ភ្នំពេញ៖លោកស្រី ស៊ុ សុខា ក្លាយជាប្រធានសហព័ន្ធកីឡាបាល់ឳបកម្ពុជាអាណត្តិថ្មីទី៤ ឆ្នាំ២០២២-ឆ្នាំ២០២៦ បន្ទាប់ពីសមាជិកប្រវត្តិបតិ និងក្លិបទំាង ២៨ រូបបានបោះឆ្នោតឲ្យកាលពីចុងសប្តាហ៍នេះ ក្នុងមហាសន្និបាតបញ្ចប់អាណត្តិចាស់ និងបន្តអាណត្តិថ្មីទី៤ ឆ្នាំ២០២២-ឆ្នាំ២០២៦ នៅសាលប្រជុំនាយកដ្ឋានអប់រំកាយ និងកីឡានៃពហុកីឡដ្ឋានជាតិ។ក្នុងឳកាសមហាសន្និបាតបញ្ចប់អាណត្តិចាស់ និងបន្តអាណត្តិថ្មីដោយមានការអញ្ជើញចូលរួមពីសំណាក់ លោក ដួង មាសចំរើន អគ្គនាយករងតំណាងឲ្យលោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា លោក ប៉ែន វុទ្ធី អនុប្រធាននាយកដ្ឋានអប់រំកាយ និងកីឡាទទួលបន្ទុករួម និងលោក កាំង សុធា តំណាងឲ្យលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា។សម្រាប់អាណត្តិថ្មីទី៤ ឆ្នាំ២០២២-ឆ្នាំ២០២៦ មានសមាជិកប្រតិបត្តិ១១រូបរួមមាន៖លោកស្រី ស៊ុ សុខា ជាប្រធានថ្មី លោក ខេង សុភាព លោក លន់ សាមឌី លោក ម៉ូណាំង ហ្វីលីព អនុប្រធាន លោក ពេជ្រ រតនា អគ្គលេខាធិការ លោក ចន…

ឆ្លងកាត់ការប្រកួតយ៉ាងស្វិតស្វាញរយៈពេល០២ថ្ងៃ ក្រុមរាជសីហ៍របស់កម្ពុជា ក្រសោបបានតំណែងជើងឯកព្រឹត្តិការណ៍កីឡាថាសហោះមហាអនុតំបន់ទន្លេមេគង្គ ប្រចាំឆ្នាំ២០២២ ឬ Mekong Cup ក្រោយឈ្នះក្រុមជម្រើសជាតិថៃអាយុក្រោម២៤ឆ្នាំ ក្នុងវគ្គផ្ដាច់ព្រ័ត្រ នៅថ្ងៃអាទិត្យ ទី០៦ ខែវិច្ឆិកា នាកីឡដ្ឋានខេមបូឌាអ៊ែរវ៉េ។ ដោយឡែកចំណាត់ថ្នាក់លេខ៣បានទៅលើក្រុម Siamian មកពីប្រទេសសិង្ហបុរី ដែលបានយកឈ្នះក្រុមវៀតណាម Saigon Chaos ដោយលទ្ធផល ៧ទល់នឹង៤។ គួរដឹងដែរថា ព្រឹត្តិការណ៍កីឡាថាសហោះពានរង្វាន់មហាអនុតំបន់ទន្លេមេគង្គ ឆ្នាំ២០២២ និងជាលើកទី០៩ នេះប្រព្រឹត្តទៅពីថ្ងៃទី០៥ដល់ថ្ងៃទី០៦ ខែវិច្ឆិកា នៅកីឡដ្ឋានខេមបូឌាអ៊ែរវ៉េដោយមានការចូលរួមពីក្រុមចំនួន៨មកពី៤ប្រទេស គឺម្ចាស់កម្ពុជា (៣ក្រុម), វៀតណាម (២ក្រុម), ថៃ (២ក្រុម) និងសិង្ហបុរី (១ក្រុម) ។ ព្រឹត្តិការណ៍ក្នុងឆ្នាំ២០២២នេះរៀបចំឡើងដោយសហភាពសហព័ន្ធយុវជនកម្ពុជារាជធានីភ្នំពេញ។ ក្នុងពិធីបិទការប្រកួត ឯកឧត្តម សំហេង បុរស រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងអនុប្រធានសហភាពសហព័ន្ធយុវជនកម្ពុជារាជធានីភ្នំពេញ បានថ្លែងអំណរគុណ និងសរសើរការខិតខំប្រឹងប្រែងរបស់ក្រុមទាំងអស់ដែលបានចូលរួមព្រឹត្តិការណ៍កីឡាថាសហោះមហាអនុតំបន់ទន្លេមេគង្គនេះ។ ឯកឧត្តម សំហេង បុរស សង្កត់ធ្ងន់ថា ព្រឹត្តិការណ៍កីឡាលក្ខណៈអន្តរជាតិនេះនឹងជំរុញទឹកចិត្តដល់កីឡាករកីឡាការិនីដែលជាយុវជន។គួរបញ្ជាក់ថា ព្រឹត្តិការណ៍កីឡាថាសហោះពានរង្វាន់មហាអនុតំបន់ទន្លេមេគង្គឬ Mekong…

ភ្នំពេញ៖ លន បញ្ញា អ្នកប្រដាល់គុនខ្មែរ កំពុងមានឈ្មោះបោះសំឡេង ល្បីរន្ទឺយ៉ាងខ្លាំងក្នុងអាជីពជាអ្នកប្រដាល់គុនខ្មែរ ដែលក្នុងមួយខែៗ កីឡាករមកពីខេត្តព្រៃវែងរូបនេះ ទទួលបានចំណូលពីការប្រកួតតាមសង្វៀនទូរទស្សន៍ក្នុងស្រុកប្រមាណជាជាង១ពាន់ដុល្លារអាមេរិក។កីឡាករ លន បញ្ញា បានចូលហ្វឹកហាត់ប្រដាល់គុនខ្មែរ នៅអាយុ១៧ឆ្នាំ ក្នុងសមាគមប្រដាល់ក្រសួងការពារជាតិ។ ការតស៊ូប្រឹងប្រែងក្នុងការហ្វឹកហាត់រយៈពេល៥ឆ្នាំមកនេះ បានធ្វើឲ្យកេរ្តិ៍ឈ្មោះរបស់បញ្ញា ក្នុងអាជីពជាអ្នកប្រដាល់គុនខ្មែរល្បីល្បាញយ៉ាងខ្លាំង ។ ដោយសារតែភាពល្បីតាមរយៈការប្រជែងដណ្តើមបានខ្សែក្រវ៉ាត់ជូនក្លិប និងឈ្នះមេដាយមាស ពីការប្រកួតជ្រើសរើសជើងឯកថ្នាក់ជាតិ ដែលរៀបចំដោយសហព័ន្ធកីឡាប្រដាល់គុនខ្មែរ លន បញ្ញា ក៏ត្រូវបានសហព័ន្ធកីឡាឃីក ប៊ុកស៊ីង ដែលទើបតែបង្កើតឡើង ក្នុងឆ្នាំ២០១៩ ដែលបានបំបែកខ្លួនពីប្រដាល់គុនខ្មែរ ជ្រើសរើស លន បញ្ញា ជាប់ជាកីឡាករជម្រើសជាតិហ្វឹកហាត់ចូលរួមស៊ីហ្គេម លើកទី៣១ នៅប្រទេសវៀតណាមក្នុងឆ្នាំ២០២២ ដណ្តើមបានមេដាយប្រាក់ជូនជាតិ។ទិសដៅបន្តរបស់ លន បញ្ញា បន្ទាប់ជាប់ជម្រើសជាតិឃីក ប៊ុកស៊ីង ជាថ្មី ហ្វឹកហាត់ត្រៀមស៊ីហ្គេម លើកទី៣២ ឆ្នាំ២០២៣ ដែលកម្ពុជា ធ្វើជាម្ចាស់ផ្ទះ លន បញ្ញា ម្ចាស់មេដាយប្រាក់ ស៊ីហ្គេម លើកទី៣១ នៅប្រទេសវៀតណាម ប្តេជ្ញាចិត្ត ដណ្តើមយកមេដាយមាសឲ្យបានជូនកម្ពុជាក្នុងនាមជាកីឡាករម្ចាស់ផ្ទះ។លន បញ្ញា…

ភ្នំពេញ៖ ឯកឧត្តម ស សុខា រដ្ឋលេខាធិការក្រសួងអប់រំយុវជន និងកីឡា បានបញ្ជាក់ថា ព្រឹត្តការណ៍កីឡាជាតិ លើកទី៣ ឆ្នាំ២០២២ ធ្វើឡើងក្នុងគោលបំណងសំខាន់ជាច្រើន ដើម្បីត្រៀមព្រឹត្តការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ នាឆ្នាំ២០២៣។ការថ្លែងបែបនេះធ្វើឡើង ក្នុងសន្និសិទ្ធសារព័ត៌មានព្រឹត្តការណ៍កីឡាជាតិ លើកទី៣ ឆ្នាំ២០២២ កាលពីពេលថ្មីៗនេះ នៅមជ្ឈមណ្ឌលជាតិហ្វឹកហ្វឺនកីឡា។ឯកឧត្តម សុ សុខា គោលបំណងធំនៃព្រឹត្តការណ៍កីឡា លើកទី៣ គឺធ្វើឡើងក្នុងគោលបំណងសាកល្បងអោយសហព័ន្ធនីមួយៗម្ចាស់ការនៃការរៀបចំ ជាពិសេសគណកម្មការរៀបចំការប្រកួតអោយមានភាពបន្សាំ និងសិក្សាពីចំនុចខ្វះខាត ដើម្បីកែលម្អតៀមស៊ីហ្គេម ឆ្នាំ២០២៣។ ចំនុចមួយទៀតដោយសារកីឡាករ កីឡាការិនីសម្រើសរើសជាតិមួយចំនួនធំ បានបញ្ជូន និងត្រៀមចេញទៅហ្វឹកហាត់នៅក្រៅប្រទេសខាងមុខនេះ ដូច្នេះផ្តល់ឪកាសអោយកីឡាករ កីឡាការិនីជាយុវជន និងថ្នាល តំណាងសហព័ន្ធទាំង៣៨ និង៣ក្រសួងស្ថាប័ន បានដុសខាត់សមត្ថភាព និងបង្កើនសិទ្ធផល ជាពិសេសបន្សាំខ្លួនអោយបានល្អ។ ឯកឧត្តម បន្តថា គុណភាពប្រកួតប្រជែងកីឡជាតិ លើកទី៣ ឆ្នាំ២០២២ខាងមុខនេះ យើងមិនរំពឹងទទួលបានសិទ្ធផលខ្ពស់ ដូចអ្វីដែលចង់បាននោះទេ ដោយសារអត្តពលិកជម្រើសរើសជាតិមួយចំនួនធំ ចេញទៅហ្វឹកហាត់នៅក្រៅប្រទេសភាគច្រើន។ ដូច្នេះក្រៅពីពង្រឹងសមត្ថភាពអត្តពលិក គោលបំណងធំមួយទៀតគឺ ពង្រឹងសមត្ថភាពមន្រ្តីបច្ចេកទេស អោយទទួលបានបទពិសោធន៍…

ភ្នំពេញ៖ ក្រុមកីឡាការិនីបាល់បោះជិះរទេះជនពិការកម្ពុជា បានយកឈ្នះក្រុមកីឡាការិនីបាល់បោះជិះរទេះឥណ្ឌា ពីប្រកួត ICRC International Wheelchair Basketball Tournament លើកទី៣ នៅប្រទេសឥណ្ឌា។ លោក ម៉ៅ សុខជា គ្រូបង្វឹកកីឡាបាល់បោះជិះរទេះជនពិការកម្ពុជា បានឲ្យដឹងថាការ ប៉ះក្រុមកីឡាការិនីម្ចាស់ផ្ទះ ឥណ្ឌា ក្រុមកីឡាការិនី ធ្វើបានល្អ ដោយយកឈ្នះក្នុងលទ្ធផល ១៤ទល់៥៨ នឹងបន្តជួប ក្រុមកីឡាការិនីនេប៉ាល់ វេលាម៉ោង១៥:០០ រសៀលនេះ ។ លោក បន្តថា ការចូលរួមប្រកួតកម្រិតអន្តរជាតិនេះសហព័ន្ធកីឡាបាល់បោះជិះរទេះជនពិការកម្ពុជា បានបញ្ជូនតែក្រុមនារីចូលរួមប៉ុណ្ណោះ តបតាមការអញ្ជើញរបស់ប្រទេសឥណ្ឌាជាម្ចាស់ផ្ទះ ជាមួយបណ្តាប្រទេសជាច្រើនទៀត ចូលរួមសរុប៨ប្រទេស ដូចជា ប្រទេសនេប៉ាល់ បង់ក្លាដែស កម្ពុជា លីប៊ី អាហ្វហ្គានីស្ថាន ស៊ីរី ហ្គាណា និងឥណ្ឌា។ លោកគ្រូបង្វឹករូបនេះ បានបន្ថែមថា ការប្រកួតនេះ ក្រុមបុរសមាន៨ប្រទេស ប៉ុន្តែកម្ពុជាបញ្ជូនតែក្រុមនារីប៉ុណ្ណោះ និងមានតែ៣ប្រទេសចូលរួម គឺកម្ពុជា នេប៉ាល់ និងម្ចាស់ផ្ទះឥណ្ឌា។ លោក ម៉ៅ សុខជា…