ពលរដ្ឋរងផលប៉ះពាល់ដោយជំនន់ទឹកភ្លៀងនឹងទទួលបានពូជស្រូវផ្ទាល់ពីសម្តេចតេជោ ហ៊ុន សែន ពោធិ៍សាត់៖ ឯកឧត្តម យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី អមដំណើរដោយឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នាថ្ងៃទី០១ ខែវិច្ឆិកា ឆ្នាំ២០២០ បានចុះពិនិត្យទីតាំង និងត្រៀមប្រជុំពិភាក្សាផែនការបែងចែកភារកិច្ច រៀបចំពិធីសំណេះសំណាល និងចែកពូជស្រូវ ជូនប្រជាពលរដ្ឋដែលទទួលរងផលប៉ះពាល់ដោយជំនន់ទឹកភ្លៀង ក្នុងខេត្តពោធិ៍សាត់ ដើម្បីស្តារផលិតកម្មស្បៀងឡើងវិញ ក្រោយពេលទឹកស្រក។ ពិធីសំណេះសំណាល និងចែកពូជស្រូវនេះ នឹងប្រព្រឹត្តទៅនាថ្ងៃទី០៧ ខែវិច្ឆិកា ឆ្នាំ២០២០ខាងមុខ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅបរិវេណពហុកីឡដ្ឋាន ខេត្តពោធិ៍សាត់ ចំនួន១២,០៤៦គ្រួសារ និងនៅបរិវេណវិទ្យាល័យអូរតាប៉ោង ចំនួន៥,៧១១គ្រួសារទៀត។ គួរបញ្ជាក់ថា បន្ទាប់ពីទទួលរងឥទិ្ធពលព្យុះ និងភ្លៀងធ្លាក់ខ្លាំងរយៈពេលប៉ុន្មានថ្ងៃជាប់ៗគ្នា គិតត្រឹមថ្ងៃទី២១ ខែតុលា ឆ្នាំ២០២០កន្លងទៅ ក្នុងភូមិសាស្រ្តខេត្តពោធិ៍សាត់ បានទទួលរងគ្រោះនូវជំនន់ទឹកភ្លៀង ដែលហូរធ្លាក់ពីស្រុកវាលវែង និងស្រុកភ្នំក្រវាញ បានធ្វើឱ្យប៉ះពាល់ប្រជាពលរដ្ឋចំនួន៦ក្រុង-ស្រុក ក្នុងនោះមានស្រុកវាលវែង ស្រុកភ្នំក្រវាញ ស្រុកបាកាន ស្រុកកណ្តៀង និងក្រុងពោធិ៍សាត់ ស្មើនឹង៣៤ឃុំ-សង្កាត់។ ជំនន់ទឹកភ្លៀងនេះ…

ភ្នំពេញ៖  យោងទៅតាម​របាយការណ៍​របស់​ក្រសួងទេសចរណ៍​បានឱ្យដឹងថា ភ្ញៀវទេសចរ​បរទេស​ដែល​នៅតែ​មក​កម្ពុជា​នៅក្នុង​ចំណោម​ភ្ញៀវទេសចរ​សរុប ១,២៤លាន​នាក់ នៅក្នុង​រយៈពេល ៩ខែ ឆ្នាំ២០២០ នេះ​គឺមាន ចិន ថៃ វៀតណាម អាមេរិក កូរ៉េខាងត្បូង អង់គ្លេស បារាំង ជប៉ុន ឡាវ និង អាល្លឺម៉ង់ ។ ភ្ញៀវទេសចរ​បរទេស​ដែល​បន្ត​មក​កម្ពុជា​ទោះជា​នៅក្នុង​សម័យ​កូ​វីដ-១៩ រីក​រាលដាល​នៅលើ​ពិភពលោក​គឺមាន ១០ជនជាតិ​សំខាន់ នៅ​ក្នុងនោះ​ច្រើនជាងគេ​គឺ​ចិន ថៃ និង វៀតណាម ។ ភ្ញៀ​ង​ទេសចរ​ចិន​មាន​ចំនួន ៣០២.