(ភ្នំពេញ)៖ ការប្រកួតកីឡាវាសីជ្រើសរើសជើងឯកថ្នាក់​ជាតិ​ឆ្នាំ២០២៥ នឹងដំណើរការប្រកួតផ្លូវការរយៈពេល ៣ថ្ងៃចាប់ពីថ្ងៃទី១៤ ដល់ ១៦ ខែវិច្ឆិកា ឆ្នាំ២០២៥ នៅទីលានកីឡាវាយសីមរតកតេជោ រាជធានីភ្នំពេញ។ ជើងឯកថ្នាក់ជាតិ ឆ្នាំ២០២៥នេះ មានការកើនឡើង ទាំងចំនួនក្លឹបនិងចំនួនកីឡាករកីឡាការិនី ដែលទាំង អស់នេះ បានបង្ហាញឱ្យឃើញថា វិស័យកីឡាវាយសី មានការផុសផុលខ្លាំង និងកំពុងតែអភិវឌ្ឍន៍ឈានទៅរក សក្កានុពល។ នេះបើយើងតាមការបញ្ជាក់ ពីសំណាក់ឯកឧត្តម កែវ រស់ អគ្គលេខាធិការ សហព័ន្ធកីឡាវាយសីកម្ពុជា ប្រាប់ទូរទស្សន៍AMS អប្សរា តាមបណ្តាញសង្គម តេឡេក្រាម នាព្រឹកថ្ងៃទី១២ ខែ វិច្ឆិកា ឆ្នាំ២០២៥ ។ ឯកឧត្តម អគ្គលេខាធិការ បានគូសបញ្ជាក់ថា ការប្រកួតកីឡាវាយសីជ្រើសរើសជើងឯកថ្នាក់ជាតិឆ្នាំ២០២៥នេះ មានក្លឹបចូលរួមចំនួន១៨ និងប្រតិភូ គ្រូបង្វឹក និងកីឡាករកីឡាការិនីចូលរួមសរុបចំនួន២៤៩នាក់ ក្នុងនោះកីឡាករកីឡាការិនីមានចំនួន២០៨នាក់។ ឯកឧត្តម អគ្គលេខាធិការ បានរំលេចទៀតថា ការប្រកួត នៅក្នុងឆ្នាំ២០២៥នេះ ការរៀបចំមានការខុសប្លែកពីឆ្នាំ កន្លងៗទៅ ពោលគឺយើងរៀបចំ មានវិញ្ញាសាប្រកួត​ជ្រើស​រើសចម្រាញ់ឈុតធំ និងមានវិញ្ញាសាចម្រាញ់​សម្រាប់​កីឡាករកីឡាការិនីឈុតថ្នាល…

(ភ្នំពេញ)៖ សហព័ន្ធកីឡាវាយកូនបាល់កម្ពុជា បានរៀប​ចំ​​ការ​ប្រកួតកីឡាវាយកូនបាល់ពានរង្វាន់វាយកូនបាល់ ទេពឃុនណា (30th Annual Tep Kunnah Memorial Cup 2025) លើកទី៣០ នៅពហុកីឡដ្ឋាន​ជាតិ​មរតកតេជោ រាជធានីភ្នំពេញ ដើម្បីរម្លឹកខួបអតីត​កីឡាករជើងខ្លាំងរបស់កម្ពុជា លោក ទេព ឃុនណា។ លោកស្រី ឯក ប៊ុនលក្ខិណា អគ្គហេរញ្ញិក សហព័ន្ធ​កីឡាវាយកូនបាល់កម្ពុជា បានបញ្ជាក់ឱ្យដឹងថា ព្រឹត្តិការណ៍នេះដំណើរការប្រកួតចំនួន២សប្តាហ៍ ដោយសប្តាហ៍ទី១ ចាប់ផ្តើមពីថ្ងៃទី១០-១៥ ខែវិច្ឆិកា និងសប្តាហ៍ទី២ ចាប់ផ្តើមពីថ្ងៃទី១៦-២២ ខែវិច្ឆិកា ឆ្នាំ២០២៥។ លោកស្រី ឯក