លោក ខេស៊ី បាណេត អនុប្រធានកីឡាចំបាប់កម្ពុជា បានឧបត្ថម្ភស្បែកជើង ចំនួន៣៧គូ ដល់សហព័ន្ធកីឡាចំបាប់កម្ពុជា សម្រាប់ក្រុមជម្រើសជាតិកីឡាចំបាប់ពាក់ហ្វឹកហាត់ និងត្រៀមចូលរួមការប្រកួតនានា លើឆាកអន្តរជាតិ នាព្រឹកថ្ងៃទី២ ខែ សីហាឆ្នាំ២០២១នេះ ។ អនុប្រធានសហព័ន្ធកីឡាចំបាប់រូបនេះ បញ្ជាក់ថា ស្បែកជើងទាំង៣៧គូនេះ គឺចែកជូនកីឡាករកីឡាការិនីជម្រើសជាតិចំបាប់ គឺជាផលិតផលសហរដ្ឋអាមេរិក មានគុណភាពខ្ពស់ និងផលិតជាពិសេស សម្រាប់ការហ្វឹកហាត់ និងប្រកួតកីឡាចំបាប់ ។ លោក ខេស៊ី បាណេត អះអាងថា ពេលមានសម្ភារៈហ្វឹកហាត់មានគុណភាព វាបានផ្តល់អត្ថប្រយោជន៍ខ្លាំងណាស់ ពីព្រោះថាស្បែកជើងល្អជម្រុញឲ្យការហ្វឹកហាត់កាន់តែងាយស្រួល ពិសេសការប្រកួតតែម្តង ដើម្បីទប់ជំហរចូលប្រើស្នៀតបោកគូប្រកួត ។ អនុប្រធានសហព័ន្ធកីឡាចំបាប់កម្ពុជារូបនេះ ពន្យល់ថា ស្បែកជើងចំនួន៣៧គូ ដែលជាផលិតផលល្អរបស់សហរដ្ឋអាមេរិក ដើម្បីជួលដល់ការហ្វឹកហាត់ដល់ក្រុមកីឡាករ កីឡាការិនីជម្រើសជាតិកម្ពុជាបង្កើនគុណភាពបច្ចេកទេស សម្រាប់ត្រៀមចូលរួមប្រកួតកីឡា ស៊ីហ្គេម លើកទី៣១ នៅប្រទេសវៀតណាម នាឆ្នាំ២០២២ ខាងមុខ ។ លោក ខេស៊ី បាណេត បន្ថែមថា តាមរយៈការផ្គត់ផ្គង់នូវសម្ភារហ្វឹកហាត់លើកនេះ នឹងជំរុញបន្ថែមការលើកទឹកចិត្ត និងការខិតខំហ្វឹកហាត់របស់ក្រុមជម្រើសជាតិ បង្កើនក្តីសង្ឃឹមកាន់តែខ្ពស់…

កីឡាការិនីឥណ្ឌូនេស៊ី Greysia Polii និងកីឡការិនី Apriyani Rahayu ឈ្នះមេដាយមាស កីឡាវាយសី លើវិញ្ញាសាវាយគូ ក្រោយយកឈ្នះក្រុមកីឡាការិនីប្រទេសចិន ។ គួរបញ្ជាក់ថា នេះគឺជាមេដាយមាសដំបូងរបស់ឥណ្ឌូនេស៊ី ក្នុងព្រឹត្តការណ៍កីឡា Tokyo Olympic ។ នឹងជាសមេដាយមាសទី៣ ក្នុងប្រទេសតំបន់់អាស៊ាន បន្ទាប់ពីប្រទេសថៃឈ្នះមេដាយមាស លើវិញ្ញាសា កីឡាតេក្វាន់ដូ ហ្វីលីពីន ឈ្នះមេដាយមាស វិញ្ញាសាកីឡាលើកទម្ងន់ និងមេដាយសំរិទ្ធមួយគ្រឿងដែរ ៕

