ភ្នំពេញ៖រដ្ឋមន្ត្រីក្រសួងព័ត៌មានឯកឧត្តម ខៀវ កាញារីទ្ធ    បានស្នើដល់ក្រុមអ្នកសារព័ត៌មានដែលចូលរួមផ្តិតរូប និង យកព័ត៌មាននៅក្នុងព្រឹត្តិការណ៍ប្រកួតកីឡាស៊ីហ្គេមលើទី៣២ និងអាស៊ានប៉ារ៉ាហ្គេមលើកទី ១២ ត្រូវគោរពឱ្យបានចំពោះបទបញ្ញត្តិ និងច្បាប់នានាដែលត្រូវបានអនុម័តដោយសហគមន៍កីឡាស៊ីហ្គេមដែលកម្ពុជាធ្វើជាម្ចាស់ផ្ទះនៅថ្ងៃទី ៥ ខែឧសភា ឆ្នាំ ២០២៣។ ក្នុងសន្និសីទសារព័ត៌មានប្រកាសដាក់ឱ្យដំណើការមជ្ឈមណ្ឌលព័ត៌មាននៃព្រឹត្តិការណ៍ប្រកួតកីឡា ស៊ីហ្គេមនៅថ្ងៃទី ២៩ ខែមេសា ឆ្នាំ ឯកឧត្តម ខៀវ កាញ្ញារីទ្ធ ថ្លែងថា ការគោរពបទបញ្ញត្តិ និងច្បាប់នៅពេលចូលយកព័ត៌មាននៅក្នុងព្រឹត្តិការណ៍ស៊ីហ្គេមនេះ ពិតជាមានសារៈសំខាន់  ព្រោះជារូបភាពដ៏ល្អមួយនៃប្រទេសកម្ពុជាក្នុងនាមជាម្ចាស់ផ្ទះ។ឯកឧបន្តថា ៖«ការចូលរួមផ្តិតរូបភាព និងយកព័ត៌មានពីព្រឹត្តិការណ៍នេះ នឹងធ្វើឱ្យព្រឹត្តិការណ៍កីឡានេះផ្ទុះឡើង និងបង្ហាញនូវមោទនកភាពរបស់ប្រទេសកម្ពុជាទាំងមូល ។ ដូច្នេះ បើមិនមានការចូលរួមផ្សព្វផ្សាយពីក្រុមអ្នកសារព័ត៌មានទេនឹងបាត់បង់អស់ ៥០ភាគរយនៃភាពជោគជ័យ»។ ជាមួយគ្នានេះឯកឧត្តមបានក៏បានស្នើ ឱ្យក្រុមអ្នកសារព័ត៌មានទាំងអស់ត្រូវមកទាក់ទងមកមជ្ឈមណ្ឌលព័ត៌មាន នៃព្រឹត្តិការណ៍ប្រកួតកីឡាស៊ីហ្គេម ដើម្បីដោះស្រាយនូវរាល់បញ្ហាប្រឈមដែលអាចកើតមានកើតមានឡើងក្នុងពេលចុះទៅថតរូប ឬយកព័ត៌មាន។ បើតាមឯកឧត្តម ខៀវ កាញារីទ្ធ  រាល់ការស្នាក់នៅ និងម្ហូបអាហារ ព្រមទាំងការផ្សព្វផ្សាយពីព្រឹត្តិការណ៍ដ៏សំខាន់មួយនេះ ត្រូវបានផ្តល់ជូនដល់អ្នកសារព័ត៌មាន និងប្រព័ន្ធផ្សព្វផ្សាយ មកពីបណ្តាប្រទេសនៅក្នុង ក្នុងតំបន់អាស៊ាន និងពិភពលោកដោយមិនគិតថ្លៃនោះទេ។ លោកស្រី ញៀន ទយយ៉ុកហោ ទីប្រឹក្សាយោបល់ផ្នែកព័ត៌មាននៃគណៈកម្មាធិការជាតិរៀបចំការប្រកួតកីឡាស៊ីហ្គេម…

ខេត្តសៀមរាប ៖ លោក ទេព រិទ្ធីវិទ្ធ អគ្គលេខាធិការ សហព័ន្ធកីឡាវាយកូនបាល់កម្ពុជា បានថ្លែងបញ្ជាក់ នៅក្នុងសន្និសិទសារព័ត៌មាន បញ្ចប់កម្មវិធីបោះជំរុំហ្វឹកហាត់ត្រៀមស៊ីហ្គេមរបស់អត្តពលិកជម្រើសជាតិកីឡាវាយកូនបាល់ដែលធ្វើឡើងនៅទីរួមខេត្តសៀមរាប កាលពីថ្ងៃម្សិលមិញនេះថា កម្មវិធីបោះជរុំហ្វឹកហាត់រយៈពេល៤ថ្ងៃនេះ សម្រាប់លទ្ធផលដែលទទួលបានគឺល្អបំផុត ដោយអត្តពលិកជម្រើសជាតិទាំងអស់មានការខិតខំប្រែងប្រែងហ្វឹកហាត់និងមានសិទ្ធិផលរីកចម្រើនគួឲ្យកត់សម្គាល់ដែលធ្វើឲ្យពិបាកក្នុងសម្រេចចិត្តជម្រុះកីឡាករចេញមួយរូប ខណៈក្នុងស៊ីហ្គេមឆ្នាំ២០២៣ខាងមុខនេះសម្រាប់កម្ពុជាដាក់បានតែកីឡាករ៥រូបចូលរួមប៉ុណ្ណោះ ដ្បិតការបោះជំរុំយើងមានកីឡាករ៦ តែយ៉ាងណាយើងត្រូវតែមានការសម្រេចចិត្តជម្រុះមួយរូប។ លោក អគ្គលេខាធិការ បញ្ជាក់ថា មូលហេតុដែល លោក ដឹកនាំក្រុមជម្រើសជាតិមកបោះជំរុំហ្វឹកហាត់នៅខេត្តសៀមរាបនេះ ព្រោះលោកចង់ឲ្យកីឡាករកីឡាការិនីមានអារម្មណ៍រីករាយនិងស្រស់ស្រាយ ពិសេសចង់ឱ្យពួកកីឡាករទាំងអស់មើលឃើញពីភាពអស្ចារ្យរបស់អង្គរវត្តដែលជាមោទកភាពកម្ពុជា ដើម្បីជាការដាស់តឿនស្មារតីដល់ពួកគាត់ឲ្យប្រកួតដោយភាពក្លាយហានអង់អាចដណ្តើមមេដាយឲ្យបានជូនកម្ពុជា នាំមកនូវមោទកភាពជូនប្រទេសជាតិ សហព័ន្ធ ក្រុមគ្រួសារ និងខ្លួនឯង។ លោក អគ្គលេខាធិការ បានអះអាងថា ស៊ីហ្គេម ឆ្នាំ២០២៣នេះ ការត្រៀមខ្លួនរបស់ក្រុមជម្រើសជាតិកីឡាវាយកូនបាល់កម្ពុជា គឺធ្វើបានយ៉ាងល្អ ព្រោះយើងទទួលបានការទំនុកបំរ៉ុងយ៉ាងយកចិត្តទុកដាក់ពីរាជរដ្ឋាភិបាលតាមរយៈក្រសួងអប់រំយុវជន និងកីឡា និងគណៈកម្មាធិការជាតិរៀបចំកីឡាស៊ីហ្គេម ឆ្នាំ២០២៣ទាំងហ្វឹកហាត់នៅក្នុងស្រុក និងការបញ្ជូលកីឡាករចេញទៅប្រកួតពង្រឹងសមត្ថភាពនៅក្រៅប្រទេស។ តាមរយៈសកម្មភាពយកចិត្តទុកដាក់ទំនុកបំរ៉ុងគ្រប់សកម្មភាពពីរាជរដ្ឋាភិបាលទាំងអស់នេះហើយ ទើបបង្កលក្ខណៈឲ្យអត្តពលិកយើងបានត្រៀមខ្លួនគ្រប់គ្រាន់ នឹងមានសង្ឈឹមខ្ពស់សម្រាប់ការប្រជែងដណ្តើមមេដាយឲ្យបានជូនជាតិក្នុងនាមជាប្រទេសម្ចាស់ផ្ទះ។ អគ្គលេខាធិការខាងលើ បានដាក់គោលដៅថា ស៊ីហ្គេម លើកទី៣២ នឹងដណ្តើមមេដាយជូនជាតិក្នុងកម្រិតណាមួយយ៉ាងតិច២គ្រឿងសម្រាប់កម្ពុជា។ កីឡាករកីឡាការិនីជម្រើសជាតិដែលបានចូលរួមក្នុងកម្មវិធីបោះជំរុំហ្វឹកហាត់ទាំងអស់សុទ្ធតែបានបង្ហាញជំនឿចិត្តខ្ពស់ទាំងអស់គ្នាសម្រាប់ការប្រកួតកីឡាស៊ីហ្គេម លើកទី៣២ ដែលកម្ពុជាទទួលធ្វើជាម្ចាស់ផ្ទះលើកដំបូងនេះ នឹងប្រឹងប្រកួតឲ្យអស់ពីលទ្ធភាពប្រជែងដណ្តើមមេដាយឲ្យបានជូនកម្ពុជានាំមកនូវតេត្យានុភាពនិងមោទកៈសម្រាប់កម្ពុជាសម្រាប់ព្រឹត្តិការណ៍ជាប្រវត្តិសាស្រ្តនេះ។ សូមបញ្ជាក់ថា…

