កំពត៖ អភិបាលខេត្តកំពតបានណែនាំដល់មន្ត្រីជំនាញសូរិយោដី មន្ទីរជំនាញនិងអាជ្ញាធរមូលដ្ឋានពាក់ព័ន្ធត្រូវរួមសហការគ្នា ចុះពិនិត្យ និងសិក្សាឲ្យបានច្បាស់លាស់ដល់ភូមិសាស្ត្រជាក់ស្តែង មុនហ្នឹងសម្រេចកំណត់ហេដ្ឋារចនាសម្ព័ន្ធផ្លូវថ្នល់,ផ្លូវទឹក ក្នុងប្លង់គោលសុរិយោដី នៃការចុះបញ្ជីលក្ខណៈជាប្រព័ន្ធ ដើម្បីកាត់បន្ថយផលប៉ះពាល់ និងរក្សាបាននូវ​ការអភិវឌ្ឍ​ប្រកប​ដោយ​ចីរភាព នាពេលអនាគត។ ថ្លែងក្នុងកិច្ចប្រជុំដាក់ឆ្លងគណៈកម្មាធិការរៀបចំដែនដីនគររូបនីយកម្មខេត្ត ស្ដីពីការកំណត់ហេដ្ឋារចនាសម្ព័ន្ធផ្លូវថ្នល់,ផ្លូវទឹក ក្នុងប្លង់គោលសុរិយោដី នៃការចុះបញ្ជីលក្ខណៈជាប្រព័ន្ធ នៅក្នុងភូមិតាអង្គសង្កាត់ត្រើយកោះ ក្រុងកំពត នៅព្រឹកថ្ងៃទី៣០ ខែធ្នូឆ្នាំ២០២០  ឯកឧត្តម ជាវ តាយ អភិបាលខេត្តកំតបានមានប្រសាសន៍ថា ការងារវាស់វែងដីធ្លីចុះបញ្ជី​លក្ខណៈជាប្រព័ន្ធដើម្បី​ ចេញប័ណ្ណកម្មសិទ្ធដល់ប្រជាពលរដ្ឋ គឺជាការចាំបាច់ និងសំខាន់ខ្លាំងណាស់សម្រាប់ពលរដ្ឋគ្រប់រូប ពិសេសងាយស្រួលក្នុងការអភិវឌ្ឍ និងប្រើប្រាស់ដីឲ្យអស់សក្ដានុពល  ក៏ដូចជាងាយស្រួលក្នុងការអភិវឌ្ឍមូលដ្ឋានផងដែរ។ ឯកឧត្តមអភិបាលបានបន្តថា ពាក់ព័ន្ធការកំណត់ហេដ្ឋារចនាសម្ព័ន្ធ ផ្លូវថ្នល់,ផ្លូវទឹក ក្នុងប្លង់គោលសុរិយោដី នៃការចុះបញ្ជីលក្ខណៈជាប្រព័ន្ធ មន្ត្រីជំនាញ និងមន្ទីររួមនិងអាជ្ញាធរមូលដ្ឋានពាក់ព័ន្ធ មិនអាចសម្រេចយក​តាមប្លង់គូរនៅលើតុតាមគោលការរបស់ស្ថាប័ន ឬមន្ទីរខ្លួនបានទេ  គឺត្រូវចុះទៅពិនិត្យដល់ទីតាំងភូមិសាស្ត្រជាក់ស្តែង ដើម្បីធានាដល់ការកាត់បន្ថយផលប៉ះពាល់ឲ្យនៅតិចបំផុត និងធានាដល់ការអភិវដ្ឍប្រកបដោយចីរភាពតទៅថ្ងៃមុខ ព្រោះតំបន់វិនិច្ឆ័យទាំងនោះស្ថិតនៅក្នុងក្រុង អនាគតនឹងក្លាយជាតំបន់លំនៅដ្ឋាន និងតំបន់អភិវឌ្ឍសេដ្ឋកិច្ចផ្សេងៗ។ ឯកឧត្តមបានណែនាំមន្ត្រីឲ្យចុះពិនិត្យលម្អិតឡើងវិញ។ លោកដាញ់ សារី ប្រធានមន្ទីររៀបចំដែនដី នគររូបនីយកម្ម សំណង់និងសុរិយោដីខេត្តកំពត  បានលើកបញ្ជាក់ថាការ​កំណត់ប្លង់គោល​ហេដ្ឋារចនាសម្ព័ន្ធ ផ្លូវថ្នល់ ផ្លូវទឹកក្នុងដំណាក់កាល នៃការចុះបញ្ជីលក្ខណៈជាប្រព័ន្ធ…

ភ្នំពេញ៖ លោក ចាយ បូរិន សមាជិករដ្ឋសភា និងក្រុមគ្រួសារ បានចូលរួមអបអរសាទរ ជាមួយប្រជាពលរដ្ឋកម្ពុជាទូទំាងប្រទេស ដែលទើបទទួលបានសមិទ្ធផលថ្មី ជាប្រវត្តិសាស្រ្ត គឺតំណក់ប្រេងដំបូង ដែលកើតមានឡើងនៅក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី។ តំណក់ប្រេងដំបូងកម្ពុជាទទួលបាន នៅថ្ងៃទី២៩ ខែធ្នូ ឆ្នាំ២០២០នេះ បានលេចឡើងស្របពេលនៃខួបលើកទី២២ឆ្នាំ នៃនយោបាយឈ្នះ-ឈ្នះរបស់សម្តេចតេជោ ក្នុងការបញ្ចប់សង្គ្រាមទំាងស្រុងនៅកម្ពុជា នាំមកនូវសុខសន្តិភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រជូនប្រជាជាតិទំាងមូល នៅក្នុងរយៈពេល២២ឆ្នាំមកនេះ។ តាមរយៈភាពជោគជ័យជាប្រវត្តិសាស្រ្ត នៃការទទួលបានដំណក់ប្រេងជាលើកដំបូងនេះ គឺជាការចាប់ផ្តើមដ៏សំខាន់បំផុត សម្រាប់ប្រទេសកម្ពុជា ឆ្ពោះទៅបង្កើតបាននូវសមត្ថភាពជាតិ និងខឿនឧស្សាហកម្មប្រេងកាត ឧស្ម័ន និងថាមពល ដែលជាពរជ័យសម្រាប់ប្រជាជាតិ និងប្រជាជនកម្ពុជា ដែលធ្វើឲ្យប្រទេសជាតិកាន់តែរីកចម្រើន ជីវភាពប្រជាពលរដ្ឋកាន់តែធូរធារឡើង។ លោកតំណាងរាស្រ្ត បានមានប្រសាសន៍បន្តថា សន្តិភាពក្រោមការដឹកនាំ របស់សម្តេចតេជោនាយករដ្ឋមន្ត្រី គឺជាកត្តាសារវន្តមិនអាចខ្វះបាន សម្រាប់ការសម្រេចជោគជ័យលើសមិទ្ធផលជាតិជាបន្តបន្ទាប់ និងការអភិវឌ្ឍលើគ្រប់វិស័យ រួមទាំងសមិទ្ធផលថ្មី ក្នុងវិស័យប្រេងកាត ដែលប្រជាពលរដ្ឋខ្មែរទូទាំងប្រទេស បានទន្ទឹងរង់ចាំជាច្រើនជំនាន់យូរលង់ណាស់មកហើយ។ ក្នុងនាមតំណាងរាស្រ្ត លោក ចាយ បូរិន បានគូសបញ្ជាក់ថា ប្រជាពលរដ្ឋទូទំាងប្រទេស សូមអរគុណសន្តិភាព…