ក្រុមបាល់ទះម្ចាស់ផ្ទះជប៉ុន បានយកឈ្នះ ក្រុមបាល់ទះអ៊ីរ៉ង់ ៣ទល់នឹង២សិត នៅវគ្កសន្សំពិន្ទុក្នុងពូល ឡើងទៅវគ្គ៨ក្រុមចុងក្រោយ នឹងត្រូវប៉ះជម្រើសជាតិប្រេស៊ីល នៅព្រឹត្តិការណ៍អូឡាំពិក ។ ក្រុមបាល់ទះជប៉ុន ស្ថិតនៅពូល A ជាក្រុមចំណាត់ថ្នាក់លេខ៣ ក្រោមប៉ូឡូញ និងអ៊ីតាលី បន្តទៅវគ្គ៨ក្រុមជួបក្រុមលេខ២ នៅពូល B ប្រេស៊ីល ដែលជាវគ្គចាញ់ធ្លាក់ នៅថ្ងៃទី២ ខែសីហានេះ នាទីក្រុងតូក្យូ ប្រទេសជប៉ុន ។សូមបញ្ជាក់ថា ក្រុមបាល់ទះម្ចាស់ផ្ទះអូឡាំពិក ជប៉ុន ឆ្នាំ២០២០ បានឡើងទៅវគ្ក៨ក្រុម ជាលើកដំបូង ក្នុងរយៈ២៩ឆ្នាំចុងក្រោយ លើវិញ្ញាសាបាល់ទះផ្នែកបុរស ៕

ក្រុម Manchester United និងក្រុមតោខៀវ Chelsea កំពុងតែប្រជែងគ្នាដើម្បីចុះហត្ថលេខានាំយកកីឡាករ Erling Haaland ពីក្លឹប Borussia Dortmund ។ ក្លឹបធំៗក្របខ័ណ្ឌ Premier League កំពុងចាប់អារម្មណ៍នឹងខ្សែប្រយុទ្ធវ័យក្មេងរូបនេះ ពីក្លិប Borussia Dortmund រហូតដល់ឆ្នាំ២០២២ ។ សារព័ត៌មាន The Sun បានអោយដឹងថា លោក Ole Gunnar Solskjaer គ្រូបង្វឹកក្រុមបិសាចក្រហម សង្ឃឹមថា អាចបញ្ចុះបញ្ចូលចុះអោយ Haaland មកកាន់ទឹកដី Old Trafford នាពេលឆាប់ៗខាងមុខនេះ ដោយលោក Solskjaer ក៏ធ្លាប់បង្វឹក Haaland នៅក្លិប Molde ឯស្រុកកំណើត ។ ចំណែកឯក្លឹបតោខៀវ ក៏កំពុងដុតដៃដុតជើង ត្រៀមចរចាយក Haaland ដែរ ដោយបានត្រៀមកញ្ចប់ថវិកាមួយចំនួនធំប្រចែងជាមួយក្លឹបបិសាចក្រហមផងដែរ ។ សូមបញ្ជាក់ថា ក្រៅពីក្លឹប Manchester…

ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា (NOCC) ទទួលបន្ទុកនាយបេសកកម្មកម្ពុជា ក្នុងព្រឹត្តិការណ៍កីឡាអូឡាំពិក ទីក្រុងតូក្យូ ប្រទេសជប៉ុន បានធ្វើសេចក្តីសង្ខេបជូនជាតិនូវបេសកកម្មចូលរួមប្រកួតកីឡាអូឡាំពិក តូក្យូ ២០២០ ដូចខាងក្រោម៖១-ប្រតិភូកីឡាអូឡាំពិកកម្ពុជា បានបំពេញកាតព្វកិច្ចជាសមាជិកពេញសិទ្ធិនៃមហាគ្រួសារអូឡាំពិកអន្តរជាតិបានដោយរលូន និងជោគជ័យ ជាសក្ខីកម្មថ្មីនៃគុណតម្លៃជាតិខ្មែរលើឆាកអន្តរជាតិ។ ២-ពុះពារក្តីបារម្ភ និងភ័យខ្លាចជំងឺកូវីដ-១៩ ក្នុងព្រឹត្តិការណ៍ Tokyo Olympic 2020 បានផ្តល់នូវមេរៀនបទពិសោធន៍ថ្មីនៃការរស់នៅតាមគន្លងនៃរបត់ថ្មីរបស់ចលនាកីឡាពិភពលោក ក៏ដូចក្នុងប្រទេសនីមួយៗ ឲ្យចេះទប់ទល់ ការពារដោយទំនុកចិត្តថា កីឡាអាចខ្លាំងជាងជំងឺកាចសាហាវនេះបាន បើយើងចេះរបៀបសាមគ្គីភាព ឯកភាព និងយោគយល់គ្នាពិតប្រាកដ។ ៣-កីឡាអូឡាំពិកជាបច្ចេកទេសជំនាញ កីឡាយើងនៅឆ្ងាយពីគេ ប៉ុន្តែវេទិកាកីឡាពិភពលោកនេះ មិនមែនមានតែការប្រកួតកីឡាទេ ប៉ុន្តែវាក៏ជាការចូលរួមជាកិត្តិយសជាតិ ជាការផ្លាស់ប្តូរវប្បធម៌ ទស្សនៈជីវិត និងគតិបណ្ឌិតរស់និយមរបស់មនុស្សជាតិនៅលើផែនដី ក្នុងគោលដៅរួមគឺ ការកសាងពិភពលោកមួយល្អប្រសើរ “build a better world through sports“។ ៤-សន្តិភាព មិត្តភាព សាមគ្គីភាព និងសុខដុមនីយកម្មពិភពលោក គឺជាមូលដ្ឋាននៃចលនាអូឡាំពិក។ក្នុងនាមប្រធានប្រតិភូកីឡាអូឡាំពិក Tokyo Olympic 2020…

