អ្នកនាំពាក្យក្រសួងបរិស្ថានបញ្ជាក់ថា រាល់ការទិញ លក់ដីនៅក្នុងតំបន់អភរិក្សធនធានធម្មជាតិ គឺទង្វើខុសច្បាប់ ហើយក្រសួងបរិស្ថាន មិនទទួលស្គាល់ឡើយ ព្រះវិហារ៖ ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានបញ្ជាក់ថា ការទិញដូរ លក់ដី នៅក្នុងតំបន់អភិរក្សធនធានធម្មជាតិ គឺជាទង្វើខុសច្បាប់ ហើយក្រសួងបរិស្ថាន បដិសេធមិនទទួលស្គាល់នោះទេ និងបានចាត់ទុកករណីនេះ ជាករណីអាទិភាពត្រូវអនុវត្តច្បាប់ចំពោះជនល្មើស។ ការបញ្ជាក់បែបនេះ របស់ឯកឧត្តម នេត្រ ភក្ត្រា បានធ្វើឡើងនៅក្នុងឱកាសដែលឯកឧត្តមបានដឹកនាំក្រុមអ្នកសារព័ត៌មានចុះបំពេញទស្សនកិច្ចរយៈពេល៣ថ្ងៃ គឺចាប់ពីថ្ងៃទី២៩ ដល់ថ្ងៃទី៣១ ខែមករា ឆ្នាំ២០២១ នៅតំបន់ឧទ្យានបេតិកភណ្ឌធម្មជាតិភ្នំត្បែងភ្នំត្នោត-ភ្នំពក និងដែនជម្រកសត្វព្រៃគូលែនព្រហ្មទេព ក្នុងខេត្តព្រះវិហារ ក្រោមការរៀបចំដោយអង្គការ WCS និងគម្រោង USAID ព្រៃឡង់បៃតង។ ឯកឧត្តម នេត្រ ភក្តា បានលើកឱ្យដឹងថា ជាការពិតយើងទទួលស្គាល់ថាពិតជាមានការលួចចូលទៅកាប់ឈើ មានការចូលទៅលូចបរបាញ់សត្វ និងដាក់អន្ទាក់ ប៉ុន្តែ បញ្ហាសំខាន់ដែលលុបបំបាត់បញ្ហាទាំងអស់នេះ គឺក្រសួងបរិស្ថាន ក៏បានគិតគូរទៅលើបញ្ហាកត្តាជីវភាព របស់ប្រជាពលរដ្ឋដែលរស់នៅជុំវិញតំបន់សហគមន៍។ បច្ចុប្បន្ននេះ ប្រជាសហគមន៍ដែលរស់នៅជុំវិញ និងនៅក្នុងតំបន់ការពារធម្មជាតិ គាត់បានប្រើប្រាស់លើសកម្រិតនូវធនធានធម្មជាតិ ដែលមានដោយសារតែតម្រូវការផ្នែកទីផ្សារ…

ភ្នំពេញ៖ កងវិស្វកម្មពហុជំនាញ របស់កម្ពុជា ចំនួន៩២នាក់ ដែលក្នុងនោះមាន ស្រី១៥នាក់ នៅថ្ងៃទី៣១ ខែមករា ឆ្នាំ២០២១នេះ បានចេញទៅបំពេញបេសកកម្មមនុស្សធម៌ នៅប្រទេសលីបង់ ក្រោមស្លាកអង្គការសហប្រជាជាតិ។ នេះបើតាមការបញ្ជាក់របស់មន្រ្តីយោធាជាន់ខ្ពស់កម្ពុជា។ កងវិស្វកម្មពហុជំនាញ លេខ៩២៨ នៃមជ្ឈមណ្ឌលជាតិ​សម្រាប់​កងកម្លាំង​​រក្សាសន្តិភាព និងបោសសម្អាតមីន និងគ្រាប់មិនទាន់ផ្ទុះ (ទាហានមួកខៀវ) បានចាកចេញពីអាកាសយាន​ដ្ឋានអន្តរជាតិភ្នំពេញ នៅវេលាម៉ោង០៦៖២៥នាទីល្ងាចនេះ តាមជើងយន្តហោះរបស់UN លេខ ET8801 ក្នុងបេសក​កម្មប្តូរវេន។ គិតចាប់តាំងពីឆ្នាំ២០០៦ រហូតមកដល់ពេលនេះ កម្ពុជាបានបញ្ជូនកងកម្លាំងរក្សាសន្តិភាព ជាង៧ពាន់នាក់ ទៅបំពេញបេសកកម្ម មនុស្សធម៌ ជាមួយអង្គការសហប្រជាជាតិ នៅក្នុងប្រទេសចំនួន៩ រួមមាន៖ ស៊ូដង់ ស៊ូដង់ខាងត្បូង, ឆាដ, លីបង់, ស៊ីរី, ម៉ាលី, អាហ្វ្រិកកណ្តាល សាយប្រឺស និងយ៉េមែនជាដើម៕

