គណៈកម្មាធិការជាតិរៀបចំការប្រកួតអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានធ្វើសន្និបាត តាមប្រព័ន្ធ ZOOM នៅព្រឹកថ្ងៃទី១៧ ខែសីហា ឆ្នាំ២០២១ ក្រោមអធិតីភាពដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការ CAMSOC បូកសរុបលទ្ធផលឆមាសទី១ ដែលសម្រេចបាន និងបន្តលើកទិសដៅឆមាសទី២ ឆ្នាំ២០២១ ដើម្បីជាគោលគំនិត ធាតុចូលសំខាន់ៗរបស់គណៈកម្មការជំនាញជូនដល់ CAMSOC ដើម្បីទទួលបាននូវភាពគត់មត់គ្រប់ជ្រុងជ្រោយ សម្រួចគោលដៅឲ្យការទទួលធ្វើម្ចាស់ផ្ទះហ្គេមតំបន់អាស៊ីអាគ្នេយ៍ ជាលើកដំបូងជាប្រវត្តិសាស្ត្ររបស់ព្រះរាជាណាចក្រកម្ពុជាទទួលជោគជ័យ ។ ថ្លែងក្រោយបញ្ចប់សន្និបាត ឯកឧត្តម វ៉ាត់ ចំរើន អគ្គលេខាធិការ CAMSOC បានផ្តល់ខ្លឹមសារថា សន្និបាតបានលើកឡើងអំពីចំណុចសំខាន់ៗ ដែលត្រូវបន្តធ្វើដំណើរឆ្ពោះទៅទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដោយសម្តេចប្រធានបានវាយតម្លៃខ្ពស់ចំពោះសមិទ្ធផល នៅក្នុងឆមាសទី១ ដែលយើងខិតខំប្រឹងប្រែង នៅក្នុងដំណាក់កាលកូវីដ-១៩ ដែលជាសក្ខីកម្ម នៃការរុញឲ្យឆ្នាំដំណើរការពីឆ្នាំ២០២២-២០២៣ អាចប្រព្រឹត្តទៅដោយរលូន លើចំណុចសំខាន់ៗចំនួន១២ ដោយធ្វើកិច្ចសហប្រតិបត្តិការរវាងក្រសួង-ស្ថាប័ន អាជ្ញាធររាជធានី-ខេត្ត សហព័ន្ធកីឡាជាតិទាំងអស់ ដើម្បីរួមកម្លាំងគ្នាអនុវត្តផែនការមេឆ្ពោះទៅស៊ីហ្គេម-អាស៊ានប៉ារ៉ាហ្គេម…

ថ្មីៗនេះ គណៈកម្មការគ្រប់គ្រងទូក របស់ ក្លឹបប្រណាំងទូកភូមិពោធិ៍មង្គល ឃុំព្រែកតាទែន ស្រុកពញាឮ បានរៀបចំពិធីក្រុងពាលី ដើម្បីសុំសេចក្ដីសុខសេចក្ដីចំរើន ពិសេសសូមឲ្យទទួលបានជ័យជំនះ សម្រាប់ការចូលរួមប្រកួតប្រជែងក្នុងព្រឹត្តិការណ៍ ប្រណាំងផ្សេងៗ ដោយមានការចូលរួមពី លោក ពៅ វណ្ណា ប្រធានការិយាល័យកីឡា នៃមន្ទីអប់រំយុវជន និងកីឡាខេត្តកណ្ដាល លោកស្រី ប្រាក់ សោភា និង លោក សែម សឿន ប្រធានគណៈកម្មការដឹកនាំនិងគ្រប់គ្រង ទូក និង មានការចូលរួមពីលោក ជំទប់ទី២ ឃុំព្រែកតាទែន ដែលជាអាជ្ញាធរមូលដ្ឋានផងដែរ ។ លោកស្រី ប្រាក់ សោភា បានឲ្យដឹងទៀតថា បច្ចុប្បន្ន កីឡាករ ក្នុងក្លឹបនៅបន្ដការហ្វឹកហាត់ តាមផ្ទះរៀងៗខ្លួន ហើយក៏មានការប្រមូលផ្ដុំគ្នាហ្វឹកហាត់ខ្លះៗ ដែរជាទ្រង់ទ្រាយតូច ដោយផ្លាស់វេនគ្នា ទូកចំណុះ១២នាក់គឺឲ្យហ្វឹកហាតតែ៦នាក់ ប៉ុណ្ណោះក្នុង១ទូក ដើម្បីរក្សាគម្លាត រួមជាមួយនិងវិធានការផ្សេងៗទៀតរបស់ក្រសួងសុខាភិបាល ដោយហ្វឹកហាត់ពេលល្ងាច អុំ១ជើងឬ២ជើងក្នុងចំងាយ១ពាន់ម៉ែត្រ ចំណែកកីឡាករ ទូករ៉ូអ៊ីងដែលអុំតែម្នាក់ឯងពុំមានបញ្ហាអ្វីឡើយ ក្រៅពីការហ្វឹកហាត់អុំជាក់ស្ដែង ក៏មានការហ្វឹកហាត់រក្សាកម្លាំងអំណត់ ដោយការជិះកង់…

លោក អ៊ិន សុភិន ប្រធានក្លិបបាល់ទាត់ តារាមហាហង្ស (Mohahang All Star FC) គូសបញ្ជាក់ថា បន្ទាប់ពីទទួលបានលិខិតផ្លូវការស្តីពីការប្រកួតប្រជែងជើងឯកបាល់ទាត់ ក្នុងសាល ប្រចាំតំបន់អាស៊ាន «AFF Futsal Cup» ឬហៅថា «AFF Futsal Club Championship» នាខែកញ្ញា ឆ្នាំ២០២១» ក្លិបបានត្រៀមខ្លួនរួចជាស្រេច និងប្តេជ្ញាថា នឹងប្រឹងប្រឹងឲ្យអស់ពីសមត្ថភាព ដើម្បីដណ្តើមបាននូវកិត្តិយសជូនជាតិកម្ពុជារបស់យើង ។ ប្រធានក្លិបរូបនេះ បានបង្ហាញឆន្ទៈដ៏មុះមុតថា «បើទោះបីជាការប្រកួតអន្តរជាតិលើកនេះទទួលបានលទ្ធផលបែបណាក៏ដោយ ក៏យើងប្រឹងប្រែងហ្វឹកហាត់ និងការប្រកួតឲ្យអស់ពីសមត្ថភាពដែរ ដើម្បីដណ្តើមបាននូវកិត្តិយសប្រកបដោយសេចក្តីថ្លៃថ្នូជូនជាតិរបស់យើង ។ អ្វីដែលសំខាន់បំផុត គឺក្លិបបាល់ទាត់តារាមហាហង្សចង់បានស្នាដៃជូនប្រទេសកម្ពុជាយើង ក៏ដូចជាការលើកមុខមាត់ប្រទេសជាតិយើងពីលើឆាកអន្តរជាតិ និយាយរួមគឺប្រឹងប្រែងឲ្យបានជាដាច់ខាត ដើម្បីដណ្តើមនូវលទ្ធផលដ៏គាប់ប្រសើរជូនជាតិ» ។ លោក អ៊ិន សុភិន បន្ថែមទៀថា នេះជាឆ្នាំទី១ ដែលក្រុម តារាមហាហង្ស បានខិតខំយ៉ាងខ្លាំង ហើយទម្រំាក្លាយជាម្ចាស់ជើងឯកពានរង្វាន់បាល់ទាត់ក្នុងសាលថ្នាក់ជាតិ សម្រេចឆន្ទៈរបស់លោក ក៏ដូចជាគ្រូបង្វឹក និងកីឡាករ ។ ជាមួយនឹងជ័យជម្នះថ្នាក់ជាតិនេះ…

