(ភ្នំពេញ)៖ មន្ត្រីបច្ចេសអន្តរជាតិ ២រូបរបស់កម្ពុជា គ្រូបង្វឹក និងកីឡាការិនី សរុប៤នាក់បានចាកចេញពីមាតុប្រទេស នៅយប់ថ្ងៃទី១២ ខែមិថុនា ឆ្នាំ២០២៥ ដើម្បីចូលរួមកាត់សេចក្តីការប្រកួត និងចូលរួមប្រកួតកីឡាលើកទម្ងន់ ជ្រើសរើសជើងឯកអាស៊ីអាគ្នេយ៍ ពីថ្ងៃទី១២-១៦ ខែមិថុនា ឆ្នាំ២០២៥ នៅប្រទេសសិង្ហបុរី ។ លោក ផេង ប៉ាក អនុប្រធាន សហព័ន្ធកីឡាលើកទម្ងន់កម្ពុជាបានគូសបញ្ជាក់ថា សហព័ន្ធកីឡាលើកទម្ងន់កម្ពុជាបានបញ្ជូនអាជ្ញាកណ្តាលអន្តរជាតិ ២រូប គឺលោក ផេង ប៉ាក និងលោកស្រី ពៅ គាថា គ្រូបង្វឹក លោកស្រី ទ្រី សុថាវី និងកីឡាការិនី រើន ស្រីនីត ទៅចូលរួមប្រកួតជើងឯកអាស៊ីអាគ្នេយ៍ នៅប្រទេសសិង្ហបុរី ចាប់ពីថ្ងៃទី១២ ដល់ថ្ងៃទី១៦ ខែមិថុនា ឆ្នាំ២០២៥ ដោយព្រឹត្តិការណ៍កីឡាលើកទម្ងន់ជើងឯកអាស៊ីអាគ្នេយ៍នេះត្រូវបានបង្កើតឡើងជាលើកទី១ ដើម្បីជំរុញដល់ដំណើរការអភិវឌ្ឍរបស់ប្រភេទកីឡាអូឡាំពិកមួយនេះឱ្យកាន់តែរីកចម្រើន នៅក្នុងតំបន់អាស៊ីអាគ្នេយ៍។ លោក ផេង ប៉ាក បានថ្លែងអំណរគុណដល់ថ្នាក់ដឹកនាំក្រសួងអប់រំ យុវជន និងកីឡា ជាពិសេសឯកឧត្តម វ៉ាត់ ចំរើន…

(ភ្នំពេញ)៖ ថែ្លងក្នុងឱកាសអញ្ជើញបិទវគ្គបណ្តុះបណ្តាលមន្ត្រី បច្ចេកទេស និងអាជ្ញាកណ្តាលថ្នាក់ជាតិ ឆ្នាំ២០២៥ ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិនីសកម្ពុជា បានបញ្ជាក់ថា មន្ត្រីបច្ចេកទេស ទាំងអាជ្ញាកណ្តាលត្រូវតែមានបទពិសោធន៍ខ្ពស់តាមកម្រិតស្តង់ដា ទើបអាចកាត់សេចក្តីនៅក្នុងព្រឹត្តិការណ៍ប្រកួតបានដោយភាពជឿជាក់។ ឯកឧត្តម រំលេចទៀតថា សហព័ន្ធរៀបចំវគ្គបណ្តុះបណ្តាលដល់មន្ត្រីបច្ចេកទេស និងអាជ្ញាកណ្តាលថ្នាក់ជាតិនេះឡើង ស្របទៅតាមផែនការសកម្មភាពការងារប្រចាំឆ្នាំរបស់ខ្លួន ក្នុងគោលបំណងពង្រឹងសមត្ថភាពបន្ថែមចំណេះដឹង និងជំនាញវិជ្ជាជីវៈដល់មន្ត្រីបច្ចេកទេស និងអាជ្ញាកណ្តាលថ្នាក់ជាតិឱ្យកាន់តែមានប្រសិទ្ធភាព ក្នុងការសម្រេចចិត្តកាត់សេចក្តីលើទីលានប្រកួត។ ឯកឧត្តម ប្រធានសហព័ន្ធ បានចាត់ទុកវគ្គបណ្តុះបណ្តាលនេះថា មានសារៈសំខាន់ ដែលជាការដុសខាត់ ដើម្បីអភិវឌ្ឍបន្ថែមនូវចំណេះដឹងជាមួយនឹងមេរៀនថ្មីៗល្អៗ ដែលគ្រូឧទ្ទេសបានធ្វើការបង្ហាត់បង្ហាញ។ បន្ថែមពីលើនេះ ឯកឧត្តមប្រធានសង្កត់ធ្ងន់ថា