ព្រឹត្តិការណ៍ប្រកួតអូឡាំពិក ឆ្នាំ២០២០ នៅទីក្រុងតូក្យូ ប្រទេសជប៉ុន បានចាប់ផ្តើមការប្រកួតតាំងពីថ្ងៃទី២៥ ខែកក្កដា ឆ្នាំ២០២១មកម្ល៉េះ មានរយៈពេល៩ថ្ងៃហើយ ។           អត្តពលិកមកពីបណ្តាលប្រទេស នៅលើពិភពលោក ប្រជែងបានមេដាយមាស ប្រាក់ និងសំរិទ្ធ ជាបណ្តើរៗហើយ ។ ដោយឡែកសម្រាប់អត្តពលិកកម្ពុជា លើ២ប្រភេទកីឡា គឺអត្តពលកម្ម ១រូប និងហែលទឹក ២រូប សរុប៣រូប​  នឹងត្រូវប្រកួតនាថ្ងៃទី៣០ និងថ្ងៃទី៣១ ខែកក្កដា ឆ្នាំ២០២១ ។ សម្រាប់អត្តពលិកកីឡាហែលទឹក មានកីឡាករ ហែម ប៉ុច ត្រូវប្រកួតសេរីទី៤ (Heat-4) និងខ្សែបន្ទាប់ទី៦ (Lane-៦) ខណៈកីឡាការិនី ឃឿន ប៊ុនពេជ្រមរកត ត្រូវប្រកួតសេរីទី៣ (Heat-3) និងខ្សែបន្ទាប់ទី៥ (Lane-៥) នៅមជ្ឈមណ្ឌលកីឡាហែលទឹក Tokyo Aquatics Centre នៅថ្ងៃទី៣០ ខែកក្កដា ស្អែកនេះ ។ ដោយ​ឡែក អត្តពលកម្ម កីឡាករ…

កីឡាករគុនខ្មែររហ័សនាម មនុស្សយន្ត ឯម សុធី នៅតែចិញ្ចឹមចិត្តចង់ជួបកីឡាករ វៀត ប៊ុនឌឿន ជាថ្មី ដើម្បីជម្រះបញ្ជីចាស់ ដែលធ្លាប់រងបរាជ័យក្រោមការប្រើកែងរបស់ វៀត ប៊ុនឌឿន បែកប្រមាណជាជាង៤០ថ្នេរ ត្រូវអាជ្ញាកណ្តាលបញ្ឈប់ការប្រកួត ។ ឯម សុធី អះអាងថា ក្នុងចំណោមកីឡាករគុនខ្មែរទម្ងន់៦០គីឡូក្រាម ទាំងកីឡាករថៃ និងកីឡាករខ្មែរ ពុំដែលខ្លាចនណាដូចខ្លាច វៀត ប៊ុនឌឿននោះឡើយ ព្រោះបានបន្សល់ទុកនូវស្នាមរបួសជាច្រើននៅលើក្បាល និងផ្ទៃមុខមកដល់សព្វថ្ងៃ ។ មនុស្សយន្ត ឯម សុធី បញ្ជាក់ថា ទោះបី ប៊ុនឌឿន មានផ្លែកែងមុតស្រួចធ្លាប់ធ្វើឲ្យខ្លួនរងរបួសយ៉ាងណាក្តី ក៏គេនៅតែចិញ្ចឹមចិត្តចង់ជួបកីឡាករ វៀត ប៊ុនឌឿន ម្តងទៀត ដើម្បីជម្រះបញ្ជីចាស់ ស្តាមុខមាត់មកវិញ ។ សូមបញ្ជាក់ថា មនុស្សយន្ត ឯម សុធី ចាប់តាំងពីប្រឡុកក្នុងអាជីពគុនខ្មែរមកស្នាមរបួសដែល បន្សល់ទុកនៅលើក្បាល និងផ្ទៃមុខរាប់រាយថ្មេរមកហើយ ប៉ុន្តែអ្វីដែលចងចាំបំផុត គឺការបន្សល់ទុកពីកីឡាករ វៀត ប៊ុនឌឿន កាលពីប្រកួតក្នុងកម្មវីធីប្រដាល់គុនខ្មែរគូប៊ូតា នៅសង្វៀនទូរទស្សន៍បាយ័ន ៕