កីឡាករហែលទឹកកម្ពុជា ឃឺន ពេជ្រមរកត បំបែកកំណត់ត្រាខ្លួនឯង ក្នុងវិញ្ញាសាហែលសេរីចម្ងាយ៥០ម៉ែត្រ ក្នុងព្រឹត្តិការណ៍កីឡាអូឡាំពិកក្រុងតូក្យូ (Tokyo 2020) ។ នៅក្នុង Heat 3 ឃឺន ពេជ្រមរកត សម្រេចបាន ២៩.៤២ វិនាទី ខណៈកំណត់ត្រាផ្ទាល់ខ្លួន ២៩.៩៩ វិនាទី នេះបើតាមការបញ្ជាក់របស់ ឯ ឧ វ៉ាត់ ចំរើន នាយបេសកម្មដឹកនាំអត្តពលិកចូលរួមព្រឹត្តការណ៍កីឡាអូឡាំពិក នាទីក្រុតូក្យូ ប្រទេសជប៉ុន ។ គួររម្លឹកថា កំណត់ត្រាចាស់របស់កីឡាការិនី ឃឺន ពេជ្រមរកត នៅអូឡាំពិក ទីក្រុងតូក្យូ ប្រទេសជប៉ុន លើវិញ្ញាសាហែលសេរីចម្ងាយ ៥០ម៉ែត្រ មិនអាចបំបែកកំណត់ត្រាចាស់ របស់កីឡាករ ហែម ថុនវិទីនី កាលពីឆ្នាំ២០១៦ នៅទីក្រុងរីយ៉ូ ប្រទេសប្រេស៊ីល គឺ ២៩:៣៧ វិនាទី ៕

កីឡាករហែលទឹកកម្ពុជា ហែម ប៉ុច បាន បំបែកកំណត់ត្រាខ្លួនឯងក្នុងវិញ្ញាសា ហែលសេរីចម្ងាយ ៥០ម៉ែត្រ ក្នុងព្រឹត្តិការណ៍កីឡាអូឡាំពិកក្រុងតូក្យូ (Tokyo 2020) ។ នៅក្នុង Heat 4 ហែម ប៉ុច សម្រេចបាន ក្នុង ២៤.៩១ វិនាទី ខណៈកំណត់ត្រាផ្ទាល់ខ្លួន ២៤.៩២ វិនាទី នេះប់តាមការបញ្ជាក់របស់ ឯ ឧ វ៉ាត់ ចំរើន នាយបេសកម្មដឹកនាំអត្តពលិកចូលរួមព្រឹត្តការណ៍កីឡាអូឡាំពិក នាទីក្រុតូក្យូ ប្រទេសជប៉ុន ។ គួររម្លឹកថា កំណត់ត្រាកីឡាករ ហែម ប៉ុច គឺជាកំណត់ត្រាដ៏ខ្ពស់បំផុត សម្រាប់កម្ពុជា ក្នុងព្រឹត្តិការណ៍កីឡាអូឡាំពិក លើវិញ្ញាសាហែលសេរីចម្ងាយ ៥០ម៉ែត្រ ខណៈកំណត់ត្រាចាស់របស់កីឡាករ ហែម គីរីកាលពីឆ្នាំ២០០០ គឺ២៦.៤១ វិនាទី និងកីឡាករ ហែម ថុនពន្លឺ ធ្វើបាន២៧.០៣វិនាទី ក្នុងឆ្នាំ២០០៨ ៕