ភ្នំពេញ៖ ក្រុមវិទ្យាល័យ ហ៊ុន សែន សេរីភាព បានយកឈ្នះក្រុមវិទ្យាល័យជា ស៊ីម សាមគ្គី ក្នុងលទ្ធផល ៣ទល់១ ដណ្តើមបានចំណាត់ថ្នាក់លេខ៣ ការប្រកួតបាល់ទាត់ជើងឯកវិទ្យាល័យ រដូវកាលទី២ ឆ្នាំ២០២២ នាព្រឹកថ្ងៃទី១៨ ខែតុលា នៅទីលានបាល់ទាត់ វិទ្យាល័យបឹងត្របែក។៣គ្រាប់របស់ក្រុមវិទ្យាល័យ ហ៊ុន សែន សេរីភាព រកបានដោយកីឡាករ នី សុងហៃ នៅនាទីទី១២ , កីឡាករ ឃឹម ចំរើន នៅនាទីទី១៧ និងគ្រាប់ទី៣ រកបានដោយកីឡាករ កើត មេសា ដោយបាល់ម៉ែត្រ នៅនាទីទី៤៩ ខណៈក្រុមវិទ្យាល័យជាស៊ីម សាមគ្គី រកបានមួយវិញនៅនាទីទី៤៧ ដោយកីឡាករ ឡុង ម៉េងហុង។ លទ្ធផលនេះ បានធ្វើក្រុមតែមួយដែលមកពីខេត្តកណ្តាលទទួលបានចំណាត់ថ្នាក់លេខ៣ ជាមួយនឹងប្រាក់រង្វាន់ ២០លានរៀល។រីឯគូដណ្តើមជើងឯក រវាងក្រុមការពារតំណែងជើងឯករដូវកាលទី១ វិទ្យាល័យឥន្រ្ទទេវី ត្រូវប៉ះក្រុមឡើងជើងមិនស្គាល់ពាក្យថាចាញ់វិទ្យាល័យព្រះស៊ីសុវត្តិ ដើម្បីដណ្តើមប្រាក់រង្វាន់៦០លានរៀល នៅថ្ងៃទី១៩ ខែតុលា ឆ្នាំ២០២២ នាកីឡដ្ឋានបឹងកេត វេលាម៉ោង…

ភ្នំពេញ៖ ព្រឹត្តិការណ៍ប្រកួតប្រណាំងកង់ភ្នំ Wurkz Mountain Bike Series ឆ្នាំ២០២២ ជុំទី៣ ដែលបានរៀបចំនៅជើងភ្នំគូលែន ក្នុងស្រុកបន្ទាយស្រី ខេត្តសៀមរាប បានបញ្ចប់ដោយជោគជ័យ នាចុងសប្តាហ៍នេះ ។លោក ព្យែរ អ៊ីវកាត់ទ្រី ស្ថាបនិកកង់ភ្នំ និងជាអ្នករៀបចំព្រឹត្តិការណ៍ប្រណាំងកង់ភ្នំ បានបញ្ជាក់ថា ជុំទី៣នេះ ពិតជាអស្ចារ្យ និងបានភ្ញាក់ផ្អើលចំពោះវត្តមានក្រុមជម្រើសជាតិថៃបានចូលរួមប្រកួត នឹងបានក្លាយមួយជាចំណែកយ៉ាងសំខាន់ បង្កលក្ខណៈងាយស្រួល ក្នុងការពិនិត្យមើលសិទ្ធផលកីឡាករ កីឡាការិនីជម្រើសរើសជាតិកង់ភ្នំកម្ពុជា បានវាស់ស្ទង់សមត្ថភាព តើយើងស្ថិតនៅកម្រិតណា ហើយត្រូវពង្រឹងចំណុចខ្វះខាតត្រង់ណាខ្លះ សម្រាប់ត្រៀមលក្ខណៈប្រជែងមេដាយពីស៊ីហ្គេម ឆ្នាំ២០២៣ នៅកម្ពុជា។ លោក