(ភ្នំពេញ)៖ នាព្រឹកថ្ងៃទី២៥ ខែមីថុនា ឆ្នាំ២០២៥ ឯកឧត្តម លី កុសល រដ្ឋលេ​ខាធិ​ការ ក្រសួងការពារជាតិ និងជាប្រធានសហព័ន្ធកីឡាវាយសីកម្ពុជា បានដឹកនាំកិច្ច​ប្រជុំ​ត្រួតពិនិត្យវឌ្ឍនភាពងារងាររបស់សហព័ន្ធកីឡាវាយសីដែល​ធ្វើបានកន្លង​មក​និងជជែកពិភាក្សាអំពីបញ្ហាប្រឈមមួយចំនួនត្រូវដោះស្រាយ ពិសេស គឺត្រួតពិនិត្យ​ជា​ចុងក្រោយការត្រៀមទទួលរៀបចំធ្វើម្ចាស់ផ្ទះ ការប្រកួតកីឡាវាយសី ជើងឯក​អាស៊ី​អាគ្នេយ៍ ក្រោមអាយុក្រោម១៥ឆ្នាំ ក្រោម១៧ឆ្នាំ និងក្រោម២៣ឆ្នាំ ថ្ងៃទី​០៧-១២ ខែកក្កដា ឆ្នាំ២០២៥ នៅទីលានវាយសីនៃពហុកីឡដ្ឋានជាតិមរតកតេជោ រាជធានីភ្នំពេញ។ ឯកឧត្តម កែវ រស់ អគ្គលេខាធិការ សហព័ន្ធវាយសីកម្ពុជាបានគូសបញ្ជាក់ថា ការងារ​មួយ​ចំនួន​ដូច​ជា​កម្មវិធី​ហ្វឹកហាត់ ត្រៀមខ្លួនរបស់កីឡាករកីឡាការិនីជម្រើសជាតិ​ក្នុងការ​ត្រៀមចូលរួមការប្រកួតអន្តរជាតិនានាក្នុងឆ្នាំ២០២៥នេះ គឺកំពុងតែដំណើរ​ការ​ហ្វឹកហាត់យ៉ាងរលូន ក្រោមការតាមដានជាប្រចាំ ដើម្បីសម្រួចសមត្ថភាពឆ្ពោះ​ទៅរកគុណភាពសក្កានុពលការប្រកួតលើឆាកអន្តរជាតិ។ ទន្ទឹមនេះ ក្រុមការងារទាំងអស់បាននិងកំពុងយកចិត្តទុកដាក់យ៉ាងខ្លាំងក្នុងការជំរុញ​រៀបចំឱ្យមានការប្រកួតនៅក្នុងស្រុកឱ្យមានកាន់តែច្រើន ដើម្បីចម្រាញ់រកធនធាន​ល្អៗ​ចេញពីតាមបណ្តាក្លឹប។ ជាមួយគ្នានេះដែរ ក្រុមការងាររៀបចំការប្រកួតគ្រប់​ផ្នែកទាំងអស់បានត្រៀមខ្លួនគ្រប់ផ្នែក ដើម្បីជំរុញឱ្យដំណើរការរៀបចំធ្វើម្ចាស់​ផ្ទះ​របស់កម្ពុជាប្រព្រឹត្តិទៅដោយរលូន និងជោគជ័យ តាមការគ្រោងទុក។ ពីព្រោះថា ការរៀបចំការប្រកួតកីឡាវាយសីកម្រិតអាស៊ីអាគ្នេយ៍នៅកម្ពុជា ឆ្នាំ២០២៥នេះ គឺជាលើកទី២ហើយ។ ឯកឧត្តម កែវ រស់ បន្ថែមថា ក្រៅពីការត្រួតពិនិត្យមើលលើវឌ្ឍនភាពការងារនេះ យើងក៏បានត្រួតពិនិត្យមើលការរៀបចំក្រុមកីឡាករ កីឡាការិនីទាំង៣កម្រិត U15 U17 និងឈុត…

