ម្ចាស់មេដាយមាសចំបាប់ស៊ីហ្គេម ២០២៣ កីឡាករជម្រើសជាតិកម្ពុជា ស៊ូ បាលី កំពុង ស្វះស្វែងឱកាសល្អៗ ក្នុងការប្រកួតជើងឯកពិភពលោក ឆ្នាំ២០២៣ នៅប្រទេសស៊ែរប៊ី ដោយស៊ូ បាលី នៅតែមានឱកាសឈ្នះមេដាយសំរឹទ្ធ និងប្រជែងសិទ្ធ ចូលរួមប្រកួតកីឡាអូឡាំពិក នៅទីក្រុងប៉ារីស ប្រទេសបារំាង នាឆ្នាំ២០២៤។ លោក ខេស៊ី បាណេត ប្រធានសហព័ន្ធកីឡាចំបាប់អាស៊ីអាគ្នេយ និងជាអនុ ប្រធានសហព័ន្ធកីឡាចំបាប់កម្ពុជា ដែលកំពុងដឹកនាំកីឡាករ ស៊ូ បាលី ចូលរួមប្រកួត កីឡាចំបាប់ជើងឯកពិភពលោក នៅប្រទេសស៊ែរប៊ីបានគូសបញ្ជាក់មកថា កីឡាករ កម្ពុជា ស៊ូ បាលី បានប្រកួតចាញ់កីឡាករ Geno Petriashvili មកពីប្រទេសហ្ស៊កហ្ស៊ី ដែលជាម្ចាស់មេដាយមាសកីឡាអូឡាំពិក ឆ្នាំ២០២០ នៅប្រទេសជប៉ុន ក្នុងលទ្ធផល បច្ចេកទេស ៩ទល់៣ កាលពីល្ងាចថ្ងៃទី១៦ ខែកញ្ញា ឆ្នាំ២០២៣។លោក ខេស៊ី បាណេត ប្រធានសហព័ន្ធកីឡាចំបាប់អាស៊ីអាគ្នេយ និងជាអនុ ប្រធានសហព័ន្ធកីឡាចំបាប់កម្ពុជា ដែលកំពុងដឹកនាំកីឡាករ ស៊ូ បាលី…

(ភ្នំពេញ)៖ លោក ជា ស្រួច អតីតអ្នកប្រដាល់គុនខ្មែរល្បីឈ្មោះមួយរូបនៅកម្ពុជា កាលពីអំឡុងឆ្នាំ១៩៩៥ដល់ឆ្នាំ២០០០ បន្ទាប់ពីដើរចេញឈប់ប្រឡុកក្នុងវិស័យគុនខ្មែរអស់រយៈពេលជាង២០ឆ្នាំ ដោយសារតែមានវិបត្តិគ្រួសារនោះ បានវិលត្រឡប់ចូលមកក្នុងវិស័យគុនខ្មែរជាថ្មី ដោយកំពុងជ្រកកោណក្នុងក្លិបប្រដាល់ហ្គាឡាក់ស៊ីណាវ៉ាត្រាអេភូថងគុនខ្មែរជាគ្រូជំនួយស្ម័គ្រចិត្ត។ ការវិលចូលក្នុងវិស័យគុនខ្មែរជាថ្មីរបស់អតីតអ្នកប្រដាល់គុនខ្មែរល្បីឈ្មោះរូបនេះ ត្រូវបានលោកជាសមីខ្លួនបង្ហើបថា លោកត្រូវបានអតីតស្តេចប្រដាល់ អេ ភូថង ហៅឲ្យលោកមកធ្វើជាគ្រូជំនួយជួយបង្ហាត់កូនសិស្សដើម្បីជួយផ្តល់នូវបច្ចេកទេសបន្ថែម និងធ្វើជាអាជ្ញាកណ្តាលចៅក្រមក្នុងកម្មវិធីប្រដាល់គុនខ្មែរដែលរៀបចំដោយក្លិបហ្គាឡាក់ស៊ីណាវ៉ាត្រាអេភូថង។ លោកថា ការវិលត្រឡប់មកម្តងនេះ លោកបាននាំប្រពន្ធនិងកូនមកជ្រកក្នុងក្លិបរបស់ លោកគ្រូ អេ ភូថង លោកបង្ហាត់ពុំមានប្រាក់កម្រៃនោះទេគ្រាន់តែទទួលអារហារ៣ពេលសម្រាប់គ្រួសារក្រោមការសណ្តុះប្រណីពី លោកគ្រូ អេភូថង ។ អតីតអ្នកប្រដាល់គុនខ្មែរល្បីឈ្មោះរូបនេះ រំពឹងថា ការត្រឡប់មកចូលរួមក្នុងវិស័យគុនខ្មែរជាថ្មី នឹងជួយស្តារកេរ្តិ៍ឈ្មោះមកបានល្អឡើងវិញ ដើម្បីក្លាយជាផ្នែកមួយជួយលើកស្ទួយប្រដាល់គុនខ្មែរឲ្យកាន់តែរីកចំរើន ។ គួររំលឹកថា លោក ជា ស្រួច ជាអ្នកប្រដាល់ជាយដែនជាអ្នករស់នៅជំរុំសាយប៊ីនិងសាយធូលោកបានហ្វឹកហាត់ប្រដាល់តាំងពីវ័យក្មេងហើយអាយុ១៥ឆ្នាំ លោកបានចាប់ផ្តើមចេញប្រដាល់តាមជាយដែនរហូត ដល់ឆ្នាំ១៩៩៥កេរ្តិ៍ឈ្មោះរបស់លោកបានចាប់ផ្តើមល្បីខ្លាំងក្នុងរាជធានីភ្នំពេញរហូតដល់ឆ្នាំ២០០០ និងឆ្នាំ២០០១ លោកចាប់មានវិបត្តិគ្រួសារ លោកក៏ចាកចេញ ពីប្រដាល់គុនខ្មែរទៅសំងំដាក់ខ្លួនពួនអាត្មារកស៊ីនៅខេត្តក្រចេះ ៕ អត្ថបទៈ ជាវ ចន្ធូ

លោក Casey Bannett អនុប្រធានសហព័ន្ធកីឡាចំបាប់កម្ពុជាបានថ្លែថអោយថា ៖ ថ្ងៃនេះខ្ញុំដឹកនាំអ្នកចំបាប់កម្ពុជា ស៊ូ បាលី ក្នុងការប្រកួតជើងឯកពិភពលោក។ នេះ ជាលើកទីមួយហើយដែលកីឡាករចំបាប់កម្ពុជាបានចូលរួមប្រកួតជើងឯកពិភពលោក។ ការប្រកួតដំបូងរបស់គេ គឺនៅថ្ងៃនេះវេលាម៉ោង ១២:២១ (នៅ កម្ពុជា ម៉ោង ៥:២១ល្ងាច) ទល់នឹងម្ចាស់មេដាយមាសអូឡាំពិកឆ្នាំ ២០២០។ ប្រសិនបើអ្នកចំបាប់របស់យើងអាចជាប់ក្នុង Top 5 គេនឹងមានសិទ្ធិចូលរួមប្រកួតកីឡាអូឡាំពិក។” ចាន់ វិចិត្រ

ភ្នំពេញ៖ កីឡាករ ម៉ានូ សិល្បៈ បាន បង្ហាញឆន្ទៈចង់បានខ្សែក្រវាត់ គុនខ្មែរនាំយកទៅប្រទេសកំណើតខ្លួនដើម្បីផ្សព្វផ្សាយពីគុនខ្មែរ។ កីឡាករគុនខ្មែរ ម៉ានូ សិល្បៈ ជនជាតិនីហ្សេរីយ៉ា សញ្ជាតិខ្មែរ បាន បង្ហាញឆន្ទៈបែបនេះក្នុងពេលដែលការហ្វឹកនិងការប្រកួតប្រើប្រាស់តាមទម្ងង់គុនខ្មែរត្រឹមត្រូវ១០០ភាគ។ ម៉ានូ សិល្បៈ បាននិយាយថា