ភ្នំពេញ៖ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបង្ហាញបំណងចង់​ឃើញកូនខ្មែរ​ជំនាន់​ក្រោយអាចសង់ស្ពានឆ្លងកាត់ទន្លេបាន បន្សល់ទុកនូវមោទនភាពសម្រាប់ជាតិដូចបុព្វបុរសខ្មែរ ដែលបានសង់ប្រាសាទ និងស្ពានបន្សល់ទុករាប់ពាន់ឆ្នាំ។ ព្រោះតែចង់សម្រេចបំណងនេះហើយ ឯកឧត្តមទេសរដ្ឋមន្ត្រី ស៊ុន ចាន់ថុល ក្រោមការចង្អុលបង្ហាញរបស់សម្តេចតេជោ ហ៊ុន សែន បានសម្រេចបង្កើតវិទ្យាស្ថានតេជោសែន សាធារណការ និងដឹកជញ្ជូន។ វិទ្យាស្ថាននេះ នឹងបណ្តុះបណ្តាលជំនាញបច្ចេកទេសលើវិស័យសាធារណការ និងដឹកជញ្ជូន ជាពិសេសការសាងសង់ថ្នល់ និងស្ពាន។ ឯកឧត្តមទេសរដ្ឋមន្ត្រី ស៊ុន ចាន់ថុល បានរំលឹកពីស្នាដៃជាច្រើនដែលបុព្វបុរសខ្មែរបានកសាងឡើងក្នុងសម័យអង្គរ ដូចជាប្រាសាទ និងស្ពានដែលមានអាយុកាលរាប់ពាន់ឆ្នាំនៅក្នុងខេត្តសៀមរាប។ ប៉ុន្តែហេតុអ្វីបានជាខ្មែរនាពេលបច្ចុប្បន្នមិនអាចសាងសង់ស្ពានឆ្លងកាត់ទន្លេមេគង្គ ទន្លេបាសាក និងទន្លេសាបបាន? ជាមួយទឹកមុខបង្ហាញពីក្តីរំភើបចំពោះសមិទ្ធផលជាប្រវត្តិសាស្ត្រនៃវិទ្យាស្ថានបណ្តុះបណ្តាលជំនាញសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានថ្លែងយ៉ាងដូច្នេះ «ថ្ងៃនេះយើងបានបើកទំព័រប្រវត្តិសាស្ត្រថ្មីមួយទៀត ក្រោមការដឹកនាំដ៏ឈ្លៀសវៃរបស់សម្តេចអគ្គមហាសេនាបតីតេជោ ហ៊ុន សែន ក្នុងការបណ្តុះបណ្តាលធនធានរបស់យើងនេះ ដើម្បីចូលរួមកសាងជាតិមាតុភូមិរបស់យើងឱ្យបានរុងរឿងថែមទៀត»។ ឯកឧត្តម ស៊ុន ចាន់ថុល បានលើកឡើងដែរថា បច្ចុប្បន្នព្រោះតែខ្វះអ្នកជំនាញបច្ចេកទេសរាល់ពេលសាងសង់ផ្លូវ ស្ពាន តែងតែជួលបរទេសមកសាងសង់។ ដូច្នេះវិទ្យាស្ថាននេះ នឹងរួមចំណែកបណ្តុះបណ្តាលកូនខ្មែរក្នុងការសាងសង់ផ្លូវ…