(ភ្នំពេញ)៖ យោងតាមសេចក្តីជូនដំណឹងរបស់សហព័ន្ធកីឡាវាយកូនគោលកម្ពុជា បានប្រកាសជូនដំណឹងថា សហព័ន្ធនឹងរៀបចំការប្រកួតរយៈពេល៣ថ្ងៃចាប់ពីថ្ងៃទី៣០ ខែមិថុនា ដល់ ថ្ងៃទី០២ ខែកក្កដា ឆ្នាំ២០២៥ នៅទីលានវាយកូនគោលហ្គ្រេនភ្នំពេញ ដើម្បីចម្រាញ់ជ្រើសរើសកីឡាករ កីឡាការិនី ជម្រើសជាតិវាយកូនគោល ប្រចាំឆ្នាំ២០២៥-២០២៦។ សេចក្តីជូនដំណឹងខាងលើ បានបញ្ជាក់ទៀតថា ការប្រកួតជ្រើសរើសជើងឯករបស់សហព័ន្ធជាតិកីឡាវាយកូនគោលប្រចាំឆ្នាំ ២០២៥-២០២៦ ដើម្បីឆ្ពោះទៅការប្រកួតកម្រិតជាតិ និងអត្តជាតិនានា ដោយមានការណែនាំពីក្រសួងអប់រំ យុវជន និងកីឡា និងភាពចាំបាច់ចំពោះមុខ ។ សម្រាប់ការជ្រើសរើស សហព័ន្ធកីឡាវាយកូនគោលកម្ពុជា និងជ្រើសរើសយកកីឡាករ ចំនួន ៤រូប និង កីឡាការិនី ចំនួន ២រូប ។ កីឡាករ និងកីឡាការិនីទាំងអស់ដែលបានជាប់ក្នុងចំណាត់ថ្នាក់ខាងលើ នឹងទទួលបានការ ឧទ្ទេសនាមចូលរួមប្រកួតកម្រិតជាតិ និងអន្តរជាតិនានាសម្រាប់ឆ្នាំ២០២៥-២០២៦។អាស្រាយហេតុនេះហើយ សូមជម្រាបជូនដំណឹងដល់កីឡាករ កីឡាការិនីវាយកូនគោល ទាំងអស់មេត្តារួសរាន់ដាក់ពាក្យចូលរួមប្រកួត ។ ១. លក្ខខណ្ឌនៃការជ្រើសរើស កីឡាករ កីឡាការិនីត្រូវមានសញ្ជាតិ ២- ត្រូវមានពេលវេលាគ្រប់គ្រាន់ក្នុងការហ្វឹកហាត់ និងមានពេលហ្វឹកហាត់នៅទីលាន១៨ holes ៣ ដង ក្នុងមួយសប្តាហ៍យ៉ាងតិច។…

(ខេត្តសៀមរាប)៖ ព្រឹត្តិត្តិការណ៍ប្រកួតបាល់ទាត់មិត្តភាពសប្បុរសធម៌ក្រោមប្រធានបទ «យើងរួមគ្នាបរិច្ចាគឈាមដើម្បីសង្គ្រោះជីវិត»រៀបចំដោយក្រុមបាល់ទាត់ពិធីករកីឡាកម្ពុជាជាមួយរដ្ឋបាលខេត្តសៀមរាប បានធ្វើឡើងក្នុងគោលបំណង ដើម្បីបង្ហាញពីទឹកចិត្ត ការស្រលាញ់ ការជួយសង្គ្រោះអាយុជីវិតទៅកាន់អ្នកជំងឺដែលត្រូវការឈាមជាចាំបាច់។ លោក គុជ ឆៃយ៉ា ប្រធានអ្នកចាត់ការទូទៅក្រុមបាល់ទាត់ពិធីករកីឡាកម្ពុជា បានមានប្រសាសន៍ថា មុនព្រឹត្តិការណ៍ប្រកួតបាល់ទាត់មិត្តភាពចូលមកដល់ ការបរិច្ចាគឈាមបានធ្វើឡើងចាប់ពីថ្ងៃទី១៩ ហើយនៅពេលព្រឹកទី២០ មានការអញ្ជើញចូលបិច្ចាគឈាមដោយផ្ទាល់ពីសំណាក់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានកិត្តិយសក្រុមបាល់ទាត់ពិធីករកីឡាកម្ពុជា នៅសួនច្បារព្រះរាជដំណាក ក្រុងសៀមរាប ខេត្តសៀមរាប។ ការបរិច្ចាគឈាមលើកនេះជាលើកទី១៥ របស់ឯកឧត្តមក្នុងស្មារតី មនុស្សធម៌ចូលរួមជួយសង្គ្រោះជីវិតមនុស្ស នៅគ្រប់មន្ទីរពេទ្យដែលកំពុងត្រូវការឈាមជាចាំបាច់ ។ ក្រៅពីវត្តមាន ឯកឧត្តម ហ៊ុន ម៉ានី ក៏មានមហាជនចូលរួមយ៉ាងច្រើនកុះករ ហើយចំពោះលទ្ធផលនៃការបរិច្ចាគឈាមដោយស្ម័គ្រចិត្តពីសំណាក់ឯកឧត្តម លោកជំទាវ ជាថ្នាក់ដឹកនាំ មន្រ្តីរាជការ កងកំលាំងទាំង៣ស្ថាប័នរបស់ខេត្ត សមាជិក សមាជិការ ស.ស.យ.ក. ក្រុមយុវជនស្ម័គ្រចិត្ត រួមទាំងព្រះសង្ឃ សិស្សនិស្សិត អង្គការ សមាគម តំណាងវិស័យឯកជននានា និងសាធារណជន បានសរុប ១៥៥៥ សាក់ ដែលមាន អ្នកស្ម័គ្រចិត្តចូលរួមបរិច្ចាគឈាមចំនួន២០០៥ អង្គ-អ្នក ។…

(ភ្នំពេញ)៖ កីឡាករវាយសីជនពិការកម្ពុជា វ៉េង វ៉េ ឈ្នះមេដាយសំរឹទ្ធ១គ្រឿងជូនកម្ពុជា ក្នុងព្រឹត្តិការណ៍កីឡាវាយសីជនពិការអន្តរជាតិ នៅប្រទេសថៃ (Thailand Para International Tournament 2025) បានវិលត្រឡប់មកមាតុប្រទេសវិញហើយ កាលពីយប់ថ្ងៃទី២០ ខែមិថុនា ឆ្នាំ២០២៥ ។ដំណើរមកដល់នៅអាកាសយានដ្ឋានអន្តរជាតិភ្នំពេញ កីឡាករ វ៉េង វ៉េ គូសបញ្ជាក់ថា ខ្លួនពិតជាសប្បាយចិត្តណាស់ ដែលដណ្តើមបានមេដាយសំរឹទ្ធយកមកជូនជាតិ ក្នុងព្រឹត្តិការណ៍អន្តរជាតិមួយនេះ។ កីឡាករមានពិការភាព វ៉េង វ៉េ ដែលទទួលបានមេដាយសំរឹទ្ធនេះ គឺប្រកួតលើវិញ្ញាសាវាយគូ ដោយបានចាប់ដៃគូជាមួយកីឡាករលីបង់ Rida Rizk។ កីឡាកររូបនេះក៏បានថ្លែងអំណរគុណយ៉ាងជ្រាលជ្រៅជំពោះថ្នាក់ដឹកនាំសហព័ន្ធ ជាពិសេសឯកឧត្តម លី កុសល ប្រធានសហព័ន្ធ និងឯកឧត្តម កែវ រស់ ដែលតែងជំរុញលើកទឹកចិត្តដល់អត្តពលិកមានពិការភាព