ភ្នំពេញ៖ លោក ខេ ស៊ីបាណេត អនុប្រធានសហព័ន្ធកីឡាចំបាប់កម្ពុជា បានអំពាវនាវឲ្យប្រជាពលរដ្ឋកម្ពុជាចូលរួមទស្សនាលើកទឹកចិត្តដល់កីឡាករកីឡាការិនីជម្រើសជាតិចំបាប់កម្ពុជាប្រកួតក្នុងព្រឹត្តិការណ៍ កីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះឲ្យបានច្រើនកុះករ។លោកថា ការចូលរួមគាំទ្រលើកទឹកចិត្តច្រើនកុះករពីសំណាក់អ្នកគាំទ្រកម្ពុជា គឺជាការរួមចំណែកមួយផ្នែកជំរុញឲ្យកីឡាករកីឡាការិនីជម្រើសជាតិចំបាប់កម្ពុជាមានទឹកចិត្តខិតខំប្រឹងប្រែងប្រកួត ដើម្បីទទួលបានលទ្ធផលឈ្នះមេដាយជូនកម្ពុជា ព្រោះថា ការគាំទ្រពីមហាជនក្នុងប្រទេសវាជាចលករមួយជួយជំរុញឲ្យអត្តពលិកយើងមុះមុតប្រកួតដោយមានទំនុកចិត្តខ្លាំងក្លា។អនុប្រធានរូបនេះ លើកឡើងថា ជាក់ស្តែងដូចការប្រកួតជ្រើសរើសជើងឯកអាស៊ីអាគ្នេយ៍ ឆ្នាំ២០២២ដែលកម្ពុជាទទួលធ្វើជាម្ចាស់ផ្ទះ កម្ពុជាដណ្តើមបានមេដាយច្រើនរហូតដល់១៩គ្រឿង ដែលមេដាយនេះ អាចនិយាយបានថា ជាចំនួនមេដាយមួយច្រើនជាង ការចូលរួមរបស់កម្ពុជា ក្នុងព្រឹត្តិការណ៍អន្តរជាតិដូចគ្នានេះ និងស៊ីហ្គេម កាលពីឆ្នាំមុនៗកន្លងទៅ។ សមទ្ធផលកើនឡើងចំនួនមេដាយទាំងអស់នេះ គឺដោយសារតែទឹកចិត្តរបស់កីឡាករកីឡាការិនីជម្រើសជាតិចមបាប់កម្ពុជាមានទឹកចិត្តប្រកួត ព្រោះវាជាការប្រកួតនៅទឹកដីរបស់ខ្លួន។ ដូច្នោះការចូលរួមផ្តល់កម្លាំងចិត្តគាំទ្រពីជនរួមជាតិ វានឹងធ្វើកីឡាករកីឡាការិនីកម្ពុជាមានទឹកចិត្តនិងកម្លាំងចិត្តកាន់តែខ្លាំង ដណ្តើមមេដាយបានកាន់តែច្រើនជូនកម្ពុជា។

ភ្នំពេញ៖ ឯកឧត្តម ឧត្តមសេនីយ៍ទោ ជាម សុភា អគ្គលេខាធិការ សហព័ន្ធកីឡាវាយសីកម្ពុជា បានថ្លែងឲ្យដឹង នាព្រឹកថ្ងៃទី១៦ ខែ ធ្នូ ឆ្នាំ២០២២ នៅអាគារគណៈកម្មាធិការជាតិអូឡាំពិកម្ពុជាថា វគ្គសាមគ្គីអូឡាំពិកស្តីអំពីគ្រូបង្វឹកកីឡាវាយសីកម្រិត១ ឆ្នាំ២០២២នេះ មានសិក្ខាកាមដែលជាក្លិបក្រោមចំណុះរបស់សហព័ន្ធនិងមន្រ្តីមន្ទីរអបរំយុវជននិងកីឡាចូលរួមចំនួន២៥នាក់ ក្នុងនោះសក្ខាកាមជានារី៨នាក់ មកពី៨រាជធានីខេត្ត។អគ្គលេខាធិការធិការរូបនេះ បានបញ្ជាក់ទៀតថា វគ្គសាមគ្គីអូឡាំពិកស្តីអំពីគ្រូបង្វឹកកីឡាវាយសីកម្រិត១ឆ្នាំ២០២២នេះ ទទួលបានការឧបត្ថម្ភពីអង្គការសាមគ្គីអូឡាំពិក ក្រោមការសម្របសម្រួលពីគណៈកម្មាធិការជាតិអូឡាំពិកកម្ពុជា សហការរៀបចំដោយសហព័ន្ធកីឡាវាយសីកម្ពុជា ដែលសហមាសភាពគ្រូឧទ្ទេសប្រចាំវគ្គមកពីសហព័ន្ធកីឡាវាយសីអាស៊ី ។អគ្គលេខាធិការខាងលើ បានគូសបញ្ជាក់ទៀតថា វគ្គបណ្តុះបណ្តាល រៀបចំឡើងមិនផ្តោតទៅលើការត្រៀមសម្រាប់ស៊ីហ្គេម ឆ្នាំ២០២៣នោះទេ ពោលការរៀបចំក្នុងគោលដៅបណ្តុះបណ្តាលធនធានគ្រូបង្វឹកតាមបណ្តាក្លិប និងមន្រ្តីមន្ទីរអបរំយុវជននិងកីឡា ដើម្បីពួកគាត់ទទួលបានចំណេះជំនាញពាក់ព័ន្ធនិងវិធីសាស្ត្រនៃការបង្ហាត់បង្រៀនកីឡាវាយសីយកទៅចែករំលែកបន្តដល់កីឡាករកីឡាការិនីវ័យក្មេងតាមបណ្តាលខេត្ត ដើម្បីពង្រីកនិងអភិវឌ្ឍធនធានបន្តវេនឆ្លើយតមចំពោះការប្រកួតប្រជែងនៅក្នុងស្រុកនិងលើឆាកអន្តរជាតិនៅពេលអនាគត។សូមបញ្ជាក់ថា វគ្គសិក្សាសាមគ្គីអូឡាំពិក ស្តីអំពី គ្រូបង្វឹកកីឡាវាយសីកម្រត១ ក្រោមការសម្របសម្រួលពីគណៈកម្មាធិការជាតិអូឡាំពិក សហការរៀបចំដោយសហព័ន្ធកីឡាវាយសីកម្ពុជា មានរយៈ៨ថ្ងៃ មានសិក្ខាកាមចូលរួមចំនួន២៥ បង្ហាត់ដោយគ្រូឧទ្ទេស លោក Sam benthan ជនជាតិម៉ាឡេស៊ី មន្ត្រីជាន់ខ្ពស់របស់សហ័ន្ធកីឡាវាយសីអាស៊ី សិក្សាលើជំនាញបង្ហាត់បង្រៀនកីឡាវាយសីកម្រិតដំបូងដែលជាកម្រិត១ ក្នុងនោះមានអនុវត្តន៍ផ្ទាល់លើទីលាន និងសិក្សាអំពីទ្រឹស្តី៕ អត្ថបទ៖ ជាវ ចន្ធូ

លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា នាយកសាលា CamEd Business School និងជាប្រធានសហព័ន្ធកីឡាអាស៊ីអាគ្នយ៍បានថ្លែងបើកការប្រកួតកីឡាចំបាប់ជើងឯកអាស៊ីអាគ្នេយ៍ថា ការប្រកួតកីឡាចំបាប់ជើងឯកអាស៊ីអាគ្នេយ៍ ពីថ្ងៃទី១៦-១៨ ខែធ្នូ ឆ្នាំ២០២២ នៅភ្នំពេញ គឺជាការត្រៀមខ្លួនឲ្យកាន់តែរឹងមាំ ទាំងការរៀបចំ និងការប្រកួតប្រជែងមេដាយ នាស៊ីហ្គេម លើកទី៣២ ឆ្នាំ២០២៣។លោកគូសបញ្ជាក់ថា ឆ្នាំ២០២៣ ខាងមុខនេះ ដោយទទួលបានការគាំទ្រពីប្រតិភូកីឡាបណ្តាប្រទេសអាស៊ីអាគ្នេយ៍ កម្ពុជានឹងធ្វើជាម្ចាស់ ផ្ទះរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ដែលជាការប្រកួតកម្រិតអន្តរជាតិដ៏ធំ នៅក្នុងព្រះរាជាណាចក្រកម្ពុជា។ នេះគឺជាកិត្តិយសជា ប្រវត្តិសាស្ត្រមួយទៀត ក្នុងវិស័យកីឡា ដែលកម្ពុជារង់ចាំធ្វើជាម្ចាស់ផ្ទះអស់រយៈពេល ៦៤ ឆ្នាំមកហើយ។ លោក ខេស៊ី បាណេត បន្ថែមថា ព្រឹត្តិការណ៍នៃការប្រកួតកីឡានេះ មិនត្រឹមតែជាព្រឹត្តិការណ៍កីឡាជាតិមួយយ៉ាងសំខាន់សម្រាប់កម្ពុជា ប៉ុណ្ណោះទេ ប៉ុន្តែជាការបន្តកសាងសមត្ថភាព ទេពកោសល្យ និងជំនាញវិជ្ជាជីវៈរបស់កីឡាករ កីឡាការីនីកម្ពុជា ដើម្បីត្រៀមខ្លួនជាស្រេចសម្រាប់ការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣។ ព្រឹត្តិការណ៍កីឡានេះ មានគោលបំណងជួយលើកកម្ពស់ អប់រំ សុខមាលភាពផ្លូវកាយ ផ្លូវចិត្ត និងបច្ចេកទេសដល់កីឡាករ កីឡាការិនី…