មជ្ឈមណ្ឌលកីឡានគរបាលជាតិកម្ពុជា ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ស្ថិតក្នុងនាយកដ្ឋានភស្តុភា ខាងក្រោយព្រះបរមរាជ្យវាំង បានសាងសង់សម្រេចបាន១០០%ហើយ ក្នុងទំហំទឹកប្រាក់សរុបជាង៣០ម៉ឺនដុល្លា ។ ឯកឧត្តមបណ្ឌិត ជា ប៊ុនហេង អគ្គលេធិការក្រុមប្រឹក្សាកីឡាក្រសួងមហាផ្ទៃ បានមានប្រសាន៍ថា មជ្ឈមណ្ឌលកីឡានគរបាលជាតិកម្ពុជា ដែលសាងសង់សម្រេចរួចរាល់នេះ គឺមានកន្លែងរដ្ឋបាល ទីលានហ្វឹកហាត់ និងទីលានប្រកួត លើគ្រប់ប្រភេទកីឡារបស់អង្គភាពកីឡាក្រសួងមហាផ្ទៃ ដើម្បីត្រៀមការប្រកួតនានា ជាពិសេសព្រឹត្តការណ៍ប្រកួតកីឡាប៉ូលីស នាឆ្នាំ២០២២ខាងមុខ ដែលកម្ពុជាធ្វើជាម្ចាស់ផ្ទះ ។ សូមបញ្ជាក់ថា មជ្ឈមណ្ឌលកីឡានគរបាលជាតិកម្ពុជា ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ស្ថិតនៅក្នុងនាយកដ្ឋានភស្តភា ខាងក្រោយព្រះបរមរាជ្យវាំងនេះ សាងសាង់ដោយចំណាយទឹកប្រាក់សរុបជាង៣០ម៉ឺនដុល្លារអាមេរិក ៕

ក្រុម Barcelona បានយកឈ្នះ Real Sociedad ក្នុងលទ្ធផល៤ទល់២ នៃការប្រកួតបើកឆាក La Liga ដោយគ្មាន Lionel Messi ជាលើកដំបូង ។ Gerard Pique បានបើកការរកគ្រាប់បាល់អោយ Barca ដោយការតែតបាល់បញ្ចូលទីយ៉ាងល្អពីការទាត់បាល់ហ្វ្រីឃីករបស់ Memphis Depay នៅនាទី១៩។ខណៈ Martin Braithwaite បានរកគ្រាប់បាល់បញ្ចូលទីនៅពាក់កណ្តាលម៉ោង២គ្រាប់ម្នាក់ឯង ក្លាយជាកីឡាករដាណឺម៉ាកដំបូងគេដែលរកបានគ្រាប់បាល់នាំមុខនៅ La Liga ។ ចំណែក Real Sociedad រកបាន២វិញ ដោយកីឡាករ Julen Lobete និង Mikel Oyarzabal ប៉ុន្តែ Sergi Roberto បានបន្ថែមគ្រាប់ទី ៤ សម្រាប់ Barcelona នៅម៉ោងបន្ថែម ៩០+២។ចប់ការប្រកួតក្រុម Barcelona បានយកឈ្នះ Real Sociedad ក្នុងលទ្ធផល ៤ទល់២ នៃការប្រកួតបើកឆាក…

ការប្រើប្រាស់កីឡាករជាយុវជនខ្មែរ ដែលជាគោលការណ៍អភិវឌ្ឍយុវជនខ្មែររបស់ថ្នាក់ដឹកនាំ គឺមានការលំបាក ក្នុងការប្រកួតប្រជែង នៅលីគកំពូលកម្ពុជា ហើយក៏ពិបាកក្នុងការស្វែងរកចំណាត់ថ្នាក់ល្អ នៃតារាងពិន្ទុដែរ ខណៈបណ្តាក្លិបទូទៅមានកីឡាករបរទេសល្អៗ និងប្រើប្រាស់ នៅតំបន់ប្រយុទ្ធតែម្តង នេះជាការបញ្ជាក់របស់លោក មាស សំអឿន គ្រូបង្វឹកក្រុមអគ្គីសនីកម្ពុជា ។ គ្រូបង្គោលក្រុមអគ្គីសនីកម្ពុជា រូបនេះ នៅតែដាក់គោលដៅថា ត្រូវតែប្រឹងប្រែងហ្វឹកហាត់បង្កើនបច្ចេកទេស និងការប្រកួតជាបន្តទៀត ដើម្បីរក្សាខ្លួននៅលីគកំពូលកម្ពុជា មិនឲ្យធ្លាក់ចូលក្នុងតំបន់កាត់ចោល ទៅលេងនៅលីគលំដាប់ទី២នោះទេ ។ លោក មាស សំអឿន បន្ថែមថា សម្រាប់ការនាំចូលកីឡាករយុវជនខ្មែរថ្មីៗ ឬដោះដូរមកពីក្លិបអាជីពនានា សម្រាប់ជើងទី២ មិនមានគម្រោងអ្វីនោះទេ ។ ក្នុងនោះមានយុវជនថ្មីៗទើបនឹងចូលរួមហ្វឹកហាត់ខ្លះៗដែរ នៅក្នុងក្លិបអគ្គិសនីកម្ពុជា ប៉ុន្តែវាមានការលំបាកក្នុងការសម្រេចដាក់ពួកគាត់ចូលប្រកួតលំដាប់លីគ ដែលកំពុងប្រកួតប្រជែងខ្ពស់ៗ ដោយសារក្រុមផ្សេងទៀតនៅលីគកំពូលមានកីឡាករបរទេសច្រើន សិតសឹងតែមានបទពិសោធន៍ខ្ពស់ និងផ្លាស់ប្តូររៀងរាល់ទីផ្សារដោះដូរបើក ការនាំចូលកីឡាករបរទេសបែបនេះធ្វើកីឡាករវ័យក្មេងទទួលបានបច្ចេកទេស និងបទពិសោធន៍ដើម្បីអភិវឌ្ឍឈានទៅជោគជ័យ ។ សូមបញ្ជាក់ថា អគ្គិសនីកម្ពុជា គឺជាក្លិបបាល់ទាត់ដែលប្រើប្រាស់យុវជនខ្មែរសុទ្ធសាធតែ១គត់ ក្នុងលីគកំពូលកម្ពុជា ២០២១នេះ ហើយក្រោយឆ្លងកាត់១០ប្រកួត ឈ្នះ២ ស្មើ១ និងចាញ់៧ប្រកួត ឈរនៅលេខរៀងទី១០ ក្នុងចំណោម១៣ក្រុមនៃក្របខ័ណ្ឌលីគកំពូលកម្ពុជា ៕

លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងនាយកវិទ្យាស្ថាន CamED Business School នាព្រឹកថ្ងៃទី១៣ ខែសីហា ឆ្នាំ២០២១នេះ បានប្រគល់រថយន្តជូនគ្រូចំបាប់ជនជាតិអឺរ៉ង់ ដើម្បីជាមធ្យោបាយធ្វើដំណើរទៅមកបង្ហាត់កីឡាករ កីឡាការិនីចំបាប់ជម្រើសជាតិ ក្នុងអំឡុងបំពេញបេសកម្មបង្វឹក នៅកម្ពុជា ។ លោក ខេស៊ី បាណេត ជឿជាក់ថា ការនាំយកគ្រូបង្វឹកជនជាតិអ៊ីរ៉ង់មកកម្ពុជា ថ្វីដ្បិតរយៈពេល ខ្លីបន្តិចមែន ប៉ុន្តែក្រុមជម្រើសជាតិចំបាប់ធ្លាប់មានបទពិសោធន៍ចូលរួមប្រកួតជាលក្ខណអន្តរជាតិ ។ ម្យ៉ាងទៀតតាមបទពិសោធន៍លោក Komeil Ghasemi ដែលជាម្ចាស់មេដាយមាស អូឡាំពិក ទីក្រុងឡុងដ៏ និងម្ចាស់មេដាយសំរឹទ្ធ អូឡាំពិក ទីក្រុងរីយ៉ូ រួមទាំងមេដាយមាស ប្រាក់ និងសំរឹទ្ធ កីឡាអាស៊ី និងពិភពលោកជាច្រើន នឹងអាចជួយឲ្យកីឡាករ កីឡាការិនីចំបាប់ ដណ្តើមបានជោគជ័យ ជូនកម្ពុជា ពីការប្រកួតស៊ីហ្គេម ជាក់ជាមិនខាន ។ លោក អនុប្រធានសហព័ន្ធ បានបញ្ជាក់ទៀតថា ក្រៅពីកាតព្វកិច្ចជាគ្រូបង្វឹកជម្រើសជាតិ លោកក៏បានពឹងឲ្យលោក Komeil Ghasemi ជួយជ្រើសរើសរកកីឡាករ…

ឯ ឧ ស សុខា បានប្តេជ្ញាចិត្តបំពេញកិច្ចការងារសម្រាប់អាណត្តិថ្មី សំដៅបម្រើផលប្រយោជន៍សហព័ន្ធ និងដើម្បីតបស្នងចំពោះការលះបង់របស់ថ្នាក់ដឹកនាំជំនាន់មុន ដើម្បីស្វែងរកលទ្ធផលល្អៗ ជោគជ័យថ្មីៗ ជូនកម្ពុជា បន្ទាប់ពីត្រូវបានគណៈកម្មាធិការប្រតិបត្តិ ផ្តល់សេចក្តីទុកចិត្តបោះឆ្នោតជ្រើសរើសឲ្យបន្តដឹកនាំ ជាប្រធានសហព័ន្ធកីឡាប៊ូល និងប៉េតង់កម្ពុជា សម្រាប់អាណត្តិថ្មី ទី៧ ឆ្នាំ២០២១ដល់២០២៥ តាមរយៈមហាសន្និបាត តាមប្រព័ន្ធ Zoom នៅព្រឹកថ្ងៃទី១៣ ខែសីហា ឆ្នាំ២០២១នេះ ។ យោងតាមសេចក្តីប្រកាសក្រោយបញ្ចប់អង្គមហាសន្និបាតនេះបានបង្ហាញសកម្មភាព និងសមិទ្ធផលដែលសម្រេចបានក្នុងអាណត្តិចាស់ថា សហព័ន្ធកីឡាប៊ូល និងប៉េតង់កម្ពុជា ដែលបោះឆ្នោតគាំទ្រពីអង្គមហាសន្និបាត ជ្រើសរើស ឯ ឧ ស សុខា ជាប្រធានសហព័ន្ធកីឡាប៊ូល និងប៉េតង់កម្ពុជា អាណត្តិទី៧ ឆ្នាំ២០២១-២០២៥ ដើម្បីបន្តនូវចក្ខុវិស័យពីថ្នាក់ដឹកនាំពង្រីកវិសាលភាព និងការអភិវឌ្ឍវិស័យកីឡាប៊ូល និងប៉េតង់កម្ពុជាទៅគ្រប់បណ្តារាជធានី-ខេត្ត នឹងបន្តអនុវត្តផែនការមេឆ្ពោះទៅការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣។ គួររម្លឹកថា សហព័ន្ធកីឡាប៊ូល និងប៉េតង់កម្ពុជា បានបង្កើតឡើងក្នុងឆ្នាំ១៩៩២ ក្រោមការផ្តួចផ្តើមរបស់ថ្នាក់ដឹកនាំជំនាន់មុនដែលមាន សម្តេចវិបុលបញ្ញា សុខ អាន ជាប្រធាន និង សម្តេចក្រឡាហោម ស…

