(កណ្តាល)៖ ក្រុមជើងខ្លាំងប្រចាំខេត្តកណ្តាល តំណាងឱ្យខេត្តចូលរួមប្រកួតកីឡាមហាជនជ្រើសរើសជើងឯកថ្នាក់ជាតិប្រចាំឆ្នាំ២០២៥ ដែលរៀបចំដោយក្រសួងអប់រំយុវជននិងកីឡា បានរកឃើញហើយ ក្រោយប្រើពេលប្រកួតចម្រាញ់អស់រយៈពេល៧ថ្ងៃ លើ៣ប្រទេសកីឡា មានបាល់ទាត់ បាល់បោះ និងបាល់ទះ។ លោក ចេង សំអុល ប្រធានមន្ទីរអប់រំយុវជននិងកីឡាខេត្តកណ្តាល បានគូសបញ្ជាក់ថា ការប្រកួត កីឡាមហាជន ជ្រើសរើសជើងឯកថ្នាក់ខេត្ត ប្រចាំឆ្នាំ២០២៥ បានប្រព្រឹត្ត ទៅចាប់ពីថ្ងៃទី២២ ដល់ថ្ងៃទី២៨ ខែមេសា ឆ្នាំ២០២៥ ទទួលបានការចុះបញ្ជី ប្រកួតតាមរយៈការដាក់ ពាក្យសុំប្រកួតពី សមាគម និងក្លឹបកីឡា នានា តាមបណ្តាក្រុង ស្រុក ក្នុងខេត្ត មានដូចខាងក្រោម ៖ផ្នែកកីឡាបាល់ទាត់ យុវជន មាន ១០ក្រុម សរុបចំនួន ២០០នាក់ ២-ផ្នែកកីឡាបាល់ទះ សរុបមាន ០៩ក្រុម ដែលមាន ៖ បុរស ០៤ក្រុម និងនារី០៥ក្រុម សរុបចំនួន ១០៨នាក់ នារី ៦០នាក់ ។ ៣-ផ្នែកកីឡាបាល់បោះ សរុបមាន…

(ភ្នំពេញ)៖តបតាមការអញ្ជើញរបស់ស្ថាប័នអឺម៉ីលេជិន E-Mei Legend ដែលជាស្ថាប័នរៀបចំការប្រកួតកីឡាយុទ្ធគុនដ៏ធំបំផុតមួយ (Top3) របស់ចិន ព្រឹកថ្ងៃច័ន្ទ ទី២៨ ខែមេសា ឆ្នាំ២០២៥ នាទីក្រុងផឹងចូវ (PengZhou) ចំណុះក្រុងឆឹងទូ (ChengDu) ខេត្តស៊ីឈួន (SiChuan) សាធារណៈរដ្ឋប្រជាមានិតចិន។ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរបានធ្វើទស្សនកិច្ច និងចូលរួមពិភាក្សាអំពីកិច្ចសហប្រតិបត្តិការរវាងស្ថាប័នយុទ្ធគុនចិន និងគុនខ្មែរ សហការរៀបចំព្រឹត្តិការណ៍ប្រកួតគុនខ្មែរនៅព្រះរាជាណាចក្រកម្ពុជា និងប្រទេសចិន ផ្លាស់ប្តូរកីឡាករ គ្រូបង្វឹក ផ្លាស់ប្តូរបច្ចេកទេសបទពិសោធន៍ ការអភិវឌ្ឍន៍ជំនាញវិទ្យាសាស្ត្រកីឡា ព្រមទាំងជំរុញការផ្សារភ្ជាប់កីឡា សិល្បៈវប្បធម៌ និងទេសចរណ៍ទៅវិញទៅមក ដើម្បីទាក់ទាញអ្នកវិនិយោគ និងភ្ញៀវទេសចរប្រទេសទាំងពីរ។ ក្នុងឱកាសនោះ ឯកឧត្តម ប្រធានប្រធានសហព័ន្ធកីឡាប្រដាល់គុនខ្មែរ បានចុះអនុស្សរណៈយោគយល់គ្នា ររវាងសហព័ន្ធកីឡាប្រដាល់គុនខ្មែរ និង ស្ថាប័ន E-Mei Legend ស្តីពីកិច្ចសហប្រតិបត្តិការយុទ្ធសាស្ត្រព្រឹត្តិការណ៍កីឡាយុទ្ធគុន និងការផ្លាស់ប្តូរវប្បធម៌ វិនិយោគនិងទេសចរណ៍ ក្រោមអធិបតីភាពលោកអភិបាលក្រុងផឹងចូវ ចំណុះក្រុងឆឹងទូ នៃខេត្តស៊ីឈួន សាធារណៈរដ្ឋប្រជាមានិតចិន។ ទន្ទឹមនឹងនោះ ស្ថាប័ន E-Mei Legend បានស្នើសុំបង្កើតក្លឹបប្រដាល់គុនខ្មែរទី១…

