(សៀមរាប)៖ ទិវាយូហ្គាអន្តរជាតិ លើកទី១១ បានប្រព្រឹត្តទៅនៅខេត្តសៀមរាប នាថ្ងៃទី១៩ ខែមិថុនា ឆ្នាំ២០២៥ នៅទីលានជល់ដំរី ដែលទិវានេះជាចលករមួយដ៏សំខាន់ ក្នុងការជំរុញវិស័យទេសចរណ៍ និងកំណើនសេដ្ឋកិច្ចក្នុងតំបន់អង្គរ ។ លោកស្រី ម៉ននី រង្សី អភិបាលរងខេត្តសៀមរាប បានថ្លែងថា ព្រឹត្តិការណ៍នេះ មិនត្រឹមតែជាចំណែកជួយផ្សព្វផ្សាយអំពីតំបន់អង្គរទៅកាន់ពិភពលោកប៉ុណ្ណោះទេ ប៉ុន្តែអាចទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាខេត្តសៀមរាបកាន់តែច្រើន។ នាពេលខាងមុខ ខេត្តសៀមរាប នឹងបន្តប្រារព្ធទិវានេះជាប្រចាំ​ឆ្នាំ ដោយផ្អែកលើស្ថានភាពជាគោលដៅទេសចរណ៍ពិភពលោករបស់កម្ពុជា ។ ឯកឧត្តម គុជ បញ្ញាសា រដ្ឋលេខាធិការ​ក្រសួងទេសចរណ៍ បានឲ្យដឹងថា រាជរដ្ឋាភិបាលអាណត្តិទី៧ ក្រោមការដឹកនាំ​របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដាក់វិស័យទេសចរណ៍ ជាវិស័យអាទិភាពនៅក្នុងយុទ្ធសាស្ត្របញ្ចកោណ ដើម្បីជម្រុញការអភិវឌ្ឍសេដ្ឋកិច្ច និងសង្គមជាតិ ។ ការប្រារព្ធទិវាយូហ្គាអន្តរជាតិ គឺជាវេទិកាសំខាន់ ក្នុងការលើកកម្ពស់ការយល់ដឹងរបស់ប្រជាជនកម្ពុជា អំពីអត្ថប្រយោជន៍សុខភាព និងជម្រុញការធ្វើដំណើរទេសចរណ៍រវាងកម្ពុជា និងឥណ្ឌា ក្នុងបរិបទនៃយុទ្ធនាការ “ឆ្នាំទេសចរណ៍កម្ពុជា-ឥណ្ឌា ២០២៥” ។ ឯកឧត្តម Vanlalvawna Bawitung ឯកអគ្គរដ្ឋទូតសាធារណរដ្ឋឥណ្ឌាប្រចាំកម្ពុជា…

1 – ដំណើររបស់អ្នកក្នុងវិស័យប្រដាល់ Lethwei គឺពិតជាពិសេស។ តើអ្នកអាចចែករំលែកថាតើអ្វីដែលទាក់ចិត្តអ្នកដំបូងទៅកាន់ក្បាច់គុនបុរាណរបស់ភូមា និងវិធីដែលវាផ្សាភ្ជាប់ជាមួយអ្នកជាបុគ្គល? ខ្ញុំតែងតែជាចៀមខ្មៅ។ ខ្ញុំតែងតែទាក់ចិត្តជាមួយអ្វីដែលខុសប្លែក និងមិនមែនសាមញ្ញៗ ហើយប្រដាល់ Lethwei គឺពិតជាមិនមែនប្រភេទកីឡាធម្មតាៗនោះទេ។ វាជាកីឡាដែលនៅសេសសល់ចុងក្រោយមួយដែលអនុញ្ញាតឱ្យវាយបុកក្បាល។ ប៉ុន្តែវាមិនមែនគ្រាន់តែជាការវាយបុកក្បាល ឬវាយដៃទទេប៉ុណ្ណោះទេដែលទាក់ចិត្តខ្ញុំ។ វាជាវប្បធម៌ និងទស្សនវិជ្ជាដែលពុំមានការកាត់សេចក្តី តែជាការផ្តួលឱ្យសន្លប់ដើម្បីឈ្នះ។ វប្បធម៌របស់ប្រទេសភូមាពិតជាគួរឱ្យចាប់អារម្មណ៍ ហើយប្រជាជនស្វាគមន៍ខ្ញុំយ៉ាងកក់ក្តៅ។ ខ្ញុំមើលឃើញខ្លួនឯងក្នុងចំណោមប្រជាជនក៏ព្រោះតែពួកគេរួសរាយនិងចិត្តល្អ ប៉ុន្តែចង់បានអ្វីដែលពិតប្រាកដនិងបរិសុទ្ធ។ ខ្ញុំក៏តែងតែមើលឃើញខ្លួនឯងក្នុងចំណោមប្រជាជនភូមា។ នៅក្រៅសង្វៀន ពួកគេចិត្តល្អ គួរឱ្យគោរព និងកក់ក្តៅ។ ប៉ុន្តែនៅពេលប្រកួត ពួកគេផ្លាស់ប្តូរទាំងស្រុង។ ពួកគេក្លាយជាអ្នកប្រយុទ្ធដ៏ខ្លាំងក្លា និងអង់អាចក្លាហានដែលខ្ញុំពុំធ្លាប់ឃើញ។ ខ្ញុំក៏ដូចគ្នានេះដែរ។ គេតែងតែនិយាយថា Dave មានពីរ គឺ Dave បុរសមេគ្រួសារ និង Dave អ្នកប្រយុទ្ធ ហើយពួកគេនិយាយមិនខុសទេ។ 2 – ការផ្លាស់ប្តូរពីរស់នៅប្រទេសកាណាដាមកក្លាយជាបុគ្គលល្បីឈ្មោះក្នុងប្រទេសភូមា គឺជាការផ្លាស់ប្តូរវប្បធម៌ដ៏សំខាន់មួយ។ តើមានបញ្ហាប្រឈម និងអំណោយផលអ្វីខ្លះដែលអ្នកឆ្លងកាត់ក្នុងអំឡុងពេលនៃការផ្លាស់ប្តូរនេះ? ការផ្លាស់ពីប្រទេសកាណាដាមករស់នៅប្រទេសភូមាគឺជាការផ្លាស់ប្តូរទាំងស្រុង ក៏ព្រោះតែខ្ញុំមកពីតំបន់សុខស្រួលនៅតំបន់អឺរ៉ុបមកហ្វឹកហាត់ក្នុងទីក្រុងយ៉ាំងហ្គោនជាមួយភាសា វប្បធម៌ និងឆន្ទៈប្រកួតផ្សេងទៀត។ បញ្ហាប្រឈមគឺការទទួលបានការគោរពនៅក្នុងប្រទេសមួយដែលជនបរទេសមិនមែនគ្រាន់តែឈានជើងចូលហើយទទួលបាននោះទេ។ ប៉ុន្តែខ្ញុំទទួលបានអំណោយដ៏ធំមួយ…

(ភ្នំពេញ)៖ ឆ្លងកាត់ការប្រកួតប្រជែងក្នុងព្រឹត្តិការណ៍កីឡាសិស្សមធ្យមសិក្សាថ្នាក់ជាតិឆ្នាំ២០២៥ រយៈពេល ២ថ្ងៃ ចាប់ពី ថ្ងៃទី១៣-១៤ ខែមិថុនា នៅអគារសហភាពសហព័ន្ធយុវនកម្ពុជា។ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានអះថា សម្លឹងឃើញនូវធនធានសិស្សឆ្នើមពី៤ទៅ៥នាក់ ក្រោយបង្ហាញភាពលេចធ្លោទាំងទេពកោសល្យនិងបច្ចេកទេស។ ឯកឧត្តម ប្រធានសហព័ន្ធថា ធនធានសិស្សទាំងប៉ុន្មាននាក់នេះ អាចច្របាច់បញ្ចូលជាមួយរាមច្បង ក្នុងការលេងវិញ្ញាសារួម ឬឯកត្ដជន ដែលជាវិញ្ញាសាប្រយុទ្ធ។ខណៈវិញ្ញាសាសម្តែងវិញ ក៏មានកីឡាករខ្លះ និងកីឡាការិនី ២-៣នាក់ទៀត ដែលមានសក្ដានុពលល្អ។ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានវាយតម្លៃខ្ពស់ ចំពោះការចូលរួមប្រតិភូកីឡាគ្រប់រាជធានី-ខេត្ត និងការខិតខំរៀបចំបានយ៉ាងល្អរបស់គណៈកម្មការ ក៏ដូចជាការកាត់សេចក្ដីរបស់អាជ្ញាកណ្ដាល-ចៅក្រម ដែលផ្ដល់នូវតម្លាភាព និងយុត្តិធម៌ដល់កីឡាករ-កីឡាការិនី ។ នេះគឺជាលទ្ធផលដ៏គាប់ប្រសើរ ស្របពេលសហព័ន្ធបានមើលឃើញអត្តពលិកថ្នាលខ្លះ មានសមត្ថភាពអាចឈានដល់កម្រិតការប្រកួតជាលក្ខណៈអន្ដរជាតិទៀតផង។ជាមួយគ្នានេះ ឯកឧត្តមក៏បានថ្លែងអំណរគុណក្រសួងអប់រំ ដែលបានដាក់កីឡាវ៉ូវីណាម ក្នុងការប្រកួតកីឡាសិស្សមធ្យមសិក្សា ហើយសង្ឃឹមថាឆ្នាំបន្ដបន្ទាប់ ក្រសួងនឹងបញ្ចូលប្រភេទកីឡាដ៏មានសក្ដានុពលនេះ ទៅក្នុងកីឡាបឋមសិក្សា ឬកីឡាឧត្តមសិក្សាបន្ថែមទៀត ដើម្បីផ្ដល់ឱកាសដល់កីឡាករ-កីឡាការិនីតាមបណ្ដាក្លិប និងរាជធានី-ខេត្ត ដែលកំពុងហ្វឹកហាត់ក្រោមការខិតខំយកចិត្តទុកដាក់របស់សហព័ន្ធ បានបញ្ចេញសមត្ថភាព និងទេពកោសល្យរបស់ខ្លួន ក៏ដូចជាជំរុញទឹកចិត្តពួកគេឲ្យកាន់តែខិតខំហ្វឹកហាត់ ក្រោយទំនេរពីការសិក្សា ចៀងវាងការប្រព្រឹត្តអំពើអបាយមុខផ្សេងៗផងដែរ។…