ប៊ុនលក្ខិណា បញ្ជាក់ទៀតថា ការប្រ​កួត​នេះ​មានកីឡាករ កីឡារិនីកម្រិតបច្ចេក​ទេសខ្ពស់ៗ ដោយផ្តោតសំខាន់លើអត្តពលិកវ័យក្មេង ខណៈម្ចាស់​ផ្ទះកម្ពុជាមានសមាសភាពកីឡាករ៣នាក់បានចូលរួមប្រកួតប្រជែងជាមួយកីឡាករអន្តរជាតិ ដើម្បីដក​ពិ​សោធន៍ និងបង្កើនគុណភាពបច្ចេកទេសឱ្យកាន់តែល្អ​ប្រសើរបន្ថែមទៀត។ជាមួយគ្នានេះ អគ្គហេរញ្ញិក រូបនេះ បានសង្កត់ធ្ងន់ថា សម្រាប់ការទទួលរៀបចំធ្វើម្ចាស់ផ្ទះ ឆ្នាំ២០២៥នេះ សហព័ន្ធបានត្រៀមខ្លួនជាច្រើនខែ​មក​ហើយ ដើម្បីរៀបចំឱ្យបានគ្រប់ជ្រុងជ្រោយលើការ​ហូប​ចុក ស្នាក់នៅ ដឹកជញ្ជូនជាដើម ដើម្បីទទួលប្រតិភូ គ្រូបង្វឹក កីឡាករ កីឡាការិនីមកពីប្រទេសចំនួន…

(ភ្នំពេញ)៖ ការទទួលធ្វើម្ចាស់ផ្ទះព្រឹត្តិការណ៍កីឡាវាយកូនគោលជើងឯក “VATTANAC LEGENDS CHAMPIONSHIP 2025 គឺជាការបង្ហាញយ៉ាងច្បាស់ពីសមត្ថភាពរបស់កម្ពុជាក្នុងការទទួលរៀបចំព្រឹត្តិការណ៍កីឡាវាយកូនគោលកម្រិតពិភពលោកជាមួយនឹងទីលានវាយកូនគោលកម្រិតស្តង់ដាអន្តរជាតិ ។ ការថ្លែងរបស់ ឯកឧត្តម បណ្ឌិត ថោង ខុន ទេសរដ្ឋមន្រ្តី ទទួលបន្ទុកជំរុញការអភិវឌ្ឍចលនាកីឡា និងជាប្រធានគណៈកម្មាធិការជាតិអូឡាំពិកកម្ពុជា ធ្វើឡើងក្នុងសន្និសីទសារព័ត៌មាន ស្តីពីការប្រកួតកីឡាវាយកូនគោលជើងឯកវឌ្ឍនៈឡេជិន “VATTANAC LEGENDS CHAMPIONSHIP 2025” នាល្ងាចថ្ងៃទី៣ ខែ វិច្ឆិកា ឆ្នាំ២០២៥ នៅទីលានកីឡាវាយកូនគោល Vattanac Golf Resort។ ឯកឧត្តមទេសរដ្ឋមន្រ្តី ថា ព្រឹត្តិការណ៍កីឡាវាយកូនគោលកម្រិតអន្តរជាតិនេះមិនត្រឹមតែផ្ស ព្វផ្សា យនៅក្នុងប្រទេសកម្ពុជាប៉ុណ្ណោះទេ ប៉ុន្តែក៏នឹងផ្សាយទៅកាន់ទ្វីបអាស៊ី អឺរ៉ុប សហរដ្ឋអាមេរិក និងបណ្តាប្រទេសផ្សេងៗដើម្បីឲ្យឃើញពីសក្តានុពលកម្ពុជា ដែលនឹងមានអ្នកទស្សនារាប់លាននាក់នៅទូទាំងពិភពលោកតាមរយៈការផ្សាយនៅលើកញ្ចក់ទូរទស្សន៍កីឡាអន្តរជាតិធំៗ សារព័ត៌មានកីឡាអន្តរជាតិ បណ្តាញសង្គម និងការទស្សនាដោយផ្ទាល់ផងដែរ។ ទន្ទឹមនឹងនេះ ការទទួលធ្វើម្ចាស់ផ្ទះព្រឹត្តិការណ៍កីឡាវាយកូនគោលដ៏ធំនេះ គឺជាការបង្ហាញយ៉ាងច្បាស់ពីសមត្ថភាពរបស់កម្ពុជាក្នុងការទទួលរៀបចំព្រឹត្តិការណ៍កីឡាវាយកូនគោលកម្រិតពិភពលោកជាមួយនឹងទីលានវាយកូនគោលកម្រិតស្តង់ដាអន្តរជាតិ របស់ Vattanac Golf Resort សណ្ឋាគារប្រណិត ក៏ដូចជាអាកាសយានដ្ឋានអន្តរជាតិតេជោលំដាប់ F4 ដ៏ថ្មីស្រឡាងរបស់កម្ពុជា ដែលនឹងផ្តល់ភាពងាយស្រួលសម្រាប់ការហោះហើររបស់ប្រតិភូកីឡាអន្តរជាតិមកពីជុំវិញពិភពលោក។…

(ភ្នំពេញ)៖ ព្រឹត្តិការណ៍កីឡាយុវជនអាស៊ីលើកទី៣ ដែលព្រះរាជាណាចក្របារ៉ែន ទទួលធ្វើជាម្ចាស់ផ្ទះបានបញ្ចប់ជាស្ថាពរហើយត្រឹមថ្ងៃទី៣១ ខែ តុលា ឆ្នាំ២០២៥ ដោយអត្តពលិកគ្រប់ប្រទេស បានវិលទៅកាន់ប្រទេសរៀងៗខ្លួនត្រឹមថ្ងៃទី២ ខែ វិច្ឆិកា ខណៈអត្តពលិកកីឡាកម្ពុជា បានវិលមកដល់មាតុប្រទេសវិញនៅល្ងាចថ្ងៃទី២ ខែ វិច្ឆិកា ដឹកនាំដោយ ឯកឧត្តម ប៉ុន សុខ អគ្គនាយកនៃអគ្គនាយករដ្ឋានកីឡា ។ ថ្លែងក្នុងដំណើរមកដល់ នាអាកាសយានរដ្ឋានអន្តរជាតិតេជោ ឯកឧត្តម ប៉ុន សុខ បានថ្លែងបញ្ជាក់ឱ្យដឹងថា ប្រភេទកីឡាចុងក្រោយ ដែលបានបន្តការប្រកួតនៅចុងព្រឹត្តិការណ៍កីឡាយុវជនអាស៊ីលើកទី៣ នាប្រទេសបារ៉ែននេះ ថ្វីដ្បិតយើងមិនទទួលបាននូវលទ្ធផលមេដាយជូនជាតិក៏ពិតមែន ប៉ុន្តែប្រភេទកីឡាមួយចំនួនបានបំបែកឯតទគ្គកម្មកំណត់ត្រាចាស់ និងធ្វើបានល្អ ជាពិសេស គឺអត្តពលិកយើងរក្សាបាននូវក្រមសីលធម៌លេងដោយយុត្តិធម៌ ។ កក្តាទាំងអស់នេះបានបង្ហាញឱ្យឃើញនូវផលវិជ្ជមានល្អប្រសើរសម្រាប់កម្ពុជាត្រៀមខ្លួនធ្វើជាម្ចាស់ផ្ទះកីឡាសកលវិទ្យាល័យអាស៊ានឆ្នាំ២០២៨ និងកីឡាយុវជនអាស៊ីឆ្នាំ២០២៣១។ សូមបញ្ជាក់ថា ប្រភេទកីឡារបស់កម្ពុជាដែលត្រឡប់មកក្រោយគេនៅថ្ងៃទី២ ខែ វិច្ឆិកា ឆ្នាំ២០២៥នេះ មានដូចជា៖ វាយកូនឃ្លីលើតុ .វាយសី.លើកទម្ងន់.យូដូ.ជឺជីតស៊ូ និង.ហែលទឹក ។ គួរឱ្យដឹងថា ព្រឹត្តិការណ៍កីឡាយុវជនអាស៊ីលើកទី៣ ដែលប្រទេសបារ៉ែនទទួលធ្វើជាម្ចាស់ផ្ទះនេះមាន៤៥ប្រទេសចូលរួម ក្នុងនោះកម្ពុជាបញ្ជូន ១៤ប្រភេទកីឡាចូលរួម ដោយដណ្តើមបានមេដាយសរុប ៤គ្រឿង…