បច្ចុប្បន្ននេះ រូបគាត់កំពុងតែក្រេប ជញ្ជក់ រៀនសូត្រក្បាច់គុនខ្មែរ និងប្រកួតដោយប្រើប្រាស់ក្បាច់គុនខ្មែរ បានប្រមាណជា៥០ភាគរយហើយ និង៥០ភាគរយទៀតអាចនឹង ហ្វឹក ហាត់យ៉ាងហោចណាស់ក៏ប្រើរយៈពេលប្រមាណពីមួយទៅពីរឆ្នាំទៀតដែរ។ ម៉ានូ សិល្បៈ បានបង្ហើបទៀតថា គោលដៅដែលលោកចូលហ្វឹក ហាត់គុនខ្មែរ និងប្រកួតគុនខ្មែរតំណាងឱ្យកម្ពុជាបានកើតឡើងពីការ ស្រឡាញ់ ព្រោះក្បាច់គុនខ្មែរ មិនមែនហាត់តែប្រកួតមួយមុខនោះទេ ពោល ការហ្វឹកហាត់គុនខ្មែរជួយធ្វើឱ្យគាត់មានសុខភាពល្អ កាត់បន្ថយ ការដើរសប្បាយផងដែរ។ ម៉ានូ សិល្បៈ បានបង្ហាញបំណងថា ការចំណាយ ពេលហ្វឹក ហាត់ គុនខ្មែរអស់រយៈពេល១៥ឆ្នាំនេះ គោលបំណងដែលលោក ចង់បាននោះ គឺចង់បានខ្សែក្រវាត់មួយដែលប្រកួតតំណាងឱ្យគុនខ្មែរ នាំយកទៅ ប្រទេស កំណើរគាត់ គឺប្រទេសនីហ្សេរីយ៉ា ដើម្បីបើកក្លិបគុនខ្មែរ នឹងដាក់ខ្សែក្រវាត់ដែលគាត់ប្រជែងដណ្តើមបាននោះឱ្យកីឡាករអាហ្វ្រិកដែលហ្វឹកហាត់គុនខ្មែរដណ្តើមដើម្បីជាចូលរួមចំណែកជួយផ្សព្វផ្សាយពីគុនខ្មែរ។…

(ភ្នំពេញ)៖ ព្រឹត្តិការណ៍ប្រកួតកីឡាវាយកូនបាល់វគ្គផ្តាច់ព្រ័ត្រប្រចាំទ្វីបអាស៊ី ITF Asian 14U Junior Championships ដែលកម្ពុជាទទួលធ្វើជាម្ចាស់ផ្ទះ ដំណើរការប្រកួតនៅមជ្ឈមណ្ឌលកីឡាវាយកូនបាល់ពហុកីឡដ្ឋានជាតិមរតកតេជោ បានបញ្ចប់ការប្រកួត ដោយទទួលបានភាពជោគជ័យ ។ លោក ទេព រិទ្ធី អគ្គលេខាធិការ សហព័ន្ធកីឡាវាយកូនបាល់កម្ពុជា បានបញ្ជាក់ឲ្យដឹងថា ព្រឹត្តិការណ៍អន្តរជាតិដែលជាការប្រកួតវគ្គផ្តាច់ព្រ័ត្រប្រចាំទ្វីបអាស៊ីនេះ មាន១៤ប្រទេសចូលរួមប្រកួតប្រជែង ដោយដំណើរការប្រកួតពីថ្ងៃទី៤ ដល់ថ្ងៃទី៨ ខែ កញ្ញា ប្រកួតលើ៤វិញ្ញាសា គឺប្រកួតវាយឯកក្តជនបុរស ប្រកួតវាយគូបុរស ប្រកួតវាយឯកក្តជននារី និងប្រកួតវាយគូនារី ។ លោកថា ការប្រកួតនេះ កីឡាករកីឡាការិនី ដែលមកប្រកួតប្រជែងលើទឹកដីប្រទេសកម្ពុជា