ខេត្តកែប៖ ឯកឧត្តម កែ ប៊ុនខៀង រដ្ឋលេខាធិការក្រសួងអប់រំយុវជន និងកីឡា តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជន និងកីឡា អញ្ជើញចូលរួមក្នុងពិធីរត់ភ្លើងគប់ អបអរសាទរការប្រកួតកីឡាជាតិលើកទី៤ និងកីឡាជាតិជនពិការលើកទី២ ឆ្នាំ២០២៤ នាព្រឹកថ្ងៃទី០៥ ខែតុលា ឆ្នាំ២០២៤ នៅមុខសាលាខេត្តកែប។ ជាមួយគ្នានោះដែរក៏មានការអញ្ជើញចូលរួមពីឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប មន្រ្តីខេត្ត មន្រ្តីប្រតិភូក្រសួង ស្ថាប័ន កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និស្សិត និងប្រជាពលរដ្ឋជាច្រើននាក់។ សូមបញ្ជាក់ថា ខេត្តកែប ទទួលបានសិទ្ធជាម្ចាស់ផ្ទះរៀបចំការប្រកួតកីឡាទ្រីយ៉ាត្លុង ដែលចាប់ផ្តើមពីថ្ងៃទី២៩ ខែតុលា ដល់ថ្ងៃទី០៨ ខែវិច្ឆិកា ឆ្នាំ២០២៤៕ ចាន់ វិចិត្រ

ឯកឧត្តម ជា បូរ៉ា រដ្ឋមន្រ្តីប្រតិភូអមនាយករដ្ឋមន្ត្រី និងជាអគ្គលេខាធិការសហព័ន្ធវាយកូនគោលកម្ពុជា និងសហការី បានជួបពិភាក្សាការងារជាមួយ លោក Tian xiaojun អនុប្រធានសហព័ន្ធកីឡាវាយកូនគោលជាតិប្រទេសចិន និងលោកLi Jinliang ប្រធានគណៈកម្មាការប្រកួតកីឡាករអាជីពបុរស សហព័ន្ធកីឡាវាយកូនគោលជាតិប្រទេសចិន ក្នុងឱកាសនៃព្រឹត្តិការណ៍កិច្ចសន្ទនា ការអភិវឌ្ឍន៍រួមនៃសហព័ន្ធកីឡាវាយកូនគោលអន្តរជាតិចិន-អាស៊ាន ២០២៤ និងការអញ្ជើញប្រកួតកីឡាវាយកូនគោលអន្តរជាតិចិន-អាស៊ាន ស្របពេលដែលទីក្រុង Naning កំពុងរៀបចំព្រឹត្តិការណ៍ China Asean Expo លើកទី២១ ។ ក្នុងឱកាសនៃទំនួបទ្វេរភាគីនេះ ឯកឧត្តមអគ្គលេខាការសហព័ន្ធកីឡាវាយកូនគោលជាតិ ទាំងពីរ បានផ្លាស់ប្តូរយោបល់យ៉ាងស៊ីជម្រៅលើវិស័យកូនគោល ដូចជា ការបណ្តុះបណ្តាល យុវជនថ្នាល និងកីឡាករជម្រើសជាតិ ការបណ្តុះបណ្តាល អាជ្ញារកណ្តាល នឹង គ្រូបង្វឹក មន្ត្រីបច្ចេកទេសបញ្ជូនកីឡារកមកប្រកួតដើម្បីអភិវឌ្ឍសម្ថភាព និងរៀបចំការប្រកួតដើម្បីអោយមានការផ្សារភ្ជាប់ធុរកិច្ច និងពព្រឹងសមត្ថភាពកីឡាការ ៕ រូបភាព ៖ សហព័ន្ធ