(តូក្យូ)៖ គិតត្រឹមម៉ោង១២:៣០នាទីព្រឹកថ្ងៃទី២៩ ខែកក្កដា ឆ្នាំ២០២១ ក្រុមកីឡាករ-កីឡាការិនីប្រទេសចិន បានឈរកំពូលតារាងមេដាយសរុប ដោយដណ្តើមបានមេដាយមាសច្រើនជាងគេ ១៤គ្រឿង នៅ Tokyo Olympics 2020 ជាបណ្តោះអាសន្នវិញ លើសហរដ្ឋអាមេរិក និងម្ចាស់ផ្ទះជប៉ុន ។ ប្រទេសចិន ដណ្តើមបានមេដាយមាស១៤ ប្រាក់៦ និងសំរិទ្ធ៩ សរុប២៩គ្រឿឯសហរដ្ឋអាមេរិក ឈរនៅលេខ២ មានមេដាយមាស១៣ ប្រាក់១៣ និងសំរិទ្ធ១០ សរុប៣៦គ្រឿង រីឯម្ចាស់ផ្ទះកីឡាអូឡាំពិក រដូវក្តៅ ជប៉ុន ដណ្តើមបានមេដាយសរុបបាន២២ គ្រឿង ក្នុងនោះ មាស១៣ ប្រាក់៤ និងសំរិទ្ធ៥ , R O C ឈរលេខ៤ ដណ្តើមបានមេដាយសរុប២៥ គ្រឿង មាស៧ ប្រាក់១១ និងសំរិទ្ធ៧ លេខ៥ អូស្រ្តាលី ដណ្តើមបានមដាយសរុប១៩គ្រឿង មាស៧ ប្រាក់២ និងសំរិទ្ធ១ , លេខ៦ ចក្រភពអង់គ្លេស ដណ្តើមបានមេដាយសរុប…

កីឡាករគុនខ្មែរ ដែលអ្នកគាំទ្រឲ្យចំណាត់ថ្នាក់ជាកីឡាករប្រើកណ្តាប់ដៃផ្តួលគូប្រកួត នៅក្នុងឆ្នាំ២០២១នេះ មាន៣រូប សុទ្ធសឹងជាកីឡាទម្ងន់ធ្ងន់ភាពច្រើន គឺផ្តួលដៃគូប្រកួតឲ្យសន្លប់ដោយប្រើកណ្តាប់ដៃ ។ ទី១ គឺម្ចាស់ខ្សែក្រវ៉ាត់៨គ្រឿង អមដោយពានចំនួន២ មកពីក្លិបប្រដាល់គុនខ្មែរម្តុដរាជសីហ៍ កូនសិស្សលោក គ្រូឈិន ខ្វាន់ចៃ កីឡាករ រឿង សោភ័ណ្ឌ ។ អ្នកលេងគុនខ្មែររូបនេះ ល្អខ្លាំងខាងប្រើកណ្តាប់ដៃ ទោះបីជាមានកម្ពស់ទៀប និងដៃខ្លីក៏ដោយ ប៉ុន្តែដៃគូណាដែលត្រូវវាយចូលដោយកណ្តាប់ភាគច្រើនសន្លប់ និងត្រូវអាជ្ញាកណ្តាលរាប់តែម្តង ហើយនៅពេលដឹងថាដៃគូខ្លួនត្រូវកណ្តាប់ដៃបាត់បង់ស្មារតីហើយនោះ គឺរូបគេដេញវាយដោយប្រើកណ្តាប់ដៃជាបន្តបន្ទាប់រហូតផ្តាច់បានតែម្តង។ កីឡាករជើងចាស់រូបនេះ គេដាក់រហ័សនាមថា ដៃភ្លើងជើងរន្ទះ មិនថាជើងខ្លាំងថៃ និងកម្ពុជា ឲ្យតែត្រូវកណ្តាប់ដៃហើយ គឺពិបាកគិតពីការរាប់និងសន្លប់ខ្លាំងណាស់ ។ ទី២ កីឡាករគុនខ្មែរ ដែលមានរហ័សនាមថា កណ្តាប់ដៃមច្ចុរាជ អ្នកប្រដាល់ដែលកើតចេញពីកីឡាគុនចម្រុះ M M A និង គុនខ្មែរ កីឡាករ ឈួន រិទ្ធី ឬថៃ រិទ្ធី អ្នកប្រដាល់រូបនេះ ក៏មានកណ្តាប់ដៃធ្ងន់ និងរហ័សមិនចាញ់ កីឡាកររឿងឡើយ ។ មានកីឡាករជើងខ្លាំងជាច្រើនរូប…

ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ គណៈកម្មធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានអញ្ជើញដឹកនាំកិច្ចប្រជុំនៅព្រឹកថ្ងៃអង្គារ៍ទី២៧ ខែកក្កដា ឆ្នាំ២០២១ ដើម្បីត្រួតពិនិត្យកិច្ចការបន្តបន្ទាប់ ដើម្បីសម្រួចគោលដៅឆ្ពោះធ្វើជាម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ។ ឯកឧត្តមបណ្ឌិត ថោង ខុន បានត្រួតពិនិត្យលើសេចក្តីព្រាងរបាយការណ៍ឆមាសទី១ និងលើកទិសដៅសមាសទី២ ឆ្នាំ២០២១ និងត្រួតពិនិត្យការងារទីលានប្រកួតបន្ថែមទៀត ព្រមទាំងពិភាក្សាលើការងារគ្រប់គ្រងពហុកីឡដ្ឋានជាតិមរតកតេជោ ដែលជាកន្លែងប្រារព្ធពិធីបើក-បិទ ជាផ្លូវការ ស៊ីហ្គេម-អាស៊ាប៉ារ៉ាហ្គេម ឆ្នាំ២០២៣ ។ ជាមួយគ្នានោះ កិច្ចប្រជុំក៏បានពិភាក្សាគ្នាបន្ថែមទៅលើកម្មវិធីភ្លើងអាទិទេពកីឡា ស៊ីហ្គេម-អាស៊ានប៉ារ៉ាហ្គេម និងដំណើរផ្លូវរត់ភ្លើងគប់ ដែលត្រូវបានរាជរដ្ឋាភិបាលជ្រើសរើសយកសេណារីយ៉ូទី១ ដោយត្រូវប្រារព្ធពិធីនៅខេត្តសៀមរាប ហើយត្រូវដង្ហែរភ្លើងគប់នេះ នៅតាមបណ្តាប្រទេសនានាជាសមាជិកអាស៊ីអាគ្នេយ៍ រួចហើយរត់ភ្លើងគប់នេះចូលរួមកម្ពុជាវិញ និងបន្តរត់ភ្លើងគប់នៅជុំវិញខេត្តជាប់បឹងទន្លេសាប ។ ចំពោះពិធីបើក-បិទ ត្រូវបានរៀបចំកម្មវិធីទូទៅ និងគ្រោងឆ្អឹងសំខាន់ៗរួចរាល់ហើយ ដោយនៅសល់តែការប្រមូលផ្តុំធនធានមនុស្ស ការហ្វឹកហាត់សម្តែងគ្រប់ទស្សនីយភាពតែប៉ុណ្ណោះ ។ គណៈកម្មការក៏បានសហការយ៉ាងសកម្មជាមួយភាគីចិន ដែលគ្រោងនឹងចុះហត្ថលេខាលើកិច្ចព្រមព្រៀង ក្នុងពេលខាងមុខឆាប់ៗនេះផងដែរ ៕

