ភ្នំពេញ៖ អត្តពលិកកង់ភ្នំ មានទំនុកខ្ពស់ថា នឹងដណ្តើមបានលទ្ធផលល្អ ពីការប្រកួតកង់ភ្នំ ពានរង្វាន់ Royal Cup or King Cup ជុំទី១ នៅថៃ។ នេះជាការអះអាងរបស់លោក អ៊ុច សុខវិបុល គ្រូបង្វឹកកង់ភ្នំ តាមបណ្តាញតេឡេក្រាម នារសៀលថ្ងៃទី២៧ ខែមករា ឆ្នាំ២០២៣។គ្រូបង្វឹកកង់ភ្នំរូបនេះ បានបញ្ជាក់ថា ការចូលរួមប្រកួតនេះ ចាំបាច់ណាស់មុនស៊ីហ្គេម ឆ្នាំ២០២៣ បើទើបីទីតាំងមានចម្ងាយឆ្ងាយ ជាប់នឹងព្រំដែនប្រទេសថៃ និងភូមាក៏ដោយ ព្រោះយើងបានត្រៀមធ្វើកិច្ចការដោយសេចក្តីព្យាយាម និងទំនុកចិត្តខ្ពស់ ដើម្បីយកលទ្ធផលមេដាយជូនជាតិ។ ជាការពិត ការចេញលើកនេះ គឺយើងមានទំនុកចិត្តខ្ពស់ ក្នុងការដណ្តើមយកលទ្ធផលអោយបានល្អប្រសើរ និងជាការផ្លាស់ប្តូរបទពិសោធន៍កម្រិតខ្ពស់ ការសាកកម្លាំង បច្ចេកទេស កលល្បិច (Tactical) និងកសាងទំនុកចិត្តខ្ពស់សម្រាកកីឡាករ កីឡាការិនីជម្រើសរបស់យើងសម្រាប់ការប្រកួតដណ្តើមយកមេដាយជូនជាតិ ក្នុងព្រឹត្តិការណ៍កីឡាស៊ីហ្គេម លើកទី៣២ នាឆ្នាំ២០២៣ ព្រោះការប្រកួតនេះ គឺជាព្រឹត្តិការណ៍ធំប្រចាំឆ្នាំរបស់ប្រទេសថៃ កីឡាករ កីឡាការិនីខ្លាំងៗ គឺមកចូលរួមទាំងអស់។ យើងមានទំនុកចិត្ត និងសង្ឃឹមខ្ពស់ថាកីឡាករ កីឡាការិនី ៣រូប របស់យើង…

ភ្នំពេញ៖ អង្គការក្រៅរដ្ឋាភិបាលបេះដូងមាសជាអង្គការរបស់ប្រទេសជប៉ុនជួយផ្តោតសំខាន់លើវិស័យអប់រំកាយនិងកីឡានៅកម្ពុជា បានបើកសិក្ខាសាលា«ការអនុវត្តផែនការអភិវឌ្ឍមុខវិជ្ជាអប់រំកាយនៅក្នុងគ្រិះស្ថានសិក្សា»ដែលជាគម្រោងសម្រាប់ឆ្នាំ២០២៣គឺ«អប់រំកាយសម្រាប់ទាំងអស់គ្នា»ដល់សិក្ខាកាមតំណាងមន្ទីរ, តំណាងការិយាល័យអប់រំ គណៈគ្រប់គ្រងសាលា, គ្រូបង្រៀននៅបឋមសិក្សា និងគ្រូអប់រំកាយ ក្នុងខណ្ឌគោលដៅទាំង៥នរាជធានីភ្នំពេញ ។ សិសក្ខាសាលានេះរៀបចំឡើងមានគោលបំណងឱ្យសិក្ខាកាមបានយល់ពីសកម្មភាពក្នុងគម្រោង ទទួលបានចំណេះដឹង និងការបង្រៀនអប់រំកាយបែបថ្មីនៅបឋមសិក្សា មធ្យមសិក្សាបឋមភូមិ និងមធ្យមសិក្សាទុតិយភូមិ, ដើម្បីយល់ដឹងពីការត្រួតពិនិត្យ និងវាយតម្លៃថ្នាក់អប់រំកាយ និងយល់អំពីតួនាទីរបស់គណៈគ្រប់គ្រងសាលា និងសកម្មភាពរបស់គ្រូបង្រៀន។ សូមបញ្ជាក់ថា សិក្ខាសាលា«ការអនុវត្តផែនការអភិវឌ្ឍមុខវិជ្ជាអប់រំកាយនៅក្នុងគ្រិះស្ថានសិក្សា»មានរយៈពេល៣ថ្ងៃចាប់ពីថ្ងៃទី២៥ដល់ថ្ងៃទី២៧ បានអញ្ជើញសិក្ខាកាមចំនួន៥៦នាក់ដែលមកពីកម្រិតបឋមសិក្សាចូលរួមនៅថ្ងៃទី១ និងទី២ និងចំនួន៥៦នាក់មកពីកម្រិតមធ្យមសិក្សាបឋមភូមិ និងទុតិយភូមិចូលរួមនៅថ្ងៃទី៣ ហើយសិក្ខាកាមទាំងអស់នេះ គឺតំណាងមន្ទីរ, តំណាងការិយាល័យអប់រំ គណៈគ្រប់គ្រងសាលា, គ្រូបង្រៀននៅបឋមសិក្សា និងគ្រូអប់រំកាយ ក្នុងខណ្ឌគោលដៅទាំង៥,រួមមានខណ្ឌចំការមន ខណ្ឌដង្កោរ ខណ្ឌច្បារអំពៅ ខណ្ឌទួលគោក និងខណ្ឌមានជ័យ៕ អត្ថបទនិង រូបភាព ជាវ ចន្ធូ

ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការ Camsoc បានប្តេជ្ញាចិត្តខ្ពស់បញ្ជៀបផ្សព្វផ្សាយក្បាច់គុនខ្មែរទៅកាន់ពិភពលោកអោយកាន់តែផុសផុលបន្ថែមទៀត ការបញ្ជាក់នេះធ្វើឡើងក្នុងសន្និសីទសារព័ត៌មានស្តីពីដាក់កីឡាគុនខ្មែរ ក្នុងព្រឹត្តិការណ៍កីឡាស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ ក្រោយកិច្ចប្រជុំសហព័ន្ធកីឡាគុនខ្មែរអន្តរជាតិ នាព្រឹកថ្ងៃទី២៦ ខែមករា ឆ្នាំ២០២៣ នៅសណ្ឋាគារ ហ្គាឌេន ស៊ីធី សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។ ឯកឧត្តម វ៉ាត់ ចំរើន បញ្ជាក់បន្ថែមថា កម្ពុជាត្រូវរៀបចំធម្មនុញ ច្បាប់ និងបទបញ្ញាតិរបស់កីឡាជាពិសេសគឺស្របទៅនឹងការរៀបចំធ្វើជាម្ចាស់ផ្ទះព្រឹត្តការណ៍កីឡាស៊ីហ្គេម លើកទី៣២ នៅកម្ពុជា។ កិច្ចប្រជុំខាងលើ មានការគាំទ្រចូលរួមពីសមាជិកក្នុងតំបន់ចំនួន៨ប្រទេស មានកម្ពុជាជាម្ចាស់ផ្ទះ មីយ៉ាន់ម៉ា ឡាវ ហ្វីលីពីន ឥណ្ឌូនេស៊ី ម៉ាឡេស៊ី និងថៃ ក្នុងចំណោម១១ប្រទេស នៃការរៀបចំកីឡាគុនខ្មែរ នៅក្នុងស៊ីហ្គេម។ ជាមួយគ្នានេះ សមាជិកាទាំង៨ប្រទេសក៏បានឯកភាពគ្នាទាំងស្រុងទៅលើបទបញ្ជាប្រកួត និងវិញ្ញាសាតាមប្រភេទទម្ងន់ នៅស៊ីហ្គេម ដើម្បីយកទៅប្រើប្រាស់ដល់គ្រប់ប្រទេសផ្សេងទៀត ក្នុងការប្រកួតក្រោយទៀត។ ក្នុងនោះដើម្បីលើកទឹកចិត្តកីឡាគុនខ្មែរយើង និងជាវប្បធម៌ អរិយធម៌គុនខ្មែររបស់យើងដ៏ផូរផង់ និងកីឡាអត្តសញ្ញាណបុព្វបុរសជាតិ កម្ពុជាបានបញ្ចូលវិញ្ញាសាសម្តែង ដែលហៅថា…

ភ្នំពេញ៖ ថ្ងៃទី២៥ ខែមករា គឺនៅសល់តែ១០០ថ្ងៃទៀត នៃដំណើរឆ្ពោះទៅធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ២០២៣ ដែលកម្ពុជាធ្វើម្ចាស់ផ្ទះ ខណៈម្ចាស់មេដាយមាសស៊ីហ្គេម នៅវៀតណាម ប៉ាល់ ឆរស្មី បានបង្ហាញនូវអារម្មរណ៍ភ័យអរ ក្នុងនាមជាកីឡាការិនីតំណាងអោយកម្ពុជា។ ប៉ាល់ ឆរស្មី បានបង្ហាញការប្តេជ្ញាចិត្តយ៉ាងដូច្នេះថា «ក្នុងនាមជាកីឡាការិនីជម្រើសជាតិ ក្នុងរយៈពេលរាប់ថយក្រោយ ១០០ថ្ងៃ នៃដំណើរឆ្ពោះទៅធ្វើម្ចាស់ផ្ទះ ព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ មានអារម្មណ៍ភ័យអរផង ព្រួយបារម្ភផង មិនខុសពីសិស្សជិតដល់ពេលប្រឡងនោះទេ។ ម្ចាស់មេដាយមាស និងសំរឹទ្ធកីឡាវ៉ូវីណាមរូបនេះ បន្តថា អារម្មណ៍មួយទៀតគឺកាន់តែមានកម្លាំងចិត្តកាន់តែមោះមុត ក្នុងការពញ្ញាក់ស្មារតីបង្កើនការហ្វឹកហាត់ឲ្យកាន់តែខ្លាំងក្លា ជាមួយនឹងការប្តេជ្ញាចិត្ត បន្តការខិតខំហ្វឹកហាត់បង្កើនគុណភាពបច្ចេកទេស ក្នុងគោលដៅការពារមេដាយមាស ស៊ីហ្គេម លើកទី៣១ នៅវៀតណា ឲ្យបានសម្រាប់ការត្រៀមប្រកួត ក្នុងនាមជាម្ចាស់ផ្ទះ ស៊ីហ្គេម លើកទី៣២ នាឆ្នាំ២០២៣ ជាប្រវត្តិសាស្ត្រដំបូងរបស់ព្រះរាជាណាចក្រកម្ពុជា។ ប៉ាល់ ឆរស្មី បញ្ជាក់ទៀតថា នឹងប្រឹងប្រែងឲ្យអស់ពីលទ្ធភាពដែលខ្លួនមាន ដើម្បីបង្កើតកំណត់ត្រាថ្មីជាប្រវត្តិសាស្ត្រ សម្រាប់ខ្លួនឯង និងប្រទេសជាតិ នៅស៊ីហ្គេម-អាស៊ានប៉ារ៉ហ្គេម ២០២៣…