សុទ្ធសឹងជាកីឡាករកីឡាការិនី ដែលត្រូវបានចំរាញ់ដោយសហព័ន្ធកីឡាវាយកូនបាល់អាស៊ី ចំនួន៤៦នាក់ ខណៈដែលកម្ពុជាម្ចាស់ផ្ទះទទួលបានសិទ្ធពិសេស ដាក់សមាសភាពកីឡាករ២រូប ដោយមិនបាច់ឆ្លងកាត់ការប្រកួតជម្រុះ។ អគ្គលេខាធិការ រូបនេះ បានពន្យល់ថា ថ្វីត្បិតព្រឹត្តិការណ៍អន្តរជាតិនេះ កីឡាករកម្ពុជា២រូបមិនទទួលបានចំណាត់ល្អក្នុងការប្រកួតប្រជែងនេះយ៉ាងណាក្តីយើងនៅតែមានសេចក្តីរីករាយនិងទទួលភារៈកិច្ចរៀបចំធ្វើជាម្ចាស់ផ្ទះបន្តទៀត ឲ្យតែសហព័ន្ធអន្តរជាតិITFនិងសហព័ន្ធកីឡាកូនបាល់អាស៊ីផ្តល់សិទ្ធនិងទំនុកចិត្តសម្រាប់កម្ពុជា ។ ព្រោះព្រឹត្តិការណ៍នេះ ជាការប្រកួតមួយប្រជុំដោយកីឡាករកីឡាការិនីខ្លាំងនៅក្នុងទ្វីបអាស៊ី ដែលនឹងផ្តល់បទពិសោធន៍ និងបច្ចេកទេសពីការប្រកួតកម្រិតអន្តរជាតិដល់យុវជនបន្តវេនកម្ពុជា អភិវឌ្ឍខ្លួនក្លាយជាកីឡាករវាយកូនបាល់មានសកក្តានុពលប្រចាំទ្វីអាស៊ីនៅពេលខាងមុខ។ មានន័យថា យុវជនកម្ពុជា អាយុក្រោម១៤ឆ្នាំនេះ…

ភ្នំពេញ៖អ្នកប្រដាល់គុនខ្មែរព្រុំ សំណាង បានអះអាងថា ជំនួប ប្រកួតជាមួយ ស្តេចប្រដាល់ភូមា ដាវ លីឌុច នៅទឹកដីកម្ពុជា លោក ពុំមាន អារម្មណ៍ភ័យខ្លាចនោះទេ។លោក មានក្តីសង្ឈឹមឈ្នះ ច្រើន ថែមទៀតផង។ កីឡាករគុនខ្មែរ ព្រុំ សំណាង ម្ចាស់មេដាយមាសកីឡាស៊ីហ្គេម លើក ទី៣២ ឆ្នាំ២០២៣ នឹងត្រូវជួបស្តេចប្រដាល់ភូមា កីឡាករ ដាវ លីឌុច ក្នុងជំនួបមិត្តភាពអន្តរជាតិនៅលើទឹកដីប្រទេសកម្ពុជា នៅថ្ងៃទី៥ ខែ វិច្ឆិកាខាងមុខ នាសង្វៀនប្រដាល់គុនខ្មែរស្ថានីយទូរទស្សន៍ ក្នុង ស្រុក មួយ។ប្រាប់ទូរទស្សន៍អប្សរា នៅកន្លែងហ្វឹកហាត់ កីឡាករ ព្រុំ សំណាង បាន និយាយថា ការជួបស្តេចប្រដាល់ភូមា ដាវ លីឌុច រូបគាត់មិនមាន ក្តីបារម្ភ អ្វីទេ ព្រោះលោកក៏បានហ្វឹកហាត់ត្រៀមខ្លួនបានយ៉ាងល្អដែរ។ កីឡាករ ព្រុំ សំណាងលើកឡើងទៀតថា ចំពោះស្តេចប្រដាល់ ដាវ លីឌុច បើតាមរយៈវីដេអូប្រកួតកន្លងមក កាលពីដាវ…