(ភ្នំពេញ)៖ ក្នុងរយៈពេល៩ខែ ដើមឆ្នាំ២០២៥នេះ អគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ បានបញ្ជូនកីឡាករ កីឡាការិនីសរុបចំនួន ៦២៨រូប ចូលរួមព្រឹត្តិការណ៍ប្រកួត ទាំងក្នុង និងក្រៅប្រទេស សរុបចំនួន ៣៩២គ្រឿង ។ នេះបើតាម ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ។ ឯកឧត្តម ឧត្តមសេនីយ៍ឯក បានបញ្ជាក់មកកាន់ផ្នែកព័ត៌មាននៃក្រុមអ្នកនំពាក្យក្រសួងមហាផ្ទៃថា ក្នុងចំណោមមេដាយជិត ៤០០គ្រឿងនោះ មេដាយឈ្នះក្នុងព្រឹត្តិការណ៍ប្រកួតក្នុងប្រទេស ទទួលបានចំនួនសរុប ២៣៧គ្រឿង រួមមាន មេដាយមាស ១០០គ្រឿង មេដាយប្រាក់ ៧០គ្រឿង និងមេដាយសំរឹទ្ធចំនួន ៦៧គ្រឿង និងព្រឹត្តិការណ៍ប្រកួតនៅក្រៅប្រទេស ទទួលបានមេដាយសរុប ១៥៥គ្រឿង រួមមានមេដាយមាស ៤១គ្រឿង មេដាយប្រាក់៥៧ និងមេដាយសំរឹទ្ធចំនួន ៥៧គ្រឿង។ បើតាម ឯកឧត្តម ឧត្តមសេនីយ៍ឯក យិត ភីរៈ ក្នុងរយៈពេល ៩ខែនេះដែរ អគ្គលេខាធិការដ្ឋាននៃក្រុមប្រឹក្សាកីឡា ក្រសួងមហាផ្ទៃ បានបញ្ជូនមន្ត្រីចំនួន ១០រូប…

(ភ្នំពេញ)៖ ក្រុមកីឡាករ-កីឡាការិនីកងទ័ពជើងទឹក នៃកងយុទ្ធពលខេមរភូមិន្ទកម្ពុជា ដែលដឹកនាំដោយ ឧត្តមនាវីទោ ចាយ ស៊ីជឿន បានវិលត្រឡប់មកដល់ប្រទេសកំណើតវិញហើយ ដោយសុវត្ថិភាព ក្រោយបញ្ចប់បេសកកម្មចូលរួមក្នុង ព្រឹត្តិការណ៍កីឡាយោធាកងទ័ពជើងទឹកពិភពលោកលើកទី៥៤ ដែលប្រព្រឹត្តទៅរយៈពេលជាង ១០ ថ្ងៃ នៅខេត្តហូប៉ី សាធារណរដ្ឋប្រជាមានិតចិន។ បេសកម្មចូលរួមតំណាងជាតិ ក្រុមកម្ពុជាបានចេញដំណើរទៅកាលពីថ្ងៃទី ១៧ ខែតុលា និងត្រឡប់មកវិញនារាត្រីថ្ងៃទី២៥ ឈានចូលថ្ងៃទី២៦ ខែតុលា ឆ្នាំ ២០២៥ តាមច្រកអាកាសយានដ្ឋានអន្តរជាតិតេជោ។ ឧត្តមនាវីទោ ចាយ ស៊ីជឿន បានរំលេចថា ព្រឹត្តិការណ៍កីឡាយោធាកងទ័ពជើងទឹកពិភពលោក លើកទី៥៤ ដែលរៀបចំដោយប្រទេសចិននេះ មានប្រទេសចូលរួមសរុប៩ ដោយប្រកួតលើប្រភេទកីឡាមានដូចជា៖បុរសរត់ប្រដាប់អាវុធ, នារីរត់អត់អាវុធ, និងបាញ់កាំភ្លើង។ ឧត្តមនាវីទោខាងលើ បានគូសបញ្ជាក់ថា ក្នុងចំណោមប្រទេសអាស៊ានទាំង១១ប្រទេស គឺមានតែកម្ពុជា១ប៉ុណ្ណោះដែលចូលរួមប្រកួត ខណៈប្រមីយ៉ាន់ម៉ា ចូលរួមក្នុងនាមជាអ្នកសង្កេតការណ៍។ ហើយសម្រាប់ការប្រកួតប្រជែងវិញគឺកម្រិតខ្ពស់ ព្រោះភាគច្រើនជាប្រទេសមានសមត្ថភាពខ្លាំងក្នុងតំបន់អាស៊ី។ សម្រាប់បេសកម្មចូលរួមលើកដំបូងក្នុងព្រឹត្តិការណ៍កីឡាយោធាកងទ័ពជើងទឹកពិភពលោកនេះ ទោះជាអត្តពលិកកម្ពុជាមិនទាន់អាចទទួលបានមេដាយដូចគោលដៅរំពឹងទុកនូវឡើយក្តី ប៉ុន្តែ ក្រុមអត្តពលិកកម្ពុជា បានបង្ហាញពីភាពថ្លៃថ្នូរ វិន័យ និងអត្តចរិកល្អប្រពៃ ក្នុងនាមជាប្រជាជាតិកម្ពុជា ដែលធ្វើឲ្យកម្ពុជាទទួលបាន ពានកិត្តិយស…

(ភ្នំពេញ)៖ គិតត្រឹមថ្ងៃយប់ថ្ងៃទី២៦ ខែតុលា ឆ្នាំ២០២៥នេះអត្តពលិកវ័យក្មេងកម្ពុជាដណ្តើមបានមេដាយសរុប៤គ្រឿងហើយ ពីការប្រកួតកីឡាយុវជនអាស៊ីហ្គេម លើកទី៣ នៅព្រះរាជាណាចក្របារ៉ែន ។ មេដាយ៤គ្រឿងដែលជាកំណត់ត្រាថ្មីនេះ គឺកីឡាគុនខ្មែរដណ្តើមបានមេដាយចំនួន៣គ្រឿង ប្រាក់២និងសំរឹទ្ធ១ និងបញ្ចស៊ីឡាត់ដណ្តើមបានមេដាយសំរឹទ្ធ១គ្រឿង។ មេដាយ៤គ្រឿងដែលអត្តពកម្ពុជាដណ្តើមបានក្នុងព្រឹត្តិការណ៍កីឡាយុវជអាស៊ីហ្គេម លើកទី៣នេះជាមេដាយគិតត្រឹមថ្ងៃទី២៦នោះទេ ពោលអត្តពលិកកម្ពុជានូវសល់ប្រភេទកីឡាមួយចំនួនទៀតកំពុងបន្តការប្រកួតនៅឡើយ។ ពាក់ព័ន្ធនិងមេដាយដែលអត្តពលិកដណ្តើមបានពីព្រឹត្តិការណ៍ដ៏ធំប្រចាំទ្វីអាស៊ីនេះ ឯកឧត្ដម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកម្ពុជា និងជារដ្ឋលេខាធិការក្រសួងអប់រំយុវជននិងកីឡា មានប្រសាសន៍ គូសបញ្ជាក់ថា ការទទួលបានមេដាយសំរឹទ្ធ និងមេដាយប្រាក់ជាបន្តបន្ទាប់ក្នុងព្រឹត្តិការណ៍កីឡាយុវជនអាស៊ី ឆ្នាំ២០២៥ នៅប្រទេសបារ៉ែន នាពេលនេះ គឺជាកំណត់ត្រាថ្មីរបស់កម្ពុជា។ កំណត់ត្រាថ្មី ព្រោះការចូលរួមព្រឹត្តិការណ៍នេះកាលពី២លើកមុន កម្ពុជាពុំធ្លាប់បានឈ្នះមេដាយម្ដងណាទេ។ ឯកឧត្ដម រដ្ឋលេខាធិការ បានបញ្ជាក់ថា គិតត្រឹមពេលនេះយើងបានមេដាយប្រាក់២គ្រឿង និងសំរឹទ្ធ២គ្រឿង ឈរនៅលេខរៀងទី២៤ ក្នុងចំណោម ៤៥ប្រទេស យើងនឹងរង់ចាំមើលការប្រកួតកីឡាផ្សេងៗទៀតរបស់កម្ពុជា។ ដូច្នេះនេះជាកំណត់ត្រាប្រវត្តិសាស្តថ្មីដែលកម្ពុជាអាចដណ្ដើមបានមេដាយក្នុងព្រឹត្តិការណ៍កីឡាយុវជនអាស៊ី ដោយសារតែការចូលរួម២លើកកន្លងមក កម្ពុជាធ្លាប់បានឈ្នះមេដាយទេ។”ទាក់ទងទៅនឹងការចូលរួមព្រឹត្តិការណ៍កីឡាយុវជនអាស៊ី លើកទី៣នេះដែរ ឯកឧត្ដម វ៉ាត់ ចំរើន សង្កត់ធ្ងន់ថា កម្ពុជារក្សាបាននូវសេចក្ដីថ្លៃថ្នូរ និងស្មារតីកីឡា មិត្តភាព សាមគ្គីភាព ហើយម្ចាស់ផ្ទះបារ៉ែនក៏បានទទួលបានយ៉ាងល្អ ទោះបីពួកគេទើបចូលខ្លួនទទួលយកភារៈជាអ្នករៀបចំព្រឹត្តិការណ៍ដ៏ធំនេះត្រឹមរយៈពេល៨ខែ…

