ដោយ៖ម៉ាដេប៉ូ​មណ្ឌល​គី​រី​៖ មន្ត្រីជាន់ខ្ពស់​នៃ​ក្រសួងបរិស្ថាន​និង​ក្រុម​អង្គការ​សង្គម​ស៊ីវិល​បានឱ្យដឹងថា​អន្ទាក់​ជាច្រើន​ត្រូវបាន​គេ​ដោះ​ចេញពី​តំបន់​ការ​ធម្មជាតិ​ដោយ​ក្នុងនេះ​នៅ​ឆ្នាំ​២០២០​កន្លងមក​ការ​ដោះ​អន្ទាក់​គ្រប់​ប្រភេទ​សរុប​មាន​ចំនួន​ប្រមាណ​៥​ម៉ឺន​អន្ទាក់ ហើយ​អន្ទាក់​ចំនួន​ជាង​៤​ម៉ឺន​ប្រភេទ​ទៀត ត្រូវបាន​ដោះចេញ នៅ​ឆ្នាំ ២០១៩​កន្លងទៅ​។​ ​ឯកឧត្តម​នេត្រ​ភក្ត្រា រដ្ឋលេខាធិការ និង​ជា​អ្នកនាំពាក្យ​ក្រសួង​ប រិ​ស្ថា ន​បញ្ជាក់​ឱ្យដឹងថា​”​ក្នុង​មួយឆ្នាំៗ​យ៉ាងហោចណាស់​អន្ទាក់​ចំនួន​៥​ម៉ឺន​ត្រូវបាន​ដោះ​ចេញពី​តំបន់ការពារធម្មជាតិ​របស់​យើង​។ អន្ទាក់ គឺជា​ឃាតករ​លាក់​មុខ​ដែល​បានសម្លាប់​សត្វព្រៃ​ជាច្រើន​រាប់មិនអស់ ហើយ​អន្ទាក់​ជាច្រើន​ត្រូវបាន​ក្រុម​ជនល្មើស​បាន​ប្រើ​ដាក់​បង្កប់​ក្នុងព្រៃ​ដែល​អាច​សម្លាប់សត្វ​គ្រប់ពេលវេលា​។​អន្ទាក់​ប្រភេទ​ខ្លះ​មិន​ត្រឹម​គ្រោះថ្នាក់​សត្វព្រៃ​ទេ​ប៉ុន្តែ​វា​ក៏​នៅ​បង្ក​គ្រោះ​ថា្នក់​ដល់​ព្រានព្រៃ​ខ្លួនឯង​ផង​”​។ ទាក់ទិន​រឿង​អន្ទាក់​នេះដែរ ឯកឧត្តម​រដ្ឋលេខាធិកា​របា​ន​មានប្រសាសន៍ថា​អន្ទាក់​មួយចំនួន​មិន​ត្រឹមតែ​ជនល្មើស​កែច្នៃ​ធ្វើ​ខ្លួនឯង​ទេ ប៉ុន្តែ​មួយចំនួនទៀត​ត្រូវបាន​នាំចូល​មកពី​ប្រទេសជិតខាង​។​​ជុំវិញ​បញ្ហា​អន្ទាក់​ដែល​ជនល្មើស​តែង​ប្រើ​ដាក់​នៅ ក្នុង​ខេត្ត​មណ្ឌល​គី​រី​វិញ​ត្រូវបាន​ឯកឧត្តម​រដ្ឋលេខាធិកា​រ លើក​មក​បញ្ជាក់ថា​គឺមាន​អន្ទាក់​ចំនួន​ជិត​១​ម៉ឺន​អន្ទាក់​ត្រូវបាន​ដោះចេញ​ពី​តំបន់ការពារធម្មជាតិ​ក្នុង​ខេត្ត​នេះ​កាលពី​អំឡុង​ឆ្នាំ​២០២០​កន្លងមក​។​ ​បញ្ជាក់​នៅក្នុង​ដំណើរ​ទស្សនកិច្ច​សិក្សា​នៅ​ដែនជម្រកសត្វព្រៃ​ស្រែ​ពក និង​ភ្នំ​ព្រេច​ខេត្តមណ្ឌលគិរី ដែល រៀ ប ចំ ដោ យ ក្រសួងបរិស្ថាន និង អង្គការ WWF កាលពី​ថ្មីៗ​មកនេះ​លោក​សេង ទៀក