ភ្នំពេញ ៖ អត្តពលិកកីឡាវាយសីកម្ពុជាដែលទៅហ្វឹកត្រៀមស៊ីហ្គេម លើកទី៣២ នៅសាធារណរដ្ឋប្រជាមានិតចិនចំនួន ១២នាក់ បានធ្វើដំណើរវិលត្រឡប់ដល់ប្រទេសកំណើតដោយសុខសុវត្ថិភាព នាល្ងាចថ្ងៃទី២៩ ខែ មេសា ឆ្នាំ២០២៣ ដើម្បីចូលរួមស៊ីហ្គេម ចាប់ផ្តើមនៅថ្ងៃទី៩ ខែ ឧសភា ឆ្នាំ២០២៣ នៅកីឡដ្ឋានមរតកតេជោ។ ថ្លែងប្រាប់អ្នកព័ត៌មាននៅអាកាសយានដ្ឋានអន្តរជាតិភ្នំពេញ នាឱកាសទៅទទួលកីឡាករកីឡាការិនី ឯកឧត្តមឧត្តមសេនីយ៍ទោ ជាម សុភា អគ្គលេខាធិការ សហព័ន្ធកីឡាវាយសីកម្ពុជា បានបញ្ជាក់ថា សម្រាប់ការប្រជែងដណ្តើមមេដាយជូនជាតិពីព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះនេះ អត្តពលិកកម្ពុជារំពឹងខ្ពស់នឹងដណ្តើមបានមេដាយជូនកម្ពុជាលើវិញ្ញាសាក្រុមបុរសនារី ខណៈដែលការហ្វឹកហាត់សម្រាប់ពេលកម្ពុជានិងទៅហ្វឹកហាត់រយៈពេល៨ខែកន្លងទៅនេះយើងផ្តោតលើវិញ្ញាសាជាក្រុមជាចម្បង ។ ឯកឧត្តម បានអះអាងទៀតថា ជាក់ស្តែងការវិលត្រឡប់មកពីការហ្វឹកហាត់នៅប្រទេសចិននាពេលនេះ កីឡាករ កីឡាការិនីទាំងអស់មានសុខភាពល្អរឹងមាំដែលបញ្ជាក់បានថា ការហ្វឹកហាត់នៅចិនពួកគេហ្វឹកហាត់ជាមួយគ្រូចិនដោយបច្ចេកទេសខ្ពស់ដែលជាក្តីសង្ឈឹមខ្ពស់លើការប្រជែងដណ្តើមមេដាយ។ កីឡាករ វ៉ាត វណ្ណធន បានបញ្ជាក់ប្រាប់អ្នកព័ត៌មានទាំងជំនឿចិត្តថា នឹងប្រជែងដណ្តើមមេដាយឲ្យបានជូនកម្ពុជា ខណៈការហ្វឹកហាត់៨ខែកន្លងមកនេះនៅប្រទេសចិនពួកគេហ្វឹកហាត់យ៉ាងយកចិត្តទុកដាក់ ដោយបានចេញទៅប្រកួតជាញឹកញាប់ជាមួយកីឡាករបណ្តាក្លិបនានានៅនោះផងដែរ។ គួរបញ្ជាក់ថា នៅស៊ីហ្គេម លើកទី៣២ ដែលកម្ពុជាទទួលធ្វើជាម្ចាស់ផ្ទះនេះ សហព័ន្ធកីឡាវាយសីកម្ពុជា ដឹកនាំ ដោយឯកឧត្តម ឧត្តមសេនីលី កុសល ប្រធានសហព័ន្ធកីឡាវាយសីកម្ពុជា…

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអបអរសាទរ និងកោតសរសើរចំពោះកីឡាករកម្ពុជា ដែលទទួលបានជ័យជំនះ ក្នុងការប្រកួតបាល់ទាត់នៃព្រឹត្តិការណ៍ស៊ីហ្គេម ២០២៣ កីឡាបាល់ទាត់ (បុរសពូល A) នារាត្រីថ្ងៃទី២៩ ខែមេសា ឆ្នាំ២០២៣ រវាងកម្ពុជា និងទីម័រខាងកើត ក្នុងលទ្ធផល ៤-០ (CAM 4-0 TLS) ដែលបានប្រកួតចប់នៅវិមានពហុកីឡដ្ឋានជាតិអូឡាំពិក ។ សម្ដេចតេជោ បានជូនពរក្រុមកីឡាករកម្ពុជា ឲ្យទទួលបានជោគជ័យក្នុងការប្រកួតជាបន្តទៀត។ សូមជម្រាបថា ក្រុមបាល់ទាត់ជម្រើសជាតិកម្ពុជា អាយុក្រោម ២២ឆ្នាំ បានឈ្នះក្រុមបាល់ទាត់ជម្រើសជាតិទីម័រខាងកើត អាយុក្រោម ២២ឆ្នាំក្នុងលទ្ធផល ៤ – ០ ។ ៤គ្រាប់របស់ក្រុមកម្ពុជា ធ្វើបានដោយកីឡាករ ជូរ សិនទិ ២គ្រាប់, ស រតនា ១គ្រាប់ និង លឹម ពិសុទ្ធ ១គ្រាប់។ ជ័យជំនះ ៤ – ០…