ភ្នំពេញ៖ សហព័ន្ធកីឡាគុនល្បុក្កតោកម្ពុជា បានរៀបចំកម្មវិធីអបអរសាទរ ការដាក់បញ្ចូលកីឡាគុនល្បុក្កតោ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ របស់អង្គការយូណេស្កូ នៅក្នុងកិច្ចប្រជុំលើកទី១៧ នៅទីក្រុងរ៉ាបាត ប្រទេសម៉ារ៉ុក កាលពីថ្ងៃទី២៩ ខែវិច្ឆិកា ឆ្នាំ២០២២ ជាមួយនឹងមោទកភាពជាតិ។ ពិធីនេះធ្វើនៅទីស្នាក់ការគណៈកម្មាធិការជាតិអូឡាំពិកកម្ពុជា នៅថ្ងៃទី១ ខែធ្នូ ឆ្នាំ២០២២ ។ឯកឧត្តមបណ្ឌិតសភាចារ្យ ច័ន្ទ សារុន ប្រធានសហព័ន្ធ បានមានប្រសាសន៍ថា នេះគឺជាជោគជ័យប្រកបដោយមោទកភាពជាតិដ៏ធំធេងថ្មីមួយទៀត កើតចេញពីការខិតខំប្រឹងប្រែង និងការប្តេជ្ញាចិត្តខ្ពស់របស់រាជរដ្ឋាភិបាលកម្ពុជា ក្រោមការដឹកនាំរបស់សម្តេតេជោ ហ៊ុន សែន ក្នុងការការពារលើកតម្លៃបេតិកភណ្ឌវប្បធម៌អរូបី ដែលងាយប្រឈមនឹងការបាត់បង់។ «ជោគជ័យនេះគឺជាសក្ខីភាពបង្ហាញពីការស្រឡាញ់ ការយកចិត្តទុកដាក់ខ្ពស់របស់ក្រសួងវប្បធម៌ និងវិចិត្រសិល្បៈប្រឹងប្រែងសហការយ៉ាងជិតស្និទ្ធជាមួយសហព័ន្ធកីឡាគុនល្បុក្កតោកម្ពុជា ព្រមទាំងសាលាគុនលោកគ្រូព្រឹទ្ធាចារ្យ និងសិស្សគុនល្បុក្កតោទាំងអស់តាមបណ្តារាជធានីខេត្តទាំងអស់ទូទាំងព្រះរាណាចក្រកម្ពុជា»។ ឯកឧត្តមប្រធាន បានបញ្ជាក់ថា វីរៈភាពនេះ សបញ្ជាក់ពីការខិតខំ ក្នុងការតស៊ូមតិ មិនតិចជាង១ទសវត្សន៍នោះឡើយរបស់ព្រឹទ្ធាចារ្យគុនល្បុក្កតោទាំងអស់ ហើយខ្ញុំសូមឧទ្ទិសនូវជោគជ័យ និងស្នាដៃដ៏ធំធេងនេះជូនដល់ពួកគាត់»។ «នេះជាមោទកភាពជាតិកម្ពុជា ដែលប្រជាជននៅលើពិភពលោកបានទទួលដឹងឮរួចហើយ នូវគុនល្បុក្កតោត្រូវបានដាក់បញ្ជូលក្នុងបញ្ជីតំណាងនៃបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ ។ដោយឡែក ឯកឧត្តម វ៉ាត់ ចំរើន អគ្គលេខាធិការ សហព័ន្ធកីឡាគុនល្បុក្កតោកម្ពុជា បានស្នើសុំដល់អ្នកពាក់ព័ន្ធក្នុងវិស័យគុនល្បុក្កតោទាំងអស់…

សណ្ឋាគារ ឋានសួគ៌ សុខា បានរៀបចំព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុង និងប្រណាំងកង់ លើកទី៧ នៅលើភ្នំបូកគោ រយៈពេល២ថ្ងៃ ដើម្បីស្វែងរកមូលនិធីជួយ ដល់ មន្ទីរពេទ្យគន្ធបុប្ជា ខណៈអ្នកចូលរួមប្រកួតទាំងអស់បានបង្ហាញក្តីរីករាយ គាំទ្រយ៉ាងពេញទំហឹង ដោយពួកគាត់បានចូលរួមចំណេញទាំងសុខភាព និងជួយធ្វើសកម្មភាពសប្បុរសធម៌។លោក កែវ សិទ្ធ នាយកផ្នែកលក់នៃសណ្ឋាគារ សុខា គូសបញ្ជាក់ថា