៨២៦ នាក់ ធ្លាក់ចុះ ៨៣,៨ ភាគរយ ,ថៃ ១៨៩.៤៤២ នាក់ ធ្លាក់ ចុះ ៣៤,២ភាគរយ ,វៀតណាម ១៨០.៧៦១ នាក់ ធ្លាក់ចុះ ៧១,៦ ភាគរយ ,អាមេរិក ៥៤.៦៦៦នាក់ ធ្លាក់ចុះ ៦៩,២ភាគរយ ,កូរ៉េខាងត្បូង ៥៤.៤១៤ នាក់ ធ្លាក់ចុះ ៧០,៩…

សៀមរាប៖ នៅរសៀលថ្ងៃទី២៩ ខែតុលា ឆ្នាំ២០២០ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានបន្តដំណើរបេកសកម្មដឹកនាំក្រុមមន្រ្តីបច្ចេកទេស ចុះពិនិត្យស្ថានភាពទឹក នៅប្រព័ន្ធធារាសាស្រ្តស្ទឹងជីក្រែង (អាងទឹកម្កាក់) ស្ថិតក្នុងស្រុកជីក្រែង ខេត្តសៀមរាប។ ប្រព័ន្ធធារាសាស្រ្តខាងលើនេះ បានទទួលហិរញ្ញប្បទានពីសាធារណៈរដ្ឋប្រជាមានិត្យចិន ហើយបានសាងសង់រួចជាស្ថាពរក្នុងឆ្នាំ២០១៨ ដែលមានលទ្ធភាពផ្គត់ផ្តង់ទឹកស្រោចស្រព សម្រាប់ បង្កើនផលិតផលកសិកម្មបានចំនួន២.៤០០ហិកតា នៅរដូវប្រាំង និង២៨.៨៥០ហិកតា នៅរដូវវស្សា។ ឯកឧត្តមរដ្ឋមន្ត្រីបានថ្លែងថា ការចុះពិនិត្យសំណង់ទំនប់អាងទឹកម្កាក់ គឺជាការចុះពិនិត្យស្ថានភាពទឹកជាក់ស្តែងក្នុងខេត្តសៀមរាម ព្រមទាំងមានសេចក្តីរីករាយ ដែលបានឃើញ បរិមាណទឹករក្សាទុកក្នុងអាងបាន១០០% ជាការអំណោយផលដល់ការងារបង្កបង្កើនផល និងប្រើប្រាស់ក្នុងជីវភាពប្រចាំថ្ងៃរបស់បងប្អូនប្រជាពលរដ្ឋស្រុកជីក្រែង។ កាលពីព្រឹកមិញ ឯកឧត្តមរដ្ឋមន្ដ្រី លឹម គានហោ បានដឹកនាំក្រុមមន្រ្តីបច្ចេកទេស និងប្រធានមន្ទីរធនធានទឹកខេត្តកំពង់ធំ ចុះពិនិត្យស្ថានភាពទឹក នៅប្រព័ន្ធធារាសាស្ត្រស្ទឹងជីនិត និងប្រព័ន្ធធារាសាស្ត្រតាំងក្រសាំង ស្ថិតនៅស្រុកសន្ទុក ខេត្តកំពង់ធំ ដែលពេលនេះកំពុងមានបរិមាណទឹកពេញបរិបូរណ៍ សម្រាប់បម្រើការងារបង្កបង្កើនផលនាពេលខាងមុខ។ តាមរយៈការតាមដានជាប់ជាប្រចាំ និងចុះពិនិត្យជាក់ស្តែងនាព្រឹកនេះ បានបញ្ជាក់ឲ្យឃើញថា ខេត្តកំពង់ធំ ជាខេត្តទទួលរងគ្រោះដោយទឹកជំនន់ តិចជាងបណ្តាខេត្តនានា និងកំពុងមានបរិមាណទឹកគ្រប់គ្រាន់ នៅក្នុងអាងទឹក៕

