(ភ្នំពេញ)៖ លោក ឯម ហៀង ទីប្រក្សាប្រចាំការ គណៈកម្មាធិការជាតិអូឡាំពិកកម្ពុជា និង គណៈគ្រប់គ្រងវគ្គរដ្ឋបាលកីឡា បានថ្លែង លើកឡើងថា វគ្គរដ្ឋបាលកីឡា គឺជា​ផ្នែកមួយដែលមានសារៈសំខាន់ខ្លាំងណាស់ចំពោះផែនការអភិវឌ្ឍសហព័ន្ធកីឡាជាតិឈានទៅរកសក្កានុពល ព្រោះវគ្គនេះ គឺផ្តល់ជូនតែសម្រាប់ថ្នាក់ដឹកនាំ និងមន្រ្តី​បច្ចេក​​ទេសរបស់សហព័ន្ធកីឡាជាតិតែប៉ុណ្ណោះ។ ក្នុងន័យនេះ លោកចង់បញ្ជាក់ថា ផែនការអភិវឌ្ឍនៅក្នុងសហព័ន្ធកីឡាជាតិចាំបាច់ណាស់ថ្នាក់ដឹកនាំក៏ដូចជាមន្រ្តីបច្ចេកទេសយល់ដឹងបានកាន់តែច្បាស់ផែនការដឹកនាំ ដើម្បីទម្រង់ទិសឱ្យសហព័ន្ធរបស់​ខ្លួន​ក្លាយជាសហ័ន្ធមួយរីកម្រើននិងមានគុណភាព។ ការលើកឡើងរបស់ គណៈគ្រប់គ្រងវគ្គរូបនេះ បានធ្វើឡើង នៅក្នុងបទសម្ភាសន៍ ប្រាប់អ្នកយកព័ត៌មានទូរទស្សន៍អប្សរា ក្រោយបញ្ចប់ បទបង្ហាញថ្ងៃដំបូងនៃវគ្គ​រដ្ឋបាលកីឡា នាអាគារគណៈកម្មាធិការជាតិអូឡាំពិកកម្ពុជា។ លោក ឯម ហៀង បានពន្យល់ទៀតថា វគ្គសិក្សាសាមគ្គីអូឡាំពិក គឺជាគម្រោង​ឧបត្ថម្ភ​របស់អង្គការសាមគ្គីអូឡាំពិកអន្តរជាតិ មានគោលដៅបណ្តុះ​បណ្តាល​បង្កើនចំណេះដឹងថ្នាក់ដឹកនាំដល់ថ្នាក់ដឹកនាំ និងមន្រ្តីបច្ចេកទេសកីឡា ហើយ​នៅក្នុងការសិក្សាបានផ្តោតសំខាន់ទៅលើ៤ចំណុចធំៗមានដូចជា៖ ១.វេជ្ជសាស្រ្តកីឡា ដើម្បីយល់ដឹងអំពីវិធីការពារនិងបង្កាគ្រោះថ្នាក់ពេលហ្វឹកហាត់​និងប្រកួត ពិសេស គឺការយល់ដឹងពីការសង្រ្គោះបឋម។២. ការរៀបចំព្រឹត្តិការណ៍​កីឡា ដើម្បីឱ្យអ្នករៀបចំយល់ដឹងលើការរៀបចំនិងយល់ដឹងនូវរូបមន្តប្រកួត។៣. សារធាតុដូពីងដែលជាសារធាតុហាមឃាត់ក្នុងវិស័យកីឡា ដើម្បីយល់ដឹងរួចនាំយក​ទៅផ្សព្វផ្សាដល់កីឡាករកីឡាការិនី។៤. គុណធម៌ក្នុងវិស័យកីឡា ដែលជាមូល​រដ្ឋាន​គ្រឹះនៅក្នុងចលនាកីឡាអូឡាំពិកកម្ពុជា មានដូចជា ការលេងនិងប្រកួតដោយ​យុត្តិធម៌ និងផែនការហ្វឹកហាត់សម្រាប់កីឡាករកម្រិតខ្ពស់។ គួរឱ្យដឹងដែរថា វគ្គរដ្ឋបាលកីឡាដែលរៀបចំដោយគណៈកម្មាធិការជាតិ​អូឡាំពិក​កម្ពុជា​នេះ ចាប់ផ្តើមពីថ្ងៃទី១៥ដល់ថ្ងៃទី១៨ ខែ កញ្ញា ឆ្នាំ២០២៥…

