(ភ្នំពេញ)៖ មន្ទីរអប់រំយុវជននិងកីឡាខេត្តកណ្តាល បានប្រកាសថា នឹងរៀបចំការប្រកួតកីឡាមហាជនជ្រើសរើសឯកខេត្តកណ្តាល ដើម្បីចម្រាញ់ជ្រើសរើសក្រុមជើងឯកលើ៣ប្រភេទកីឡា រួមមាន បាល់ទាត់ បាល់បោះ និងបាល់ទះ តំណាងខេត្តកណ្តាលត្រៀមចូលរួម ការប្រកួតកីឡាមហាជនជ្រើសរើសជើងឯកទូទាំងប្រទេសដែលរៀបចំដោយក្រសួងអប់រំយុវជននិងកីឡាក្នុងឆ្នាំ២០២៥ខាងមុខនេះ។ តាមការបញ្ជាក់ របស់លោក ពៅ វណ្ណា ប្រធានការិយាល័យកីឡានៃមន្ទីរអប់រំយុវជននិងកីឡា បានឱ្យដឹងថា ការប្រកួតកីឡាមហាជនជ្រើសរើសជើងឯកខេត្តកណ្តាល ប្រចាំឆ្នាំ២០២៥នេះ នឹងដំណើរប្រកួតរយៈពេល៧ថ្ងៃ ចាប់ពីថ្ងៃទី២២ដល់ថ្ងៃទី២៨ ខែ មេសា ឆ្នាំ២០២៥ ។ សម្រាប់៣ប្រភេទកីឡានេះ បាល់ទាត់មាន ១០ ក្រុមរួមមានក្រុមបាល់ទាត់ SCV FC ក្រុមបាល់ទាត់ ME FC ក្រុមបាល់ទាត់ ព្រះនរាយ៍ FC ក្រុមបាល់ទាត់ បក្សីក្រហម ក្រុមបាល់ទាត់ ៩៩៩ យុវក្រុមបាល់ទាត់ វិទ្យាល័យ ជ័យវរ័ន្មទី៧ ក្រុមបាល់ទាត់ យុវជន វត្តសិរីបន្ទាយដែក ក្រុមបាល់ទាត់ យុជន ស្រុកកណ្តាលស្ទឹង ក្រុមបាល់ទាត់ យុវជន លើកដែក និងក្រុមបាល់ទាត់ តាខ្មៅស្រុកយើង…

(ភ្នំពេញ)៖ ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជន និងកីឡា និងជាអគ្គលេខាធិការ គណៈកម្មាធិកាជាតិអូឡាំពិកកម្ពុជា នាព្រឹកថ្ងៃទី១១ ខែ មេសា ឆ្នាំ២០២៥នេះ បានកោះប្រជុំជាមួយសហព័ន្ធកីឡាជាតិទាំង១៧ដែលត្រៀមលក្ខណៈបញ្ជូនអត្តពលិកចូលរួមប្រកួតកីឡាយុវជនអាស៊ី លើកទី៣ នៅប្រទេសបារ៉ែន នាខែតុលា ឆ្នាំ២០២៥ ខាងមុខ ។ ឯកឧត្តម វ៉ាត់ ចំរើន បានគូសបញ្ជាក់ថា ការជួបជុំជាមួយមន្ដ្រីថ្នាក់ដឹកនាំ និងមន្ដ្រីបច្ចេកទេសសហព័ន្ធកីឡាជាតិនាពេលនេះ គឺមានគោលដៅបញ្ជ្រាបព័ត៌មាន ក៏ដូចជាពិនិត្យលើកិច្ចការងារសំខាន់ៗ ដែលត្រូវពន្លឿនការងាររៀបចំ ក៏ដូចជាការពង្រឹងការត្រៀមលក្ខណៈឲ្យបានកាន់តែប្រសើរ លើលិខិតស្នាមផ្សេងៗ ព្រមទាំងការរៀបចំប្រតិភូ គ្រូបង្វឹក និងកីឡាករ-កីឡាការិនី សម្រាប់ធ្វើការចុះឈ្មោះចូលរួម។ ឯកឧត្តម អគ្គលេខាធិការ បានរំលេចទៀតថា ក្រៅពីការត្រៀមលក្ខណៈចូលរួមប្រកួតរបស់ប្រតិភូកីឡាកម្ពុជា ក៏បានផ្ដោតសំខាន់សម្រាប់ការត្រៀមលក្ខណៈទទួលទង់ធ្វើម្ចាស់ផ្ទះបន្ដវេន បន្ទាប់ពីបារ៉ែន សម្រាប់ការប្រកួតកីឡាយុវជនអាស៊ី លើកទី៤ ដែលនឹងរៀបចំនៅប្រទេសកម្ពុជា ឆ្នាំ២០២៩ ។ ដូច្នេះក្រៅពីការបញ្ជូនប្រតិភូកីឡា កម្ពុជាក៏នឹងត្រៀមរៀបចំនូវប្រតិភូផ្នែកសិល្បៈ និងវប្បធម៌ ដើម្បីសម្ដែងស្វាគមន៍ទទួលបណ្ដាប្រទេសផ្សេងៗ មកកាន់ប្រទេសកម្ពុជា នាឆ្នាំ២០២៩ ផងដែរ។ សូមជម្រាប់ថា ការប្រកួតកីឡាយុវជនអាស៊ី…

(ភ្នំពេញ)៖ ក្នុងពិធីបិទបញ្ចប់វគ្គបំប៉នសមត្ថភាពគណៈវិនិច្ឆ័យគ្រប់គ្រងការប្រកួតកីឡាប្រដាល់គុនខ្មែរ នាល្ងាចថ្ងៃទី១០ ខែ មេសា ឆ្នាំ២០២៥ ឯកឧត្តម តែម ម៉ឺន អនុរដ្ឋលេខាធិការ ក្រសួងការពារជាតិ និងជាអនុប្រធានកិត្តិយស សហព័ន្ធកីឡាប្រដាល់គុនខ្មែរ បានថ្លែងជំរុញ ដល់សិក្ខាកាមថា ត្រូវយកចំណេះជំនាញថ្មីៗពាក់ព័ន្ធគណៈវិនិច្ឆ័យដែលបានរៀនសូត្រពីគ្រូឧទ្ទេសទៅប្រើប្រាស់ប្រកបដោយវិជ្ជាជីវៈក្រមសិលធម៌ ដើម្បីចូលរួមលើកកម្ពស់គុណភាពប្រដាល់គុនខ្មែរដែលជាកីឡាអត្តសញ្ញាណជាតិ។ ឯកឧត្តម អនុប្រធានកិត្តិយស បានរំលេចទៀតថា ស្នងការប្រកួតគណៈវិនិច្ឆ័យក្នុងការកាត់សេចក្តីត្រូវប្រុងប្រយ័ត្នបំផុត ព្រោះមានការឆ្គាំឆ្គងបន្តិចបន្តួច និងត្រូវមហាជនដាក់សម្ពាតថា មិនសុក្រិតយុត្តិធម៌ ដូច្នោះ សូមប្រើប្រាស់ជំនាញវិជ្ជាជីវៈកាត់សេចក្តីឱ្យច្បាស់លាស់ និងអនុវត្តច្បាប់វិនិច្ឆ័យក្នុងស្តង់ដាតែមួយ ដើម្បីលើកកម្ពស់គុណតម្លៃក្រមសិលធម៌ជាគណៈវិនិច្ឆិដែលអនុវត្តការងារតាមចំណេះជំនាញដែលបានរៀនសូត្រ។ ឯកឧត្តម បានជំរុញទៀតថា ក្នុងនាមជាគណៈវិនិច្ឆ័យមួយរូបពេលបំពេញភារកិច្ចទី១ត្រូវបញ្ចេញសមត្ថភាពឱ្យអស់ធ្វើដោយឆន្ទៈប្រកាន់ភ្ជាប់នូវវិន័យ ក្រមសិលធម៌នៃវិជ្ជាជីវៈដែលជាស្នងការប្រកួតនិងជាប្រធានវិនិច្ឆ័យសម្រាប់ការប្រកួត ពិសេស ត្រូវរក្សាសាមគ្គីក្នុង ក្នុងក្រម ដើម្បីឱ្យការផ្តល់ពិន្ទុទៅសមស្របនិងអាចទទួលយកបានសមហេតុសមផលធ្វើឱ្យមហាជន និងកីឡាករបរទេសមកប្រកួតពេញចិត្តនិងឯកភាពទទួលយក។ តាមរបាយការណ៍ វគ្គបំប៉នសមត្ថភាពនេះ ត្រូវបានរៀបចំឡើង ក្រោមការគាំទ្ររបស់ក្រសួងអប់រំ យុវជន និងកីឡា ក្នុងការពន្លឿនផែនការអភិវឌ្ឍប្រចាំឆ្នាំដល់សហព័ន្ធកីឡាជាតិ។បានរៀបចំឡើងរយៈពេល៥ថ្ងៃពីថ្ងៃទី០៧-១១ ខែមេសា ឆ្នាំ២០២៥ នៅសាលមជ្ឈមណ្ឌលកីឡាកងយោធពលខេមរភូមិន្ទ (ស្តាតចាស់) ក្រោមការចែករំលែកពីគ្រូឧទ្ទេសចំនួន៣រូប រួមមាន៖ ឯកឧត្តម ម៉ិល កាដូ, លោក ទុយ…

(ភ្នំពេញ)៖ លោក ងិន សុខបញ្ញា អគ្គលេខាធិការ សហព័ន្ធកីឡាទ្រីយ៉ាត្លុងកម្ពុជាបានបង្ហាញក្តីរំពឹងថា ប្រភេទកីឡាទ្រីយ៉ាត្លុងកម្ពុជាដែលកំពុងដំណើរបោះជំរំហ្វឹកហាត់បំប៉នបចេ្ចកទេស ក្នុងខែមេសានេះនឹងអាចការពារមេដាយមាស១វិញ្ញាសាបាន ក្នុងការប្រកួតកីឡាស៊ីហ្គេម លើកទី៣៣ នាខែធ្នូ ឆ្នាំ២០២៥ នៅប្រទេសថៃ បន្ទាប់ពីប្រភេទកីឡាអូឡាំពិកមួយនេះដណ្តើមបានសមិទ្ធផលធំធេងជាប្រវត្តិសាស្ត្រនូវមេដាយមាស ២គ្រឿង និងសំរឹទ្ធ ១គ្រឿង ក្នុងនាមជាម្ចាស់ផ្ទះ ស៊ីហ្គេម លើកទី៣២ កាលពីឆ្នាំ២០២៣ កន្លងទៅ ។ អគ្គលេខាធិការរូបនេះបន្ថែមថា ការប្រមូលផ្តុំហ្វឹកហាត់របស់ប្រភេទកីឡាទ្រីយ៉ាត្លុង នៅក្នុងចំណោមប្រភេទកីឡាផ្សេងទៀតរបស់កម្ពុជា គឺក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា តាមរយៈមជ្ឈមណ្ឌលជាតិហ្វឹកហ្វឺនកីឡា។ ក្រុមជម្រើសជាតិទ្រីយ៉ាត្លុងកម្ពុជា ដែលប្រមូលផ្តុំហ្វឹកហាត់ត្រៀមនេះ មានចំនួន ១០នាក់ ក្នុងនោះគ្រូបង្វឹកម្នាក់ គ្រូជំនួយម្នាក់ កីឡាការិនី៣នាក់ និងកីឡាករ ៥នាក់ ។ ចំពោះបេក្ខភាពម្ចាស់មេដាយមាស២គ្រឿងលើវិញ្ញាសាទ្រីយ៉ាត្លុងស៊ីហ្គេម ឆ្នាំ២០២៣ គឺកីឡាការិនី ម៉ាហ្គតមរតក ហ្គារ៉ាប៊ីធៀន និងម្ចាស់មេដាយប្រាក់វិញ្ញាសាឌូយ៉ាត្លុង ស៊ីហ្គេម ឆ្នាំ២០២៣ កីឡាករ សុខា ម៉ៃគែល ចូម៉ុន នឹងត្រូវចូលរួមប្រកួតក្នុងការប្រកួតកីឡាស៊ីហ្គេម លើកទី៣៣ នៅប្រទេសថៃ…