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយ រដ្ឋសភា ព្រឹទ្ធសភា និងអធិការកិច្ចបានថ្លែងនូវការលើកទឹកចិត្តដល់ ក្លឹបប្រដាល់ឡុងហាយ សូមរៀបចំបង្កើតវេទិកាសម្រាប់ការ​ប្រកួតប្រដាល់ជាតិ និងអន្តជាតិ និងផ្តោតលើការបណ្តុះ បណ្តាល អ្នកប្រដាល់ឱ្យមានសមត្ថិភាព​គ្រប់គ្រាន់ចូលរួមព្រឹត្តិការណ៍​ទ្រង់ ទ្រាយ ធំ លំដាប់អន្តរជាតិតំណាងឱ្យប្រទេសកម្ពុជា និងធ្វើសហប្រតិបត្តិការជា មួយ វេទិកាព្រឹត្តិការណ៍ល្បីៗទាំងក្នុង និងក្រៅប្រទេស និងជម្រុញការ ផ្សព្វ ផ្សាយ ព្រឹត្តិការណ៍កីឡាចម្រុះ។ លោកជំទាវកិត្តិសង្គហបណ្ឌិត ម៉ែន សំអនថ្លែងបែបនេះខណៈអញ្ជើញជាអធិបតី ក្នុងពិធីជប់លៀង ប្រចាំឆ្នាំ របស់បេនរិចគ្រុប (Benrich Group)នារាត្រីថ្ងៃទី៣០ ខែមករា ឆ្នាំ២០២១ នៅសណ្ឋាគារហ័ងសាន ភ្នំពេញ។ លោកជំទាវកិត្តិសង្ហហបណ្ឌិតថ្លែងនូវការអបអរសាទរ និងកោតសរសើរ ចំពោះ បេនរិចគ្រុបដែលបានទទួល ជោគជ័យ ដោយបានដំណើរការគម្រោង វិនិយោគដ៏ធំនៅកម្ពុជា។ ក្រុម ហ៊ុនបានចាប់ផ្តើមពីឆ្នាំ ២០១៥ ដោយផ្តោត សំខាន់ លើវិស័យអចលនទ្រព្យ អាហារ និងកីឡា។ បច្ចុប្បន្ន…

ត្បូងឃ្មុំ៖ ឯកឧត្តម ចាយ បូរិនតំណាងរាស្រ្តមណ្ឌលខេត្តត្បូងឃ្មុំនិងជាអនុប្រធានគណៈកម្មការ សេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា អមដំណើរដោយ ឯកឧត្តម រ័ត្ន វិរៈ អនុរដ្ឋលេខាធិការក្រសួងបរិស្ថាន ឯកឧត្តម គល់ យ៉ាត សមាជិកក្រុមប្រឹក្សាខេត្ត បានអញ្ជើញសួរសុខទុក្ខនិងសំណេះសំណាលជាមួយក្រុមគ្រូពេទ្យ ប្រមាណជិត១០០នាក់ មកពីមន្ទីរពេទ្យបង្អែក និងមណ្ឌល សុខភាពនានា ក្នុងស្រុកតំបែរ នឹងនាំយកសម្ភារះរួមមាន៖ អាវរងារ របាំងមុខ ,សៀវភៅក្រមង៉ុយ នឹងថវិការ ជូនដល់មន្ទីពេទ្យបង្អែកស្រុកតំបែរខេត្តត្បូងឃ្មុំ  នៅរសៀលថ្ងៃសៅរ៏២រោច ខែមាឃឆ្នាំជូត ទោស័ក ព.