(ភ្នំពេញ)៖ លោក សាន សៅយ៉ាន់ អតីតអ្នកប្រដាល់គុនខ្មែរជើងខ្លាំងប្រចាំខេត្តបន្ទាយមានជ័យ និងបច្ចប្បន្នជាគ្រូបង្វឹកកីឡាប្រដាល់គុនខ្មែរ ជាឳពុកបង្កើតកីឡាករប្រដាល់គុនខ្មែរ ឆុង វិសាល ម្ចាស់មេដាយប្រាក់ កីឡាយុវជនអាស៊ីលើកទី៣ នៅព្រះរាជាណាចក្របារ៉ែន នាឱកាសអញ្ជើញទៅទទួលដំណើរកូនវិលត្រឡប់ពីចូលរួមការប្រកួតនៅព្រះរាជាណាចក្របារ៉ែន ។ បានរៀបរាប់ទាំងអួលដើមករថា ខ្ញុំជាឳពុកពិតជាមានអារម្មណ៍រំភើបខ្លាំងណាស់ ដោយមិននឹកស្មានដល់សោះថា កូនប្រុសរបស់ខ្ញុំឆុង វិសាល ឡើងទៅដល់វគ្គផ្តាច់ព្រ័ត្រក្នុងព្រឹត្តិការណ៍ដ៏ធំមួយនេះ។ ទោះបីកូនទទួលបានមេដាយប្រាក់ មិនអាចដណ្តើមបានមេដាយមាសជូនជាតិក៏ដោយ ។ លោក សាន សៅយ៉ាន់ថា ទម្រាំកូនប្រុសរបស់លោក ឡើងដល់វគ្គផ្តាច់ព្រ័ត្រក្នុងព្រឹត្តិការណ៍ប្រកួតកីឡាទ្វីបអាស៊ីនេះ ពិតជាខិតខំប្រឹងប្រែងខ្លាំងណាស់ ហើយ លោកជាឳពុកគឺមានការកោតសើរយ៉ាងខ្លាំងចំពោះការតស៊ូប្រឹងប្រែងរបស់កូន ទាំងកម្លាំងនិងបច្ចេកទេស ព្រោះថ្ងៃខ្លះប្រកួតទៅដល់២ប្រកួតថែមទៀតផង។ លោក សាន សៅយ៉ាន់ បានចាត់ទុកមេដាយប្រាក់ ដែលកូនប្រុសដណ្តើមបានមកជូនជាតិពីព្រឹត្តិការណ៍យុវជនអាស៊ីលើកទី៣នេះ គឺជាគំរូមួយជំរុញលើកទឹកចិត្តដល់យុវជនប្រដាល់គុនខ្មែរជំនាន់ក្រោយបន្ថែមការដុសខាតសមត្ថភាព ដើម្បីទទួលបានឱកាសប្រកួតតំណាងជាតិក្នុងព្រឹត្តិការណ៍ប្រកួតនៅអន្តរជាតិ។ទន្ទឹមជាមួយគ្នានេះ ក្នុងនាមលោកជាឳពុក ប្តេជ្ញាចិត្តជំរុញលើកទឹកកូនប្រុសឱ្យបន្តខិតខំប្រឹងប្រែងដោយមើលគំរូកីឡាករគុនខ្មែររៀបច្បង។ ម្ចាស់មេដាយប្រាក់ ឆុង វិសាល គឺជាកូនប្រុសទី២របស់ លោក សាន សៅយ៉ាន់ ក្នុងចំណោមបងប្អូនប្រុសស្រី៤នាក់ បច្ចុប្បន្នមានអាយុ១៦ឆ្នាំ កំពុងជាកីឡាករជម្រើសជាតិថ្នាល់របស់គុខ្មែរ ៕ រូបភាព ៖…