ព្រឹត្ដិការណ៍កីឡាអូឡាំពិក ទីក្រុងតូក្យូ ប្រទេសជប៉ុន ឆ្នាំ២០២០ គិតត្រឹមម៉ោង៤រសៀលថ្ងៃទី២៦នេះ សហរដ្ឋអាមេរិក ឡើងឈរកំពូលតារាង ដោយដណ្តើមបានមេដាយមាសច្រើនជាងគេ ។ គួរបញ្ជាក់ថា សហរដ្ឋអាមេរិក ដណ្ដើមបានមេដាយមាសច្រើនជាងគេ សរុប៧គ្រឿង ប្រាក់៣ និងសំរឹទ្ធ ៤គ្រឿង សរុបចំនួន១៣គ្រឿង លេខ២ ប្រទេសចិន មេដាយសរុប១៥គ្រឿង មាស៦ ប្រាក់៣ និងសំរិទ្ធ៦គ្រឿង ខណៈម្ចាស់ផ្ទះជប៉ុន សរុប៩គ្រឿង មាស៦ ប្រាក់មួយ និងសំរិទ្ធ២ ប្រទេសអង់គ្លេស ឈរលេខ៣ មេដាយសរុប៦គ្រឿង មាស៣ ប្រាក់២ និងសំរិទ្ធ១គ្រឿង ៕

កីឡាករ Kristian Blummenfelt របស់ប្រទេស Norway ឈ្នះមេដាយមាស ដ៏មិនគួរឱ្យជឿ បន្ទាប់ពីដល់ទីដោយការ ដួលទៅនឹងឥដ្ឋហើយត្រូវបានគេនាំទៅមើលមន្ទីពេទ្យខណៈដែល Alex Yee របស់ចក្រភពអង់គ្លេសបានឈ្នះមេដាយប្រាក់លើវិញ្ញាសាកីឡាទ្រីយ៉ាត្លុងផ្នែក បុរសក្នុងព្រឹត្តិការណ៍អូឡាំពិកទីក្រុងតូក្យូ ។ Kristian Blummenfelt គឺជាជនជាតិ Norway ដំបូងគេដែលបានឈ្នះមេដាយនៅក្នុងព្រឹត្តិការណ៍អូឡាំពិកទីក្រុងតូក្យូដោយទទួលបានជ័យជំនះក្នុងរយៈពេលមួយម៉ោង ៤៥ នាទីនិង ៤ វិនាទី។ ក្រោយបញ្ចប់ការប្រកួតកីឡាករ Alex Yee ដែលបានបញ្ចប់រយៈពេល ១១ វិនាទីនៅពីក្រោយ Kristian Blummenfelt បាននិយាយថា «នៅក្នុងការហ្វឹកហាត់ខ្ញុំមានការលំបាកច្រើនជាងការប្រណាំងនេះ ប៉ុន្តែជាការសោកស្តាយដែលមិនអាចធ្វើអោយល្អជាងនេះ ៕

កីឡាករ Andy Murray ម្ចាស់មេដាយមាស បានដកខ្លួនចេញពីព្រឹត្តិការណ៍អូឡាំពិក ទីក្រុងតូក្យូ ២០២០ ដោយសារបញ្ហារបួសភ្លៅ ។កីឡាករតំណាងក្រុមចក្រភពអង់គ្លេសរូបនេះ បានចាប់ដៃគូ ជាមួយកីឡាករ Joe Salisbury ដោយយកឈ្នះគូប្រកួតខ្លួន កាលពីថ្ងៃទី២៤ កក្កដា ។ Murray នឹងត្រូវបន្តការប្រកួតឯកត្តជនបុរស ជាមួយកីឡាករសញ្ជាតិកាណាដា Felix Auger-Aliassime នៅថ្ងៃច័ន្ទ ។ ប៉ុន្តែដោយសារតែបញ្ហាភ្លៅ បានធ្វើឱ្យ Andy Murray មិនអាចប្រកួតទាំង២វិញ្ញាសារ ។ Murray បានបញ្ជាក់ថា « ពិតជាខកចិត្តខ្លាំងណាស់ដែលបានដកខ្លួនចេញ បន្ទាប់ពីគ្រូពេទ្យបានណែនាំ មិនឱ្យបន្តប្រកួត ។ គួររម្លឹកថា Andy Murray បានឈ្នះមេដាយមាស លើកទី១ នៅព្រឹត្តការណ៍កីឡាឡាអូឡាំពិក ទីក្រុងឡុងដ៍ ឆ្នាំ២០១២ និងឈ្នះម្តងទៀត នៅទីក្រុងរីយ៉ូ ប្រទេសប្រេស៊ីល ឆ្នាំ២០១៦ ៕