ភ្នំពេញ៖ ឯកឧត្តម លី កុសល រដ្ឋលេខាធិការ ក្រសួងការពារជាតិ និងជាប្រធានសហព័ន្ធកីឡាវាយសីកម្ពុជា អមដំណើរដោយឧត្តមសេនីយ៍ត្រី កែវ រស់ អគ្គលេខាធិការសហព័ន្ធ បានអញ្ជើញចូលរួមមហាសន្និបាតប្រចាំឆ្នាំរបស់សហព័ន្ធកីឡាវាយសី BA និង BWF នៅទីក្រុងXiemen សាធារណៈរដ្ឋប្រជាមានិតចិន ថ្ងៃទី២៤-២៧ ខែមេសា ឆ្នាំ២០២៥ មានសមាជិកមកពីប្រទេសផ្សេងៗគ្នា ចំនួន២០២។ កម្មវិធីមហាសន្និបាតរបស់សហព័ន្ធកីឡាវាយសីអាស៊ី៖ អនុវត្តដូចបណ្តាឆ្នាំកន្លងមក គឺមានគណៈកម្មាធិការផ្សេងៗចំណុះ ឡើងធ្វើរបាយការណ៍វឌ្ឍនភាពឆ្នាំរៀងៗខ្លួន ព្រមទាំងបានលើកបង្ហាញអំពីចំណូលចំណាយ ស្ថានភាពថិវការបស់ស្ថាប័ន និងការឧបត្ថម្ភដល់សមាជិករបស់ខ្លួន។ របាយការណ៍សកម្មភាពទាំងអស់ បានអនុម័តដោយអង្គមហាសន្និបាតទាំងស្រុង។ ថ្ងៃទី២៥ ខែមេសា ជាវេទិកាជួបជាមួយសមាជិក ដោយមានវាគ្មិនឆ្នើមៗឡើងចែករំលែកបទពិសោធន៍ វេទិកានេះជាឱកាសជួបជុំ បង្កើតភាពស្និទ្ទស្នាលរវាងសមាជិកមកពីប្រទេសផ្សេងៗគ្នា ចំនួន២០២។ ចំណែកបទបង្ហាញសំខាន់ៗថ្ងៃទី២៦ មាន សមត្ថភាពការងាររបស់សមាជិក (Member Capacity) និរន្តរភាពការងារ (Sustainability) បញ្ជ្រៀបការងារវាយសី (Inclusive badminton) និង នវានុវត្តន៍ (Innovation)។ ថ្ងៃទី២៧ ខែមេសា កម្មវិធីមហាសន្និបាតរបស់សហព័ន្ធកីឡាវាយសីពិភពលោក ក្រោយពីគណៈកម្មាធិការចំណុះផ្សេងៗ…

(ភ្នំពេញ)៖ វិទ្យាស្ថានខេមអេដបានបើកការប្រកួតកីឡាបាល់ទាត់ក្នុងសាល (CamEd Women’s Futsal Tournament 2025) រដូវកាល ២០២៥ ដើម្បីស្វែងរកក្រុមជើងឯកប្រចាំគ្រឹះស្ថានឧត្តមសិក្សាមួយនេះ ក្នុងគោលដៅស្វែងរកធនធានឆ្នើមៗ ត្រៀមចូលរួមប្រកួតប្រជែង ក្នុងការប្រកួតកីឡាសាកលវិទ្យាល័យថ្នាក់ជាតិ នាពេលខាងមុខ ក្រោមការរៀបចំរបស់ក្រសួងអប់រំ យុវជន និងកីឡា។ អ្នករៀបចំការប្រកួតកីឡាបាល់ទាត់ក្នុងសាលនារីរបស់វិទ្យាស្ថានខេមអេដ បានឱ្យដឹងថា ការប្រកួតនេះត្រូវប្រព្រឹត្តឡើងរៀងរាល់ចុងសប្តាហ៍ ដែលចាប់ពីថ្ងៃបើកការប្រកួតនេះរហូតដល់ ថ្ងៃទី២៤ ខែឧសភា ឆ្នាំ២០២៥។ ក្នុងការប្រកួតរដូវកាល២០២៥នេះ និស្សិតនារីរបស់វិទ្យាស្ថានបានចូលរួមយ៉ាងផុសផុល