ប៉ាតាយា៖ លោក គួច សុចិត្រា គ្រូបង្វឹកក្លឹប Angkor Jet Ski និងទទួលបន្ទុកផ្នែកបច្ចេកទេសគ្រឿងម៉ាស៊ីន បញ្ជាក់ថា ការចូលរួមក្នុងព្រឹត្តការណ៍កីឡាម៉ូតូទឹកជើងឯកពិភពលោក (World Jet Ski Series) ជុំចុងក្រោយ ឆ្នាំ២០២២ គឺជាបទពិសោធន៍ដ៏ល្អ សម្រាប់ក្លឹប និងកីឡាករ ដកស្រង់បទពិសោធន៍ និងបច្ចេកទេសយកទៅចែករំលែក នៅកម្ពុជា។ នេះជាកាបញ្ជាក់របស់ លោក គួច សុភ័ក្រ្តា ពីទីក្រុងប៉ាតាយា ប្រទេសថៃ គ្រាដែលលោកដឹកនាំកីឡាករ១ម្នាក់ និងក្រុមការងារ៧នាក់ ចូលរួម។ លោកគ្រូបង្វឹករូបនេះ លើកឡើងទៀតថា នេះជាលើកទី១សម្រាប់ក្លឹប ដែលបានចូលរួមការប្រកួតកម្រិតពិភពលោក ដូច្នេះយើងមានចំនុចច្រើនត្រូវរៀនសូត្រ ទាំងការរៀបចំកម្មវិធី និងផ្នែកបច្ចេកទេសការជួសជុល ដោយសារតែវិស័យកីឡាមួយនេះ កម្ពុជាដើរក្រោយគេបន្តិច គេមានអ្នកជំនាញច្រើន គេរៀបចំកម្មវិធីច្រើនដងក្នុងមួយឆ្នាំៗ សម្ភារ និងគ្រឿងបរិក្ខារក៏ទំនើបផងដែរ។ ជាមួយគ្នាលោក គួច សុភ័ក្រ្តា ក៏បានថ្លែងអំណរគុណដល់ក្លឹប Flamingo និងសហព័ន្ធកីឡាម៉ូតូទឹកកម្ពុជា ដែលបានជួយសម្របសម្រួលអោយកីឡាករ និងក្រុមការងារបន្តស្នាក់នៅសិក្សាស្វែងយល់ពីច្បាប់ ឬបទបញ្ជាការប្រកួត ការរៀបចំកម្រិតអន្ដរជាតិ…

ប៉ាតាយា៖ ឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជា បានបញ្ជាក់ថា សមត្ថភាពកីឡាករ មន្រ្តីបច្ចេកទេសមិនមានបញ្ហានោះទេ ប៉ុន្តែកង្វះក្រុមជាងគ្រឿងម៉ាស៊ីន គឺជាបញ្ហាប្រឈមធំសម្រាប់សហព័ន្ធ ក្នុងការប្រជែងមេដាយការប្រកួតកីឡាម៉ូតូទឹកជើងឯកពិភពលោក ជុំចុងក្រោយ (Jet Ski World Series) ឆ្នាំ២០២២ នៅទីក្រុងប៉ាតាយា ប្រទេសថៃ នឹង អាចបន្តប្រឈមរហូតដល់ព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ នេះជាការលើកឡើងរបស់ ឯកឧត្តម ណុះ ស្លេះ ពីកន្លែងប្រកួតនាទីក្រុងប៉ាតាយា ប្រទេសថៃ នារសៀលថ្ងៃទី១៥ ខែធ្នូ ឆ្នាំ២០២២។ឯកឧត្តម ណុះ ស្លេះ បន្ថែមទៀតថា ការប្រកួតកម្រិតអន្តរជាតិនេះ គឺមានសារសំខាន់ខ្លាំងសម្រាប់សហព័ន្ធ ក្នុងការដុសខាត់សមត្ថភាពអត្តពលិក មន្រ្តីបច្ចេកទេស ជាពិសេសពង្រឹងលើការរៀបចំ ដើម្បីស្ទាបស្ទង់ និងដកបទពិសោធន៍ពីចំនុចខ្វះខាត យកមកសិក្សាស្វែងយល់រកចំនុចខ្លាំងលើគ្រប់ផ្នែកអោយបានរួចរាល់ និងល្អប្រសើរ។ ឯកឧត្តម ប្រធានសហព័ន្ធ បន្តថា ចំនុចមួយទៀតក៏សំខាន់ដែរ គឺក្រុមកម្ពុជាមិនមានក្រុមជាងជំនាញសម្រាប់ជួសជុលម៉ូតូទឹកនោះទេ នេះបញ្ហាកីឡាករមិនអាចប្រកួតបាន យើងដណ្តើមមេដាយបានប្រសិនបើម៉ូតូទឹកមិនខូច តែបើខូចត្រូវមានក្រុមជាងជំនាញជួសជុលច្បាស់លាស់ ហើយក្រុមជាងនោះមិនមែនមកពីប្រទេសក្នុងតំបន់អាស៊ានទេ គឺត្រូវស្វែងរកមកតំបន់ផ្សេងៗដូចជា…