ក្នុងចំណោមប្រទេសទាំងអស់លើពិភពលោក ភាគច្រើនមានតែប្រទេសអាស៊ានទេ ដែលផ្តល់ប្រាក់រង្វាន់ច្រើនដល់កីឡាករកីឡាការិនីដែលអាចឈ្នះមេដាយពីព្រឹត្តការណ៍កីឡាអូឡាំពិកច្រើន ។ ទី១ សិង្ហបុរី ជាប្រទេសដែលផ្តល់ប្រាក់រង្វាន់ដល់អ្នកឈ្នះមេដាយមាស ១លានដុល្លារអាមេរិក ពីកីឡាអូឡាំពិក ឆ្នាំ២០២០។ ចំនួននេះកើនឡើងលើសកាលពីអូឡាំពិកនៅរីយ៉ូឆ្នាំ២០១៦ ដែលសិង្ហបុរីផ្តល់ជូនរង្វាន់ចំនួនជាង៧៥ម៉ឺនដុល្លារ។ ដោយឡែកសម្រាប់មេដាយប្រាក់ ៣៧ ម៉ឺនដុល្លារ និងសំរឹទ្ធិ ១៨៩០០០ ដុល្លារ។ទី២ ម៉ាឡេស៊ី ផ្តល់ប្រាក់រង្វាន់ ៦សែនដុល្លារ ដល់អត្តពលិកឈ្នះមេដាយមាស ឯប្រាក់៣សែនដុល្លារ និងសំរឹទ្ធិ១៣ម៉ឺនដុល្លារ។ ដោយឡែក ថៃ និងហ្វីលីពីន ស្ថិតនៅលេងរៀងទី៥ និងទី៦ ក្នុងនោះសម្រាប់អ្នកឈ្នះមេដាយមាស ថៃផ្តល់ប្រាក់រង្វាន់ចំនួន ៣១៤០០០ ដុល្លារ ដល់កីឡាការិនីតេក្វាន់ដូថៃ Wongpattanakit Panipak ។ ឯហ្វីលីពីន ផ្តល់ប្រាក់រង្វាន់ ២៣៧០០០ដុល្លារ ដល់កីឡាការិនី Hidilyn Diaz ដែលឈ្នះមេដាយមាសលើកដំបូង ក្នុងវិញ្ញាសាលើកទម្ងន់៥៥គីឡូក្រាម ។ បន្ថែមពីលើប្រាក់រង្វាន់ពីរដ្ឋាភិបាល កីឡាការិនីរូបនេះ ក៏បានរង្វាន់លើកទឹកចិត្តពីវិស័យឯកជនដែរ ។ រីឯកម្ពុជាវិញ អត្តពលិកដែលឈ្នះមេដាយមាស កីឡាអូឡាំពិកទទួលបានប្រាក់រង្វាន់ ៣ម៉ឺនដុល្លា មេដាយប្រាក់២ម៉ឺនដុល្លា…

កីឡាការិនីអូស្រ្តាលី Ariarne Titmus បានឈ្នះការប្រគួតចុងក្រោយរបស់នាងជាមួយម្ចាស់មេដាយមាសអូឡាំពិក ៥ សម័យកាលនាង Katie Ledecky ក្នុងវិញ្ញាសាហែលសេរីចម្ងាយ ២០០ ម៉ែត្រនៅទីក្រុងតូក្យូ ប្រទេសជប៉ុន ។ Titmus ដែលបានផ្តួល Ledecky ក្នុងវិញ្ញាសាហែលសេរីសេរីចម្ងាយ ៤០០ ម៉ែត្រកាលពីថ្ងៃច័ន្ទ ដោយប្រើរយៈពេល ១ នាទី ៥៣វិនាទី ។ ស្របពេលម្ចាស់ការពារតំណែងជើងឯកអាមេរិក Ledecky បានបញ្ចប់ក្នុងចំណាត់ថ្នាក់លេខ ៥ ។សូមបញ្ជាក់ថា Katie Ledecky នឹងត្រូវប្រកួត បន្តលើវិញ្ញាសាហែលសេរីចម្ងាយ ១៥០០ ម៉ែត្រនៅថ្ងៃពុធនេះ ។ កីឡាការិនី Katie Ledecky និង Titmus អាចជួបគ្នាម្តងទៀតនៅក្នុងវិញ្ញាសាហែលសេរីចម្ងាយ ៨០០ ម៉ែត្រដោយការប្រគួតកើតឡើងនៅថ្ងៃព្រហស្បតិ៍ ៕

