រតនគិរី ៖ ក្នុងឱកាសដ៏មហាជ័យមង្គល ថ្លៃថ្លាពោរពេញដោយក្តីសោមនស្សរីករាយនៃព្រះរាជពិធីបុណ្យខួបលើកទី១៦ នៃការយាងគ្រងព្រះបរមរាជសម្បត្តិរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជា  នៅរសៀលថ្ងៃទី២៩ ខែតុលា ឆ្នាំ ២០២០នេះរដ្ឋបាលខេត្តរតនគិរី បានរៀបចំព្រះរាជពិធីខួបលើកទី១៦  នៃការយាងគ្រងព្រះបរមសិរីរាជសម្បត្តិរបស់ ព្រះករុណាព្រះបាទសម្ដេចព្រះបរមនាថ  នរោត្តមសីហមុនី។   ក្នុងនាមតំណាងឲ្យក្រុមប្រឹក្សាខេត្ត គណៈអភិបាលខេត្ត មន្រ្តីរាជការ កងកម្លាំងប្រដាប់អាវុធ  និងប្រជារាស្រ្តគ្រប់ជនជាតិនៅក្នុងខេត្តរតនគិរី ឯកឧត្តម ថង សាវុន អភិបាលខេត្តរតនគិរី បានថ្លែងនូវសារលិខិតថ្វាយព្រះពរ ដោយបានសម្តែងនូវសេចក្តីរំភើបរីករាយក្រៃលែង សូមព្រះបរមរាជានុញ្ញាតលំឱនកាយសម្តែងនូវក្តីកតញ្ញុតាធម៌ដ៏ជ្រាលជ្រៅជាទីបំផុត សូមក្រាបបង្គំទូលថ្វាយនូវព្រះរាជសព្ទសាធុការ ពរជ័យ សិរីមង្គល វិបុលសុខ មហាប្រសើរថ្វាយ ព្រះករុណាជាអម្ចាស់ជីវិតលើត្បូង ជាទីសក្ការៈដ៏ខ្ពង់ខ្ពស់បំផុត ដែលព្រះអង្គតែងតែប្រោសព្រះរាជទានព្រះមហាករុណាទិគុណដល់ប្រជារាស្ត្រនៅទូទាំង ព្រះរាជាណាចក្រកម្ពុជា។ ទូលព្រះបង្គំជាខ្ញុំទាំងអស់គ្នាចងចាំជានិច្ចនូវព្រះរាជសកម្មភាពដ៏ឧត្តុង្គឧត្តមថ្លៃថ្លារបស់ ព្រះករុណាជាអម្ចាស់ជីវិតលើត្បូង ក្នុងការចំណាយព្រះបញ្ញាញាណ ព្រះកាយពលគ្រប់ពេលវេលា ក្នុងបុព្វហេតុជួយដល់ជាតិ មាតុភូមិ និងប្រជារាស្ត្ររបស់ព្រះអង្គប្រកបដោយព្រះរាជហឬទ័យមហាសប្បុរស សណ្តោសប្រោសប្រណីដ៏ថ្លៃថ្លាជាទីបំផុត រកអ្វីមកប្រៀបផ្ទឹមពុំបានឡើយ។  ទូលព្រះបង្គំជាខ្ញុំទាំងអស់គ្នា សូមព្រះបរមរាជានុញ្ញាតបួងសួងដល់គុណបុណ្យព្រះរតនត្រ័យកែវទាំងបី ទេវតាឆ្នាំថ្មី ទេវតារក្សាមហាស្វេតច្ឆ័ត្រ ព្រះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រមទាំងវត្ថុស័ក្តិសិទ្ធទាំងឡាយក្នុងលោក…

ឯ ឧ បណ្ឌិតសភាចារ្យ ហង់ ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា បានគូស បញ្ជាក់ថា បើសិនជាក្រសួង បានរកឃើញថា សាលាណាមួយ ដែលរំលោភទៅលើលក្ខខណ្ឌសុវត្ថិភាព របស់ក្រសួងនោះ ក្រសួងនឹងធ្វើការព្យួរ ជាបណ្ដោះអាសន្ននូវសាលានោះតែម្ដង ។ ការគូសបញ្ជាក់បែបនេះ ធ្វើឡើងក្នុងឱកាសដែល ឯ ឧ ហង់ ជួន ណារ៉ុន រៀបចំសន្និសីទ សារព័ត៌​មាន ស្ដីពី «វិធានការក្នុងការបើកដំណើរការ គ្រឹះស្ថានសិក្សាឡើងវិញ»  នៅសាល​ប្រជុំ​ «ក»​ នៃទីស្ដីការក្រសួងអប់រំ នាថ្ងៃទី២៨ ខែតុលា ឆ្នាំ២០២០ ។ ឯ ឧ រដ្ឋមន្ដ្រី បានបញ្ជាក់យ៉ាងដូច្នេះថា «បើសិនបើសាលាណាមួយ រំលោភទៅលើ លក្ខខណ្ឌ (សុវត្ថិភាព) របស់ក្រសួង ជំហានដំបូងក្រសួង នឹងធ្វើការណែនាំ បើសិនជាមិនធ្វើតាម ក្រសួង នឹងធ្វើការព្យួរជាបណ្ដោះអាសន្ន នូវសាលានោះតែម្ដង» ។ រដ្ឋមន្ដ្រី ហង់ ជួន ណារ៉ុន បានឲ្យ​ដឹងថា…

ធនាគារជាតិនៃកម្ពុជា នៅព្រឹកថ្ងៃ២៨តុលាឆ្នាំ២០២០ បានដាក់ឱ្យដំណើរការជាផ្លូវការ “ប្រព័ន្ធបាគង” ក្រោមអធិបតីភាព លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេសធនាគារជាតិនៃកម្ពុជា និងមានការចូលរួមពីតំណាងសមាគមធនាគារនៅកម្ពុជា សមាគមមីក្រូហិរញ្ញវត្ថុនៅកម្ពុជា និងសមាគមសហព័ន្ធហិរញ្ញវត្ថុ និងបច្ចេកវិទ្យាកម្ពុជា ព្រមទាំងតំណាងគ្រឹះស្ថានជាសមាជិកប្រព័ន្ធបាគង សរុបប្រមាណ ១២០រូប។ ប្រព័ន្ធបាគង ត្រូវគេពណ៌នាថា ប្រៀបដូចជាឆ្អឹងខ្នងនៃប្រព័ន្ធទូទាត់ ដែលអាចឱ្យអតិថិជនធ្វើប្រតិបត្តិការភ្លាមៗជាអេឡិចត្រូនិកដូចជា ការទូទាត់ ផ្ទេរប្រាក់ ដាក់ប្រាក់ និងដកប្រាក់ កាន់តែមានភាពងាយស្រួល ឆាប់រហ័ស កាត់បន្ថយចំណាយថ្លៃប្រតិបត្តិការ និងមានសុវត្ថិភាពខ្ពស់។ មិនតែប៉ុណ្ណោះ ក្នុងបរិការណ៍ប្រទេសកំពុងទទួលរងវិបត្តិកូវីដ១៩ដែលតម្រូវការទូទាត់អេឡិចត្រូនិកកំពុងមានការកើនឡើង ការដាក់ឱ្យដំណើរការផ្លូវការប្រព័ន្ធបាគង នឹងជួយគាំពារដល់សុខុមាលភាពសង្គម និងទប់ស្កាត់ការរីករាលដាលជំងឺកូវីដ១៩ ជាពិសេសរួមចំណែកស្រោចស្រង់សេដ្ឋកិច្ចជាតិឡើងវិញ តាមរយៈការសម្រួលការទូទាត់ជាអេឡិចត្រូនិកពីបុគ្គលម្នាក់ទៅបុគ្គលម្នាក់ដោយពុំប៉ះពាល់សាច់ប្រាក់ដោយផ្ទាល់។ លោកស្រី ជា សិរី បានថ្លែងថា ការដាក់ឱ្យដំណើរការប្រព័ន្ធបាគង គឺជាជោគជ័យថ្មីមួយទៀតដែលធនាគារជាតិនៃកម្ពុជាសម្រេចបានក្នុងការធ្វើទំនើបកម្មប្រព័ន្ធទូទាត់ ដែលឆ្លើយតបទៅនឹងការរីកចម្រើនផ្នែកសេដ្ឋកិច្ច និងបច្ចេកវិទ្យាហិរញ្ញវត្ថុនាពេលបច្ចុប្បន្ន ព្រមទាំងរួមចំណែកក្នុងការជំរុញសេដ្ឋកិច្ចឆ្ពោះទៅរកសេដ្ឋកិច្ចឌីជីថលស្របតាមបដិវត្តន៍ឧស្សាហកម្មទី៤ និងបរិបទសេដ្ឋកិច្ចឌីជីថលក្នុងតំបន់។ លោកស្រីបានបន្តថាប្រព័ន្ធបាគងនឹងដើរតួនាទីយ៉ាងសំខាន់ក្នុងការលើកកម្ពស់ប្រតិបត្តិការឆ្លងគ្រឹះស្ថាន និងជំរុញបរិយាប័ន្នហិរញ្ញវត្ថុ ក៏ដូចជាផ្តល់លទ្ធភាពសម្រាប់ប្រទេសកម្ពុជាក្នុងការភ្ជាប់ប្រព័ន្ធទូទាត់ជាមួយប្រទេសក្នុងតំបន់ដើម្បីសម្រួលការផ្ទេរប្រាក់ និងការទូទាត់ពាណិជ្ជកម្មឆ្លងប្រទេស។ បច្ចុប្បន្នមានធនាគារ និងគ្រឹះស្ថាន ១៨ រួចមកហើយកំពុងប្រើប្រាស់ប្រពន្ធ័នោះ ហើយគេគ្រោងនឹងបញ្ចូលស្ថាបន័ជាង២០បន្ថែមទៀតនៅពេលខាងមុខ។