កីឡាករទម្ងន់ធ្ងន់របស់អាមេរិក Deontay Wilder កំពុងបង្កើនការហ្វឹកហាត់នៅផ្ទះសម្រាប់ការប្រកួតជាលើកទី៣ ទល់នឹង Tyson Fury នៅថ្ងៃទី ៩ ខែតុលាខាងមុខ ។បន្ទាប់ពីការប្រកួតត្រូវបានកំណត់ឡើងវិញចាប់ពីថ្ងៃទី ២៤ ខែកក្កដានៅពេលដែល Fury បានធ្វើតេស្តិ៍រកមេរោគកូវីដ១៩ ។ Wilder បានចាប់ផ្តើមហ្វឹកហាត់ម្តងទៀតក្រោមការដឹកនាំរបស់គ្រូបង្វឹកថ្មី Malik Scott នៅផ្ទះរបស់គាត់នៅ Tuscaloosa ។ អ្នកគ្រប់គ្រងរបស់ Deontay Wilder ឈ្មោះ Shelly Finkel បានប្រាប់ SunSport ថា“ នៅពេលគាត់កំពុងសាងសង់ផ្ទះរបស់គាត់គាត់បានដាក់កន្លែងហាត់ប្រាណមួយហើយកន្លែងហាត់ប្រាណនោះបានពង្រីក ហើយគាត់បានហ្វឹកហាត់។ “គាត់មានពេលវេលាត្រឹមត្រូវគាត់ធ្វើការបានច្រើនជាងពេលណាទាំងអស់ហើយគាត់ផ្តោតលើអ្វីៗទាំងអស់ដែលមិនមានពីមុន” ៕

(តូត្យូ)៖ ក្រុមអត្តពលិកចិន បានបន្តនាំមុខមេដាយមាសរហូត ៣៤គ្រឿង គិតត្រឹម១០:៤៥ព្រឹកថ្ងៃទី៦ ខែសីហា ឆ្នាំ២០២១ នៃព្រឹត្តិការណ៍ Tokyo Olympic 2020 ។ លទ្ធផលបណ្តោះអាសន្នក្រុមអត្តពលិកចិន ដណ្តើមបានមេដាយសរុប ៧៤គ្រឿង មេដាយមាស ៣៤ ប្រាក់ ២៤ និងសំរិទ្ធ ១៦គ្រឿង ក្រុមលេខ២សហរដ្ឋអាមេរិក រកបានមេដាយមាស ៣០ ,ប្រាក់ ៣៥ និងសំរិទ្ធ ២៧គ្រឿង សរុប ៩២គ្រឿង ។ ខណ:ក្រុមម្ចាស់ផ្ទះជប៉ុនលេខ៣ រកបានមេដាយសរុប ៤៦គ្រឿង មាស ២២,ប្រាក់១០ និងសំរិទ្ធ ១៤គ្រឿង លេខ៤ក្រុមអូស្ត្រាលី ដណ្តើមបានបានមេដាយមាស ១៧ ,ប្រាក់៦ និងសំរិទ្ធ ១៩គ្រឿងសរុប ៤២គ្រឿង ។ គួរបញ្ជាក់ថា សម្រាប់ក្រុមអត្តពលកម្មពីតំបន់អាស៊ានវិញ គឺបានតែបួនប្រទេសប៉ុណ្ណោះ មានឥណ្ឌូនេស៊ី ដណ្តើមបានមេដាយសរុប៥គ្រឿង មាស១ ប្រាក់១ និងសំរិទ្ធ៣ គ្រឿង…

ពហុកីឡដ្ឋានជាតិ មរតកតេជោ ដែលជាសំណង់ប្រវត្តិសាស្រ្តរបស់កម្ពុជា ដើម្បីត្រៀមទទួលរៀបចំព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ នាឆ្នាំ២០២៣ បានសាងសង់រួចរាល់ នឹងត្រៀមប្រគល់ជូនកម្ពុជាពីភាគីមិត្តចិន នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ។ ឯកឧត្តម វ៉ាត់ ចំរើន បានបានបញ្ជាក់បន្ថែមថា ពហុកីឡដ្ឋានជាតិមរតកតេជោ ត្រូវបានសាងសង់រួចផ្នែកខាងក្នុងកីឡាដ្ឋានធំ ចប់ចប់សព្វគ្រប់នៅតែការ សម្អាតខាងក្រៅបន្តិចបន្តួចប៉ុណ្ណោះ ។ ឯ ឧ អគ្គលេខាធិការ បន្តថា ពហុកីឡដ្ឋានធំនេះ បានបំពាក់កៅអី ការដាំស្មៅ និងទីលាន បាល់ទាត់ ។ ក្រៅពីនោះ ផ្នែកផ្សេងៗ ដូចជា សណ្ឋាគារ កន្លែងលក់អីវ៉ាន់ បំពាក់ភ្លើង រចនាភ្លើង ប្រព័ន្ធទឹក ប្រព័ន្ធសំឡេង គឺសម្រេចរួចរាល់ ។ ឯកឧត្តម វ៉ាត់ ចំរើន បញ្ជាក់ថា នៅ ថ្ងៃទី១៥ ខែសីហាខាងមុខនេះ…

អធិជ័យ ច័ន្ទរាជ្យ ដែលមានឈ្មោះពិតហៅថា សៀ វិច្ឆិកា មកពីសង្កាត់ អូស្មាច់ ក្រុងសំរោង ខេត្ត ឧត្តរមានជ័យ បានសម្រេចចិត្តចូលហ្វឹកហាត់គុនខ្មែរ នៅក្លិបប្រដាល់ខេមបូឌាថប់ធីម ដើម្បីទទួលបានឱកាសឡើងសង្វៀនរកប្រាក់កម្រៃដើម្បីបន្តការសិក្សា នៅសាកលវិទ្យាល័យ ក្នុងរាជធានីភ្នំពេញ ។ថ្លែងប្រាប់អ្នកព័ត៌មានទូរទស្សន៍អប្សរា និស្សិត ផែ្នកច្បាប់ឆ្នាំទី១ អធិជ័យ ច័ន្ទរាជ្យ បញ្ជាក់ថា មូលហេតុដែលសម្រេចចិត្តចូលហ្វឹកហាត់គុនខ្មែរ ដោយសារតែក្តីស្រលាញ់ និងចង់ចូលរួមអភិរក្ស និងលើកស្ទួយគុនខ្មែរ ពិសេសរកប្រាក់កម្រៃ ដើម្បីបន្តការសិក្សា ។ អធិជ័យ ច័ន្ទរាជ្យ បន្តថា នៅថ្ងៃអាទិត្យទី៨ ខែសីហា ឆ្នាំ២០២១ខាងមុខនេះ ត្រូវឡើងសង្វៀនជាលើកដំបូងប្រកួតជាមួយកីឡាករ សុវណ្ណភូមិ រុងរឿង មកពីក្លិបប្រដាល់អភិរក្សគុនខ្មែររុងរឿង លើប្រភេទទម្ងន់៦០ គីឡូក្រាម ក្នុងកម្មវិធីប្រដាល់ MAS FIGHT CAMBODIA ប្រកួតជាលក្ខណៈគុនខ្មែរ នៅ ទូរទស្សន៍ថោន បន្ទាប់ពីធ្វើការហ្វឹកហាត់រយៈពេលជាង៣ខែ នៅក្លឹបកាក្លិបប្រដាល់ខេមបូឌាថប់ធី ។អធិជ័យ ច័ន្ទរាជ្យ បញ្ជាក់ថា ការបង្ហាញខ្លួនលើកទី១នេះ មានការបារម្មណ៍ខ្លះៗដែរ ដោយសារបទពិសោធន៍នូវខ្ចីនៅឡើយ…