សហព័ន្ធតែងតែទទួលបានលទ្ធផលគួរជាទីមោទនៈ ដោយទាំងអស់នេះ គឺជាការចូលរួមរបស់ថ្នាក់ដឹកនាំ គ្រូបង្វឹក គ្រូជំនួយ និង អត្តពលិកផ្ទាល់ខ្លួនដែលបានខិតខំ តាមរយៈការអនុវត្តខ្ជាប់ខ្ជួននូវផែនការសកម្មភាព និងកាលវិភាគ ការហ្វឹកហាត់ប្រចាំថ្ងៃរបស់ខ្លួន ដោយទទួលបានថវិកាផ្តល់ជូនដោយក្រសួង អប់រំ យុវជន និងកីឡា។ សហព័ន្ធកីឡាសូហ្វតិន្នីសកម្ពុជា ជានិច្ចកាលតែងបានផ្សារភ្ជាប់ទំនាក់ទំនងល្អជាមួយនឹងក្រសួងអប់រំ យុវជន និងកីឡា គណៈកម្មាធិការ ជាតិអូឡាំពិកកម្ពុជា (NOCC) ក៏ដូចជាក្រសួង ស្ថាប័នពាក់ព័ន្ធនានាបានយ៉ាងល្អ រួមទាំងកិច្ចសហការជាមួយសហព័ន្ធកីឡាសូហ្វតិន្នីសអាស៊ី…

(ភ្នំពេញ)៖ ព្រឹត្តិការណ៍ប្រកួតបាល់ទាត់មិត្តភាពសប្បុរសធម៌ដែលជាការជួបគ្នារវាងក្រុមបាល់ទាត់ពិធីករកីឡាកម្ពុជា ប៉ះជាមួយក្រុមបាល់ទាត់គ្រូពេទ្យសម្តេចស្ម័គ្រចិត្តសម្តេចតេជោ នាល្ងាចថ្ងៃទី៦ ខែ មិថុនា ឆ្នាំ២០២៥ នាកីឡដ្ឋានកងយោពលខេរភូមិន្ទ(ស្តាតចាស់) បានបញ្ចប់ទៅដោយមិត្តភាពសាមគ្គីភាព ដោយក្រុមបាល់ទាត់ពិធីករកីឡាកម្ពុជាបានយកឈ្នះលើក្រុមបាល់ទាត់គ្រូពេទ្យស្ម័គ្រចិត្តសម្តេចតេជោ ក្នុងលទ្ធផល២ទល់០ ។ លោក គុជ ឆៃយ៉ា ប្រធានចាត់ការទូទៅក្រុមបាល់ទាត់ពិធីករកីឡាកម្ពុជា បានថ្លែងបញ្ជាក់ថា ការប្រកួតបាល់ទាត់មិត្តភាពសប្បុរសធម៌ដែលបានរៀបចំឡើងមកនេះ ក្នុងគោលបំណងរួមចំណែកបំផុសផ្សព្វផ្សាយអំពីយុទ្ធនាការ ១ម៉ឺនរៀល ១ម៉ឺននាក់ ដែលជាគំនិតផ្តួចផ្តើមដ៏ខ្ពង់ខ្ពស់របស់លោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត ដើម្បីប្រមូលថវិកាជួយទៅដល់មន្ទីរពេទ្យគុន្ធបុប្ផា ដែលជាមន្ទីរសង្រ្គោះកុមារដោយឥតគិតថ្លៃ។ ប្រធានចាត់ការទូទៅក្រុមបាល់ទាត់ពិធីករកីឡាកម្ពុជារូបនេះ បានរំលេចទៀតថា ការបំផុសផ្សព្វផ្សាយអំពីយុទ្ធនាការ ១ម៉ឺនរៀម១ម៉ឺននាក់ គឺជាបេសកម្មដ៏ចម្បងមួយរបស់ក្រុមបាល់ទាត់ពិធីករកីឡាកម្ពុជាជួយដល់សង្គមជាតិ ដ្បិតពួកយើងទាំងអស់គ្នាជាពិធីករកីឡា ដែលការផ្សព្វផ្សាយអំពីកម្មវិធីសប្បុរសធម៌ជួយដល់សង្គមជាកាតព្វកិច្ចរបស់ពួកយើងទាំងអស់គ្នា មានន័យថា ការងារជួយសង្គមយើងជាកោសិការកៀគរនិងផ្សព្វផ្សាយ។ លោក អ៊ូ ប៊ុណ្ណារ៉ាត់ ហៅនាយក្រឹម សមាជិកក្រុមបាល់ទាត់គ្រូពេទ្យស្ម័គ្រ សម្តេចតេជោ បានលើកឡើងដែរថា ការបង្កើតព្រឹត្តិការណ៍បាល់ទាត់មិត្តភាពសប្បុរសធម៌ គាំទ្រយុទ្ធនាការ១ម៉ឺនរៀល១ម៉ឺននាក់នេះ គឺជាការផុសផ្សព្វផ្សាយឱ្យប្រជាពលរដ្ឋកានើតែជ្រោជ្រាបនិងងាកមកជួយសង្គមកាន់តែផុសផុល។ លោក ថា យុទ្ធនាការ១ម៉ឺនរៀល១ម៉ឺននាក់ ដែលបង្កើតឡើង ដោយ លោក ជំទាវ…