ស២៥៦៤ ត្រូវនិងថ្ងៃទី៣០ខែមករា ឆ្នាំ២០២១  ។ ឯកឧត្តម ចាយ បូរិន បានពាំនាំនូវការផ្តាំផ្ញើសាកសួរសុខទុក្ខ ពីសំណាក់សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្ដេចអគ្គមហាសេនាបតី ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា ជូនចំពោះលោកគ្រូអ្នកគ្រូពេទ្យ ក្រុមគ្រូពេទ្យស្ម័គ្រចិត្តនឹងបុគ្កលិកនែការិយាល័យសុខាភិបាលស្រុកតំបែរទាំងអស់ ដោយក្តីនឹករលឹក និងការគិតគូរយកចិត្តទុកដាក់ចំពោះសុខទុក្ខ និងសុខុមាលភាពរបស់ប្រជាពលរដ្ឋទូទាំងប្រទេស  ។  ឯកឧត្តម…

ក្រចេះ៖  ឯកឧត្តម សូ ខនឬទ្ធីគុណ រដ្ឋលេខាធិការក្រសួងបរិស្ថាន រួមនិងអាជ្ញធរខេត្តទទួលបន្ទុក រួមនិងមន្ត្រីជំនាញ់ពាក់ព័ន្ធ មេឃុំចៅសង្កាត់ និងអង្គការដៃគូរនារសៀលថ្ងៃទី២៦ ខែមករា ឆ្នាំ២០២១នេះ បានបើកកិច្ចប្រជុំត្រួតពិនិត្យបូកសរុប លទ្ធផល នៃវឌ្ឍនភាពការងារនៃការចុះកំណត់ និងប្រមូលទិន្នន័យដែលប្រជាពលរដ្ឋកាន់កាប់ និងអាស្រ័យជាក់ស្ដែង យូរឆ្នាំក្នុងតំបន់ការពារធម្មជាតិ និងរបៀងអភិរក្សជីវៈចម្រុះស្ថិតក្នុងភូមិសាស្ត្រក្នុងខេត្តក្រចេះ ដើម្បីពន្លឿនការបញ្ចប់ទំនាស់។ ឯកឧត្តម សូ ខនឬទ្ធីគុណ បានបញ្ជាក់ថា អាជ្ញាធរមូលដ្ឋានមានកាតព្វកិច្ចចូលរួមការពារដីរដ្ឋពីការ ទន្ទ្រានកាន់កាប់ដោយ ខុសច្បាប់ និងមានតួនាទីទទួលខុសត្រូវលើកិច្ចការពារនិងអភិរក្សធនធានធម្មជាតិនៅក្នុងភូមិសាស្ត្ររបស់ខ្លួន។ អាជ្ញាធរមាន សមត្ថកិច្ចថ្នាក់ក្រោម ជាតិមានមូលដ្ឋានច្បាប់គ្រប់គ្រាន់ និងគោលការណ៍ច្បាស់លាស់ពីរាជរដ្ឋាភិបាល ដើម្បីប្រយុទ្ធប្រឆាំង នឹងបទល្មើស ធនធានធម្មជាតិ ហើយអាជ្ញាធរឃុំស្រុកនេះហើយដែលជាអ្នកអនុវត្តច្បាប់ដោយ មិនចាំបាច់រង់ចាំក្រសួង ស្ថាប័ន ណាមួយឡើយ ហើយសូមកុំគិតថាបទល្មើសធនធានធម្មជាតិនៅក្នុងភូមិសាស្ត្ររបស់ខ្លួន ជាសមត្ថកិច្ចដោយឡែក របស់ក្រសួងស្ថប័នណាមួយ តែជាការទទួលខុសត្រូវរបស់អាជ្ញាធរផ្ទាល់ និងការពារអភិរក្សដើម្បី ឧត្តមប្រយោជន៍របស់ ប្រជាជនយើង។ រដ្ឋលេខាធិការ ក៏បានជំរុញអាជ្ញាធរស្រុក និងឃុំ ត្រូវបន្តចុះផ្សព្វផ្សាយ និងណែនាំដល់ប្រជាពលរដ្ឋអំពីការចូលរួមសហការ និងទប់ស្កាត់ពីការចូលកាន់កាប់ និងអាស្រ័យក្នុងតំបន់ការពារធម្មជាតិ និងរបៀងអភិរក្សជីវៈចម្រុះ។ ត្រូវពន្លឿនការចុះកំណត់ និងប្រមូលទិន្នន័យអំពីប្រជាពលរដ្ឋដែលចូលកាន់កាប់…