ព្យែរ អ៊ីវកាត់ទ្រី បន្តថា “វាពិតជាមានការភ្ញាក់ផ្អើលសម្រាប់ជុំទី៣នេះ ខ្ញុំគិតថា ជោគជ័យដោយមានកីឡាករ កីឡាការិនីជម្រើសជាតិថៃចូលរួម ដែលធ្វើឱ្យការប្រកួតមើលទៅកាន់តែចាប់អារម្មណ៍ និងស្វិតស្វាញ សម្រាប់កីឡាករ កីឡាការិនីកម្រិតខ្ពស់ពិតជាល្អណាស់ បានបង្ហាញពីការប្រកួតប្រជែងទាំងផ្នែកបុរស កម្ពុជាបានបញ្ចប់នៅចំណាត់ថ្នាក់ល្អ ចំណែកកីឡាការិនីកម្ពុជា ក៏ធ្វើបានល្អដែរ។ ស្ថាបនិករូបនេះ បន្តថា ការប្រកួតដំណើរការដោយរលូន មានការព្រួយបារម្ភពីរឬបីសប្តាហ៍មុនអំពីអាកាសធាតុ ដោយសារតែមេឃភ្លៀងធ្លាក់ខ្លាំង ប៉ុន្តែដល់ថ្ងៃប្រកួត អាកាសធាតុមានអំណោយផលល្អសម្រាប់ការប្រកួតនេះ…

ភ្នំពេញ៖ ព្រឹត្តិការណ៍ DAVIS CUP គ្រុបទី៤ ដែលប្រទេសបារ៉ែនទទួលធ្វើជាម្ចាស់ផ្ទះនៅថ្ងៃច័ន្ទទី១៧ ខែតុលា ឆ្នាំ២០២២ បានចាប់ផ្តើមដំណើរការប្រកួតផ្លូវការហើយ ដោយក្រុមវាយកូនបាល់កម្ពុជា ឈរនៅក្នុងពូលA ដែលមាន៤ប្រទេសមានដូចជា ប្រទេស ទុកមេនីស្ថាន ម៉ុងហ្គាលី ប៊ូតាន និងកម្ពុជា ខណៈពូលBមាន៥ប្រទេសដូចជា ប្រទេសបារ៉ែនម្ចាស់ផ្ទះ ប្រទេសកាំ ប្រទេសឡាវ គុយវេត និងប្រទេសសបង្ហបុរី។លោក ទេព រិទ្ធីវិទ្ធ អគ្គលេខាធិការ សហព័ន្ធកីឡាវាយកូនបាល់កម្ពុជា បានបញ្ជាក់ប្រាប់ពីប្រទេសបារ៉េន តាមរយៈវីដេអូឃ្លីថា សម្រាប់ជំនួបពូលAដែលមាន៤ប្រទេសទាំងកម្ពុជានោះ គឺ ជំនួបបើកឆាក កម្ពុជាប៉ះប្រទេសប៉ូតានរីឯកប្រទេសទុកមេនីស្ថានប៉ះប្រទេសម៉ុងហ្គោលី។ខណៈពូលBដែលមាន៥ប្រទេស ប្រទេសគុយវេតប៉ះប្រទេសកាំ និងសង្ហបុរីប៉ះបារ៉ែនម្ចាស់ផ្ទះ។អគ្គេខាធិការរូបនេះ បានពន្យល់ទៀតថា ក្នុងចំណោមទាំងពីរពូលគឺពូលAនិងពូល B ប្រទេសកម្ពុជាយើងឈរនៅក្នុងលំដាប់ប្រទេសខ្លាំងលេខ៣ រីឯប្រទេសឈរនៅក្នុងចំណាត់លេខ១គឺទុកមេនីស្ថាន និងប្រទេសឈរលេខ២គុយវ៉េត។ សូមបញ្ជាក់ថា ព្រឹត្តិការណ៍ DAVIS CUP គ្រុបទី៤ តាមការគ្រោងទុកមាន១០ប្រទេសចូលរួមប៉ុន្តែដោយសាអវត្តមានប្រទេសតាជីគីស្ថានទើបនៅសល់៩ប្រទេសមានដូចជា ពូល4ប្រទេសទុកមេនីស្ថាន ម៉ុងហ្គាលី ប៊ូតាន និងកម្ពុជា ខណៈពូលBមាន៥ប្រទេសដូចជា ប្រទេសបារ៉ែនម្ចាស់ផ្ទះ ប្រទេសកាំ ប្រទេសឡាវ…

