ភ្នំពេញ៖ ឯកឧត្តម សុខ សូកាន ប្រធានសហព័ន្ធកីឡាប៊ូល និងបេតង់កម្ពុជា បានជំរុញលើកទឹកចិត្តឲ្យសិក្ខាកាមប្រឹងប្រែងដុះខាត់សមត្ថភាព ត្រៀមប្រឡងយកសញ្ញាបត្រ និងទទួលស្គាល់ពីសហព័ន្ធកីឡាអាស៊ី និងពិភពលោក ក្នុងនាមជាអាជ្ញាកណ្តាលកម្ពុជាដើម្បីចូលរួមកាត់សេចក្តីការប្រកួតកម្រិតជាតិ អន្តរជាតិជាពិសេសព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ការថ្លែងបញ្ជាក់បែបនេះធ្វើឡើងក្នុងពិធីបិទវគ្គបណ្តុះបណ្តាលអាជ្ញាកណ្តាលថ្នាក់ជាតិ និងថ្នាក់ខេត្ត ឆ្នាំ២០២២ នាព្រឹកថ្ងៃទី១៤ ខែតុលា នៅអាគារគណកម្មាធិការជាតិអូឡាំពិកកម្ពុជា។ឯកឧត្តម សុខ សូកាន បញ្ជាក់ថា បច្ចុប្បន្នសហព័ន្ធមានតែអាជ្ញាកណ្ដាលកម្រិតជាតិ និងថ្នាក់ខេត្តប៉ុណ្ណោះ និងមានអាជ្ញាកណ្តាលថ្នាក់អាស៊ីតែមួយរូប គឺលោក ឆាយ សឿន ដូច្នេះសហព័ន្ធជំរុញលើកទឹកចិត្តអោយសិក្ខាកាមដែលទើបបញ្ចប់វគ្គ សូមបន្តឈានទៅរៀនវគ្គបណ្តុះបណ្តាលកម្រិតអន្តរជាតិនាពេលខាងមុខ ដើម្បីអោយកម្ពុជាមានអាជ្ញាកណ្តាលកម្រិតអន្តរជាតិអោយបានច្រើន។ ឯកឧត្តមបន្តថា ដោយសារឥឡូវយើងឃើញថាផ្នែកភាសាប្រជាពលរដ្ឋកម្ពុជា គឺអាចនិយាយបានច្រើន រីឯសិកាកាមទាំងអស់សុទ្ធតែមានចំណេះជំនាញស្រាប់ទៅលើផ្នែកបច្ចេកទេសរួចជាស្រេច ដូច្នេះគ្រាន់តែពង្រឹងបន្ថែមទៅ នោះយើងមានមន្ត្រីបច្ចេកទេស ឬអាជ្ញាកណ្ដាលគ្រប់គ្រាន់ សម្រាប់រៀបចំការប្រកួតដោយខ្លួនឯង ទាំងថ្នាក់ជាតិ និងកម្រិតអន្តរជាតិ ជាពិសេស Sea Games ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ក្នុងនាមប្រធានសហព័ន្ធ ឯកឧត្តម សុខ សូកាន បានប្ដេជ្ញាស្វែងរកដល់ការគាំទ្រពីសហព័ន្ធកីឡា ប៉េតង់អាស៊ី ដើម្បីផ្តល់គ្រូជំនាញកម្រិតខ្ពស់យកមកបណ្ដុះបណ្ដាលជូនសិក្ខាកាមទាំងថ្នាក់ជាតិ និងថ្នាក់អោយបាន២ទៅ៣ដងក្នុងមួយឆ្នាំៗ…

ភ្នំពេញ៖ លោក Chia Min Chong អគ្គលេខាធិការសហព័ន្ធកីឡាបាល់ទះសិង្ហបុរី បានថ្លែងលើកសើរថា ក្រុមបាល់ទះកម្ពុជាពិតជារីកចំរើនលឿនខ្លាំង ហើយ បានវិឌ្ឍខ្លួនក្លាយជាក្រុមខ្លាំងលំដាប់កំពូលក្នុងតំបន់អាស៊ាន បន្ទាប់ពីយកឈ្នះថៃក្រុមជម្រើសជាតិថៃក្នុងជំនួបនៅស៊ីហ្គេមលើកទី៣១ នៅប្រទេសវៀតណាម នាពេលកន្លងមក។ការលើកឡើងពីសំណាក់ អគ្គលេខាធិការសហព័ន្ធបាល់ទះសង្ហបុរីបែបនេះ នៅអាកាសយានដ្ឋានអន្តរជាតិភ្នំពេញ នាព្រឹកថ្ងៃទី១៣ ខែ តុលា ឆ្នាំ២០២២ គ្រាដែល លោកដឹកនាំក្រុមបាល់ទះជម្រើសជាតិសិង្ហបុរី មកប្រកួតមិត្តភាពអន្ដរជាតិជាមួយក្រុមជម្រើសជាតិកម្ពុជា ដែលនឹងធ្វើឡើងនាម៉ោង ៧ល្ងាច ថ្ងៃទី១៥ ខែតុលា កីឡដ្ឋានព្រីនស៍។អគ្គលេខាធិការសហព័ន្ធកីឡាបាល់ទះសិង្ហបុរីរូបនេះ បានលើកឡើងទៀតថា តំណាងឲ្យបាល់ទះសង្ហបុរី លោកពិតជាមានសេចក្ដីរីករាយខ្លាំងណាស់ ដែលសហព័ន្ធកីឡាបាល់ទះកម្ពុជា បានរៀបចំឲ្យមានជំនួបមិត្តភាពអន្ដរជាតិនេះឡើង។លោកថា តាមរយៈការប្រកួតនេះ នឹងផ្ដល់នូវអត្ថប្រយោជន៍ជាច្រើនដល់ក្រុមខ្លួនក្នុងការត្រៀមសម្រាប់ប្រកួតអន្ដរជាតិនានា ពិសេសស៊ីហ្គេម ឆ្នាំ២០២៣ នៅកម្ពុជាតែម្តង។លោក បានគូសបញ្ជាក់ទៀតថា លោកបានតាមដានវិស័យបាល់ទះកម្ពុជា តាំងពីឆ្នាំ២០១៩ (ស៊ីហ្គេម នៅហ្វីលីពីន)។ លោកមើលឃើញវិស័យបាល់ទះកម្ពុជា មានសក្ដានុពលចាប់ពីពេលនោះមក។ ប៉ុន្តែអ្វីដែលអស្ចារ្យ គឺស៊ីហ្គេមលើកទី៣១ ឆ្នាំ២០២២ នៅវៀតណាម។លោក លើកឡើងទឿតថា កម្ពុជាបច្ចុប្បន្ននេះ សម្រាប់បាល់ទះ គឺស្ថិតនៅលំដាប់កំពូល(TOP)ហើយ ហើយខ្ញុំជឿជាក់ថា នៅថ្ងៃអនាគត កម្ពុជានឹងក្លាយជាប្រទេសមួយដ៏មានសក្ដានុពលក្នុងវិស័យបាល់ទះ។…

ភ្នំពេញ៖ លោកស្រី ហង្ស ស៊ីម៉ន អគ្គលេខាធិការសហព័ន្ធកីឡារាំកម្ពុជា បានថ្លែងប្រាប់ទូរទស្សន៍អប្សរាថា កីឡាជាតិ លើកទី៣ ឆ្នាំ២០២២ សហព័ន្ធកីឡារាំកម្ពុជា បានត្រៀម តែ៤ វិញាសាដាក់ឲ្យប្រកួតប្រជែង ដែលមានអត្តពលិកមកពីក្រសួង-ស្ថាប័ន រាជធានី-ខេត្តចូលរួម។លោកស្រី អគ្គលេខាធិការ បញ្ជាក់បន្ថែម ចំនួន៤វិញ្ញាសានេះ គឺអាចនឹងមានផលប៉ះពាល់ខ្លះៗ សម្រាប់ការត្រៀមព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ សហព័ន្ធកីឡារាំបានត្រៀម១៤វិញាសាឲ្យតាមនិយមបច្ចេកទេសរបស់សហព័ន្ធកីឡារាំអន្តរជាតិ គឺត្រូវដាក់១៤វិញ្ញាសាឲ្យប្រកួតប្រជែងរាល់ព្រឹត្តិការណ៍ប្រកួត។ លោកស្រី បន្តថា វិញ្ញាសាទាំង១៤ គឺសុទ្ធតែវិញ្ញាសាមានសក្តានុពល ក្នុងការដណ្តើមមេដាយ សម្រាប់ស៊ីហ្គេម ឆ្នាំ២០២៣ ស្របតាមការកំណត់ទិសដៅ និងមានផែនការច្បាស់លាស់ គឺសហព័ន្ធបានតម្រូវឲ្យកីឡាករ កីឡាការិនីចង្វាក់ Latin Dance ហ្វឹកហាត់តែវិញ្ញាសា Latin Dance ខណៈចង្វាក់ Standard Dance ហ្វឹកហាត់តែ Standard Dance និង Break Dance ហ្វឹកហាត់តែ Break Dance តែប៉ុណ្ណោះ ដើម្បីឲ្យពួកគាត់ត្រៀមខ្លួនបានល្អប្រសើរ និងគ្រប់ជ្រុងជ្រោយ។…