សហព័ន្ធកីឡាលើកទម្ងន់កម្ពុជា បានបង្ហាញទិសដៅចូលរួមប្រជែងដណ្តើមមេដាយ ស៊ីហ្គេមលើកទី៣១ ឆ្នាំ២០២២ នៅវៀតណាម និងពង្រឹងខ្លួនត្រៀមធ្វើជាម្ចាស់ផ្ទះ កីឡាស៊ីហ្គេម លើកទី៣២ ឆ្នាំ២០២៣ ជាពិសេសការជម្រុញឲ្យអត្តពលិកខ្លួនអាចបង្ហាញវត្តមាន ក្នុងព្រឹត្តិការណ៍កីឡាអូឡាំពិក ឆ្នាំ២០២៤ នៅបារាំង ។ចក្ខុវិស័យនេះត្រូវបានលោក សំ សុខយី អគ្គលេខាធិការសហព័ន្ធកីឡាលើកទម្ងន់កម្ពុជា បង្ហាញ នៅក្នុងសន្និសិទ្ធសារព័ត៌មាន កាលពីចុងសប្តាហ៍ នៅអាគារគណៈកម្មាធិការជាតិអូឡាំពិកម្ពុជា ។ អគ្គលេខាធិការរូបនេះ បានពន្យល់ថា សហព័ន្ធបានដាក់ទិសដៅដណ្តើមមេដាយឲ្យបាន១គ្រឿងជូនកម្ពុជា ពីស៊ីហ្គេម នៅវៀតណាម នឹងជម្រុញអភិវឌ្ឍមន្រ្តីព័ត៌មានវិទ្យា សម្រាប់ជួយកិច្ចការសហព័ន្ធ ដើម្បីបង្កើតធនធាន ចៅក្រម អាជ្ញាកណ្តាល ត្រៀមធ្វើជាម្ចាស់ផ្ទះ ស៊ីហ្គេម ឆ្នាំ២០២៣ ពិសេសជម្រុញ សមត្ថភាពអត្តលិកអោយមានឪកាសអាចបង្ហាញវត្តមាន ក្នុងព្រឹត្តិការណ៍កីឡាអូឡាំពិក ឆ្នាំ២០២៤ ។ លោក សំ សុខយី បញ្ជាក់ទៀតថា ដើម្បីឲ្យទិសដៅទាំងអស់នេះ អាចសម្រេចបានតាមផែនការ សហព័ន្ធបានដាក់ចេញនូវការពង្រឹងកម្មវិធីហ្វឹកហាត់ និងការប្រកួតក្នុងស្រុក និងការបញ្ជូនអត្តពលិកទៅហ្វឹកហាត់ នៅក្រៅប្រទេស ពិសេសស្វែងរកអត្តពលិកកូនខ្មែរនៅក្រៅប្រទេស មកជួយកម្ពុជាប្រកួតប្រជែងដណ្តើមមេដាយ ពីការប្រកួតកម្រិតអន្តរជាតិ ដូចជា ស៊ីហ្គេមជាដើម…

ព្រឹត្ដិការណ៍កីឡាអូឡាំពិក ទីក្រុងតូក្យូ ប្រទេសជប៉ុន ឆ្នាំ២០២០ គិតត្រឹមព្រឹកថ្ងៃទី២៦នេះ ប្រទេសចិន កំពុងតែនាំមុខគេ ដោយដណ្តើមបានមេដាយមាសច្រើនជាងគេ ។ ព្រឹត្តការណ៍កម្រិតពិភពលោកដែលមានរអត្ដលិករាប់ពាន់នាក់ មកពីបណ្ដាប្រទេសជុំវិញពិភពលោក ក្នុងនោះក៏មានវត្តមានប្រទេសកម្ពុជាយើងផងដែរ ដើម្បីមកធ្វើការប្រកួតប្រជែងគ្នាក្នុងវិញ្ញាសារកីឡារផ្សេងៗគ្នា ។ ព្រឹតិ្ដការណ៍កីឡាអូឡាំពិក ត្រូវបានគេចាត់ទុកថាជាការប្រកួតកីឡាឈានមុខគេនៅលើពិភពលោក ដែលត្រូវបានធ្វើឡើងរៀងរាល់៤ឆ្នាំម្ដង ។ ជាក់ស្ដែង ប្រទេសជប៉ុន កំពុងធ្វើជាម្ចាស់ផ្ទះ សម្រាប់ការប្រកួតកីឡាអូឡាំពិក ឆ្នាំ២០២០ ដែលបានធ្វើពិធីបើកជាផ្លូវការកាលពីថ្ងៃទី២៣ ខែកក្កដា ហើយគ្រោងនឹងបិទបញ្ចប់នៅថ្ងៃទី៨ ខែសីហា ឆ្នាំ២០២១ខាងមុខ ។ គួរបញ្ជាក់ថា គិតត្រឹមថ្ងៃទី២៦ ខែកក្កដានេះ ប្រទេសចិនដណ្ដើមបានមេដាយមាស ច្រើនជាងគេ ចំនួន ៦គ្រឿង ប្រាក់ចំនួន ២ និងមេដាយសំរឹទ្ធចំនួន ៤គ្រឿង សរុបចំនួន ១២គ្រឿង ខណៈម្ចាស់ផ្ទះសរុប៦គ្រឿង មាស ៥ ប្រាក់មួយ ឯសហរដ្ឋអាមេរិក សរុប១០គ្រឿង មាស៤ ប្រាក់២ សំរិទ្ធ៤គ្រឿង និងប្រទេសកូរ៉េខាងត្បូង៥គ្រឿង មាស២ និងសំរិទ្ធ៣គ្រឿង ៕