សមាគមកីឡាសេហ្វតិនី្នសកូរ៉េខាងត្បូង បានផ្តល់សម្ភារៈកីឡាដល់សហព័ន្ធកីឡាសូហ្វតិន្នីសកម្ពុជា ដើម្បីចែកជូនដល់កីឡាករការិនីជម្រើសជាតិហ្វឹកហាត់ពង្រឹងសមត្ថភាព។ លោក ជា សែនវិស្សុត អគ្គលេខាធិការ សហព័ន្ធកីឡាសូហ្វតេនី្នសកម្ពុជា បានឲ្យដឹងថា សម្ភារៈកីឡាដែលសមាគមកីឡាសូហ្វតេនី្នសកូរ៉េខាងត្បូង ផ្តល់ជូនដល់សហព័ន្ធកីឡាសូហ្វតេន្នីសកម្ពុជានេះ គឺទទួលបានជាច្រើនដងរួចមកហើយ តាមរយៈ លោក ឆយ គ្រូបង្វឹកកិច្ចសន្យា សញ្ជាតិកូរ៉េខាងត្បូង ។ អគ្គលេខាធិការខាងលើ បញ្ជាក់ថា សម្ភារៈកីឡាដែលទទួលបាន មានដូចជា ដងរ៉ាកែត១០ដើម អាវ១៣កំផ្លេរ បាល់២០ឈុត ខែ្សរ៉ាកែត៤ដុំ និងកាបូបដាក់រ៉ាកែត២ ។ ក្រៅពីសម្ភារៈកីឡាសមាគមកីឡាសូហ្វតិន្នីសកូរ៉េ ក៏បានឧបត្ថម្ភអង្ករ និងគ្រឿងបរិភោគមួយចំនួនទៀត ដល់កីឡាករ កីឡាការិនីសូហ្វតិន្នីសកម្ពុជា ដែលកំពុងជួបការខ្វះខាតក្នុងបរិបទកូវីដ-១៩ ផងដែរ ។ លោក អះអាងថា សម្ភារៈកីឡា ដែលទទួលបាន សហព័ន្ធនឹងផ្តល់ជូនកីឡាករ កីឡាការិនីជម្រើសជាតិនាពេលខាងមុខ ដើម្បីប្រើប្រាស់សម្រាប់ការហ្វឹកហាត់ និងការប្រកួតនានា នៅលើឆាកអន្តរជាតិ ។ ជាមួយគ្នានេះ លោក ជា សែន វិស្សុត អគ្គលេខាធិការសហព័ន្ធកីឡាសូហ្វតេនី្នសកម្ពុជា បានថ្លែងអំណរគុណដល់សមាគមកីឡាសូហ្វតេន្នីសកូរ៉េខាងត្បូង ដែលជានិច្ចជាកាលតែងតែឧត្ថម្ភ ជាសម្ភារៈកីឡា…

ការប្រកួតពានរង្វាន់លីគកំពូលកម្ពុជា ឆ្នាំ២០២១ បានឈានចូលសប្តាហ៍ទី១០ នៅចុងសប្តាហ៍នេះ ដោយថ្ងៃ សៅរ៍ទី២៤ មាន៣គូ និងថ្ងៃអាទិត្យទី២៥ ២គូ និងថ្ងៃអង្គារទី២៧ ខែកក្កដា ដោយមានមួយគូ ។សម្រាប់ការប្រកួតនៅថ្ងៃសៅរ៍ ទី២៤ ខែកក្កដា ឆ្នាំ២០២១ រួមមាន៖សូលទីឡូអង្គរ Vs ណាហ្គា , គិរីវង់សុខសែនជ័យ Vs ព្រះខ័នរាជស្វាយរៀង , ភ្នំពេញក្រោន Vs វិសាខា។ រីឯការប្រកួតនៅថ្ងៃអាទិត្យ ទី២៥ ខែកក្កដា ឆ្នាំ២០២១ វិញនោះរួមមាន៖អាស៊ីអឺរ៉ុប យូណាយធីត Vs អង្គរថាយហ្គឺរ , អគ្គិសនីកម្ពុជា Vs ខេត្តព្រៃវែង ។ដោយចំណែកនៅថ្ងៃអង្គារទី២៧ ខែកក្កដា ឆ្នាំ២០២១បឹងកេត ប៉ះ នគរបាលជាតិ នៅកីឡដ្ឋាន Cambodia Air Way សូមបញ្ជាក់ថា ការប្រកួតបាល់ទាត់លីគកំពូលកម្ពុជា គិតត្រឹមសប្តាហ៍ទី៩ ក្រុមអង្គរថាយហ្គឺរ ឈរកំពូលតារាង ឆ្លងកាត់ ៩ប្រកួត…

អ្នកលេងគុនខ្មែរវ័យក្មេង ឡៅ សៃណេត ដែលជាក្មួយប្រុសបង្កើតកីឡាករ ឡៅ ចិត្រា ឡៅ ចន្ទ្រា និងអតីតអ្នកប្រដាល់ ឡៅ ស៊ីណាត បានយកពូទាំង៣ជាគំរូប្រឡូកក្នុងអាជីពគុនខ្មែរ ដើម្បីភាពល្បីល្បាញ នាពេលអនាគត ។ អ្នកប្រដាល់វ័យក្មេងមកពីខេត្តកំពង់ស្ពឺរូបនេះ បានពន្យល់ថា កក្តាដែលជម្រុញអន្ទង់ចិត្តឲ្យខ្លួនចូលចិត្ត និងចាប់យកអាជីពជាអ្នកប្រដាល់គុនខ្មែរ ដោយសារតែខ្លួនមើលឃើញពូទាំង៣ ចាប់តាំងពីវ័យកុមារមកម្ល៉េះ ដូច្នោះហើយ ទើបធ្វើឲ្យគេចិញ្ចឹមចិត្ត ពេលធំដឹងក្តី នឹងចាប់យកអាជីពមួយនេះ ។ ឡៅ សៃណេត អះអាងថា ស្នៀតប្រយុទ្ធ លោកពូទាំង៣របស់គេសុទ្ធសឹងជាស្នៀតអ្នកលេងគុនខ្មែរពន្លកថ្មីយកមកហ្វឹកហាត់ លើសង្វៀនស្ទើរគ្រប់ប្រកួតទាំងអស់ ប៉ុន្តែស្នៀតដែលគេពេញចិត្ត និងប្រើហើយទទយលបានជោគជ័យ គឺស្នៀតកីឡាករ ឡៅ ចិត្រា ព្រោះស្នៀតប្រយុទ្ធច្បាស់ធ្ងន់ និងរហ័ស ។ អ្នកបន្តវេនគុនខ្មែរជំនាន់ក្រោយត្រកូលឡៅរូបនេះ បានប្តេជ្ញាចិត្តខិតខំហ្វឹកហាត់បង្កើនសមត្ថភាព ដើម្បីក៏សាងកេរ្តិ៍ឈ្មោះឲ្យល្បីរន្ទឺ ក្នុងអាជីពគុនខ្មែរ នាពេលអនាគត ដូចពូបង្កើតទាំង៣ ដែលកំពុងល្បីល្បាញនាពេលបច្ចុប្បន្ន ។ សូមបញ្ជាក់ថា ឡៅ សៃណេត គឺជាក្មួយប្រុសបង្កើត ឡៅ ចិត្រា ឡៅ…

ឯកឧត្តម សុខ សង្វារ ប្រធានក្រុមកីឡា ផ្នែកសិល្បៈនិងកីឡា តំណាងលោកជំទាវ ដាំ ដារិនី ប្រធានផ្នែកសិល្បៈ និងកីឡា បាននាំយកអំណោយរបស់ឯកឧត្តមបណ្ឌិត ហ៊ុន ម៉ាណែត ប្រធានយុវជនគណបក្សប្រជាជនកម្ពុជាថ្នាក់កណ្តាល និងក្រុមការងារផ្នែកសិល្បៈ និងកីឡាសរុបចំនួន ២០០០ ដុល្លារសហរដ្ឋអាមេរិក ជូនលោក អេ ភូថង អតីតកីឡាករប្រដាល់គុនខ្មែរដ៏ល្បីល្បាញ ដែលបានឆ្លងជំងឺកូវីដ-១៩ និងមានជំងឺផ្សេងៗប្រចាំកាយផង ។ ពិធីប្រគល់អំណោយនិងសួរសុខទុក្ខត្រូវបានរៀបចំឡើងតាមប្រព័ន្ធ ZOOM ដែលមានការចូលរួមពីឯកឧត្តម ឧត្តមសេនីយ៍ឯក តែម ម៉ឺន ប្រធានសហព័ន្ធប្រដាល់គុនខ្មែរ ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំយុវជន និងកីឡា រួមនឹងសមាជិក សមាជិកាផ្នែកសិល្បៈ និងកីឡា នៃយុវជនគណបក្សប្រជាជនកម្ពុជាថ្នាក់កណ្តាល ។ ឯកឧត្តម សុខ សង្វារ បានបញ្ជាក់ថា ថវិកា២០០០ដុល្លារនេះ ជាអំណោយ របស់ឯកឧត្តម ហ៊ុន ម៉ាណែត និងលោកជំទាវចំនួន១០០០ដុល្លារ និងថវិការៃអង្គាសពីក្រុមការងារផ្នែកសិល្បៈ និងកីឡា នៃយុវជនគណបក្សប្រជាជនកម្ពុជាថ្នាក់កណ្តាល…

ម្ចាស់មេដាយ មាស កីឡា អាស៊ី ឆ្នាំ២០១៨ សាលី អ៊ូមើត ខកខានចូលរួមប្រកួត កីឡាប្រណាំង ម៉ូតូទឹក ពិភពលោក Jet Ski World Series 2021-2022 ជុំទី១ នៅ ប៉ូឡូញ ដោយសារបញ្ហា ស្នើសុំទិដ្ឋាការ (Visa) ចូលទៅកាន់ទឹកដីអឺរ៉ុប ស្របពេលការប្រកួត នឹងចាប់ផ្ដើមពីថ្ងៃទី២១ ដល់ ថ្ងៃទី២៥ ខែកក្កដា សប្ដាហ៍នេះហើយ ។ សាលី អ៊ូមើត បានបញ្ជាក់ថា ដំបូងត្រូវចេញ ទៅអាល្លឺម៉ង់ នោះដើមខែកក្កដា មុនបន្ដ ទៅ អូទ្រីស ដើម្បីយកម៉ូតូថ្មី ត្រៀមចូលរួម ប្រកួត នៅ ប្រទេស ប៉ូឡូញ ។ ប៉ុន្តែ ដោយសារបញ្ហា កូវីដ-១៩ បានធ្វើឲ្យ ការស្នើសុំ ទិដ្ឋាការ ចូលតំបន់អឺរ៉ុប ត្រូវពន្យារ ពេលជាបន្ដបន្ទាប់…

ឯកឧត្តម វ៉ាត់ ចំរើន អគ្គលេខាធិការជាតិអូឡាំពិកម្ពុជា បានបញ្ជាក់ឲ្យដឹងថា ឯកឧត្តម បណ្ឌិត ថោង ខុន ប្រធាន គណៈកម្មាធិការជាតិអូឡាំពិកកម្ពុជា នឹងចាត់វិធានការភ្លាមៗដោយដាក់ការព្រមានទៅកាន់សហព័ន្ធកីឡាប្រដាល់គុនខ្មែរ ចំពោះការប្រតិកម្មពីមហាជន និងសម្តេច តេជោ ហ៊ុន សែន ចំពោះការប្រកួតដែលធ្វើខុសលក្ខន្តិកៈ នៃច្បាប់ប្រកួតក្នុងកម្មវិធីប្រដាល់អ្នកតស៊ូគុនខ្មែរ កំពូលជើងឯកវគ្គផ្តាច់ព្រ័ត្រ កាលពីថ្ងៃទី១០ កក្តដា ឆ្នាំ២០២១រវាង ឃីម បូរ៉ា និង ម៉ឺន មេឃា ។ ឯកឧត្តម បានគូបញ្ជាក់ថា ទោះបីការប្រកួតនេះ ជាការប្រកួតក្រៅផ្លូវការដែលរៀបចំដោយក្រុមហ៊ុនឯកជនយ៉ាងណាក្តី តែក្នុងនាមគណៈកម្មាធិការជាតិអូឡាំពិកម្ពុជា ឯកឧត្តម បណ្ឌិត ថោងខុន បានណែនាំឲ្យចេញជាសេចក្តីប្រកាសជាការព្រមានលើកទី១ ហើយ បើនៅតែបន្តល្មើសពីលក្ខន្តិកៈជាលើកទី២បន្តទៀត នឹងត្រូវព្យួរសមាជិកភាព បាត់បង់ឱកាសបញ្ជូនកីឡាករ កីឡាការិនីទៅប្រកួតនៅក្រៅប្រទេស និងការរៀបចំការប្រកួតជាលក្ខណៈអន្តរជាតិនានា ក្នុងស្រុក ។ ដូច្នោះអ្វីដែលសំខាន់សហព័ន្ធកីឡាប្រដាល់ត្រូវតែកែទម្រង់ជាចាំបាច់ នៅក្នុងការគ្រប់គ្រងវិនិច្ឆ័យ នៃបច្ចេកទេសប្រកួត ទោះបីជាការក្រៅក្របខណ្ឌ គ្រប់គ្រងរបស់ N O C C…

(តួក្យូ)៖ គណៈកម្មាធិការអូឡាំពិកអាមេរិក USOC បានរាយការណ៍ថា កីឡាការិនីកាយសម្ព័ន្ធរបស់ពួកគេ ១រូបបានឆ្លងកូវីដ-១៩ នៅអំឡុងធ្វើតេស្តចូលទីលានហ្វឹកហាត់ ត្រៀមការប្រកួតក្នុងព្រឹត្តិការណ៍ Tokyo Olympic Games 2020 ដែលនឹងចាប់ផ្តើមចាប់ពីថ្ងៃទី២៣ ខែកក្កដាខាងមុខនេះ។ នេះជាករណីវិជ្ជមានទី៣ ដែលត្រូវបានរកឃើញក្រោយពេលធ្វើដំណើរមកដល់ប្រទេសជប៉ុន នៅពេលដែលវិជ្ជមាន ២ករណីផ្សេងទៀតនៅលើអត្តពលិកដែលបានស្នាក់នៅភូមិកីឡាកាលពីសប្តាហ៍មុន។ ករណីវិជ្ជមានទី៣ នេះដែរត្រូវបានរកឃើញនៅថ្ងៃចន្ទម្សិលមិញនេះ នៅពេលកីឡាការិនីដែលមិនត្រូវបានបញ្ចេញឈ្មោះនោះ បានធ្វើតេស្តត្រៀមចូលទីលានហ្វឹកហាត់។ តែយ៉ាងណា អត្តពលិកប្រមាណ ១១,០០០នាក់មកពី ២០៥ប្រទេសត្រូវបានរំពឹងថា នឹងស្នាក់នៅក្នុងភូមិកីឡាទាំងអស់ ក្នុងអំឡុងប្រកួត Tokyo Olympic Games 2020 ដែលមានរយៈពេលជាង ៣សប្តាហ៍ នៅពេលប្រទេសជប៉ុនបានរកឃើញករណីឆ្លងថ្មីដល់ទៅ ១,០៦៨នាក់ត្រឹម ១សប្តាហ៍ប៉ុណ្ណោះ៕