(ភ្នំពេញ)៖ បន្ទាប់ពីរង់ចាំអស់រយៈពេល ៦៤ឆ្នាំ កម្ពុជានៅសល់ ២០០ថ្ងៃទៀតប៉ុណ្ណោះ សម្រាប់ការត្រៀមធ្វើម្ចាស់ផ្ទះព្រឹត្តិការណ៍ប្រវត្តិសាស្ដ្រ នៃការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បើគិតត្រឹមថ្ងៃទី១៧ ខែតុលា ឆ្នាំ២០២២ នេះរហូតដល់ថ្ងៃទី០៥ ខែឧសភា ឆ្នាំ២០២៣ ដែលជាថ្ងៃប្រារព្ធពិធីបើកការប្រកួតផ្លូវការ ។ ក្នុងឱកាសនេះឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) បានផ្ញើសារ និងអំពាវនាវ ៣ចំណុចសំខាន់ ដល់ប្រជាពលរដ្ឋទាំងអស់ ចូលរួមយ៉ាងសកម្មក្នុងចលនាជាតិ ដើម្បីគាំទ្រព្រឹត្តិការណ៍ដ៏អស្ចារ្យនេះឲ្យទទួលបានជោគជ័យជាប្រវត្តិសាស្ដ្រ។ ទី១-ចូលរួមធ្វើឲ្យស្រុកទេសយើងស្អាត។ ការធ្វើឲ្យស្រុកទេសស្អាត គឺជាភាពទាក់ទាញណាស់ ពិសេសសម្រាប់វិស័យទេសចរណ៍ ព្រោះការប្រកួតកីឡា គឺជាព្រឹត្តិការណ៍ទេសចរណ៍មួយ។ កីឡាករ-កីឡាការិនីក៏ជាទេសចរ តែមិនមែនមកតែកីឡាករ ឬកីឡាការិនីនោះទេ គឺមានទាំងអ្នកគាំទ្រជាច្រើន(រាប់ម៉ឺននាក់)។ ហេតុនេះ ការរៀបចំឲ្យស្រុកទេសយើងស្អាត ពិសេសរាជធានីភ្នំពេញ ដែលជាកន្លែងប្រកួតកីឡាដ៏ធំជាងគេ និងមានខេត្តគោលដៅមួយចំនួន ដែលធ្វើម្ចាស់ផ្ទតាមគោលដៅ សូមមេត្ដាចូលរួមធ្វើយ៉ាងម៉េចឲ្យគោលដៅរបស់យើងស្អាត និងបៃតង។ ទី២-បញ្ហាអនាម័យ និងសន្ដិសុខសណ្ដាប់ធ្នាប់ ទាមទារឲ្យមានការចូលរួមពីសំណាក់បងប្អូនប្រជាពលរដ្ឋខ្មែរទាំងអស់ ក៏ដូចជាការរៀបចំតុបតែងលម្អផងដែរ។ ការតុបតែងលម្អនេះ សំខាន់ណាស់…