(ភ្នំពេញ)៖ លោក ដូ រី អ្នកគ្រប់គ្រងក្រុមបាល់ទាត់ Vlogger All Stars និងជាស្ថាបនិកកម្មវិធីបាល់ទាត់សប្បុរសធម៌ជួយដល់វិរៈកងទ័ពជួរមុខកម្ពុជា បានថ្លែងលើកឡើងថា ក្រុមបាល់ទាត់ Vlogger All Stars ប៉ះK8 នៅលើទីលានវាលស្មៅ នាកីឡដ្ឋានស្តាតចាស់ គឺជាបេសកម្មប្រកួតលើកទី២ហើយ ដើម្បីប្រមូលថវិកាគាំទ្រពីបណ្តាក្រុមបាល់ទាត់យកជួយគាំទ្រដល់វិរៈកងទ័ពកម្ពុជាដែលកំពុងឈរជើងការពារបូរណភាពទឹកដីតាមខ្សែបន្ទាត់ព្រុំដែនពីការឈ្លានពានពីប្រទេសថៃ។ ស្ថាបនិករូបនេះ បានគូសបញ្ជាក់ទៀតថា ២ប្រកួតនេះ មូលនិធិទទួលបានការឧបត្ថម្ភពីក្រុមបាល់ទាត់បានជាង ១០០០ដុល្លារហើយ ដោយប្រកួតលើកទី១ ទទួលបានការគាំទ្រថវិកាចំនួន២លានរៀល និងប្រកួតលើកទី២ប៉ះក្រុមបាល់ទាត់ K8ទទួលបានការឧបត្ថម្ភចំនួន ៦៦៦ដុល្លារ ខណៈដែលបេសកម្មបន្តបន្ទាប់ទៀតគ្រោងនឹងទទួលការប្រកួតជាមួយបណ្តាក្រុមបាល់ទាត់ផ្សេងៗទៀតប្រមាណជា៤ទៅ៥ប្រកួតទៀត។ ដោយក្រុមបាល់ទាត់នីមួយៗតម្រូវឱ្យចូលរួមបរិច្ចាគថវិកាចាប់ពី២លានរៀលឡើងទៅ។ ទន្ទឹមជាមួយគ្នានេះដែរ ក្នុងនាមជាអ្នកគ្រប់គ្រងក្រុមបាល់ទាត់ Vlogger All Stars និងជាស្ថាបនិកមូលនិធិជួយដល់វិរៈកងទ័ពជួរមុខ លោក ដូ រី សូមអំពាវនាវ ដល់ប្រជាពលរដ្ឋសូមលើកទឹកចិត្តដល់វិរៈកងទ័ព កុំធ្វើព័ត៌មានបំពុលសង្គម និងកុំស៊ែចែករំលែករាល់ព័ត៌មានបំពុលដល់សង្គម ហើយ ជឿងជាក់លើថ្នាក់ដឹកនាំនិងប្រមុខរាជរដ្ឋាភិបាលកម្ពុជាយើង។ អតីតជម្រើសជាតិបាល់ទាត់ លោក សោម សារ៉ន គ្រូបង្គោល ក្រុមបាល់ទាត់K8 បានលើកឡើងថា ការចូលរួមបរិច្ចាគថវិកាក្នុងមូលនិធិនេះ គឺមានចំនួនតិចតួចនោះទេ…

(ភ្នំពេញ)៖ កីឡាករកីឡាការិនី គ្រូបង្វឹក និងប្រតិភូ ដែលមានថ្នាក់ដឹកនាំមួយចំនួនរបស់ក្រសួងអប់រំយុវជននិងកីឡា សរុប៤២រូប នាយប់ថ្ងៃទី២០ ខែ តុលា បន្តចេញដំណើរទៅចូលរួមការប្រកួតកីឡាយុវជនអាស៊ីលើកទី៣ នៅព្រះរាជាណាចក្របារ៉ែន។៦ប្រភេទកីឡាដែលបានចេញដំណើរនាយប់ថ្ងៃទី២០នេះ រួមមាន កីឡាគុនចម្រុះ អត្តពលកម្ម គុនខ្មែរ តេក្វាន់ដូWT និងបាល់បោះនិង 3ទល់3 ៕ ដោយ ៖ ជាវ ចន្ធូ