(ភ្នំពេញ)៖ យប់ថ្ងៃទី១៤ ខែកញ្ញា ឆ្នាំ ២០២៥ ក្រុមកីឡាអេឡិចត្រូនិកអ្នកចម្បាំងអង្គរ បានធ្វើដំណើរទៅចូលរួមប្រកួតក្នុងព្រឹត្តិការណ៍ប្រកួតកីឡាអេឡិចត្រូនិកចិន-អាស៊ាន (China-ASEAN Esports Competition) លើកទី២ ដោយមាន ២ ក្រុម លើ២ ២ វិញ្ញាសា នៅទីក្រុងសៀងហៃ ប្រទេសចិន។ នៅពេលជូនដំណើរប្រតិភូឡើងយន្តហោះនៅអាកាសយានដ្ឋានអន្តរជាតិតេជោ ឯកឧត្តម លន់ សាមឌី អគ្គលេខាធិការសហព័ន្ធកីឡាអេឡិចត្រូនិកកម្ពុជា បានឲ្យដឹងថា សហព័ន្ធបានបញ្ជូនក្រុមកីឡាអេឡិចត្រូនិកអ្នកចម្បាំងអង្គរចំនួន ២ ក្រុម ទៅចូលរួមប្រកួតព្រឹត្តិការណ៍កីឡាអេឡិចត្រូនិកចិន-អាស៊ាន លើកទី២ ឆ្នាំ២០២៥ លើវិញ្ញាសា Mobile Legends Bang Bang និង Valorant ចាប់ពីថ្ងៃទី១៥ ដល់ទី១៩ ខែកញ្ញា ឆ្នាំ ២០២៥ នៅទីក្រុងសៀងហៃ ប្រទេសចិន។ ឯកឧត្តមបានបញ្ជាក់ថា ៖«កាលលើកទី១ ឆ្នាំ ២០២៤ ក្រុមកម្ពុជាយើងបានឈ្នះជើងឯក ដូច្នេះសម្រាប់ការចូលរួមប្រកួត លើកទី២ ឆ្នាំនេះ យើងសង្ឃឹមច្រើន ក្នុងការឈានទៅដល់ដណ្តើមបានមេដាយទៀត»។…

(ភ្នំពេញ)៖ វគ្គបណ្តុះបណ្តាលគ្រូជំនាញអាអេរ៉ូប៊ិក កម្រិត១ ពីថ្ងៃទី១០-១៤ ខែកញ្ញា ឆ្នាំ២០២៥ នៅសាលាលេខ៥ ខេត្តកំពង់ឆ្នាំងជាឱកាសដ៏ល្អ ក្នុងការបង្កើនចំណេះដឹង និងការកែលម្អមួយចំនួនធំដល់គ្រូបង្វឹក បូករួមទាំងការបោះជំរំហ្វឹកហាត់របស់កីឡាករ កីឡាការិនីដោយផ្ទាល់ ក្នុងវគ្គដ៏មានសារៈសំខាន់មួយនេះ។ ឯកឧត្តម ណយ ផាណា អគ្គលេខាធិការ សហព័ន្ធកីឡាកាយសម្ព័ន្ធកម្ពុជា និងជាគ្រូឧទ្ទេសប្រចាំវគ្គបានគូសបញ្ជាក់ថា វគ្គបណ្តុះបណ្តាលគ្រូជំនាញអាអេរ៉ូប៊ិក កម្រិត១នេះមានគ្រូបង្វឹក ២២នាក់ (ស្រ្តី ៨នាក់) និងកីឡាករ កីឡាការិនី២៥នាក់។ វគ្គបណ្តុះបណ្តាលគ្រូជំនាញអាអេរ៉ូប៊ិកកម្រិត១នេះត្រូវបានរៀបចំឡើងដោយដាក់បញ្ជូលមេរៀនទេពកោសល្យកីឡាវ័យក្មេងបូកនឹងការបោះជំរំហ្វឹកហាត់។ ឯកឧត្តមអគ្គលេខាធិការ និងជាគ្រូឧទ្ទេសរូបនេះបន្ថែមថា ឆ្លងកាត់វគ្គបណ្តុះបណ្តាលរយៈពេល២ថ្ងៃដំបូងនេះ ឯកឧត្តមសង្កេតឃើញថា លោកគ្រូ អ្នកគ្រូទាំងអស់បានយកចិត្តទុកដាក់ក្រេបជញ្ជក់យកចំណេះដឹងពីគ្រូឧទ្ទេស។ អ្វីដែលពិសេសសហព័ន្ធបានដាក់បញ្ជូលកីឡាករ កីឡាការិនីចូលរួមបោះជំរំហ្វឹកហាត់ ក្នុងវគ្គបណ្តុះបណ្តាលនេះរហូតដល់២៥នាក់។ ដូច្នេះសិក្ខាកាមទាំងអស់មានកិច្ចការងារច្រើន ក្នុងការអនុវត្តផ្ទាល់ជាមួយកីឡាករ កីឡាការិនី ដើម្បីជ្រើសរើសធនធានកីឡាករ កីឡាការិនីដែលមានទេពកោសល្យល្អៗ រក្សាទុកត្រៀមចូលរួមប្រកួតកីឡាកាយសម្ព័ន្ធ ជ្រើសរើសជើងឯកថ្នាក់ជាតិ ប្រចាំឆ្នាំ២០២៥ នាពេលខាងមុខនេះ ក៏ដូចជាត្រៀមទុកបញ្ជូលក្នុងក្រុមជម្រើសជាតិថ្នាលយុវជន នាពេលខាងមុខផងដែរ។ កត់សម្គាល់បន្ថែមពីលើនេះ ឯកឧត្តម ណយ ផាណា សង្កត់ធ្ងន់ថា ជារួម វគ្គបណ្តុះបណ្តាល ដែលកំពុងដំណើរការនេះ…

(ភ្នំពេញ)៖ ក្រុមកីឡាអេឡិចត្រូនិចនារីចំនួន៨ក្រុមបានចូលរួមប្រកួតប្រជែងក្នុង Queen Legends រដូវកាលទី២ ។ ៨ក្រុមចូលរួមប្រកួតរួមមាន CFU Serendipity, Galaxy Phoenix, Team Flash Violet, Duck Rice Athena , Valhalla Valkyries, QUALITY X ONE, LUNAR DIVAS និង Evil Eye Serenity ។ កាលបរិច្ឆេទនៃការប្រកួត• វគ្គវិលជុំសន្សំពិន្ទុ (Regular Season) ចាប់ផ្ដើមពីថ្ងៃទី ៦ ខែ កញ្ញា រហូតដល់ ថ្ងៃទី ៣ ខែ តុលា ឆ្នាំ ២០២៥• វគ្គខ្វែង (Playoffs) ចាប់ផ្ដើមពីថ្ងៃទី ១៦ រហូតដល់ ថ្ងៃទី ១៩ ខែ តុលា ឆ្នាំ…

(ភ្នំពេញ)៖ ឯកឧត្តម វ៉ាត់ ចំរើន អគ្គលេខាធិការជាតិអូឡាំពិកកម្ពុជា និងជារដ្ឋលេខាធិការ ក្រសួងអប់រំយុវជននិងកីឡា បានបញ្ជាក់ថា ការគិតគូខ្ពស់ចំពោះអត្តពលិកដែលកំពុងប្រកបអាជីពកីឡាពិតជាមានភាពចាំបាច់បំផុត ។ ដោយគិតចាប់តាំងពីការចាប់ចូលអាជីពរហូតបញ្ចប់អាជីបកីឡា មានន័យថា អត្តពលិកកីឡាមិនមែននៅជាជើងឯករហូតនោះទេ ពោលយើងត្រូវគិតគូពេលដែលពួកគាត់ត្រូវបញ្ចប់អាជីព ហើយពេលបញ្ចប់អាជីពពួកគាត់ត្រូវមានជំនាញវិជ្ជាជីវៈបន្ថែមក្រៅពីអាជីពជាអ្នកកីឡា។ ហេតុដូចនេះហើយ សិក្ខាសាលាផ្ដោតលើការបន្ថែមចំណេះដឹង និងជំនាញវិជ្ជាជីវៈដើម្បីអនាគតអ្នកកីឡា ដែលបានបង្កើតឡើងមកនេះ មានទិសដៅតែមួយ គឺតម្រង់ទិស ពង្រឹងសមត្ថភាពបំណិនជីវិត និងជួយអត្តពលិករៀបចំផែនការសម្រាប់អាជីពក្រោយបញ្ចប់អាជីពកីឡា ស្របតាមទិសដៅរបស់ IOC។ ឯកឧត្តមថា សិក្ខាសាលាបន្ថែមចំណេះដឹង និងជំនាញវិជ្ជាជីវៈដើម្បីអនាគតអ្នកកីឡា