ក្រុមបឹងកេតបានបន្តជ័យជម្នះជាលើកទី៦ជាប់ៗគ្នា ការប្រកួតបាល់ទាត់ក្របខណ្ឌ Metfone Cambodian League 2021 បន្ទាប់ពីយកឈ្នះក្រុមនគរបាលជាតិ ដោយលទ្ធផល ២:០ នាកីឡដ្ឋាន Cambodia Airways កាលពីម្សិលមិញ ។ ២គ្រាប់របស់ក្រុមការពារតំណែងជើងឯក រកបានដោយកីឡាករ ម៉ាត់ នូរុណ នៅនាទី៣១ និងគ្រាប់ទី២ រកបានដោយខ្សែបម្រើជនជាតិជប៉ុន Kenta Yamazaki បានទាត់បញ្ចូលទីមួយគ្រាប់ទៀត តាមរយៈការលើកបាល់ហ្វី្រឃីកដោយ ចាន់ វឌ្ឍនាកា នៅនាទីទី៣៦ ។ លទ្ធផល ២:០ នេះបានបន្តរហូតដល់ចប់៩០នាទី ។ ធ្វើអោយក្រុមបឹងកេត បន្តឈ្នះ ៦ប្រកួតជាប់ៗគ្នានៅ លីគកំពូលកម្ពុជា ។ គួរបញ្ជាក់ថា ៣ប្រកួតរបស់ក្រុមបឹងកេត គឺចាញ់ណាហ្គាវើលដ៍, ភ្នំពេញក្រោន និងអង្គរថាយហ្គឺរ តែ៦ប្រកួតគឺឈ្នះ សូលទីឡូអង្គរ, ព្រៃវែងអេហ្វស៊ី, អាស៊ីអឺរ៉ុបយូណាយធីត, គិរីវង់សុខសែនជ័យ, សមាគមកីឡាបាល់ទាត់កងយោធពលខេមរភូមិន្ទ និងប្រកួតចុងក្រោយ នគរបាលជាតិ ឈរលេខ៥ មាន១៨ពិន្ទុ ៩ប្រកួត ឈ្នះ៦…

ព្រឹត្ដិការណ៍កីឡាអូឡាំពិក ឆ្នាំ២០២០ ទីក្រុងតូក្យូ ប្រទេសជប៉ុន គិតត្រឹមថ្ងៃទី២៧ ខែកក្កដា ឆ្នាំ២០២១ សហរដ្ឋអាមេរិក ឈរលេខ១ ដោយដណ្តើមបានមេដាយមាសច្រើនជាងគេ ប្រទេសចិន លេខ២ ខណៈម្ចាស់ផ្ទះជប៉ុន ឈរលេខ៣ ។ ស្របពេលដែលអត្តពលិកមកពីតំបន់អាស៊ាន មានតែ៣ប្រទេសប៉ុណ្ណោះដណ្តើមបានមេដាយ ក្នុងនោះ ប្រទេសថៃ ដណ្តើមបានមេដាយមាស លើវិញ្ញាសាតេក្វាន់ដូ ហ្វីលីពីន ដណ្តើមបានមេដាយមាសលើវិញ្ញាសា លើកទម្ងន់ ខណៈឥណ្ឌូនេស៊ីដណ្តើមបានមេដាយប្រាក់១ សំរិទ្ធ១ គ្រឿង ។ គួរបញ្ជាក់ថា សហរដ្ឋអាមេរិក ដណ្ដើមបានមេដាយមាសច្រើនជាងគេ សរុប២២គ្រឿង មាស៩ប្រាក់៥ និងសំរឹទ្ធ ៨គ្រឿង លេខ២ ប្រទេសចិន មេដាយសរុប២១គ្រឿង មាស៩ ប្រាក់៥ និងសំរិទ្ធ៧គ្រឿង ខណៈម្ចាស់ផ្ទះជប៉ុន សរុប១៥ គ្រឿង មាស៨ ប្រាក់មួយ៣ និងសំរិទ្ធ៤ ៕