ភ្នំពេញ៖ រដ្ឋាភិបាលសហរដ្ឋអាមេរិក បានផ្ដល់ជំនួយថវិកាមូលនិធិឯកអគ្គរដ្ឋទូតសម្រាប់ការអភិរក្សវប្បធម៌ចំនួន ៤២ ម៉ឺនដុល្លារ សម្រាប់ជួសជុលផ្នែកខ្លះនៃប្រាសាទភ្នំបាខែង នៅខេត្តសៀមរាប និងប្រាសាទព្រះវិហារ នៅខេត្តព្រះវិហារ ដើម្បីរួម​ចំណែកក្នុងការជួយអភិរក្សប្រាសាទដ៏មានតម្លៃរបស់កម្ពុជា។ នេះបើតាមមន្ត្រីស្ថានទូតសហរដ្ឋអាមេរិកប្រចាំកម្ពុជា នាថ្ងៃទី២៦ ខែមករា។ ក្នុងចំណោមថវិកាទាំង ៤២ ម៉ឺនដុល្លារនោះ ថវិកាចំនួន ៣០ ម៉ឺនដុល្លារ ត្រូវបានផ្ដល់ជូន​ដល់មូលនិធិ​ប្រាសាទ​ពិភពលោក (WMF) សម្រាប់បន្តការងារអភិរក្សក្នុងដំណាក់កាលទី៥ នៃគម្រោងជួសជុលប្រាសាទភ្នំបាខែង រយៈពេល ២៤ ខែ រហូតដល់ឆ្នាំ២០២២។ ចំណែកឯថវិកាចំនួន ១២ ម៉ឺនដុល្លារទៀត ត្រូវបានផ្ដល់ជូនដល់អាជ្ញាធរជាតិ​ព្រះវិហារ ដើម្បីអភិរក្ស និងជួសជុលផ្នែកខ្លះនៃប្រាសាទព្រះវិហារ មានដូចជាជណ្តើរខាងជើង និងប្រព័ន្ធបង្ហូរទឹកសម័យ​បុរាណនៃជណ្តើរភាគខាងជើងនេះជាដើម។ លោកឯកអគ្គរដ្ឋទូតបានឲ្យដឹងថា «ទីតាំងប្រវត្តិសាស្រ្តទាំងនេះ គឺជាចំណែកដែលនៅស្ថិតស្ថិរយូរអង្វែង​នៃបេតិកភណ្ឌវប្បធម៌យ៉ាងពិសេសរបស់កម្ពុជា ដែលត្រូវបានទទួលស្គាល់ និងផ្តល់តម្លៃនៅទូទាំងពិភពលោក»។ លោក Patrick Murphy មានមោទនភាពជាខ្លាំងក្នុងការប្រកាសជំនួយថវិកានេះ ក្នុងភាពជាដៃគូជាមួយភាគីពាក់ព័ន្ធនៅកម្ពុជា ដោយថវិកានេះនឹងជួយអភិរក្សប្រាសាទ ទាំងនេះសម្រាប់មនុស្សជំនាន់ក្រោយៗទៀត។ លោកជំទាវ ភឿង សកុណា បានឲ្យដឹងថា ការចូលរួមផ្ដល់ជំនួយនេះបញ្ជាក់ពីការគាំទ្រយូរអង្វែង និងការប្តេជ្ញាចិត្តយ៉ាង​មុតមាំនៃរដ្ឋាភិបាលសហរដ្ឋអាមេរិក រួមជាមួយនឹងសហគមន៍អន្តរជាតិក្នុងការការពារអភិរក្ស និងជួសជុលបេតិ​កភណ្ឌវប្បធម៌​នៅកម្ពុជា។…

កំពត៖ ប្រធានគណបក្សប្រជាជនកម្ពុជាខេត្ដកំពត និង អនុប្រធានក្រុមការងារគណបក្សប្រជាជនចុះជួយខេត្តកំពត រីករាយ និងស្វាគមន៍ចំពោះសមាជិកថ្មីចំនួនជាង៦០០ នាក់ដែលបានស្ម័គ្រចូលរួមក្នុងជីវភាពនយោបាយរបស់បក្ស និងបាន​ស្នើសុំឲ្យ​សមាជិកថ្មីទាំងអស់ ត្រូវលើកកម្ពស់មនសិការស្នេហាជាតិ មានវិន័យ សាមគ្គី ឯកភាពផ្ទៃក្នុងបក្ស ប្រកាន់ជំហរភាព​ស្មោះត្រង់​បក្ស ដោយសមូហភាពដឹកនាំម្នាក់ៗទទួលខុសត្រូវដើម្បីរួមដំណើរ​ជាមួយរាជរដ្ឋាភិបាលអភិវឌ្ឍន៍មូលដ្ឋាន និងសង្គមជាតិឲ្យ​បានកាន់តែរីក​ចម្រើនថែមទៀត។………………………….