សហព័ន្ធកីឡាប៊ូល និងប៉េតង់កម្ពុជាបានប្រកាសពីការរៀបចំ មហាសន្និបាតបញ្ចប់អាណត្តិទី៦ និងការបោះឆ្នោតជ្រើសរើសគណៈកម្មាធិការប្រតិបត្តិ អាណត្តិថ្មីទី៧ ពីឆ្នាំ២០២១ដល់ ឆ្នាំ២០២៥ ដែលនឹងត្រូវប្រារព្ធធ្វើឡើង នាព្រឹកថ្ងៃទី១៣ ខែសីហា ឆ្នាំ២០២១ ។ មហាសន្និបាតរបស់សហព័ន្ធកីឡាប៊ូល និងប៉េតង់កម្ពុជានឹងប្រព្រឹត្តទៅ ក្រោមអធិបតីភាព ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានសហព័ន្ធកីឡាប៊ូល និងប៉េតង់កម្ពុជា នៅថ្ងៃទី១៣ ខែសីហា ឆ្នាំ២០២១ វេលាម៉ោង ៨ព្រឹក តាមរយៈប្រព័ន្ធ Zoom ។ ចំពោះសមាសភាព ដែលនឹងចូលរួម មានដូចជាសមាជិកគណៈកម្មាធិការប្រតិបត្តិ-ទីប្រឹក្សាសហព័ន្ធ តំណាងក្រសួងអប់រំ យុវជន និងកីឡា តំណាងគណៈកម្មាធិការជាតិអូឡាំពិកកម្ពុជា (NOCC) ក្លិបកីឡាប៊ូល និងប៉េតង់រាជធានី-ខេត្ត ។ គួរបញ្ជាក់ថា សហព័ន្ធកីឡាប៊ូល និងប៉េតង់កម្ពុជា មហាសន្និបាត បញ្ចប់អាណត្តិទី៦ និងផែនការទិសដៅបន្តអាណត្តិទី៧ នឹងអនុម័តលើរបាយការណ៍ ដោយឯកឧត្តមប្រធានអង្គមហាសន្និបាត ។ ជាមយយនឹងបោះឆ្នោតជ្រើសរើសសមាជិកគណៈកម្មាធិការប្រតិបត្តិអាណត្តិទី៧ ឆ្នាំ២០២១-២០២៥ ៕

លោក ប៊ុយ សុភ័ណ្ឌ អគ្គលេខាធិការសហព័ន្ធកីឡាប្រដាល់សកលកម្ពុជា បានបង្ហើបប្រាប់អ្នកព័ត៌មាន នាព្រឹកនេះថា សហព័ន្ធកីឡាប្រដាល់សកលកម្ពុជានឹងបញ្ជូនកីឡាករ៣រូប ទៅហ្វឹកហាត់ពង្រឹងសមត្ថភាព នៅបារាំង ដើម្បីត្រៀមប្រជែងមេដាយនៅស៊ីហ្គេម លើកទី៣១ ឆ្នាំ២០២២ នៅវៀតណាម ។ លោក ប៊ុយ សុភ័ណ្ឌ អះអាងថា អត្តពលិក៣រូប ដែលសហព័ន្ធគ្រោងនឹងបញ្ជូនទៅ មានកីឡាករ សៅ រង្សី អាយុ២១ ទម្ងន់៥២គីឡូក្រាម , កីឡាករ សែត សារឹទ្ធ អាយុ២៣ ទម្ងន់៦៤គីឡូក្រាម និងកីឡាករ វី សម្ភស្ស អាយុ២១ ទម្ងន់៦៩គីឡូក្រាម ។ អគ្គលេខាធិការខាងលើ បញ្ជាក់ថា តាមគម្រោងកីឡាករទាំង៣រូប ត្រូវចេញទៅបារាំងថ្ងៃទី១៣ ខែសីហាសែ្អកនេះ ប៉ុន្តែដោយសារសុំទិដ្ឋាការពីស្ថានទូតមិនទាន់បានទើបពន្យាទៅចុងខែនេះ ឬដើមខែក្រោយវិញ ។ ក្រៅតែពីការហ្វឹកហាត់ កីឡាករកម្ពុជាក៏មានឱកាសប្រកួតលក្ខណៈអាជីព ក្នុងកម្មវិធីផ្សេងៗ ដើម្បីពង្រឹងសមត្ថភាពបន្ថែមទៀតដែរ ជាទុនត្រៀមប្រជែងយកមេដាយ នៅស៊ីហ្គេម នៅវៀតណាម និងស៊ីហ្គេម ឆ្នាំ២០២៣ នៅកម្ពុជា…