កីឡាករបាល់ទះក្លិបនាយដ្ឋានអង្គរក្ស ម៉ុន តារា និងជាអតីតកីឡាករជម្រើសជាតិបាល់ទះ បានស្ម័គ្រចិត្ត ធ្វើជាគ្រូបង្វឹកបណ្តុះបណ្តាលដល់យុវជន នៅខេត្តតាកែវ ដោយមិនគិតប្រាក់កម្រៃ ។ ដើម្បីចែករំលែកបទពិសោធន៍ និងក្តីស្រលាញ់ ចង់ឲ្យយុវជន ប្រចាំខេត្តរបស់ខ្លួនមានជំនាញបាល់ទះប្រកបដោយសក្តានុពល ។អ្នកជំនាញវាយបាល់៣ម៉ែត្រ និងរ៉ាពីតរូបនេះ អះអាងទៀតថា ការស្ម័គ្រចិត្តធ្វ់ជាគ្រូបង្វឹកនៅស្រុកកំនើតនេះ ក៏ព្រោះចង់ចែករំលែកបទពិសោធន៍ និងបច្ចេកទេសដែលធ្លាប់ឆ្លងកាត់ការហ្វឹកហាត់ជាមួយគ្រូបង្វឹកអន្តរជាតិ អំឡុងជាកីឡាករជម្រើសជាតិ ដើម្បីផ្ទេរចំណេះដឹងទៅកាន់យុវជនជំនាន់ក្រោយ ឲ្យទទួលបានជំនាញវិវឌ្ឍខ្លួនជាកីឡាករបាល់ទះឆ្នើម សម្រាប់កម្ពុជា ។ អតីតកីឡាករបាល់ទះជម្រើសជាតិវ័យ៣២ឆ្នាំខាងលើ បញ្ជាក់ទៀតថា ទីលានត្រៀមទទួលការបណ្តុះបណ្តាលនេះ ស្ថិតនៅក្នុងភូមិជ្រោយ ស្រុកគិរីវង្ស ខេត្តតាកែវ ។ ហើយយុវជន ដែលមានបំណងចង់ហាត់បាល់ទះ អាចមកចុះឈ្មោះហ្វឹកហាត់នៅទីលានដោយផ្ទាល់ ចាប់ពីថ្ងៃទី៤នេះតទៅ ។ លោក សង្ឃឹមជឿជាក់ថា ការបង្ហាត់បង្រៀនដោយមិនគិតពីប្រាក់កម្រៃនេះ វានឹងក្លាយជាចំណែកមួយចូលរួមកសាងធនធានបាល់ទះ អោយកាន់តែច្រើន សម្រាប់ខេត្តតាកែវ ។ ជាមួយគ្នានេះ លោក ក៏បានអំពាវឲ្យអតីតជម្រើសជាតិបាល់ទះ ដែលចូលនិវត្តពីអាជីពបាល់ទះផ្សេងទៀត សូមយកចំណេះជំនាញ និងបទពិសោធន៍ធ្លាប់ឆ្លងកាត បន្តចែករំលែកដល់យុវជនជំនាន់ក្រោយ ដើម្បីជួយឲ្យវិស័យកីឡាបាល់ទះ នៅកម្ពុជាកាន់តែរីកចំរើន ។ សូមរំលឹកថា ម៉ុន…

Komeil Ghasemi គឺជាអតីតម្ចាស់មេដាយមាស អូឡាំពិក ២០១២ នៅទីក្រុងឡុងដ៏ ប្រទេសអង់គ្លេស នឹងក្លាយជាគ្រូបង្វឹកថ្មីក្រុមកីឡាករចំបាប់ជម្រើសជាតិកម្ពុជា ។ Komeil Ghasemi ជាអ្នកចំបាប់ចំបាប់សេរី freestyle wrestling មានស្នាដៃច្រើន ក្នុងវិស័យកីឡាចំបាប់ អ៊ីរ៉ង់ ដោយធ្លាប់ឈ្នះ មេដាយមាសអូឡាំពិក ឆ្នាំ២០១២ ប្រលើភេទទំងន់១២០គីឡូក្រាមនិងមេដាយសំរឹទ្ធិ អូឡាំពិក ឆ្នាំ២០១៦ នៅទីក្រុងរីយ៉ូ ប្រទេសប្រេស៊ីល លើប្រភេទទំងន់ ១២៥គីឡូក្រាម មេដាយសំរឹទ្ធ ជើងឯកពិភពលោក ឆ្នាំ២០១៤ នៅទីក្រុង Tashkent លើប្រភេទទំងន់ ១២៥គីឡូក្រាម ខណៈលំដាប់ទ្វីបអាស៊ី ធ្លាប់ឈ្នះ មេដាយមាស ជើងឯកអាស៊ី នៅទីក្រុង Astana កាលពីឆ្នាំ២០១៤ លើប្រភេទទំងន់១២៥គីឡូក្រាម មេដាយប្រាក់អាស៊ី កាលពីឆ្នាំ២០១១ ក្នុងទីក្រុង Tashkent ក្នុង ប្រភេទទំងន់ ១២០គីឡូក្រាម និងមេដាយប្រាក់អាស៊ី ក្នុងឆ្នាំ២០១៥ នៅទីក្រុងដូហា ប្រភេទទំងន់១២៥គីឡូក្រាម ។ គួរបញ្ជាក់ថា…