បានឱ្យដឹងថា​នាពេល​បច្ចុប្បន្ននេះ​អន្ទាក់​នៅតែ​ជា​ឃាតករ​បំ​ផ្លិត​បំផ្លាញ​សត្វព្រៃ​កម្ពុជា​ដែល​ជនល្មើស​តែងតែ​ឆ្លៀតឱកាស​ក្នុងការ​លបលួច​ចាប់​សត្វព្រៃ​នៅ​កម្ពុជា​។ បើតាម​លោកនាយក​អង្គការ WWF រូបនេះ​បានឱ្យដឹងថា​នាពេល​បច្ចុប្បន្ន​មាន​អន្ទាក់​ចំនួន​៥​ប្រភេទ ដែល​ជនល្មើស​តែង​បាន​ប្រើប្រាស់​សម្រាប់​ចាប់​សត្វ​រៀងរាល់ថ្ងៃ ដោយ​នៅតែ​បង្ក​គ្រោះថ្នាក់​និង​គំរាមកំហែង​ដល់​សត្វព្រៃ​ដែលជា​សត្វ​កម្រ​នៅ​កម្ពុជា​ក៏ដូចជា​ប្រភេទ​ពូជ​សត្វ​ជិត​ផុត​ពូជ​នៅលើ​ពិភពលោក​យើង​នេះ​។​ ​លោ​កថា​ក្រៅពី​អន្ទាក់​ធម្មតា​ជនល្មើស​នៅ​ប្រើ​អន្ទាក់​ប្រភេទ​ប្រើ​ចរន្តអគ្គិសនី​ដើម្បី​សម្លាប់​សត្វព្រៃ​ដ៏​គួរឱ្យ​ព្រួយបារម្ភ​ថែមទៀត​។​សម្រាប់​អន្ទាក់​ទាំង​៥​ប្រភេទ​ដែល​តែង​បង្ក​គ្រោះថ្នាក់​ដល់​សត្វព្រៃ​រៀងរាល់​ថ្ងៃនេះ​មានដូចជា​អន្ទាក់​ប្រើប្រាស់​ចរន្តអគ្គិសនី អន្ទាក់​ខ្សែរ​កាប អន្ទាក់​ខ្សែរ​គោ អន្ទាក់​រឺ​ស័​រ អន្ទាក់​អង្គុប​ដែក​ជាដើម​។​​ព្រម​ជាមួយគ្នានេះ​លោក​បាន​ចាត់ទុកថា អន្ទាក់​គឺជា​ឃាតក​លាក់​មុខ​ដែល​វា​អាច​សម្លាប់​សត្វព្រៃ​បាន​គ្រប់ពេលវេលា ហើយ​អន្ទាក់​ក៏​ជាការ​គំរាមកំហែង​ដល់​ប្រភេទ​សត្វ​មួយចំនួន​ដល់​ស្ថិតក្នុង​ប្រភេទ​កម្រ​ស្រាប់​ឱ្យ​បាត់បង់​និង​ផុត​ពូជ​ពីលើ​ផែនដី​យើង​នេះ​ផងដែរ​។​​ជាមួយគ្នានេះ​លោក​បាន​អំពាវនាវ​ដល់​ព្រានព្រៃ​ទាំងអស់​គប្បី​បញ្ឈប់​សកម្មភាព​បំ​ផ្លិត​បំផ្លាញ​សត្វព្រៃ​នេះ​ជាបន្ទាន់​ដោយសារតែ​វា​មិន​ត្រឹមតែ​បំផ្លាញ​សត្វព្រៃ​ដ៏​មានតម្លៃ​ក្នុងប្រទេស​ទេ ប៉ុន្តែ​វា​ក៏​នៅ​បំផ្លិចបំផ្លាញ​ដល់​សេដ្ឋកិច្ច​ប្រទេសជាតិ​តាមរយៈ​វិស័យ​ទេសចរណ៍​ថែមទៀត​។​ ​ឯកឧត្តម នេត្រ ភក្ត្រា​បានបញ្ជាក់​បន្ថែមថា​”​បច្ចុប្បន្ននេះ​តួនាទី​មន្ត្រី​ឧ​ទ្យា​នុ​រក្ស​យើង​មិន​ត្រឹមតែ​ចុះ​ល្បាត​ដើម្បី​ទប់ស្កាត់​បទល្មើស​បំផ្លាញ​ធនធានធម្មជាតិ​ការកាប់បំផ្លាញ​ព្រៃឈើ​ប៉ុណ្ណោះ​ទេ ប៉ុន្តែ​មន្ត្រី​ឧ​ទ្យា​នុ​រក្ស​របស់​យើង​គាត់​ក៏បាន​ដើរ​ស្វែងរក​អន្ទាក់​និង​ដោះចេញ​និង បំផ្លាញ​អន្ទាក់​ចោល​ដើម្បី​សង្គ្រោះ​ជីវិត​សត្វព្រៃ​ទៀតផង​”​។​​ព្រម​ជាមួយគ្នានេះ ឯកឧត្តម រដ្ឋលេខាធិការ ក្រសួងបរិស្ថាន…

នៅរសៀលថ្ងៃទី១៨ ខែមករា ឆ្នាំ២០២១ ឯកឧត្តម សុខ ប្រសិទ្ធិ រដ្ឋលេខាធិការ និងជា ប្រធានគណៈកម្មាធិការសហប្រតិបត្តិការអន្តរជាតិជាតំណាងឯកឧត្តម ខៀវ កាញារីទ្ធ រដ្ឋមន្រ្តី ក្រសួង ព័ត៌មាន បានទទួលជួបពិភាក្សា ការងារជាមួយ អ្នកស្រី ជេសស៊ីកា ហ្វាន មន្រ្តី ទទួល បន្ទុកក្រុមហ៊ុន FORTUNE STUDIO និងជា អតីត អនុប្រធានជាន់ខ្ពស់ នៃស្ថានីយ៍ទូរទស្សន៍ Nice TV និងសហការី ដោយក្នុងឱកាសនោះ ភាគីនៃប្រទេសចិន លើកជាសំណើសុំការ ប្រជុំ ទាក់ទង នឹងគម្រោងផលិត កម្មវិធីទូរទស្សន៍ ពាណិជ្ជកម្ម សម្រាប់ ទូរទស្សន៍ជាតិកម្ពុជា និង មជ្ឈមណ្ឌលព័ត៌មានអន្តរជាតិ ។ នៅក្នុងឱកាសនោះ អ្នកស្រី ជាសស៊ីកា ហ្វាន បានលើកពីគម្រោងកិច្ចការងារមួយ ចំនួន សម្រាប់កិច្ចសហការ រវាងក្រុមហ៊ុន FORTUNE STUDIO ប្រទេសចិន…

នាព្រឹកថ្ងៃទី១៩មករា ឆ្នាំ២០២១ លោកទេសរដ្ឋមន្ត្រីលី ធុជ អនុប្រធានទី១អាជ្ញាធរមីន និង លោក Wang Wentian ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា បានចូលរួមជាអធិបតីក្នុងពិធីប្រគល់ និងទទួលនូវសម្ភារជាជំនួយឥតសំណងរបស់រដ្ឋាភិបាល និងប្រជាជនចិន ជូនចំពោះរាជរដ្ឋាភិបាលកម្ពុជា តាមរយៈអាជ្ញាធរមីន។ ពិធីប្រគល់ និងទទួលនោះ មានការចូលរួមពីតំណាងក្រសួងការបរទេសនិងសហប្រតិបត្តិការអន្តរជាតិ តំណាងទីស្តីគណៈរដ្ឋមន្រ្តី មន្រ្តីស្ថានទូតចិនប្រចាំនៅកម្ពុជា និងថ្នាក់ដឹកនាំអាជ្ញាធរមីន។ ក្នុងនាមរាជរដ្ឋាភិបាលកម្ពុជា លោកទេសរដ្ឋមន្ត្រីលី ធុជ បានថ្លែងអំណរគុណ និងវាយតម្លៃខ្ពស់ជូនចំពោះរដ្ឋាភិបាល និងប្រជាជនចិន