(ភ្នំពេញ)៖ ក្រុមប្រតិភូកីឡាប្រដាល់គុនខ្មែរបានវិលត្រឡប់មកដល់មាតុប្រទេសវិញ បន្ទាប់ពីដណ្តើមបានខ្សែក្រវាត់ពីការប្រកួតនៅការប្រកួតក្នុងព្រឹត្តិការណ៍គ្រុឌគុនខ្មែរអន្តរជាតិ (KRUD KUN KHMER TO USA) លើកទី២ នៅទីក្រុងតាកូម៉ា រដ្ឋវ៉ាស៊ីនតោន សហរដ្ឋអាមេរិក ដោយកីឡាករ កីឡាការិនីកម្ពុជា ៥នាក់ មានកីឡាករ ៣នាក់ឈ្នះខ្សែក្រវាត់។ ដំណើរមកដល់របស់គ្រូបង្វឹក កីឡាករ កីឡាការិនី១ក្រុម នៅអាកាសយានដ្ឋានអន្តរជាតិភ្នំពេញ នៅថ្ងៃទី០៤ ខែមិថុនា ឆ្នាំ២០២៥នេះទទួលបានការស្វាគមន៍យ៉ាងកក់ក្តៅពីឯកឧត្តម ម៉ិល កាដូ ទីប្រឹក្សាក្រសួងអប់រំ យុវជន និងកីឡា និងជាអនុប្រធានសហព័ន្ធកីឡាប្រដាល់គុនខ្មែរ និងលោក ទុយ ប៊ុនហឿន អនុប្រធានសហព័ន្ធកីឡាប្រដាល់គុនខ្មែរ។ ក្រុមកីឡាប្រដាល់គុនខ្មែរ ដែលមកដល់មុនគេ ដឹកនាំដោយលោកគ្រូ ពេជ្រ សុផាន់ កីឡាករ ពេជ្រ សម្បត្តិ ម្ចាស់ខ្សែក្រវាត់ និងកីឡាការិនី អេ យ៉ានុត ដែលបានប្រកួតចាញ់ការប្រកួតដោយពិន្ទុ។ ចំពោះកីឡាករ ពេជ្រ សម្បត្តិ ដណ្តើមបានខ្សែក្រវាត់ USEACA បន្ទាប់ពីបានប្រកួតឈ្នះដោយពិន្ទុជាមួយកីឡាករម្ចាស់ផ្ទះ អាមេរិក Malcolm…

(ភ្នំពេញ)៖ ក្រសួងអប់រំ យុវជន និងកីឡាបានរៀបចំវគ្គសិក្ខាសាលាស្តីពី ការរៀបចំទ្រឹស្ដីផែនការហាត់ហ្វឹកហ្វឺន និងពង្រឹងសមត្ថភាពគ្រូបង្វឹក គ្រូជំនួយ ក្រុមកីឡាថ្នាល និងក្រុមកីឡាជម្រើសជាតិដល់គ្រូបង្វឹក គ្រូជំនួយក្រុមកីឡាថ្នាល និងក្រុមកីឡាជម្រើសជាតិឆ្នាំ២០២៥ លើ ៤០ប្រភេទកីឡា និងក្រុមកីឡាជនពិការ ដើម្បីត្រៀមចូលរួមប្រកួតក្នុងព្រឹត្តិការណ៍ប្រកួតអន្តរជាតិសំខាន់ៗ ។ ថ្លែងនាឱកាសបើកវគ្គសិក្ខាសាលា ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំ យុវជន និងកីឡា មានប្រសាសន៍ថា សិក្ខាសាលានេះរៀបចំឡើង ក្នុងគោលបំណងដើម្បីពង្រឹងសមត្ថភាព និងអភិវឌ្ឍជំនាញគ្រូបង្វឹក គ្រូជំនួយក្រុមកីឡាថ្នាល និងក្រុមកីឡាជម្រើសជាតិ ក្នុងការដឹកនាំបង្ហាត់ឈានទៅការអភិវឌ្ឍសមត្ថភាពបច្ចេកទេស និងបង្កើនគុណផលកីឡា ត្រៀមចូលរួមប្រកួតកីឡាយុវជនអាស៊ី នៅប្រទេសបារ៉ែន នាខែតុលា ឆ្នាំ២០២៥ និងការប្រកួតកីឡាស៊ីហ្គេម លើកទី៣៣ នាខែធ្នូ ឆ្នាំ២០២៥ នៅប្រទេសថៃ ព្រមទាំងការប្រកួតលក្ខណៈអន្ដរជាតិនានាផងដែរ។ ទន្ទឹមជាមួយគ្នានេះដែរ ឯកឧត្តម បានអំពាវនាវ សូមឱ្យគ្រូៗទាំងអស់យកចិត្តទុកដាក់ត្រងត្រាប់ ដើម្បីទទួលបានចំណេះជំនាញយកទៅអនុវត្តក្នុងការបង្ហាញបង្រៀនកីឡាករកីឡាការិនីប្រកបដោយប្រសិទ្ធិភាព ព្រោះថាបើគ្រូខ្លាំងនិងមានវិន័យម៉ឺងមាត់នាំឱ្យគុណផលរបស់កីឡាករកីឡាការិនីក៏មានគុណភាពខ្ពស់ដែរ។ លោក យាន គីស៊ីវត្ថា ប្រធានមជ្ឈមណ្ឌលជាតិហ្វឹកហ្វឺនកីឡា បានគូសបញ្ជាក់ទៀតថា នៅក្នុងសិក្ខាសាលានេះមានការចូលរួមចែករំលែកចំណេះដឹង និងបទពិសោធពីគ្រូឧទ្ទេសសំខាន់ៗចំនួន៧រូប…

(ភ្នំពេញ)៖ នាព្រឹកថ្ងៃទី៣១ ខែឧសភា ឆ្នាំ២០២៥ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានដឹកនាំសមាជិកសមាជិកា និងសហការី រួមទាំងសមាជិក សមាជិកា ស.ស.យ.ក. អញ្ជើញចូលរួមរៀបចំខួបកំណើតដល់ប្អូនៗកុមារនៅអង្គការផ្ទះបាយកុមារ។ ក្នុងឱកាសប្រកបដោយក្ដីសោមនស្សរីករាយនេះ ឯកឧត្តម ហ៊ុន ម៉ានី បានធ្វើការកោតសរសើរ និងថ្លែងអំណរគុណដល់ លោក ង៉ូវ ឈីវ ប្រធានអង្គការផ្ទះបាយកុមារ និងប្អូនៗយុវជនទាំងអស់ ដែលបានខិតខំប្រឹងប្រែងថែរក្សានូវស្ថេរភាពរបស់អង្គការផ្ទះបាយកុមារកន្លងមក។ ជាមួយគ្នានេះ ឯកឧត្តម បានថ្លែងអំណរគុណដល់សមាជិក សមាជិកា ស.ស.យ.ក. បងប្អូនអ្នកផលិតមាតិកាលើបណ្ដាញសង្គម និងសប្បុរសជនទាំងអស់ ដែលតែងបានចូលរួមចំណែករៀបចំកម្មវិធីជួបជុំ ចូលរួមឧបត្ថម្ភជាស្បៀងអាហារ ជាថវិកា និងកាដូ ដើម្បីចែកជូនដល់ប្អូនៗជារៀងរាល់ឆ្នាំ។ ឯកឧត្តមបានបន្តថា ការចំណាយពេលមួយថ្ងៃ ឬមួយពេលរបស់យើងទាំងអស់គ្នា គឺជាការចូលរួមដ៏មានន័យ ក្នុងការផ្ដល់ជាកម្លាំងចិត្ត និងជាមធ្យោបាយដល់អង្គការផ្ទះបាយកុមារឱ្យបន្តបំពេញបេសកកម្មរបស់ខ្លួន ដើម្បីជួយប្អូនៗកុមារក្រីក្រខ្វះខាត។ បន្ថែមពីនេះ ជំនួបនេះ គឺជាការបង្កើតអនុស្សាវរីយ៍ និងរឹតចំណងទំនាក់ទំនងរវាង ប៉ា និង កូន តាមរយៈការចែករំលែកក្ដីស្រលាញ់ និងបង្កើតបរិយាកាសដ៏កក់ក្ដៅ។ ឯកឧត្តម…