ការប្រកួតកីឡាសិស្សមធ្យមសិក្សារាជធានីភ្នំពេញ ប្រចាំឆ្នាំសិក្សា ២០២១-២០២២បាន បញ្ចប់ជាស្ថាពរ នៅព្រឹកថ្ងៃទី២០ ខែកុម្ភៈ ឆ្នាំ២០២២នេះ បន្ទាប់ពីដំណើរការប្រកួតអស់រយៈពេល៧ថ្ងៃ ដោយគណៈកម្មការបច្ចេកទេសបានរកឃើញម្ចាស់ជ័យលាភី លើ៦ប្រភេទកីឡា។ ជ័យលាភីលើ៦ប្រភេទកីឡានេះ មានដូចជាប្រភេទកីឡាបាល់ទាត់, បាល់ទះ, បាល់បោះ, អត្តពលកម្ម, ប៉េតង់ និងវាយកូនឃ្លីលើតុ ដោយប្រភេទកីឡាទាំងនេះមានទាំងវិញ្ញាសាយុវជន-យុវនារី។

ថ្ងៃនេះជាការប្រកួតចុងក្រោយ នៃវគ្គជំរុះ ក្នុងពូល A ក្នុងពានរង្វាន់ AFF U23 CHAMPIONSHIP 2022 រវាងក្រុម៖ កម្ពុជា Vs ទីម័រខាងកើត ។ កុំភ្លេចចូលរួមលើកទឹកចិត្រ និងគាំទ្រក្រុមកម្ពុជាយើង នាម៉ោង១៩:០០ នាពហុកីឡដ្ឋានជាតិ មរតកតេជោ។

ពហុកីឡដ្ឋាន ពហុកីឡដ្ឋានជាតិមរតកតេជោ Morodok Techo National Stadium វេលាម៉ោង៖ 19:00!!! កុំភ្លេចចូលរួមលើកទឹកចិត្តទាំងអស់គ្នា

សហព័ន្ធកីឡាបាល់បោះកម្ពុជាបានរៀបចំការប្រកួតកីឡាបាល់បោះ ជ្រើសរើសជើងឯកថ្នាក់ជាតិ ប្រចាំឆ្នាំ២០២១ វិញ្ញាសា ៣នាក់ទល់៣នាក់ បុរស-នារី ដើម្បីជំរុញដល់ការអភិវឌ្ឍឲ្យកាន់តែល្អប្រសើរ ខណៈវិញ្ញាសា ៣ទល់៣នេះគឺជាវិញ្ញាសាអទិភាព នៃគោលដៅប្រជែងមេដាយស៊ីហ្គេម ២លើកចំពោះមុខ។ លោក ដូង ឌីម អគ្គលេខាធិការរង សហព័ន្ធកីឡាបាល់បោះកម្ពុជាលើកឡើងថា ការប្រកួតកីឡា បាល់បោះជ្រើសរើសជើងឯកថ្នាក់ជាតិ ប្រចាំឆ្នាំ២០២១នេះ កំពុងដំណើរប្រកួតជម្រុះស្វែងរកធនធាន រយៈ ពេល៤ថ្ងៃពីថ្ងៃទី ១៨ដល់២១ ខែកុម្ភៈ ឆ្នាំ២០២២ នៅទីលានវិទ្យាល័យវត្តកោះ រាជធានីភ្នំពេញ ដោយ សម្រួចគុណភាពតែលើវិញ្ញាសា ៣នាក់ទល់៣នាក់។

ក្នុងនាមក្រសួងអប់រំ យុវជន និងកីឡា, ឯកឧត្តម អ៊ុក សិទ្ធិជាតិ អគ្គនាយក អគ្គនាយកដ្ឋានកីឡាបាន កោតសរសើរ និងវាយតម្លៃខ្ពស់ ចំពោះគណៈកម្មការរៀបចំការប្រកួត អង្គភាពពាក់ព័ន្ធ ប្រតិភូកីឡាក្រសួង រាជធានី-ខេត្ត ដែលបានសហការគ្នារៀបចំការប្រកួតកីឡាប្រដាល់គុនខ្មែរ ជ្រើសរើសជើងឯកថ្នាក់ជាតិ ប្រចាំឆ្នាំ២០២១ឲ្យប្រព្រឹត្តទៅដោយរលូន តាមការគ្រោងទុកប្រកបដោយភាពជោគជ័យ នាល្ងាចថ្ងៃទី១៨ ខែកុម្ភៈ ឆ្នាំ២០២២ នៅស្តាតចាស់។

ការប្រកួតកីឡាបាល់ទាត់ក្នុងសាលបុរស ពានរង្វាន់វិទ្យាស្ថាន ខេមអេដ រដូវកាលថ្មី ២០២២ បានរៀបចំកម្មវិធីចាប់ឆ្នោតចែកពូល និងពន្យល់ពីរូបមន្តការប្រកួត សម្រាប់ក្រុមចូលរួមសរុបចំនួន១៩ក្រុម ដោយបានធ្វើឡើងកាលពីល្ងាចថ្ងៃទី១៧ ខែកុម្ភៈ ឆ្នាំ២០២២ នៅវិទ្យាស្ថាន ខេមអេដ រាជធានីភ្នំពេញ។

លោក ព្រុំ រស្មី អ្នកជំនាញរៀបចំព្រឹត្តិការណ៍ប្រណាំងរថយន្ត OFF ROAD នៅកម្ពុជា និងជាប្រធានក្លិប ខេមបូ 4×4 បានបង្ហើបប្រាប់ទូរស្សន៍អប្សរាថា ក្នុងឆ្នាំ២០២២នេះ ព្រឹត្តិការណ៍ប្រណាំងរថយន្ត OFF ROAD ឬរថយន្តកង់ធំ ដែលបានផ្អាកសកម្មភាពប្រណាំងអស់រយៈពេលជាង២ឆ្នាំ ដោយសារតែកូវីដ-១៩ គ្រោងនឹងរៀបចំចំនួន៣ព្រឹត្តិការណ៍ ដើម្បីបំផុសវិស័យកីឡាប្រណាំងយានយន្ត ផ្សព្វផ្សាយពីបរិស្ថាន និងតំបន់សក្តានុពលទេសចរណ៍ ។