ដែលជានិច្ចកាលតែងតែយកចិត្តទុកដាក់ និងគាំទ្រជួយដល់ការអភិវឌ្ឍនៅកម្ពុជាគ្រប់កាលៈទេសៈ ក្នុងនោះរួមមានទាំងការផ្តល់ជំនួយឥតសំណង សម្រាប់វិស័យសកម្មភាពមីនមនុស្សធម៌ ទាំងសម្ភារបច្ចេកទេស ហិរញ្ញវត្ថុ និងបណ្តុះបណ្តាលធនធានមនុស្ស ក្រោមការខិតខំប្រឹងប្រែងរបស់ លោក Wang Wentian ឯកអគ្គរដ្ឋទូតនៃសាធារណៈរដ្ឋប្រជាមានិតចិនប្រចាំនៅកម្ពុជា ក្នុងការចូលរួមនិងសម្របសម្រួលក្នុងវិស័យសកម្មភាពមីននៅកម្ពុជា។ ជំនួយឥតសំណងនោះគិតជាប្រាក់ប្រមាណ១លានដុល្លារអាមេរិក រួមមានរថយន្ត Pick Up ចំនួន៨គ្រឿង, ឧបករណ៍រាវមីនចំនួន១៣០គ្រឿង, ប្រអប់សម្ភារៈចំនួន១០០ឈុត, ប្រអប់សម្ភារៈបំផ្ទុះគ្រាប់ (EOD) ចំនួន២០ឈុត, សម្លៀកបំពាក់ការពារចំនួន១០កំផ្លេ, មួកការពារចំនួន១០, ដ្រូន (UAV) ចំនួន៤គ្រឿង,…

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានប្រាប់ឲ្យអភិបាលរាជធានី-ខេត្ត ត្រូវរៀបចំសន្និបាតបូកសរុបលទ្ធផល ការងារប្រចាំឆ្នាំ២០២០ និងលើកទិសដៅការងារឆ្នាំ២០២១ របស់រដ្ឋបាលរាជធានី-ខេត្ត និងក្រុមការងាររាជរដ្ឋាភិបាលចុះមូលដ្ឋាន។ យោងតាមលិខិត របស់ក្រសួងមហាផ្ទៃ ចេញផ្សាយនាពេលថ្មីៗនេះ សម្ដេច ស ខេង បានឲ្យដឹងថា ផ្អែកតាមស្មារតីសេចក្ដីណែនាំរបស់ក្រសួងមហាផ្ទៃ រដ្ឋបាលរាជធានី-ខេត្ត ត្រូវរៀបចំធ្វេីសន្និបាតបូកសរុបលទ្ធផលការងារប្រចាំឆ្នាំ២០២០ និងលើកទិសដៅបន្ដ ការងារឆ្នាំ២០២១ ដេីម្បីឆ្លុះបញ្ចាំងពីសមិទ្ធផល នៃការអភិវឌ្ឍនៅមូលដ្ឋានរបស់។ ទន្ទឹម នឹងនេះ រាជរដ្ឋាភិបាល បង្កេីតក្រុមការងាររាជរដ្ឋាភិបាលចុះមូលដ្ឋាន រាជធានី -ខេត្ត ដេីម្បីធ្វេីការត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ដ្រកោណដំណាក់កាលទី៤ សំដៅពង្រឹងការផ្ដល់សេវាសាធារណៈនានា ជូនប្រជាពលរដ្ឋ និងការអភិវឌ្ឍសេដ្ឋកិច្ច សង្គម ក្នុងមូលដ្ឋានរាជធានី-ខេត្ត ប្រកបដោយគុណភាពប្រសិទ្ធភាព ៕ដោយ _រ៉ាវុធ