ថ្លែងក្នុងពិធីបញ្ចូលសមាជិកថ្មីក្នុងជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកជុំគិរីខេត្តកំពត មានចំនួន៦២៩នាក់ កាលពីព្រឹកថ្ងៃទី២៣ខែមករាឆ្នាំ ២០២១ ឯកឧត្តម ជាវ តាយ សមាជិកគណៈកម្មាធិការកណ្ដាលនិងជាប្រធានគណៈកម្មាធិការគណបក្សប្រជាជនកម្ពុជាខេត្ដកំពត និងឯកឧត្តមនឹម ច័ន្ទតារា សមាជិកគណៈកម្មាធិការកណ្តាល និងជាអនុប្រធានក្រុមការងារគណបក្សប្រជាជនកម្ពុជាចុះជួយខេត្តកំពត បានលើកឡើងថា មានតែគណបក្សប្រជាជនកម្ពុជាមួយតែប៉ុណ្ណោះ ដែលមានកម្លាំងស្នូល ជាបង្អែកដ៏រឹងមាំរបស់ប្រជាជន ដោយបានរួមសុខរួមទុក្ខជាមួយប្រជាជនគ្រប់កាលៈទេសៈ។ គណបក្សប្រជាជនកម្ពុជា បានឆ្លងកាត់នូវបទពិសោធន៍ជាច្រើន នឹងបណ្ដាសមិទ្ធផលដ៏វិសេសវិសាល ក្នុងរយៈពេល ៤០ឆ្នាំកន្លងទៅនេះ ដោយផ្ដើមចេញពីជ័យជំនះ ៧មករា ឆ្នាំ១៩៧៩ ប្រទេសជាតិយើងបានអភិវឌ្ឍសេដ្ឋកិច្ចសង្គម ធ្វើឲ្យមានការរីកចម្រើន ប្រកបដោយចីរភាព បរិយាប័ន សមធម៌ ដោយសម្រេចបាននូវការផ្លាស់ប្ដូរសង្គមយ៉ាងធំធេងពុំអាចនឹកស្មានដល់។ កម្ពុជាបានប្រែក្លាយពីវាលពិឃាដនៃរបបប្រល័យពូជសាសន៍ ប៉ុលពត ពីសមរភូមិនៃសង្រ្គាមដ៏រ៉ាំរ៉ៃ ពីគំនរផេះផង់ទៅជាទឹកដី ដែលមានសន្តិភាព ឯកភាព ស្ថេរភាព សេរីភាព ប្រជាធិបតេយ្យ…

ខេត្តកំពង់ធំ : ប្រជាពលរដ្ឋ មានការភ្ញាក់ផ្អើល បន្ទាប់ ពី ព័ត៌មាន ច្បាស់ការ ពីការដើរប្រមូលភាស៊ី កាប់ជ្រូក គោ ក្របី នៅតាមបណ្តាគ្រប់ឃុំ ដោយអាណាធិបតេយ្យ ដោយគ្មានលិខិតអនុញ្ញាតិរាប់សិបឆ្នាំ លើសពីសៀវភៅបន្ទុក។ប្រជា ពលរដ្ឋ បាន សម្តែងនូវការខកចិត្ត ចំពោះការអនុវត្តប្រមូលភាស៊ីរបស់លោក ឡេង ហេង ដែល បានទទួល ការផ្ទេតសិទ្ធពីលោក អ៊ាង. អាន ម្ចាស់ វិនិយោគ សត្តឃាត បេនឡាន ស្ថិត នៅ ក្នុង ស្រុក ស្ទោង.ខេត្តកំពង់ធំ។ ប្រភព ព័ត៌មាន ច្បាស់ការ បានបញ្ជាក់ថា.ច្បាប់ មិនអនុញ្ញាតិឲ្យ ដើរប្រមូលភាស៊ីសត្តឃាត ក្រៅសត្តឃាត ជាដាច់ខាត និងត្រូវគោរពតាម ល័ក្ខខ័ណ្ឌ អនុវត្ត តាមសៀវភៅបន្ទុក គឺលោក ឡេង. ហេង បានដើរប្រមូលភាស៊ីលើស សៀវភៅ បន្ទុក.ថែមទាំងចាត់តែមនុស្សរបស់ខ្លួន ឈ្មោះ…