ភ្នំពេញ៖ កីឡាករម៉ូតូដែលគ្រោងចូលរួមប្រណាំងប្រជែង ក្នុងព្រឹត្តិការណ៍ប្រណាំងម៉ូតូ Enduro Crossវគ្គ២ ដែលគ្រោងរៀបចំនៅថ្ងៃទី២៩ ខែ តុលា ឆ្នាំ២០២២ខាងមុខនេះ បានបង្ហាញនូវការគាំទ្រ និងពេញចិត្តជាខ្លាំង ហើយបានសូមណូមពរឲ្យអ្នករៀបចំព្រឹត្តិការណ៍បន្ថែមឧបសគ្គកាន់តែខ្លាំងជាងមុន ដើម្បីបង្កើនសមត្ថភាពកីឡាករម៉ូតូនៅកម្ពុជា។ពួកគេ អះអាងទៀតថា កាលពីប្រណាំងលើកទី១ ផ្លូវប្រណាំងមានឧសគ្គច្រើន ប៉ុន្តែហាក់នូវមានកម្រិតឡើយ ធ្វើឲ្យកីឡាករមិនរីកចំរើនសមត្ថភាព។ដូច្នោះបើការប្រណាំងលើកទី២នេះ កាន់តែបន្ថែមឧបសគ្គលើផ្លូវប្រណាំងកាន់តែលំបាក់ជាងមុន កីឡាករនិងខិតខំហ្វឹកហាត់នោះ សមត្ថភាពនៃការបញ្ជាម៉ូតូពេលប្រណាំងនិងរីកចំរើនខ្លាំង។ លោក ពេជ្រ សុខា អ្នករៀបចំព្រឹត្តិការណ៍ប្រណាំងតូ Enduro Crossវគ្គ២ បានលើកឡើងថា កក្តាដែលជំរុញឲ្យលោក បង្កើតព្រឹត្តិការណ៍ប្រណាំងម៉ូតូ Enduro Crossក្នុង១ឆ្នាំពី២ទៅបីលើកនេះ ក្នុងគោលបំណងលើកកម្ពស់សមត្ថភាពកីឡាករប្រណាំងម៉ូតូនៅកម្ពុជាឲ្យរីកចំរើន ជាពិសេស ដើម្បីឲ្យកីឡាករកម្ពុជាទទួលបានបទពិសោធន៍ក្នុងការប្រណាំងអាចវិវឌ្ឍសមត្ថភាពឈានទៅប្រណាំងនៅកម្រិតអន្តរជាតិបាន។អ្នករៀបចំព្រឹត្តិការខាងលើ បានគូសបញ្ជាក់ទៀតថា ព្រឹត្តិការណ៍លើកទី២នេះ មានកីឡាករចុះឈ្មោះចូលរួមប្រប្រណាំង៤៥នាក់ហើយ រីឯក្រុមហ៊ុនឧបត្ថម្ភគាំទ្រវិញបានថយចុះជាងឆ្នាំមុនបន្តិចដោយសាតែវិបត្តិជំងឺកូវីដ១៩។ ប៉ុន្តែវាមិនមានការរាំងស្ទះសម្រាប់ការរៀបចំការប្រណាំងនោះទេ ពោលគឺយើងនៅតែបន្តរៀបចំទៅតាមអ្វីដែលបានគ្រោងទុក។ លោក នួន ឧត្តម តំណាងDunlop cambodia បានបង្ហាញការគាំទ្រចំពោះការរៀបចំព្រឹត្តិការណ៍មួយនេះ ដោយលោកបានលើកឡើងថា វាជាចំណែកមួយជួយអភិវឌ្ឍវិស័យប្រណាំងម៉ូតូនៅកម្ពុជាឲ្យកាន់តែមានភាពរីកចំរើន ពិសេស ជួយបញ្ជាសយុវជចេញពីគ្រឿងញាន និង ការបង្ហោះម៉ូតូលើផ្លូវសាធារណៈដែលនាំឲ្យគ្រោះថ្នាក់ដល់ខ្លួនឯងនិងអ្នកដ៏ទៃ ។ សូមបញ្ជាក់ថា…