(ភ្នំពេញ)៖ ក្រុមកីឡាករប្រណាំងរថយន្តឆ្លងកាត់ឧបសគ្គបានវាយតម្លៃពីស្ថានភាពផ្លូវនៅប្រទេសកម្ពុជា ថាកាន់តែមានភាពស័ក្តិសមសម្រាប់ការប្រកួតកីឡាប្រណាំងយានយន្តលំដាប់អន្តរជាតិ បន្ទាប់ពីពួកគេចូលរួមក្នុងព្រឹត្តការណ៍ប្រណាំងរថយន្តឆ្លងកាត់ឧបសគ្គ Asia Cross Country Rally 2022 ចម្ងាយផ្លូវ១,៧០០គីឡូម៉ែត្រ ចាប់ពីប្រទេសថៃរហូតដល់មុខប្រាសាទអង្គរវត្ត កាលពីចុងសប្តាហ៍កន្លងទៅ។ ក្រុមប្រណាំងរថយន្តការ៉ាកម្ពុជា មានអ្នកបើកបរ កីឡាករ សោម សុកុសល និងជំនួយការអ្នកបើកបរ កីឡាករ វង្ស គីមហួត ទទួលបានចំណាត់លេខ១ នៅ Class រថយន្តប្រើសាំង ពីព្រឹត្តការណ៍ប្រណាំងរថយន្តឆ្លងកាត់ឧបសគ្គ Asia Cross Country Rally 2022 និងចំណាត់ថ្នាក់លេខ១១ ក្នុងចំណោមរថយន្តសរុប៣៤ ក្នុងព្រឹត្តិការណ៍រថយន្តនេះ។ ម្ចាស់ពាន Rally 2022 កីឡាករ វង្ស គីមហួត បានគូសបញ្ជាក់ថា មានការេសរសើរពីអ្នកប្រណាំងអន្តរជាតិថា ដំណាក់កាលចុងក្រោយនៅកម្ពុជា ថ្វីដ្បិតតែផ្លូវប្រកួតមានចម្ងាយខ្លី ប៉ុន្តែមានឧបសគ្គច្រើនធ្វើឱ្យការប្រណាំងកាន់តែស្វិតស្វាញ និងជក់ចិត្ត។ កីឡាកររូបនេះបន្តថា នេះជាឱកាសមួយដែលធ្វើឲ្យកីឡាករយានយន្តយើងទទួលបានបទពិសោធន៍ថ្មីៗ និងបង្កើនបច្ចេកទេសអោយខ្លាំងបន្ថែមទៀតក្នុងការប្រកួតកម្រិតរថយន្តអន្តរជាតិនេះផងដែរ។ កីឡាករ វង្ស គីមហួត បញ្ជាក់ថា សម្រាប់ប្រភេទរថយន្តប្រើសាំងគឺយើងធ្វើបានល្អជាងគេ ដោយដណ្តើមបានចំណាត់ថ្នាក់លេខ១…

ភ្នំពេញ៖ ឯកឧត្តម ណុះ ស្លេះ ប្រធានសហព័ន្ធកីឡាម៉តូទឹកកម្ពុជា បានបញ្ជាក់ថា សហព័ន្ធបានត្រៀមប្រកបដោយភាពជឿជាក់ ក្នុងព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ ទាំងការរៀបចំ និងដណ្តើមមេដាយជូនជាតិ នៅព្រឹត្តការណ៍ជាប្រវត្តិសាស្រ្តដំបូងរបស់ព្រះរាជាណាចក្រកម្ពុជា ក្រោយខកខាន៦៤ឆ្នាំ។ការថ្លែងបែបនេះ ធ្វើឡើងក្នុងបទសម្ភាសន៍ជាមួយអ្នកយកព័ត៌មានទូរទស្សន៍អប្សរា នៅព្រឹត្តការណ៍កីឡាជាតិ លើកទី៣ ឆ្នាំ២០២២ ដែលរៀបចំនៅខេត្តព្រះសីហនុ។ឯកឧត្តម ណុះ ស្លេះ បានបញ្ជាក់ថា ការៀបចំការប្រកួតកីឡាម៉ូតូទឹកជើងឯកអាស៊ីអាគ្នេយ៍ និងព្រឹត្តការណ៍កីឡាជាតិ លើកទី៣នេះ អាចនិយាយបានថា សហព័ន្ធកីឡាម៉ូតូទឹកកាន់តែមានបទពិសោធន៍ និងជំនឿចិត្តខ្ពស់ចំពោះការរៀបចំព្រឹត្តការណ៍កីឡាស៊ីហ្គេម នាឆ្នាំ២០២៣ខាងមុខនេះ។ ឯកឧត្តមប្រធានសហព័ន្ធ បន្ថែមថា ការៀបចំជើងឯកអាស៊ីអាគ្នេយ៍កន្លងទៅ មានការខ្វះខាតខ្លះៗ ដូច្នេះសហព័ន្ធបានយកកីឡាជាតិនេះ មកធ្វើការកែលម្អ ដូចជា ការៀបចំរបស់មន្រ្តីបច្ចេកទេស ការចុះឈ្មោះ ការទំនាក់ទំនង ការទទួលភ្ញៀវ និងការៀបចំទីលាន សម្ភារបច្ចេកទេសអោយប្រសើរជាងមុន។ ឯកឧត្តម ណុះ ស្លេះ បន្តថា សម្រាប់ព្រឹត្តការណ៍ជាតិនេះ ការរៀបចំលំនាំដូចស៊ីហ្គេម ដោយសហព័ន្ធបានដាក់ អាជ្ញាកណ្តាល ចៅក្រម និងមន្រ្តីបច្ចេកទេសសរុបចំនួន៣៥នាក់ សិតសឹងជាមន្រ្តីជំនាញធ្លាប់មានបទពិសោធន៍ឆ្លងកាត់វគ្គបណ្តុះបណ្តាលថ្នាក់ជាតិ និងអន្តរជាតិ ចំនុចមួយសហព័ន្ធ…