វគ្គបណ្តុះបណ្តាលគ្រិកឃីតកម្រិតមូលរដ្ឋានដែលរៀបចំដោយសហព័ន្ធកីឡាគ្រិកឃីតកម្ពុជា ក្រោមថវិកាឧបត្ថម្ភគាំទ្ររបស់ក្រសួងអប់រំយុវជននិងកីឡារយៈពេល៤ចាប់ពីថ្ងៃទី២៦ដល់ថ្ងៃ២៩ ខែ កញ្ញា ឆ្នាំ២០២៤ បានបញ្ចប់ជាផ្លូវការ ដោយសិក្ខាកាម៩៥%ត្រូវបានធ្វើតេសសមត្ថភាពជាប់ជាស្ថាពរ។ វគ្គបណ្តុះបណ្តាលកម្រិតមូលរដ្ឋាននេះ មានសិក្ខាកាមចូលរួមចំនួន៣០នាក់មកពីបណ្តាលរាជធានីខេត្តចំនួន៣ មានក្លិបចំនួន៧ កម្ពុជា៤ និងក្លិបបរទេសក្នុងស្រុកចំនួន៣។ លោក នូ សុផល អគ្គលេខាធិការ សហព័ន្ធកីឡាគ្រិកឃីតកម្ពុជា បានថ្លែងលើកឡើងថា ការរៀបចំចំវគ្គបណ្តុះបណ្តាលចៅក្រម អាជ្ញាកណ្តាលគ្រិកឃីតកម្រិតមូលរដ្ឋាននេះ មានគោលបំណងផ្តល់ចំណេះដឹងដល់មន្រ្តីបច្ចេកទេស គ្រូបង្វឹក កីឡាករកីឡាការិនីឱ្យកាន់តែយល់ដឹងបន្ថែមអំពីច្បាប់តួនាទីភារកិច្ចរបស់ចៅក្រម អាជ្ញាកណ្តាល ការរៀបចំនៅទីលានប្រកួត និង ផែនការយុទ្ធសាស្រ្តតួនាទីជាគ្រូបង្វឹក។ លោក អគ្គលេខាធិការ អះអាងទៀតថា សម្រាប់៥មុខវិជ្ជា ដែលជាមេរៀបយកមកបង្ហាត់បង្រៀនដោយគ្រូជំនាញរយៈពេល៤ថ្ងៃនេះ សិក្ខាកាមប្រមាណជា ៩៥%ភាគរយនៃសិក្ខាកាមសរុប គឺត្រូវបានធ្វើតេសមត្ថភាពយល់ដឹងយ៉ាងច្បាស់អំពីមុខវិជ្ជាដែលគ្រូបានបង្ហាត់ ទាំងអស់នេះ បានសរបញ្ជាក់ឱ្យឃើញថា សិក្ខាកាមជាមន្រ្តីបច្ចេកទេស គ្រូបង្វឹក និងកីឡាករកីឡាការិនី នឹងនាំយកចំណេះជំនាញទៅចែករំលែកបន្តដល់បណ្តាលក្លិបប្រកបដោយគុណភាព។ លោក អគ្គលេខាធិការ បានគូសបញ្ជាក់ទៀតថា បន្ទាប់ពីបញ្ចប់វគ្គបណ្តុះបណ្តាលកម្រិតមូលនេះទៅ សហព័ន្ធនឹងបើកវគ្គផ្សេងទៀតជាបន្តបន្ទាប់ជូនមន្រ្តី គ្រូបង្វឹក កីឡាករកីឡាការិនី ដើម្បីអភិវឌ្ឍន៍សមត្ថភាពក្លាយជាធនធានកម្រិតអន្តរជាតិ។ ពិសេស គឺពង្រីកធនធានគ្រិកឃីតនៅកម្ពុជាឱ្យមានកាន់តែច្រើនឆ្លើយតបការប្រកួតកម្រិតអន្តរជាតិ។ សូមបញ្ជាក់ថា វគ្គបណ្តុះបណ្តាលវគ្គចៅក្រម អាជ្ញាកណ្តាលគ្រិកឃីតកម្រិតមូលរដ្ឋាននេះ មានសិក្ខាកាម…

ព្រឹត្តិការណ៍កីឡាអេឡិចត្រូនិកចិន-អាស៊ាននេះរៀបចំឡើងដោយសហព័ន្ធកីឡាអេឡិចត្រូនិកអាស៊ី។ លទ្ធផលសង្ខេប សន្សំពិន្ទុក្នុងពូល-កម្ជុជា ឈ្នះ ហ្វីលីពីន ១-០-កម្ពុជា ឈ្នះ ចិន ១-០វគ្គពាក់កណ្តាលផ្តាច់ព្រ័ត្រ-កម្ពុជា ឈ្នះ មីយ៉ាន់ម៉ា ២-១វគ្គផ្តាច់ព្រ័ត្រ-កម្ពុជា ឈ្នះ ម៉ាឡេស៊ី ២-០៕ ចាន់ វិចិត្រ

កីឡាករចំបាប់ ហេង រ័ត្នថា (អាវស) ឈ្នះកីឡាករមកពី American Samoa វគ្គផ្ដាច់ព្រ័ត្រ ក្រសោបបានមេដាយមាសព្រឹត្តិការណ៍កីឡាចំបាប់ជើងឯកអាស៊ីអាគ្នេយ៍ និង អូសេអានី។ រ័ត្នថា ឈ្នះមេដាយមាសលើវិញ្ញាសាសេរីទម្ងន់៩២គីឡូក្រាម។ ការចូលរួមរបស់កម្ពុជាត្រូវបានឧបត្ថម្ភទាំងស្រុងដោយលោក Casey Barnett ដែលជាប្រធានគណៈកម្មាធិការកីឡាចំបាប់អាស៊ីអាគ្នេយ៍ និងជាអនុប្រធានសហព័ន្ធកីឡាចំបាប់កម្ពុជា៕ ចាន់ វិចិត្រ