ជាពិសេសផ្តល់ឱកាសដល់រូបគេបានចូលរួមប្រជែងមេដាយជូនជាតិ ក្នុងព្រឹត្តិការណ៍អន្តរជាតិមួយនេះ។ លោក ព្រំ សារ៉ាវុធ មន្ត្រីសហព័ន្ធកីឡាវាយសីកម្ពុជាតំណាងឯកឧត្តម កែវ រស់ អគ្គលេខាធិការសហព័ន្ធបានលើកឡើងថា ការចូលរួមប្រកួតរបស់កីឡាករ កីឡាការិនីមានពិការភាពកម្ពុជា២នាក់បានចូលរួមប្រកួតក្នុងព្រឹត្តិការណ៍អន្តរជាតិចំនួន២ នៅប្រទេសថៃ គឺការប្រកួត Thailand…

(ភ្នំពេញ)៖ គ្រូធំជម្រើសជាតិកីឡាការ៉ាតេកម្ពុជាលោក ហេង ផេង បានលើកឡើងថា ការដណ្តើមបានមេដាយ៥គ្រឿងរបស់កម្ពុជា ក្នុងការប្រកួតកីឡាការ៉ាតេជើងឯកអាស៊ីអាគ្នេយ៍ នៅប្រទេសព្រុយណេ ជាចំនួនមេដាយមិនទាន់ដល់គោលដៅដែលសហព័ន្ធចង់បាននោះទេ ប៉ុន្តែក៏ជាការសម្រួចគុណភាពបច្ចេកទេសរបស់អត្តពលិកកម្ពុជាឆ្ពោះទៅស៊ីហ្គេម នាខែធ្នូ ឆ្នាំ២០២៥ នៅប្រទេសថៃ។ ថ្លែងបញ្ជាក់របស់គ្រូធំរូបនេះ ក្នុងឱកាសដឹកនាំប្រតិភូ អាជ្ញាកណ្តាល ចៅក្រម គ្រូបង្វឹក គ្រូជំនួយ កីឡាករ និងកីឡាការិនី សរុបចំនួន ៣៣នាក់ ធ្វើដំណើរមកដល់មាតុប្រទេសវិញ កាលពីយប់ថ្ងៃទី២០ ខែមិថុនា ឆ្នាំ២០២៥ នៅអាកាសយានដ្ឋានអន្តរជាតិភ្នំពេញ។ គ្រូធំជម្រើសជាតិខាងលើ បានគូសបញ្ជាក់ថា ការប្រកួតការ៉ាតេជើងឯកអាស៊ីអាគ្នេយ៍ នៅប្រទេសព្រុយណេ ឆ្នាំ២០២៥នេះ គឺមានកីឡាករ កីឡាការិនីចូលរួមមកពី៩ប្រទេសក្នុងតំបន់ ហើយចំពោះការប្រកួតប្រជែងពិតជាខ្លាំងក្លាណាស់ ដោយសារតែបណ្តាប្រទេសនានាបានបញ្ជូនអត្តពលិករបស់ខ្លួនច្រើន ក្នុងនោះវៀតណាមបញ្ជូនអត្តពលិក ១០០នាក់ ថៃ ៧០នាក់ ខណៈកម្ពុជាបញ្ជូន ៣៣នាក់ ក្នុងនោះកីឡាករ កីឡាការិនី២៥នាក់ ហើយដណ្តើមបានមេដាយសរុប ៥គ្រឿង មានមេដាយប្រាក់១ និងសំរឹទ្ធ៤។ លោក សង្កត់ធ្ងន់ថា ការប្រកួតក្នុងព្រឹត្តិការណ៍ជើងឯកតំបន់នេះ គឺអត្តពលិកកម្ពុជាមានលក្ខណៈល្អប្រសើរលើផ្នែកគុណភាពដែរ ប៉ុន្តែយើងមិនអាចឈានដល់កម្រិតមេដាយមាស ឬមេដាយផ្សេងៗឱ្យបានច្រើន…