស្តារសត្វខ្លាធំនៅតំបន់ជួរភ្នំក្រវាញជាអាទិភាពរួមមាន ១.ជំរុញការអនុវត្តគម្រោងរេដបូកនៅតំបន់ជួរភ្នំក្រវាញ។២.ដោះស្រាយបញ្ហា នៃការដាក់អន្ទាក់សត្វព្រៃតាមរយៈយុទ្ធនាការផ្សព្វផ្សាយដើម្បីលើកកម្ពស់ការចូលរួម និងការយល់ដឹងរបស់សាធារណជន។៣.ជំរុញការស្ដារសត្វរំពាររបស់សត្វខ្លា។ ៤.ជំរុញកិច្ចសហការជាមួយបណ្ដាប្រទេសដែលមានសត្វខ្លាធំ ជាពិសេសប្រទេសឥណ្ឌាក្នុងការអនុវត្តកម្មវិធីស្ដារសត្វខ្លាធំនៅកម្ពុជាឲ្យបានជោគជ័យ។ ៥.រក្សាការពារតំបន់ការពារធម្មជាតិជាអាទិភាពដើម្បីកម្មវិធីស្ដារសត្វខ្លាធំនៅកម្ពុជា។៦.ពង្រឹងសមត្ថភាពរបស់មន្ត្រីអនុវត្តច្បាប់និងមន្ត្រីឧទ្យានុរក្ស។៧.ជំរុញកិច្ចសហការជាមួយនឹងបណ្ដាប្រទេសជិតខាងនៅក្នុងការអនុវត្តកម្មវិធីស្ដារសត្វខ្លះធំនៅកម្ពុជា និង៨.ជំរុញកម្មវិធីតាមដានត្រួតពិនិត្យសត្វខ្លានិងសត្វរំពាររបស់សត្វខ្លាដោយប្រើប្រាស់នូវស្ថិតិនិងបច្ចេកវិទ្យាថ្មីៗ ៕ ដោយ / គ្រី សម្បត្តិ

ភ្នំពេញ ៖ក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី ០៥ ខែ កញ្ញា ឆ្នាំ២០២២នេះបានចេញសេចក្តីជូនដំណឹងមួយស្តីពីការបើកផ្តល់ប្រាក់ឈ្នួល និងប្រាក់អត្ថប្រយោជន៍ផ្សេងៗដល់កម្មករនិយោជិតនៃក្រុមហ៊ុន YAO TAI SHOES CO., LTDចាប់ពីថ្ងៃទី០៧ ខែកញ្ញា ឆ្នាំ២០២២តទៅ។ បើយោងតាមសេចក្តីជូនជំណឹងនេះបានបញ្ជាក់ថា ដោយអនុវត្តតាមអនុសាសន៍ដ៏ខ្ពង់ខ្ពស់របស់ សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងនឹង ចាប់ផ្ដើមបើកផ្តល់ថវិកាបុរេប្រទានរបស់រាជរដ្ឋាភិបាលកម្ពុជាជូនបងប្អូន ចាប់ពីម៉ោង ១៤:០០នាទីរសៀល ថ្ងៃពុធ ទី៧ ខែកញ្ញា ឆ្នាំ២០២២ តទៅ នៅអគ្គលេខាធិការដ្ឋាន គណៈកម្មការសម្រាប់ដោះស្រាយបញ្ហាកូដកម្ម បាតុកម្មនៅតាមគ្រប់មុខសញ្ញា ដែលមានទីតាំងស្ថិតនៅទីស្ដីការក្រសួងការងារ និងបណ្តុះបណ្តាលវិជ្ជាជីវៈ។ ជាមួយគ្នានេះក្រសួងការងារបានបញ្ជាក់ដោយបងប្អូនកម្មករនិយោជិតយកមកជាមួយនូវឯកសារមួយចំនួនដូចខាងក្រោម៖១. ប័ណ្ណសម្គាល់ខ្លួនកម្មករនិយោជិត (ច្បាប់ដើម) ឬកិច្ចសន្យាការងារ និងសៀវភៅការងារកម្មករនិយោជិត ឬប័ណ្ណបេឡាជាតិសន្តិសុខសង្គម ឬអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន២. ប័ណ្ណបើកប្រាក់ឈ្នួលប្រចាំខែរបស់កម្មករនិយោជិតម្នាក់ៗ (បើមាន)។ អាស្រ័យហេតុនេះ សូម បងប្អូនកម្មករនិយោជិតទាំងអស់ មេត្តាជ្រាបជាព័ត៌មាន ៕ ដោយ៖ម៉ាដេប៉ូ

ខេត្តកំពង់ចាម ៖ ក្នុងពិធីប្រគល់-ទទួលរថយន្តសង្គ្រោះបន្ទាន់ចំនួនពីរគ្រឿងដល់អាជ្ញាធរស្រុកបាធាយ និងផ្សព្វផ្សាយលទ្ធផលសន្និបាតវិសមញ្ញរបស់គណៈកម្មាធិការកណ្តាលគណបក្សប្រជាជនកម្ពុជា និងសំណេះសំណាលជាមួយក្រុមប្រឹក្សាឃុំ ដែលទើបជាប់ឆ្នោតថ្មីអាណត្តិទី៥ ឆ្នាំ២០២២ ឯកឧត្តម ឧបនាយករដ្ឋមន្ត្រី យឹម ឆៃលី សមាជិកគណៈអចិន្រ្តៃយ៍គណៈកម្មាធិការកណ្តាល និងជាប្រធានក្រុមការងារថ្នាក់កណ្តាលចុះជួយខេត្តកំពង់ចាម បានមានប្រសាសន៍ថា អាជ្ញាធរមូលដ្ឋាន និងក្រុមប្រឹក្សាឃុំ ដែលទើបជាប់ឆ្នោតអាណត្តិទី៥ ត្រូវបន្តខិតខំលើកកម្ពស់អភិបាលកិច្ច ធានាការផ្តល់សេវាសាធារណៈប្រកបដោយតម្លាភាព ដោយអនុវត្តឱ្យបានម៉ឹងម៉ាត់នូវអភិក្រម “ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់” ព្រមទាំងខិតខំដោះស្រាយជម្លោះដីធ្លីក្រៅប្រព័ន្ធតុលាការឱ្យបានល្អ និងឆាប់រហ័ស,ខិតខំជំរុញការអនុវត្តគោលនយោបាយអភិវឌ្ឍន៍ឃុំ ឱ្យទទួលបានសមិទ្ធផលថ្មីៗបន្ថែមទៀត។ពិធីនេះ ត្រូវបានរៀបចំធ្វើនៅទីស្នាក់ការគណបក្សស្រុកព្រៃឈរ កាលពីថ្ងៃទី០៤ ខែកញ្ញា ឆ្នាំ២០២២ ដោយមានការអញ្ជើញចូលរួមពីឯកឧត្តម ប៉ាន សូរស័ក្តិ ប្រធានក្រុមការងារថ្នាក់កណ្តាលចុះជួយស្រុកបាធាយ, ឯកឧត្តម ងួន សុជាតិ សមាជិករដ្ឋសភា និងជាអនុប្រធានក្រុមការងារគណបក្សចុះជួយខេត្តកំពង់ចាម, ឯកឧត្តម ខ្លូត ផន អនុប្រធានប្រចាំការគណបក្សខេត្តកំពង់ចាម និងសមាជិកសមាជិការក្រុមការងារគណបក្សចុះជួយស្រុកបាធាយជាច្រើនរូបទៀត។លោក ផេន សុផល ប្រធានគណបក្សស្រុកបាធាយ បានជម្រាបជូនពីលទ្ឋលផលនៃការបោះឆ្នោតក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២កន្លងទៅ ដោយបញ្ជាក់ថា ស្រុកបាធាយ មាន១២ឃុំ…