ភ្នំពេញ៖ រាជរដ្ឋាភិបាលកម្ពុជា តាមរយៈក្រសួងសាធារណការ និងដឹកជញ្ជូន បានសម្រេចបង្កើតវិទ្យាស្ថានបណ្តុះ​បណ្តាលជំនាញសាធារណការ និងដឹកជញ្ជូនជាលើកដំបូងនៅកម្ពុជា ដើម្បីបង្កើនធនធានមនុស្សលើជំនាញសាធារណការ និងដឹកជញ្ជូន ដោយផ្តោតជាសំខាន់លើការបណ្តុះបណ្តាលជំនាញសាងសង់ផ្លូវ និងស្ពាន។ វិទ្យាស្ថានបណ្តុះបណ្តាលជំនាញ​សាធារណការ និងដឹកជញ្ជូនជាលើកដំបូងនៅកម្ពុជានេះ មានឈ្មោះថា «វិទ្យាស្ថានតេជោសែន សាធារណការ និងដឹកជញ្ជូន»។ វិទ្យាស្ថានតេជោសែន សាធាណការ និងដឹកជញ្ជូន បានចាប់ដៃគ្នាជាមួយវិទ្យាស្ថានបច្ចេកវិទ្យាកម្ពុជា ហៅថា តិចណូ ដើម្បីពង្រឹងគុណភាពនៃការបណ្តុះបណ្តាលលើជំនាញសាធារណការ និងដឹកជញ្ជូននេះ។ ពិធីចុះអនុស្សារណៈយោគយល់គ្នា​ដើម្បីពង្រឹងកិច្ចសហប្រតិបត្តិការរវាងវិទ្យាស្ថានទាំងពីរ ត្រូវបានធ្វើឡើងនៅរសៀលថ្ងៃអង្គារ ទី១២ ខែមករា ឆ្នាំ២០២១។ ពិធីចុះហត្ថលេខាត្រូវបានធ្វើឡើងក្រោមអធិបតីភាពឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ឯកឧត្តមបណ្ឌិត ហង់ជួន ណារ៉ុន បានលើកឡើងថា ការអប់រំ និងការបណ្តុះបណ្តាលធនធានមនុស្ស គឺជាការយកចិត្តទុកដាក់ និងផ្តល់អាទិភាពខ្ពស់បំផុតពីសំណាក់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ ក៏ប៉ុន្តែសម្រាប់កម្ពុជា មកដល់ពេលបច្ចុប្បន្ននេះកម្ពុជាមិនទាន់មានវិទ្យាស្ថានណាបណ្តុះបណ្តាលលើជំនាញសាធារណការ និងដឹកជញ្ជូននៅឡើយនោះទេ។ ក្នុងនាមរដ្ឋមន្ត្រីក្រសួងអប់រំ…

ភ្នំពេញ៖ ឯកឧត្តម នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថាន នៅថ្ងៃទី១២ ខែមករា ឆ្នាំ២០២១នេះ បានបញ្ជាក់ថា នៅពេញ១ឆ្នាំ២០២០កន្លងទៅ សំណុំរឿងបទល្មើសធនធានធម្មជាតិដែលត្រូវបានបញ្ជូនទៅកាន់ តុលាការ មានចំនួន ៦០៥ករណី ហើយនៅឆ្នាំ២០២០ មានការផាកពិន័យអន្តរការណ៍លើជនប្រព្រឹត្តល្មើសចំនួន ៨៥៧ករណី និងបទល្មើសដែលត្រូវធ្វើការអប់រំ និងធ្វើកិច្ចសន្យាមានចំនួន ២៩៤៦ករណី។ ឯកឧត្តម នេត្រ ភក្ត្រា បានឱ្យដឹងថា នៅពេញមួយឆ្នាំ២០២០ មន្ត្រីឧទ្យានុរក្សទាំង ១២០០នាក់ នៃក្រសួងបរិស្ថាន បានចុះល្បាតសរុបចំនួន ២៧,៥៨៨លើក ខណៈនៅការចុះល្បាតនៅឆ្នាំ២០១៩ មានចំនួន ២៤,០៤៨លើក ពោលគឺមានការចុះល្បាតមានការកើនឡើងចំនួន ៣,៥៤០លើក។ ក្នុងការចុះល្បាតនេះ មន្ត្រីឧទ្យានុរក្សដែលជាមន្ត្រីនគរបាលយុត្តិធម៌ បានបង្ក្រាបបទល្មើសបានចំនួន ៨,៩១៧ករណី ខណៈឆ្នាំ២០១៩ បង្ក្រាបបានបទល្មើសធនធានធម្មជាតិចំនួន ៥,៤៧៥ករណី គឺមានការកើនឡើងចំនួន ៣,៤៤២ករណី។ រដ្ឋលេខាធិការក្រសួងបរិស្ថាន បានឱ្យដឹងថា «នៅឆ្នាំ២០២០កន្លងទៅ សំណុំរឿងបទល្មើសធនធានធម្មជាតិដែលត្រូវបានបញ្ជូនទៅកាន់តុលាការមានចំនួន ៦០៥ករណី ហើយនៅឆ្នាំ២០២០ មានការផាកពិន័យអន្តរការណ៍លើជនប្រព្រឹត្តល្មើសចំនួន ៨៥៧ករណី និងបទល្មើសដែលត្រូវធ្វើការអប់រំ និងធ្វើកិច្ចសន្យាមានចំនួន…

ភ្នំពេញ៖ ឯកឧត្តមឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះជួយខណ្ឌដង្កោ នាព្រឹកថ្ងៃទី១២ ខែមករា ឆ្នាំ២០២១ បានចាត់ឱ្យក្រុមការងារជាតំណាងដឹកនាំដោយលោក កន សុកេន ចៅសង្កាត់ព្រែកកំពឹស ព្រមទាំង សហការី បាន នាំយកអំណោយ ទៅសួរសុខទុក្ខលោកស្រី ហង្ស សំបូរ ជំនួយការភូមិព្រែករទាំង ដែលមានជំងឺកំពុងសម្រាកព្យាបាលនៅផ្ទះ។ ក្រុមការងារ បាននាំយកថវិកាចំនួន ១,០០០,០០០រៀល ក្នុងនោះថវិកាសង្កាត់ចូលរួម ៤០០,០០០រៀល, ទឹកសុទ្ធ និងភេសជ្ជៈចម្រុះចំនួន ០៤កេស, មី០២កេស ទៅជូនជាអំណោយសួរសុខទុក្ខ និងទុកជាការចែករំលែកសម្រាលបន្ទុកគ្រួសារក្នុងការសម្រាកព្យាបាល៕

ភ្នំពេញ៖ ឯកឧត្តម អោក បូរ៉ា ប្រតិភូរាជរដ្ឋាភិបាល ទទួលបន្ទុកជាអគ្គនាយកប្រៃសណីយ៍កម្ពុជា បានចេញសេចក្តីសម្រេច បញ្ឈប់ការយកថ្លៃឈ្នួលរក្សាទុកបញ្ញើ ក្នុងឃ្លាំងពីអតិថិជន។ លិខិតរបស់លោក អោក បូរ៉ា បញ្ជាក់ថា «ដើម្បីលើកកម្ពស់គុណភាពសេវា និងកាត់បន្ថយទាំងស្រុង លើការយល់ច្រឡំរបស់អតិថិជន មកលើប្រៃសណីយ៍កម្ពុជា ចាប់ពីថ្ងៃចុះហត្ថលេខានេះតទៅ រាល់អតិថិជនដែលមកបើកបញ្ញើនៅបញ្ជរ និងកត្តាដែលត្រូវយកបញ្ញើទៅចែកជូនអតិថិជនដល់ដៃ គឺមិនតម្រូវឲ្យបង់ថ្លៃឈ្នួលរក្សាទុកក្នុងឃ្លាំង និងសេវាបន្ថែមទេ»។

បាត់ដំបង៖ មាន់ប្រជាពលរដ្ឋប្រមាណ ១៣០០ក្បាល បានងាប់ជាបន្តបន្ទាប់នៅក្នុងកសិដ្ឋានមួយកន្លែងក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ ការងាប់នេះ ត្រូវបានអះអាងថា បណ្តាលមកពីជំងឺផ្តាសាយបក្សី (H5N1)។ អ្នកជំនាញថា ជំងឺនេះ មិនប៉ះពាល់សុខភាពរបស់មនុស្សនោះឡើយ​។ លោក ប៉ែន សេដ្ឋា ប្រធានការិយាល័យបសុព្យាបាលនៃមន្ទីរកសិកម្មខេត្តបាត់ដំបង បានឱ្យដឹងថា លោកបានចុះទៅកាន់ទីកន្លែងចិញ្ចឹមមាន់ដែលមានម្ចាស់ឈ្មោះ ហូណាំ ជាមន្ត្រីសុខាភិបាល ពិនិត្យឃើញថាមានមាន់ងាប់ជាបន្តបន្ទាប់ចំនួន ១៣០០ក្បាលទាំងតូចទាំងធំ ចាប់ពីថ្ងៃទី៥ ដល់៧ ខែមករា មន្ត្រីជំនាញសហការជាមួយម្ចាស់យកមាន់ដែលងាប់ទៅកប់ចោល មិនឱ្យបរិភោគ ឬលក់នោះទេ ហើយបានបាញ់ថ្នាំសម្លាប់មេរោគរួចរាល់ហើយ។ លោក បញ្ជាក់ថាទីតាំងចិញ្ចឹមមាន់នោះ មានចិញ្ចឹមទាកាប៉ាជាលក្ខណៈគ្រួសារដែរ។ កន្លែងចិញ្ចឹមនោះស្ថិតនៅដាច់ឆ្ងាយពីគេមិនមែនអ្នកភូមិនៅក្បែរនោះទេ។ ចំណែកអ្នកភូមិ មិនមានចិញ្ចឹមមាន់ច្រើននោះទេ គឺមានចិញ្ចឹមតិចតួចប៉ុណ្ណោះ ។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា លទ្ធផលធ្វើតេសលើសំណាកសត្វមាន់ដែលងាប់បានបង្ហាញថា ជាគ្រុនផ្តាសាយបក្សី (H5N1)។ ប៉ុន្តែប្រភេទជំងឺនេះ គឺមិនប៉ះពាល់ដល់មនុស្សទេ ហើយមន្ត្រីជំនាញកំពុងបន្តពិនិត្យ និងគ្រប់គ្រងលើបញ្ហានេះ ដើម្បីកុំឱ្យរាលដាលខ្លាំង​។ លោក…

កំពត៖ ដើម្បីកាត់បន្ថយការចំណាយមិនចាំបាច់  ចំណេញពេលវេលា និងរក្សាបានសោភណ្ឌភាព ទាក់ទាញទេសចរណ៍ឲ្យមកកម្សាន្តខេត្តកំពតកាន់តែច្រើន រដ្ឋបាលខេត្តកំពត និងមន្ត្រីជំនាញក្រសួងសាធារណៈការនិងដឹកជញ្ជូនបានសម្រេច ឯកភាពអនុវត្តគម្រោងពង្រីកសួនច្បារខេត្តកំពត និងគម្រោងដាក់ប្រព័ន្ធលូរបស់ ADB នៅក្នុងពេលដំណាលគ្នា។  ថ្លែងនៅក្នុងកិច្ចប្រជុំពិភាក្សា និងធ្វើបទបង្ហាញអំពីវឌ្ឍនភាពការងារសម្រាប់ ការអនុវត្តគម្រោងសាងសង់ប្រព័ន្ធលូប្រមូលទឹកកខ្វក់ ស្ថានីយ៍អាងប្រព្រឹត្តកម្មទឹកកខ្វក់ និងប្រព័ន្ធដោះទឹកភ្លៀង នៃគម្រោងអភិវឌ្ឍន៍ក្រុងរបៀង២នៅព្រឹក ថ្ងៃទី១១ ខែមករា ឆ្នាំ ២០២១  ឯកឧត្តម ជាវ តាយ អភិបាលខេត្តកំពត រួមជាមួយ ឯកឧត្តម វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន បានលើកឡើងថា រយៈពេលចុងក្រោយនេះ ខេត្តកំពតក្លាយជាគោលដៅទេសចរណ៍មួយយ៉ាងសំខាន់ និងអាចនិយាយបានថា ជាគោលដៅទេសចរណ៍លំដាប់ទី២ នៅក្នុងប្រទេស បន្ទាប់ពីខេត្តសៀមរាប  ហើយលំហូរការធ្វើចរាចរដឹកទំនិញឆ្លងកាត់តាមផ្លូវនៃខេត្តនេះ ក៏ច្រើនជាងផ្លូវជាតិលេខ៤។ ដូច្នេះហើយទើបគម្រោងមួយចំនួន  ក្រសួងសាធារណការនិង ដឹកជញ្ជូនបានបង្វែមកកាន់ខេត្តកំពតមុន ។ ជាក់ស្តែងដូចជាការពន្លឿន ការងារស្ថាបនាផ្លូវជាតិលេខ ៣ និងលេខ២ គឺសុទ្ធសឹងតែបម្រើដល់ការងារធ្វើចរណ៍របស់ទេសចរ និងការដឹកជញ្ជូនទំនិញចេញចូលឆ្លងកាត់ខេត្តកំពត។ ទទ្ទឹមគ្នានេះដែរក្រុងកំពត គ្រោងពង្រីកសួនច្បារ ពីចំណុចគល់ស្ពានចាស់ដល់គល់ស្ពានថ្មី គឺត្រួតកន្លែងគ្នា…

ភ្នំពេញ៖ ក្រសួងទេសចរណ៍ នាថ្ងៃទី១១ ខែមករា ឆ្នាំ២០២០នេះ បានចេញសេចក្តីជូនដំណឹងស្តីពី ការបើកដំណើរការឡើងវិញនូវគ្រឹះស្ថាន​អប់រំបណ្តុះបណ្តាល​ជំនាញទេសចរណ៍ សាលាបណ្តុះបណ្តាលជំនាញវិជ្ជាជីវៈទេសចរណ៍ និងមជ្ឈមណ្ឌលវាយតម្លៃក្រោមឱវាទក្រសួងទេសចរណ៍។