ដោយវិទ្យាស្ថានកៀរគរបានកីឡាការិនី ដែលជានិស្សិតនារីរបស់ខ្លួនចូលរួមបានចំនួន ១០៤នាក់ ត្រូវជា១០ក្រុម ហើយត្រូវបានបែងចែកជា២ពូល។ ក្រុមបាល់ទាត់នារីទាំង១០នេះ មានដូចជា ក្រុម Xiongmei FT, The Deva, SCG, CamEd FC, Fearless , Supernova, Powerpuff Girls, Shining Stars, Kokoma និងក្រុម Wildcats ដែលជាក្រុមការពារម្ចាស់ដំណែងជើងឯកកាលពីរដូវកាលមុន។ គោលបំណងចម្បងនៃការប្រកួតនេះ ខេមអេដ តែងតែរៀបចំឡើងជារៀងរាល់ឆ្នាំ…

(ភ្នំពេញ)៖ មន្រ្តីជាន់ខ្ពស់ក្រសួងអប់រំយុវជនិងកីឡា និងមន្រ្តីជាន់ខ្ពស់ក្រសួងវប្បធម៌និងវិចិត្រសិល្បៈ នាព្រឹកថ្ងៃទី២៥ ខែ មេសា ឆ្នាំ២០២៥ បានជួបជជែកពិភាក្សាគ្នាលើ រឿងនាំយកទស្សនីយ៍ភាពសិល្បៈខ្មែរទៅសម្តែង ក្នុងពិធីទទួលទង់បន្តវេនរៀបចំការប្រកួតកីឡាយុវជនអូឡាំពិកយុវជនអាស៊ីពីប្រទេសប៉ារ៉ែនមករៀបចំក្នុងឆ្នាំ២០២៩នៅព្រះរាជាណាចក្រកម្ពុជា។ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការគណៈកម្មាធិការជាតិអូឡាំពិកកម្ពុជា បានថ្លែងថា ការជួបជជែកពិភាក្សាគ្នារវាងក្រសួងអប់រំ និងក្រសួងវប្បធម៌នាពេលនេះ គឺបានផ្តោតលើ២ចំណុចសំខាន់ៗ ទី១-ពាក់ព័ន្ធនឹងខ្លឹមសារ និងទស្សនទាន ដែលជាសារត្រូវបង្ហាញតាមរយៈទស្សនីយ៍ភាព ដែលត្រូវសម្ដែងអបអរសាទរពិធីទទួលទង់កីឡាយុវជនអាស៊ី ក៏ដូចជាការស្វាគមន៍ប្រតិភូបណ្ដាប្រទេសក្នុងទ្វីបអាស៊ី មកកាន់ប្រទេសកម្ពុជា ដែលជាម្ចាស់ផ្ទះបន្ដវេនពីប្រទេសបារ៉ែន នាឆ្នាំ២០២៩ និងទី២ គឺការបែងចែកតួនាទីភារកិច្ចទទួលខុសត្រូវ រវាងក្រសួងអប់រំ និងក្រសួងវប្បធម៌។ ឯកឧត្តម រដ្ឋលេខាធិការ បានគូសបញ្ជាក់ទៀតថា ទស្សនីយ៍ភាព និងខ្លឹមសារសំខាន់ៗ ដែលត្រូវត្រៀមរៀបចំ ទី១-ការបង្ហាញនូវវប្បធម៌ជាតិរបស់យើង, ទី២-ការបង្ហាញនូវទេសចរណ៍ ដែលជាលក្ខណៈពិសេសនៃទេសចរណ៍ឯករបស់ប្រទេសយើង និងទី៣-ពាក់ព័ន្ធនឹងកីឡា ហើយកីឡានេះ ទាក់ទងនឹងកីឡាយុវជន ដែលមានយុវវ័យក្រោម ១៨ឆ្នាំ។ នេះគឺជាខ្លឹមសាររួម ដែលត្រូវផ្ដោតការយកចិត្តទុកដាក់ និងត្រៀមរៀបចំនូវការសម្ដែងរយៈពេល ១០នាទីក្នុងព្រឹត្តិការណ៍ដ៏សំខាន់នេះ។ជាមួយគ្នាក្រសួងអប់រំ ក៏ត្រៀមធ្វើការស្នើសុំគោលការណ៍ទៅប្រមុខរាជរដ្ឋាភិបាលកម្ពុជា ដើម្បីត្រៀមរៀបចំនូវពិធីដង្ហែទង់ បន្ទាប់ពីប្រតិភូនាំទង់កីឡាយុវជនអាស៊ី លើកទី៤…