អ្នកលេងគុនខ្មែរទម្ងន់ស្រាលពន្លកថ្មី សួស ច័ន្ទរាជ្យ ក្រោយឈ្នះជើងឯកគុនខ្មែរជាលក្ខណៈម៉ារ៉ាតុង ក្នុងកម្មវិធីប្រដាល់គុនខ្មែរ GANZBERG ONE STRIKE កាលពីចុងសប្តាហ៍កន្លងទៅ បានបង្ហើបពីមហិជ្ជតារបស់ខ្លួន ចង់ជួបអ្នកប្រដាល់ខ្លាំងកម្រិតកំពូល ទម្ងន់៥១គីឡូក្រាម កីឡាករ ខាំ ខ្លានាង និងសែន រ៉ាដេត ដើម្បីដកស្រង់បច្ចេកទេស ទុកជាបទពិសោធន៍ ក្នុងអាជីពប្រដាល់គុនខ្មែរ ។

គណៈកម្មាធិការជាតិរៀបចំកីឡាអាស៊ីអាគ្នេយ៍ ឆ្នាំ២០២៣ ហៅកាត់ថា CAMSOC នាព្រឹកថ្ងៃអង្គារ ទី២៤ ខែ សីហានេះ បានបន្តដឹកនាំកិច្ចប្រជុំត្រួតពិនិត្យវឌ្ឍនៈភាពការងារតាមប្រព័ន្ធហ្សូម ដឹកនាំដោយឯកឧត្តមបណ្ឌិត ថោង ខុន អនុប្រធានអចិន្រ្តៃយ៍ CAMSOC នៅអាគារទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តម វ៉ាត់ ចំរើន អគ្គលេខាធិការ CAMSOC បានគូបញ្ជាក់ ក្រោយកិច្ចប្រជុំថា នេះជាកិច្ចប្រជុំត្រួតពិនិត្យការងារប្រចាំសប្តាហ៍ ក្រោយពីបញ្ចប់សន្និបាតបូកសរុបការងារឆមាសទី១ និងលើកទិសដៅការងារឆមាសទី២ ដល់គណៈកម្មការជំនាញ និងសហព័ន្ធកីឡាជាតិ ដើម្បីអនុវត្តនូវផែនការដែលបានសម្រេច នៅក្នុងសន្និបាត បានដាក់ចេញដោយ សម្តេចពិជ័យសេនា ទៀ បាញ់ ប្រធានគណៈកម្មាធិការ CAMSOC ។ ឯកឧត្តម បានគូបញ្ជាក់ទៀតថា កិច្ចប្រជុំនេះ ឯកឧត្តម ថោង ខុន បានយកនូវលទ្ធផល នៃសន្និបាត និងអនុសាស្រ្តសំខាន់ៗរបស់សម្តេចពិជ័យសេនា បាននែនាំមកបញ្ជាក់បន្ថែម ដើម្បីជម្រុញយន្តការអនុវត្តទៅតាមអ្វីដែលបានចែង និងកំណត់នៅក្នុងសន្និបាត ដើម្បីឲ្យគណៈកម្មការជំនាញ និងសហព័ន្ធកីឡាជាតិជ្រូតជ្រាបពីអត្ថន័យខ្លឹមសារជម្រុញយន្តការអនុវត្តសម្រាប់ឆមាសទី២ ។ ឯកឧត្តម អគ្គលេខាធិការ បានអះអាងទៀតថា ឆមាសទី២នេះ…

លោក ស៊ុន សុទ្ធារិទ្ធ អគ្គលេខាធិការ សហព័ន្ធកីឡាវាយកូនឃ្លីលើតុកម្ពុជាបានបញ្ជាក់ថា សម្ភារកីឡាវាយកូនឃ្លីលើតុ ដែលជាជំនួយឧបត្ថម្ភពីសហព័ន្ធកីឡាវាយកូនឃ្លីលើតុអាស៊ី ត្រូវបានដឹកជញ្ជូនមកដល់សាលកីឡាវាយកូនឃ្លីលើតុនៃពហុកីឡដ្ឋានជាតិមករតតេជោ ខណ្ឌជ្រោយចង្វារ រាជធានីភ្នំពេញ កាលពីល្ងាចម្សិលមិញ។ សម្ភារកីឡាវាយកូនឃ្លីលើតុនេះនឹងប្រើប្រាស់សម្រាប់ការហ្វឹកហាត់របស់ក្រុមកីឡាករ កីឡាការិនីឈុតធំ និងឈុតថ្នាល ដើម្បីត្រៀមលក្ខណៈក្នុងការប្រមូលផ្ដុំហ្វឹកហាត់បិទខ្ទប់ នាពេលខាងមុខឆាប់ៗនេះ។ ក្រៅពីការហ្វឹកហាត់នៅក្នុងស្រុក ក្រុមជម្រើសជាតិវាយកូនឃ្លីលើតុមួយចំនួនក៏ត្រៀមចេញទៅហ្វឹកហាត់នៅចិន នាខែកញ្ញា ឬខែតុលាផងដែរជាមួយនឹង១១ប្រភេទកីឡាផ្សេងទៀត ដែលមានចំនួនសរុប ១៣៥នាក់។ ការហ្វឹកហាត់ត្រៀមនេះ គឺដើម្បីត្រៀមចូលរួមប្រកួតប្រជែងមេដាយ ស៊ីហ្គេម លើកទី៣១ នៅប្រទសវៀតណាម នាខែមេសា-ឧសភា ឆ្នាំ២០២២ ក៏ដូចជាត្រៀមឆ្ពោះទៅទទួលរៀបចំធ្វើជាម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ នៅកម្ពុជាផងដែរ៕

ក្រុមមន្ត្រី គ្រូបង្វឹក កីឡាករ កីឡាការិនីជម្រើសជាតិកម្ពុជា និងអ្នកពាក់ព័ន្ធ ក្នុងវិស័យកីឡាសរុបចំនួន ១២២៩នាក់ ទទួលបានការចាក់វ៉ាក់សាំងដូសទី៣ ឬដូសជំរុញពីក្រុមគ្រូពេទ្យ នៅព្រឹកថ្ងៃទី២៣ ខែសីហា ឆ្នាំ២០២១ នៅពហុកីឡដ្ឋានជាតិមរតកតេជោ ស្ថិតនៅខណ្ឌជ្រោយចង្វារ រាជធានីភ្នំពេញ។ មន្ត្រីគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បញ្ជាក់ឱ្យដឹងថា យុទ្ធនាការចាក់វ៉ាក់សាំងដូសទី៣ ឬដូសជំរុញ ដែលចាក់នៅព្រឹកថ្ងៃ ច័ន្ទនេះ មាន១ ២២៩នាក់ ក្នុងនោះមានថ្នាក់ដឹកនាំ គ្រូបង្វឹក កីឡាករ កីឡាការិនីមកពីសហព័ន្ធកីឡាជាតិចំនួន៤២ និងមន្ត្រីបម្រើការងារនៅ CAMSOC និងគណៈកម្មាធិការជាតិអូឡាំពិកកម្ពុជា ក៏ដូចជាអ្នកពាក់ព័ន្ធនឹងក្រុមជម្រើសជាតិកម្ពុជា រាប់ទាំងក្រុមចុងភៅផងដែរ។ យុទ្ធនាការចាក់វ៉ាក់សាំងជូនដល់ក្រុមកីឡាជម្រើសជាតិកម្ពុជាបានធ្វើឡើង ដើម្បីសុវត្ថិភាពខ្ពស់ ក្នុងការប្រមូលផ្តុំហ្វឹកហាត់ត្រៀមបង្កើនគុណផលកីឡាកម្រិតខ្ពស់។ បច្ចុប្បន្នក្រុមជម្រើសជាតិកម្ពុជា កំពុងត្រៀមការហ្វឹកហាត់បិទខ្ទប់ នៅពហុកីឡដ្ឋានជាតិ មរតកតេជោ និងការហ្វឹកហាត់តាមប្រភេទកីឡាផ្សេងៗទៀត នៅតាមទីតាំងសុវត្ថិភាពរបស់សហព័ន្ធ នៅក្នុងស្រុក ក៏ដូចជាត្រៀមខ្លួនចេញទៅហ្វឹកហាត់ នៅសាធារណរដ្ឋប្រជាមានិតចិន នៅក្នុងអំឡុងខែកញ្ញា ឬខែតុលា ឆ្នាំ២០២១។ គោលដៅនៃការប្រមូលផ្តុំហ្វឹកហាត់ទ្រង់ទ្រាយធំ គ្រប់ប្រភេទកីឡាទាំងអស់របស់កម្ពុជា គឺដើម្បីត្រៀមចូលរួមប្រកួតប្រជែងមេដាយ ស៊ីហ្គេម លើកទី៣១…

ឯកឧត្តម វ៉ាត់ ចំរើន អគ្គលេខាធិការ សហព័ន្ធកីឡាគុនល្បុក្កតោកម្ពុជាលើកឡើងកាល ក្នុងអំឡុងចុះពិនិត្យវាយតម្លៃ ពហុកីឡដ្ឋានមរតកតេជោ កាលពីពេលថ្មីនេះថា កីឡាគុនល្បុក្កតោ ដែលជាមរតកក្បាច់គុនរបស់បុព្ធបុរសខ្មែរកំពុងបន្តយកចិត្តទុកដាក់យ៉ាងខ្លាំងក្នុងការអភិរក្ស និងអភិវឌ្ឍន៍នៅក្នុងក្របខ័ណ្ឌជាតិ ពិសេស សហព័ន្ធកំពុងដុតដៃដុតជើងយ៉ាងខ្លាំងក្នុងការជម្រុញផ្សព្វផ្សាយទៅកាន់ឆាកអន្តរជាតិ។ ឯកឧត្តម វ៉ាត់ ចំរើន ពន្យល់ថា គោលដៅរបស់យើងកន្លងរហូតដល់ឆ្នាំ២០៣០ គឺថាយើងមានមហិច្ឆតាអភិវឌ្ឍន៍ និងអភិរក្សវិស័យកីឡាគុនល្បុក្កតោទៅលើឆាកអន្តរជាតិ ដោយយើងកំពុងបង្កើនគុណភាពគ្រូបង្គោលរបស់កម្ពុជាឱ្យមានសមត្ថភាពឱ្យរឹងមាំសិន ព្រោះថា គ្រូបង្គោលដែលចេញទៅផ្សព្វផ្សាយ និងបង្ហាត់បង្រៀន នៅក្រៅប្រទេស មិនត្រឹមតែចេះក្បាច់គុនរបស់ខ្លួនប៉ុណ្ណោះទេ ពោលត្រូវតែចេះទាំងភាសាអង់គ្លេសឱ្យបានច្បាស់លាស់ផងដែរ។ឯកឧត្តម សង្កាត់ធ្ងន់ថា គណៈកម្មាធិការអូឡាំពិកអន្តរជាតិ បានកំណត់បង្ហាញថា កីឡា១ប្រភេទដែលត្រូវបានទទួលស្គាល់ជាអន្តរជាតិត្រូវបានការគាំទ្រចាប់ពី៧៥ ប្រទេសឡើងទៅ។ ដូច្នេះគុនល្បុក្កតោក៏ត្រូវអនុវត្តតាមគោលការណ៍នេះដែរ ដើម្បីទទួលបានការគាំទ្របន្ថែមទៀត នាថ្ងៃអនាគត។ បច្ចុប្បន្ន គុនល្បុក្កតោ ដែលមានក្លឹបហ្វឹកហាត់នៅក្រៅប្រទេសមានត្រឹមតែ៦ប្រទេសប៉ុណ្ណោះ ដោយមិនទាន់ជ្រោតជ្រៀបទូលំទូលាយនៅលើឆាកអន្តរជាតិនៅឡើយទេ។ ប្រសិនបើយើងអាចរៀបចំការប្រកួតគុនល្បុក្កតោជើងឯកពិភពលោក រៀងរាល់ឆ្នាំបាន នោះការអភិវឌ្ឍវិស័យកីឡាគុនល្បុក្កតោ នឹងទទួលបានការគាំទ្រជាអន្តរជាតិ ហើយ ត្រូវការរយៈពេល ២០ឆ្នាំទើបមានការទទួលស្គាល់៧៥ប្រទេស ។ ឯកឧត្តមបានបញ្ជាក់ថា “នេះជាមហិច្ឆតានៃគោលដៅរបស់យើង ដែលត្រូវតែខិតខំដើរឱ្យទៅដល់កម្រិតពិភពលោកបែបនេះ ប៉ុន្តែយើងត្រូវរៀបចំឱ្យគុនល្បុក្កតោមានពុម្ព ឬក្បួនខ្នាតស្តង់ដាតែមួយ ដោយមិនមែនត្រឹមតែគោលដៅដាក់បញ្ជូលកីឡាគុនល្បុក្កតោត្រឹមតំបន់អាស៊ាន ជាពិសេសគឺស៊ីហ្គេម ឆ្នាំ២០២៣…

អត្តពលិកកីឡាប៉ារ៉ាឡាំពិកកម្ពុជា ២រូប មាន កីឡាករ វ៉ាន វ៉ុន និង លោក យី សុភក្រ្តា គ្រូបង្វឹក និង នាយប៉េសកម្ម បានធ្វើដំណើរទៅដល់ប្រទេសជប៉ុនហើយ នាព្រឹកថ្ងៃ ទី២៣ ខែ សីហា ឆ្នាំ២០២១នេះ ដើម្បីទៅចូលរួមការប្រកួតកីឡាប៉ារ៉ាឡាំពិកពិភពលោក ឆ្នាំ២០២០ (2020 Summer Paralympics ) នៅទីក្រុងតូក្យូ ប្រទេសជប៉ុន។ ព្រឹត្តិការណ៍ប៉ារ៉ាឡាំពិកពិភពលោកឆ្នាំ២០២០ នៅប្រទេសជប៉ុន នឹងដំណើរប្រកួតពីថ្ងៃទី២៤ សីហា ដល់៥ កញ្ញា ឆ្នាំ២០២១ខាងមុខនេះ សម្រាប់ វ៉ាន វ៉ុន នឹងធ្វើការប្រកួតលើវិញ្ញាសាប្រណាំងរថរទះ១០០ម៉ែត្រ ប្រភេទT54។បើយោងតាមការបញ្ជាក់បឋម ពីឯកឧត្តម យី វាសនា អគ្គលេខាធិការប៉ារ៉ាឡាំពិកកម្ពុជា កីឡាករ វ៉ាន វ៉ុន អាចនឹងប្រកួតនៅថ្ងៃ ទី២៨ ឬ២៩ ខែ សីហា ឆ្នាំ២០២១។ ការចូលរួមក្នុងព្រឹត្តិការណ៍ប្រកួតកីឡាប៉ារ៉ាឡាំពិកពិភពលោក របស់ កីឡាករ…

លោក សំ សុខយី អគ្គលេខាធិការ សហព័ន្ធកីឡាលើកទម្ងន់កម្ពុជា បានបញ្ជាក់ថា ពហុកីឡាដ្ឋានមរតកតេជោ គឺជាជំរុំហ្វឹកហាត់ដ៏ល្អដល់អត្តពលិកបង្កើនកម្រិតបច្ចេកទេស សម្រាប់ការប្រមូលផ្តុំ នាអំឡុងខែកញ្ញា ឆ្នាំ២០២១ខាងមុខនេះ ដើម្បីត្រៀមចូលរួមប្រជែងមេដាយ ស៊ីហ្គេម នៅវៀតណាម នាឆ្នាំ២០២២ ។ អគ្គលេខាធិការរូបនេះ បានគូសបញ្ជាក់ថា កន្លែងហ្វឹកហាត់ថ្មី មានលក្ខណៈធំទូលាយ ត្រូវស្តង់ដារ អាចដាក់ឧបករណ៍ហ្វឹកហាត់គ្រប់កម្រិត បង្កភាពងាយស្រួលសម្រាប់ជម្រើសជាតិបង្កើនសមត្ថភាព ។ លោក សំ សុខយី អះអាងថា ទីលានត្រូវស្តង់ដារ នឹងត្រឹមត្រូវតាមក្បួនបច្ចេកទេស វាកាន់តែជម្រុញឲ្យអត្តពលិកជម្រើសជាតិលើកទម្ងន់កម្ពុជា មានសង្ឈឹមខ្ពស់ ក្នុងការប្រជែងដណ្តើមបានមេដាយពីការប្រកួតស៊ីហ្គេម នៅវៀតណាម សម្រាប់វត្តមានលើកដំបូងរបស់សហព័ន្ធកីឡាលើកទម្ងន់ ពិសេសការពង្រឹងសមត្ថភាពឲ្យកាន់តែមានសក្តានុពល ក្នុងដំណើរទោធ្វើជាម្ចាស់ផ្ទះព្រឹត្តការណ៍ កីឡាស៊ីហ្គេម លើកទី៣២ នាឆ្នាំ២០២៣ នៅកម្ពុជា ។ សូមជម្រាបថា ព្រឹត្តការណ៍ប្រកួតកីឡាស៊ីហ្គេម លើកទី៣១ នៅវៀតណាម ឆ្នាំ២០២២ខាងមុខនេះ សម្រាប់សហព័ន្ធកីឡាលើកទម្ងន់កម្ពុជា គឺជាការបង្ហាញវត្តមានលើកដំបូង ។ ប៉ុន្តែសហព័ន្ធបានដាក់ទិសដៅប្រជែងមេដាយឲ្យបាន១គ្រឿង រីឯស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ សហព័ន្ធមានផែនការជាក់លាក់ដណ្តើមអោយបានមេដាយមាស១គ្រឿងជូនកម្ពុជា…

ជើងឯក MPL KH Season 1 ដែលជាព្រឹត្តិការណ៍ប្រកួតកីឡាកីឡាអេឡិចត្រូនិក លីគអាជីពលំដាប់អន្តរជាតិ លើវិញ្ញាសា Mobile Legends: Bang Bang លើកដំបូងបង្អស់ នៅក្នុងប្រទេសកម្ពុជាបានរកឃើញក្រុមខ្លាំង៤ចេញពីវគ្គជម្រុះឈានឡើងទៅកាន់វគ្គ Regular ហើយ ។MPL KH រដូវកាលទី១ ដែលបានរួមចំណែកយ៉ាងសំខាន់ជួយអភិវឌ្ឍ និងជំរុញវិស័យកីឡាអេឡិចត្រូនិក ឈានដល់កម្រិតស្តង់ដារអន្តរជាតិនេះ រៀបចំដោយក្រុមហ៊ុន Moonton ដែលជាស្ថាបនិកវិញ្ញាសា Mobile Legends: Bang Bang ។ តាមការបញ្ជាក់ពីគណៈម្មការក្រុមខ្លាំងទាំង៤ ដែលឆ្លងវគ្គជម្រុះជៅគជ័យ មានក្រុម DG Quantum, FENNEC Esport, Notorious Angels និងក្រុម ABCDEF ។ ដើម្បីឈានវគ្គ Regular ជាមួយក្រុមកំពូលខ្លាំង៤ ដែលជារៀមច្បង និងមានបទពិសោធច្រើនទាំងការប្រកួតក្នុងស្រុក និងអន្តរជាតិគឺ Impunity KH, SeeYouSoon, NewBlood និង Burn Gaming…