(ភ្នំពេញ)៖ លោក ងិន សុបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជា បានគូសបញ្ជាក់ថា វគ្គបណ្តុះបណ្តាល ទ្រីយ៉ាត្លុងកម្រិត១ រៀបចំដោយគណៈកម្មាធិការជាតិអូឡាំពិកកម្ពុជា ក្រោមឧបត្ថម្ភគាំទ្រពីអង្គការសាមគ្គីអូឡាំពិក គឺជាវគ្គមួយមានសារៈសំខាន់សម្រាប់គ្រូបង្វឹកយកទៅបណ្តុះបណ្តាលគ្រាប់ពូជទ្រីអាយ៉ាត្លុងបន្តវេន។ លោកថា វគ្គនេះពិត ខុសប្លែកពីវគ្គមុនៗ ដ្បិតមានគ្រូឧទ្ទេសកម្រិតអន្ដរជាតិមកបង្រៀនដោយផ្ទាល់ ដែលជាឱកាសសម្រាប់សិក្ខាកាមគ្រប់រូបសិក្សារៀនសូត្រនូវចំណេះដឹងថ្មីៗ អំពីក្បួនច្បាប់អន្ដរជាតិ សម្រាប់ធ្វើជាទុនក្នុងការចូលរួមចំណែកបណ្ដុះបណ្ដាលធនធានមនុស្សឆ្ពោះទៅរកការអភិវឌ្ឍ និងពង្រីកសក្ដានុពលកីឡាទ្រីយ៉ាត្លុងក្នុងប្រទេសកម្ពុជា ពិសេសគឺការបណ្ដុះបណ្ដាលធនធានកីឡាករ-កីឡាការិនីវ័យក្មេង សម្រាប់ត្រៀមឆ្ពោះទៅធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ តែម្ដង។ សូមបញ្ជាក់ថា វគ្គបណ្ដុះបណ្ដាល សាមគ្គីអូឡាំពិក គ្រូបង្វឹកកម្រិត១ នេះ មានរយៈពេល ៥ថ្ងៃ ចាប់ពីថ្ងៃទី១-៥ ខែតុលា មានសិក្ខាកាម២៥នាក់ ក្នុងនោះក៏មានសិក្ខាកាមជាគ្រូបង្វឹកមកពីសហព័ន្ធកីឡាទ្រីយ៉ាត្លុងវៀតណាម ដែលជាដៃគូអភិវឌ្ឍន៍ចូលរួមរៀនវគ្គនេះចំនួន ៥នាក់ផងដែរ។ រីឯគ្រូឧទ្ទេស គឺជាជំនាញការមកពីសហព័ន្ធកីឡាទ្រីយ៉ាត្លុងពិភពលោកផ្ទាល់ រួមមានលោក Lozada Antony ជនជាតិហ្វីលីពីន និងលោកស្រី Pham Thuy Vi ជនជាតិវៀតណាម៕ រូបភាព ៖ ជីម ភារ៉ាអត្ថបទ ៖ ជាវ ចន្ធូ

(ភ្នំពេញ)៖ ឯកឧត្តម សរ សិទ្ធ អនុប្រធានទី២សហព័នធ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ប្រធានសហព័ន្ធកីឡាទូកកានូនិងរ៉ូងអ៊ីងកម្ពុជា ឯកឧត្តម ឧត្តមសេនីយ៍ឯក យិត ភិរៈ អនុប្រធាន និងឯកឧត្តម បណ្ឌិត មាស សារិន អគ្គលេខាធិការ បានអនុញាតឱ្យលោក KEITH BROWN គ្រូបង្វឹកជំនាញបណ្តុះបណ្តាលទូករ៉ូអ៊ីងជនជាតិអង់គ្លេស ចូលជួបសម្តែងការគួរសម និងពិភាក្សាការងារ នៅសាលប្រជុំ មណ្ឌលក្រុមប្រឹក្សាកីឡាក្រសួងមហាផ្ទៃ នាព្រឹកថ្ងៃទី០១ ខែ សីហា ឆ្នាំ២០២៥។ជំនួបសម្តែងការគួរសមនេះ បានធ្វើឡើងក្នុងគោលបំណងសិក្សាស្វែងយល់ផ្សារភ្ជាប់ទំនាក់ទំនងដើម្បីចូលរួមធ្វើជាគ្រូបង្វឹកលើជំនាញកីឡាទូករ៉ូអ៊ីងសម្រាប់ក្រុមជម្រើសជាតិទូក។ នាឱកាសនោះ ឯកឧត្តម សរ សិទ្ធិ អនុប្រធានទី២ បានមានប្រសាសន៍ជម្រាបជូនទៅលោក KEITH BROWNគ្រូជំនាញបង្វឹកទូករ៉ូអ៊ីងថា សហព័ន្ធកីឡាទូកកានូ និងរ៉ូអ៊ីងកម្ពុជាក្រោមការដឹកនាំរបស់ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ មានទូកចំនួន៤ប្រភេទមានដូចជា ទូកកានូ ទូកកាយ៉ាក់ ទូករ៉ូអ៊ីង និងទូកប្រពៃណីខ្នាតអន្តរជាតិ ដែលបច្ចុប្បន្ន ប្រភេទទូកទាំងអស់កំពុងហ្វឹកហាត់ត្រៀមខ្លួនចូលរួមការប្រកួតអន្តរជាតិនានា…

(ភ្នំពេញ)៖ ថ្លែងក្នុងបទសម្ភាសន៍ ក្រោយបញ្ចប់សិក្ខាសាលា ស្តីពី “បណ្តាញអតីតគរុនិស្សិត” ដែលរៀបចំឡើងដោយអង្គការក្រៅរដ្ឋាភិបាលបេះដូងមាស ក្នុងគម្រោងអភិវឌ្ឍន៍គុណភាពគ្រឹះស្ថានឧត្តមសិក្សាអប់រំគ្រូបង្រៀនអប់រំកាយតាមរយៈការប្រើប្រាស់បច្ចេកវិទ្យាព័ត៌មាន និងសារគមនាគមន៍ (ICT)។ អ្នកគ្រូ ជិន ស្រីខួច គ្រូបង្រៀនអប់រំកាយនិងកីឡា មកពីខេត្តរតនៈគីរី បានបញ្ជាក់ថា ចំណេះដឹងពាក់ព័ន្ធការធ្វើតេស្តកាយសម្បទា និងការប្រើប្រាស់កម្មវិធីតេស្តកាយសម្បទា ឬ PFT App (Physical Fitness Test Application) បានផ្តល់អត្ថប្រយោជន៍ខ្លាំងណាស់សម្រាប់គ្រូបង្រៀនអប់រំកាយនិងកីឡា ព្រោះអាចសម្រួលដល់ការប្រមូលទិន្ន័យលទ្ធផលតេស្តកាយរបស់សិស្សានុសិស្សកាន់ឱ្យកាន់តែមានភាពងាយស្រួលជាងមុន។ ក្នុងនាមជាគ្រូបង្គោលនៃបណ្តាញអតីតគរុនិស្សិតរបស់វិទ្យាស្ថានជាតិអប់រំកាយនិងកីឡា អ្នកគ្រូនឹងបន្តការចែករំលែកចំណេះដឹងដែលទទួលបានពីសិក្ខាសាលារយៈពេល៣ថ្ងៃនេះទៅកាន់គ្រូបង្រៀនអប់រំកាយនិងកីឡាដទៃទៀតនៅខេត្តរតនៈគិរី ដើម្បីចូលរួមលើកកម្ពស់សុខមាលភាពប្រជាជនកាន់តែល្អប្រសើរ ដែលជាការរួមចំណែកជួយឱ្យសង្គមជាតិកាន់តែរីកចម្រើន។ ជាមួយគ្នានេះដែរ លោក ដួង មាសចំរើន អគ្គនាយករង នៃអគ្គនាយកដ្ឋានកីឡា បានថ្លែងលើកឡើងថា វគ្គបណ្តុះបណ្តាលស្តីពី “បណ្តាញអតីតគរុនិស្សិត” គឺជាដំណើរការបង្កើតបណ្តាញអតីតគរុនិស្សិត ដើម្បីរៀបចំប្រមូល និងបញ្ជូនទិន្នន័យលទ្ធផលតេស្តកាយសម្បទារបស់សិស្សានុសិស្សនៅតាមបណ្តាលសាលារៀន ក៏ដូចជាការបង្កើនឱកាសទំនាក់ទំនង ការផ្សព្វផ្សាយពីការបង្រៀនមុខវិជ្ជាអប់រំកាយបែបថ្មីឱ្យកាន់តែទូលំទូលាយបន្ថែមទៀត ដែលជួយអភិវឌ្ឍដល់ការរីកលូតលាស់រាងកាយ និងសុខភាពរបស់សិស្សានុសិស្ស ឱ្យទទួលបានសុខភាពល្អ ទាំងផ្លូវកាយ ផ្លូវចិត្ត និងផ្លូវបញ្ញា។ ឆ្លៀតក្នុងឱកាសនេះ ក្នុងនាមក្រសួងអប់រំ យុវជន និងកីឡា លោកបានផ្តាំផ្ញើដល់សិក្ខាកាមដែលជាគ្រូបង្រៀនអប់រំកាយនិងកីឡាទាំងអស់…

(ខេត្តព្រះវិហារ)៖ ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅរយៈពេល ២ថ្ងៃនេះ «១៦-១៧កញ្ញា២០២៥» បានចូលរួមបង្កើតបរិយាកាសសប្បាយរីករាយ ដោយបានរៀបចំកម្មវិធីប្រដាល់ «អារាមគុនខ្មែរ» ដល់ជនភៀសសឹកនៅជំរំវត្តពោធិ៍៥០០០ដើម និងចូលរួម «រត់សហគមន៍» ចម្ងាយ៩គីឡូម៉ែត្រ នៅលើកំណាត់ផ្លូវកោះកេរ ដើម្បីអបអរសាទរ ខួប២ឆ្នាំ នៃការដាក់បញ្ចូលប្រាសាទកោះកេរ ក្នុងបញ្ជីបេតិកភណ្ឌពិភពលោក «១៧កញ្ញា២០២៣-១៧កញ្ញា២០២៥» ស្ថិតនៅភូមិកោះកេរ ឃុំស្រយង់ ស្រុកគូលែន ខេត្តព្រះវិហារ។ កម្មវិធីប្រដាល់ «អារាមគុនខ្មែរ» និង «រត់សហគមន៍» ចម្ងាយ៩គីឡូម៉ែត្រ ក្នុងពេលនោះ ក៏មានការចូលរួមពី ឯកឧត្តម គីម រិទ្ធី អភិបាលខេត្តព្រះវិហារ រួមទាំងថ្នាក់ដឹកនាំ មន្ត្រីរាជការ ក្រុមបាល់ទាត់មនុស្សធម៌ និងប្រជាពលរដ្ឋនៅក្នុងមូលដ្ឋានជាង ១ពាន់នាក់ ដែលព្រឹត្តិការណ៍ និងសកម្មភាពទាំងអស់នោះ បានបង្ហាញឲ្យឃើញពីការគាំទ្រ និងការចូលរួមក្នុងការថែរក្សាសម្បត្តិវប្បធម៌ និងបេតិកភណ្ឌជាតិយ៉ាងពិតប្រាកដ។ ឯកឧត្តម ហ៊ុន ម៉ានី ក្នុងពេលទស្សនាប្រដាល់ «អារាមគុនខ្មែរ» នៅជំរំជនភៀសសឹកវត្តពោធិ៍ ៥០០០ដើម…