ភ្នំពេញ៖ ប្រជាពលរដ្ឋក្រីក្របន្ថែមដោយគ្រោះជំនន់ទឹកភ្លៀង ចំនួន២០០គ្រួសារ នៅសង្កាត់ចោមចៅទី១ ខណ្ឌពោធិ៍សែនជ័យ បានទទួលអំណោយមនុស្សធ៌ម របស់សម្តេចពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវិទ្យា សៅ ទី ហេងសំរិន តាមរយៈតំណាងរាស្ដ្រមណ្ឌលភ្នំពេញ និងអំណោយរបស់សាលាខណ្ឌពោធិ៍សែនជ័យ នារសៀលថ្ងៃទី២៩ ខែតុលា ឆ្នាំ២០២០នេះ នៅបរិវេណវត្តកំពែង ក្នុងសង្កាត់ចោមចៅទី១ ខណ្ឌពោធិ៍សែនជ័យ។ លោក ឃុត ចាន់ដារ៉ា បាននាំនូវផ្តាំផ្ញើសួរសុខទុក្ខ ពីសំណាក់សម្តេចពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវិទ្យា សៅ ទី ហេងសំរិន ជូនចំពោះប្រជាពលរដ្ឋទាំងអស់ ដែលជានិច្ចកាល សម្តេចតែងតែយកចិត្តទុកដាក់គិតគូរពីសុខទុក្ខប្រជាពលរដ្ឋ គ្រប់ពេលវេលា។ លោក ឃុត ចាន់ដារ៉ា បានបញ្ជាក់ថា សម្ដេចតែងតែបានណែនាំឲ្យ សមាជិក សមាជិកា រដ្ឋសភា ប្រចាំមណ្ឌលនីមួយៗចុះជាប្រចាំតាមមូលដ្ឋាន ដើម្បីដឹងពីសុខទុក្ខ ពីបញ្ហាប្រឈម និងពីតម្រូវការជាក់ស្តែង ដើម្បីរដ្ឋសភា ជួយជំរុញឲ្យរាជរដ្ឋាភិបាល ចាត់វិធានការដោះស្រាយឲ្យបានសមស្រប និងជាបន្ទាន់។ ជាមួយគ្នានេះ…

កំពង់ធំ៖  នៅថ្ងៃទី២៩ ខែតុលា ឆ្នាំ២០២០ ឯកឧត្តម លឹម គានហោ រដ្ឋមន្ដ្រីក្រសួងធនធានទឹក និងឧត្តុនិយាម ដដឹកនាំក្រុមមន្រ្តីបច្ចេកទេស និងប្រធានមន្ទីរធនធានទឹកខេត្តកំពង់ធំ ចុះពិនិត្យស្ថានភាពទឹក នៅប្រព័ន្ធធារាសាស្ត្រស្ទឹងជីនិត និងប្រព័ន្ធធារាសាស្ត្រតាំងក្រសាំង ស្ថិតនៅស្រុកសន្ទុក ខេត្តកំពង់ធំ ដែលពេលនេះកំពុងមានបរិមាណទឹកពេញបរិបូរណ៍ សម្រាប់បម្រើការងារបង្កបង្កើនផលនាពេលខាងមុខ។  ឯកឧត្តម លឹម គានហោ ដឹកនាំមន្ដ្រីជំនាញ បន្ដសកម្មភាពចុះ ពិនិត្យ​វាយតម្លៃការខូចខាត និងវឌ្ឍនភាព នៃការជួសជុលបន្តាន់នូវប្រព័ន្ធធារាសាស្ដ្រ ដែលរងផលប៉ះពាល់ដោយសារទឹកជំនន់​នាពេលកន្លងមក។ ខេត្តកំពង់ធំ ជាខេត្ត​ទទួលរងគ្រោះដោយទឹកជំនន់ តិចជាងបណ្តាខេត្តនានា និងកំពុងមានបរិមាណទឹកគ្រប់គ្រាន់ នៅក្នុងអាងទឹក៕