ដែលគណៈកម្មាធិការជាតិអូឡាំពិកកម្ពុជារៀបចំក្រោមការឧបត្ថម្ភគាំទ្រពីគម្រោងសាមគ្គី អូឡាំពិក និងគាំទ្រដោយ Athlete365 របស់គណៈកម្មការអត្តពលិក IOC ក្នុងគោលបំណងផ្តល់ចំណេះដឹង លើសមត្ថភាពជាមូលដ្ឋាន និងលើកកម្ពស់សមត្ថភាពដល់អត្តពលិកជម្រើសជាតិបច្ចុប្បន្ន និងអតីតអត្តពលិកជម្រើសជាតិ។ ឯកឧត្ដម វ៉ាត់ ចំរើន មានប្រសាសន៍ទៀតថា ការគិតគូនេះ ផ្តើមចេញពី ឯកឧត្ដម ថោង ខុន ប្រធានគណៈកម្មាធិការជាតិអូឡាំពិកកម្ពុជា ក្នុងការជំរុញគិតគូរដល់កីឡាករ កីឡាការិនីដែលផ្ដើមពីការមុនចូលជាអាជីព ពេលកំពុងប្រកប និងពេលបញ្ចប់អាជីពកីឡាទៅ។ ព្រោះការទទួលបានវិជ្ជាជីវៈបន្ថែមក្រៅពីអាជីពកីឡាជាយានចម្លងមួយជួយឱ្យពួកគាត់ទទួលបានចំណូលជួយទ្រទ្រង់ជីវភាពគ្រួសារ ។ ឯកឧត្តម…

(ភ្នំពេញ)៖ ក្រុមកីឡាអេឡិចត្រូនិកជម្រើសជាតិកម្ពុជា ទាំងបុរស និងនារី បានប្រកួត ជម្រុះក្នុងព្រឹត្តិការណ៍កីឡាអេឡិចត្រូនិកពិភពលោក IESF Esports World Championship ឆ្នាំ២០២៥ ប្រចាំតំបន់អាស៊ីអាគ្នេហ៍ដូចគ្នា ។ ក្រុមបុរសជម្រើសជាតិកម្ពុជាក្រុមបុរសកម្ពុជា ទទួលបានចំណាត់ថ្នាក់លេខ ១ វគ្គជម្រុះប្រចាំតំបន់អាស៊ីអាគ្នេយ៍ IESF Southeast Asia Qualifier 2025 – Men ដែលបញ្ចប់នៅយប់ថ្ងៃទី២៩ ខែសីហា ឆ្នាំ ២០២៥។ លទ្ធផលវគ្គសន្សំពិន្ទុក្នុងពូលរបស់ ក្រុមបុរសកម្ពុជា ក្រុមនារីកម្ពុជា បានទទួលបានចំណាត់ថ្នាក់លេខ ២ វគ្គជម្រុះប្រចាំតំបន់អាស៊ីអាគ្នេយ៍ IESF Southeast Asia Qualifier 2025 ដែលបញ្ចប់នៅយប់ថ្ងៃទី៤ ខែកញ្ញា ឆ្នាំ ២០២៥។លទ្ធផល វគ្គសន្សំពិន្ទុក្នុងពូលរបស់ ក្រុមនារីកម្ពុជា តាមគោលការរបស់ សហព័ន្ធកីឡាអេឡិចត្រូនិកអន្តរជាតិ គឺ ក្រុមចំណាត់ថ្នាក់លេខ១ និងលេខ២ ប្រចាំតំបន់អាស៊ាន ទទួលបានកៅអី ឡើងទៅជុំចុងក្រោយ ដូច្នេះ ក្រុមបុរសកម្ពុជា…

(ភ្នំពេញ)៖ ដោយការគិតគូលើបញ្ហាសុខភាពសហគមន៍ជាចម្បងប្រជាពលរដ្ឋរស់នៅក្នុងបុរីចំការដូងបានរួមគ្នាបង្កើតជាព្រឹត្តិការណ៍រត់ប្រណាំងដែលមានការចូលរួមពីប្រជាពលរដ្ឋក្មេងចាស់ប្រុសស្រីក្នុងសហគមន៍ប្រមាណជាង៦០០នាក់។ ព្រឹត្តិការណ៍នេះត្រូវបានប្រសិទ្ធនាមថា CKD FAMILY FUN RUNលើកទី៣ ជាផ្នែកមួយជួយលើកកម្ពស់សុខមាសភាពនៅក្នុងសហគមន៍ និងជាចលនាមួយជួយជំរុញបំផុសឱ្យសហគមន៍ដ៏ទៃទៀតងាកមកគិតគូដល់សុខមាលភាពដែលជាភាពចាំបាច់ក្នុងការជួយលើកកម្ពស់សេដ្ឋកិច្ចនៅក្នុងគ្រួសារ ។ លោក ប៊ុន ថន តំណាងឱ្យអ្នករៀបចំ បានថ្លែងបញ្ជាក់ថា ការរៀបចំព្រឹត្តិការណ៍រត់ប្រណាំងក្នុងសហគមន៍បូរីចំការដូងនេះ វាជាលើកទី៣ហើយ ។ ការរៀបចំនេះ ក្នុងគោលបំណងបង្ហាញនៃការស្រលាញ់គិតគូចំពោះសុខមាលភាពប្រជាពលរដ្ឋរស់នៅក្នុងសហគមន៍ និងបង្កើតនូវការសប្បាយរីករាយ និងការផ្សារភ្ជាប់ទំនាក់ទំនងមិត្តភាពសាមគ្គីភាពឱ្យកាន់តែមានភាពល្អប្រសើរសម្រាប់ប្រជាពលរដ្ឋរស់នៅក្នុងសហគមន៍បុរីចំការដូងទាំងអស់គ្នា។ ប្រជាពលរដ្ឋដែលមកចូលរួមក្នុងព្រឹត្តិការណ៍រត់ប្រណាំង បានបង្ហាញអារម្មណ៍សប្បាយរីករាយចំពោះវត្តមានព្រឹត្តិការណ៍រត់មួយនេះនៅក្នុងសហគមន៍ដែលពួកគាត់រស់នៅ ហើយ បានចាត់ព្រឹត្តិការណ៍រត់មួយនេះ ជាឱកាសពង្រីកការប្រាស្រាយទាក់ទងស្គាល់គ្នាកសាងមិត្តភាពចាប់តាំងពីកុមារភាពដល់មនុស្សវ័យចំណាស់ ។ ដ្បិតការស្គាល់គ្នា និង យល់ចិត្តគ្នារវាងប្រជាពលរដ្ឋរស់នៅក្នុងសហគមន៍ជាមួយគ្នា ជាកក្តាផ្តល់នូវការសាមគ្គីភាព ជួយឱ្យសហគមន៍កាន់តែរីកចម្រើន ពិសេស ជួយឱ្យសហគមន៍កាន់តែមានសុខសុវត្ថិភាព ។ សូមបញ្ជាក់ថា ព្រឹត្តិការណ៍រត់ CKD FAMILY FUN RUNលើកទី៣នេះ បានទាក់ទាញប្រជាពលរដ្ឋរស់នៅក្នុងសហគមន៍បូរីចំការដូងចូលរួមជាង ៦០០នាក់ ដែលចាប់តាំងពីម៉ោង៥ព្រឹក ដោយរត់លើពីរវិញ្ញាសា គឺ ៥គីឡូម៉ែត្រ និង១០គីឡូម៉ែត្រ ៕ រូបភាព ៖ មឿង គឹមរ៉ុងអត្ថបទ ៖…

ភ្នំពេញ៖កីឡាករកីឡាការិនីវាយកូនគោលជាតិនិងអន្តរជាតិ៨៤នាក់បានចូលរួមប្រកួតប្រជែងក្នុងពានរង្វាន់ការប្រកួតកីឡាវាយកូនគោលសប្បាយៗ ដែលរៀបចំ ទីលានកីឡាវាយកូនគោលរ៉ូយ៉ាល់ភ្នំពេញ ។ ការប្រកួតនេះ បើទោះបីហាក់មិនអំណោយផលផ្នែកអាកាសធាតុ ដោយសារតែភ្លៀងធ្លាក់អំឡុងពេលដំណើរការប្រកួតយ៉ាងណាក៏ដោយ ប៉ុន្តែការប្រកួតនៅតែបន្តរហូតបញ្ចប់ជាស្ថាពរទៅតាមទិសដៅដែលបានគ្រោងទុក។ អ្នករៀបចំការប្រកួត តំណាងទីលានកីឡាវាយកូនគោលរ៉ូយ៉ាល់ភ្នំពេញ បានគូសបញ្ជាក់ថា ការប្រកួតដែលមានការចូលរួមពីកីឡាករកីឡាការិនីវាយកូនគោលជាតិ និងអន្តរជាតិជាច្រើនចូលរួមនេះ បានប្រសិទ្ធនាមថា ការប្រកួតពានរង្វាន់កីឡាវាយកូនគោលរ៉ូយ៉ាល់សប្បាយៗ បានបង្កើតឡើងជារៀងរាល់ខែ ក្នុងគោលបំណងចូលរួមលើកកម្ពស់អភិវឌ្ឍន៍វិស័យកីឡាវាយកូនគោលឱ្យមានការរីកចម្រើនដូចបណ្តាប្រទេសនៅក្នុងតំបន់។ បន្ថែមលើសនេះទៀត ទីលានចង់បង្កើតឱ្យមានបរិយាសកាសការជួបជុំសប្បាយរីករាយ និងបង្កើតទំនាក់ទំនងរវាងកីឡាករកីឡាការិនីជាតិនិងអន្តរជាតិ ដែលជាការបង្កើតឱកាសផ្សារភ្ជាប់ការជែកអំពីគម្រោងវិនិយោគនៅកម្ពុជាជួយលើកកម្ពស់សេដ្ឋកិច្ចជាតិផងដែរ។ អ្នករៀបចំរូបនេះ បានឱ្យដឹងទៀតថា ក្នុងចំណោមកីឡាករកីឡាការិនីជាតិនិងអន្តរជាតិសរុប៨៤នាក់ដែលបានចូលរួមប្រកួត ក៏មានកីឡាករមួយចំនួនក៏ជាកីឡាករថ្នាល ហើយកីឡាករមួយចំនួនទៀត ក៏ជាកីឡាករមានសមត្ថភាពខ្លាំងជាអតីជម្រើសជាតិផងដែរ។ ដ្បិតយើងចង់ឱ្យការប្រជែងដើម្បីមានទាំងគុណភាពនិងបរិមាណដែលជាការរួមចំណែកផ្តល់នូវការអភិវឌ្ឍសមត្ថភាពជំនាញសម្រាប់កីឡាករកីឡាការិនីក្នុងស្រុក ឆ្លើយតមទៅនិងការប្រកួតប្រជែងនាពេលអនាគ។ កីឡាករកីឡាការិនីដែលបានចូលរួមប្រកួតក្នុងព្រឹត្តិការណ៍ប្រកួតដែលរៀបចំដោយ ទីលានកីឡាវាយកូនគោលរ៉ូយ៉ាល់ភ្នំពេញ បានបង្ហាញអារម្មណ៍ សប្បាយរីករាយជាខ្លាំង ដែលតាមរយៈការប្រកួតជារៀងរាល់ខែនេះ បានផ្តល់ឱកាសឱ្យពួកគាតបានជួបជុំនិងស្គាល់កីឡាករជាតិនិងអន្តរជាតិជាច្រើន ជួយឱ្យមានការប្រាស្រាយទំនាក់ទំនងគ្នាកាន់តែល្អ នាំមកនូវមិត្តភាពសាមគ្គីភាព ឈានទៅដល់ការបង្កើតឱកាសវិយោគរួមគ្នាថែមទៀតផង។ជាមួយគ្នានោះ ក៏បានផ្តល់ឱកាសឱ្យពួកគាត់ជាកីឡាករបានហ្វឹកហាត់ដុសខាត់សមត្ថភាពជំនាញកីឡាវាយកូនគោលដែលខិតខំកន្លងមក។ក្នុងនាម ជាកីឡាករក្នុងស្រុក សូមថ្លែងអំណរគុណដល់ទីលានកីឡាវាយកូនគោលរ៉ូយ៉ាល់ភ្នំពេញ ដែលបានរៀបចំការប្រកួតសប្បាយជារៀងរាល់ខែ ដែលជាផ្នែកមួយជំរុញឱ្យកីឡាករកីឡាការិនីវាយកូនគោលនៅក្នុងស្រុកបានអភិវឌ្ឍសមត្ថភាព។ ជាលទ្ធផលប្រកួតពេញមួយល្ងាច ក្រុមជ័យលាភី BEST BALL GROS CHAMPIONបានទៅ លោក ឱក សូម៉ាណា និងលោក ឱក សូភាព.…