រយៈពេល៣ខែ នៅតំបន់ភ្នំ អាលែស ភាគខាងត្បូង នៃប្រទេសបារំាង ក្រុមកីឡាករជម្រើសជាតិទោចក្រយាន (កង់) កំពុងបង្កើនការហ្វឹកហាត់យ៉ាងសកម្មបានរយៈពេលជិត២ខែហើយ គិតមកដល់ត្រឹមថ្ងៃទី៤ ខែសីហា ឆ្នាំ២០២១នេះ ដើម្បីសម្រួចបច្ចេកទេសឲ្យកាន់តែប្រសើរ ត្រៀមចូលរួមប្រកួតប្រជែងមេដាយ ក្នុងការប្រកួតស៊ីហ្គេម លើកទី៣១ នៅវៀតណាម ដែលគ្រោងនឹងដំណើរការ នាចុងខែមេសា ដល់ដើមខែឧសភា ឆ្នាំ២០២២ ។ អគ្គលេខាធិការសហព័ន្ធខ្មែរទោចក្រយាន លោក នូ ចំរើន បញ្ជាក់ថា កីឡាករជម្រើសជាតិកង់ទាំង៣នាក់ កំពុងបង្កើនការហ្វឹកហាត់នៅទីនោះចម្លោះពី៤ ទៅ៥ម៉ោង ឬថ្ងៃខ្លះច្រើនជាង៥ម៉ោង ដោយការជិះកង់ច្រើនជាង១០០គីឡូម៉ែត្រ ក្នុង១ថ្ងៃៗផង និងការធ្វើលំហាត់កម្តៅសាច់ដុំតាមបច្ចេកទេស ដើម្បីពង្រឹងកាយសម្បទា ថាមពលកម្លាំង រួមទាំងបង្កើនល្បឿននៃការជិះផងដែរ ។ នៅតំបន់នេះ គឺជាតំបន់ភ្នំឡើងចុះមានផ្លូវកាច់កោងចុះឡើងៗ ដែលតំបន់បែបនេះសមស្របដល់ការហ្វឹកហាត់កង់ឲ្យកាន់តែមានគុណភាពខ្ពស់ ម្យ៉ាងទៀតក្រុមកង់កម្ពុជាទាំង៣នាក់ ក៏បានហ្វឹកហាត់ និងដកស្រង់បច្ចេកទេសបន្ថែមជាមួយក្រុមកង់អាជីព នៅប្រទេសបារំាងផងដែរ ។ លោក នូ ចំរើន អះអាងទៀតថា ចំពោះការហូបអាហារវិញ គឺកីឡាករកម្ពុជាមិនសូវស៊ាំនឹងអាហារបរទេសនោះទេ ដែលកីឡាករត្រូវចំណាយកម្លាំងច្រើនណាស់ ក្នុងការស្តារថាមពលកម្លាំងឡើងវិញ ដូច្នេះដើម្បីជួយសម្រួលបន្ថែម គឺលោកស្រី…

កុមារាសញ្ជាតិនីហ្សេរីយ៉ា Tani Adewumi បានក្លាយជាកំពូលអ្នកលេងអុកវ័យក្មេង បំផុតនៅលើពិភពលោក ដោយបានយកឈ្នះអ្នកលេងអុកល្បីៗលំដាប់អន្តរជាតិ និងឈ្នះពានជាច្រើនផងដែរ ។ គ្រួសាររបស់ Tani ជាជនជាតិនីហ្សេរីយ៉ា បានទៅរស់នៅសហរដ្ឋអាមេរិក ដោយប្រើប្រាស់ទិដ្ឋាការជាអ្នកទេសចរ លែងវិលទៅស្រុកកំណើតវិញ ។ ក្រោយមក ពួកគេផ្លាស់ទៅរស់នៅទីក្រុងញូយ៉ក ជាមួយអ្នកគ្មានផ្ទះនៅ ជាកន្លែងសមណង់អាណាធិបតេយ្យ ។ នៅទីនោះ Tani ក៏ចាប់ផ្ដើមលេងអុក និងអភិវឌ្ឍខ្លួនយ៉ាងឆាប់រហ័ស ក្លាយជាជើងខ្លាំងខាងលេងអុក ទទួលបានពានរង្វាន់ជាហូរហែតាមរយៈការប្រកួត ។ Tani ត្រូវបានទទួលស្គាល់ដោយមេដឹកនាំពិភពលោក ថាជាមនុស្សមានស្នាដៃឆ្នើម ។ សូមបញ្ជាក់ថា Tani Adewumi គឺជាជនជាតិនីហ្សេរីយ៉ា ដែលបានរត់ភៀសខ្លួនជាមួយគ្រួសារ កាលពីឆ្នាំ២០១៧, ទៅរស់នៅសហរដ្ឋអាមេរិក ដោយប្រើប្រាស់ទិដ្ឋាការជាអ្នកទេសចរ ៕

បន្ទាប់ពីលេចឭថា ប្រដាល់ម៉ូយថៃ ត្រូវបានអូឡាំពិកអន្តរជាតិ I O C ទទួលស្គាល់ជាសហព័ន្ធសមាជិក នៅក្នុងកិច្ចប្រជុំមហាសន្នបាត គណៈកម្មាធិការអូឡាំពិកអន្តរជាតិ នាទីក្រុងតូក្យូ ប្រទេសជប៉ុន ដែលធ្វើឲ្យអ្នកគាំទ្រគុនខ្មែរ មិនពេញចិត្តចំពោះការទទួលស្គាល់នេះ ។ ឯកឧត្តម វ៉ាត់ ចំរើន អគ្គលេខាធិការអូឡាំពិកកម្ពុជា និងជានាយបេសកម្មដឹកនាំអត្តពលិកកម្ពុជា ចូលរួម ព្រឹត្តិការណ៍អូឡាំពិក បានថ្លែងប្រាប់ពី ទីក្រុងតូក្យូ ប្រទេសជប៉ុនថា ការទទួលស្គាល់ប្រដាល់ម៉ូយថៃ ជាសហព័ន្ធកីឡាម៉ូយថៃអន្តរជាតិ វាគ្រាន់តែជាការទទួលស្គាល់ជាប្រភេទកីឡាអន្តរជាតិប៉ុណ្ណោះ ។ ដូច្នោះសូមប្រជាពលរដ្ឋកម្ពុជារក្សាចិត្តនឹងន ព្រោះប្រដាល់ម៉ូយថៃ មិនមែនគុនខ្មែរទេ គុនខ្មែរគឺគុនខ្មែរ គឺដាច់ដោយឡែកពីគ្នា ។ ហេតុនេះហើយ សូមបងប្អូនខ្មែរ ខិតខំថែរក្សាអភិរក្សគុនខ្មែរ ដែលជារតនៈសម្បត្តិរបស់យើងអោយបានគង់វង់ ។ អគ្គលេខាធិការអូឡាំពិកកម្ពុជា និងជានាយបេសកម្មរូបនេះ បានពន្យល់ថា ការទទួលស្គាល់ប្រដាល់ម៉ូយថៃ ជាសហព័ន្ធកីឡាម៉ូយថៃអន្តរជាតិនេះ ដូចប្រភេទកីឡាផ្សេងទៀតដែរ មិនមានន័យថា ជាប្រភេទកីឡាប្រកួត ក្នុងអូឡាំពិកនោះទេ ។ ឯកឧត្តម អគ្គលេខាធិការ ក៏បានគូបញ្ជាក់ បន្ថែមទៀតថា កីឡាគុនខ្មែរក៏អាចនឹងអូឡាំពិកអន្តរជាតិទទួលស្គាល់ដែរនាពេលអនាគត ប្រសិនបើគុនខ្មែរអាចគៀងគរប្រទេសសមាជិកបានច្រើន…