ការរៀបចំព្រឹត្តិការណ៍ ដ៏ធំ ប្រចាំឆ្នាំ លើភ្នំបូកគោ រយៈពេល២ថ្ងៃនេះមានអ្នកស្នេហាកីឡាចូលរួមសរុបប្រមាណ៧០០នាក់ ក្នុង នោះអ្នកចូលរួមរត់ប្រណាំងជាង៥០០នាក់ និងអ្នកចូលរួមប្រណាំងកង់ជាង១០០នាក់។ ក្រៅពីជន ជាតិខ្មែរ ក៏មានជនជាតិបរទេសចូលរួមច្រើននាក់ផងដែរ ដើម្បីគាំទ្រដល់កម្មវិធីនេះ បានប្រព្រឹត្តទៅ ដោយរលូន និងជោគជ័យ ប្រកបដោយបរិយាកាសសប្បាយរីករាយ មិត្តភាព សាគ្គីភាព និងបង្កប់ នូវអនុស្សាវរីយ៍ល្អៗមិនអាចបំភ្លេចបានផងដែរ។ លោក បន្ថែមទៀតថា នេះជាកម្មវិធី សប្បុរសធម៌ប្រចាំឆ្នាំ ហើយទឹកប្រាក់ដែលទទួលបានពីព្រឹត្តិការណ៍នេះនឹងត្រូវបរិច្ចាគជូនទៅមន្ទីរពេទ្យ គន្ធបុប្ផា។ ព្រឹត្តិការណ៍ការនេះរួមមានកម្មវិធីសប្បាយៗជាច្រើន ក្នុងនោះក៏មានការប្រគំតន្រ្តីដ៏ធំ ការរត់ពាក់កណ្តាលម៉ារ៉ាតុង រួមមាន៖ ចម្ងាយ ២១គីឡូម៉ែត្រ ១០គីឡូម៉ែត្រ ៥គីឡូម៉ែត្រ និងការរត់បែប…

ភ្នំពេញ៖លោក ស្រ៊ុន លាង អគ្គលេខាធិការរងសហព័ន្ធកីឡាទូកកានូ និងរ៉ូអ៊ីងកម្ពុជា បានអោយដឹងថា ព្រឹត្តការណ៍កីឡាជាតិ លើកទី៣ ឆ្នាំ២០២២ សហព័ន្ធបានរៀបចំយ៉ាងល្អ រីឯមន្រ្តីបច្ចេទេសមានសមត្ថភាពគ្រប់គ្រាន់ មិនជាបារម្មណ៍សម្រាប់ស៊ីហ្គេម ឆ្នាំ២០២៣។ ការបញ្ជាក់អោយដឹងនេះធ្វើឡើងក្រោយបញ្ចប់ថ្ងៃទី១ នៃការប្រកួតកីឡាទូកប្រពៃណីខ្នាតអន្តរជាតិ “ទូកនាគ” នៅព្រឹត្តការណ៍កីឡាជាតិ នាខេត្តកំពត។លោកអគ្គលេខាធិការង បញ្ជាក់ថា កីឡាជាតិលើកទី៣នេះ គឺជាការអនុវត្តផ្ទាល់ចុងក្រោយពីការប្រកួតកម្រិតថ្នាក់ជាតិធំ និងលំនាំស៊ីហ្គេមរបស់មន្រ្តីបច្ចេកទេសសហព័ន្ធ ដើម្បីពិនិត្យមើលសមត្ថភាព ពីការកាត់សេចក្តីផ្ទាល់ ទាំងការបញ្ជាចេញដំណើរ ការទទួលសារដល់ទី ការសម្រង់លទ្ធផលបច្ចេកទេស (ថេរវេលា) ចូលក្នុងតារាង សង្កេតឃើញមន្រ្តីយើងមានការឈ្លាសវៃ លឿន ច្បាស់លាស់ទៅតាមបច្ចេកទេសប្រកួតអន្តរជាតិ។ លោក ស្រ៊ុន លាង បន្តថា មន្រ្តីបច្ចេកទេស អាចនិយាយបានថា មានសមត្ថភាពគ្រប់គ្រាន់ពីបច្ចេកទេស និងលក្ខន្តិកៈ បានត្រឹមត្រូវតាមស្តង់ដា តែ ចំណុចមួយបញ្ហាផាសាអាចជាឧបសគ្គខ្លះសម្រាប់ពួកគាត់ ដោយសារក្រោយបញ្ចប់ព្រឹត្តការណ៍ ជាតិ នេះ សហព័ន្ធនឹងជ្រើសរើសមន្រ្តីបច្ចេកទេស២ទៅ៣រូប ទៅសិក្សាវគ្គបណ្តុះបណ្តាលបន្ថែមនៅ ក្រៅ ប្រទេស ដើម្បីអោយក្លាយជាមន្រ្តីបច្ចេកទេសអន្តរជាតិ ទទួលពីសហព័ន្ធកីឡាទូកអន្តរជាតិ ត្រៀម ស៊ីហ្គេម នៅកម្ពុជា។…