ភ្នំពេញ៖ លោក ឆោម សំបូរ អគ្គលេខាធិការរង សហព័ន្ធកីឡាវាយកូនគោលកម្ពុជា បានបញ្ជាក់ថា ព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ សហព័ន្ធត្រូវការសមាសភាពអាជ្ញាកណ្តាលកម្រិតអន្តរជាតិចំនួន២០រូប ដើម្បីបំរើរការងារនិងកាត់សេចក្តីក្នុងការប្រកួតនៅទឹកដីកម្ពុជា។លោក អះអាងថា អាជ្ញាកណ្តាលទាំង២០រូបដែលជាសមាសភាពសំខាន់នោះ អាជ្ញាកណ្តាលកម្រិតអន្តរជាតិនៅក្នុងស្រុកចំនួន១២រូប និងមកពីអន្តរជាតិចំនួន៨រូប។ ហើយ សម្រាប់អាជ្ញាកណ្តាលកម្រិតអន្តរជាតិនៅក្នុងស្រុក ដែលអាចចូលរួមជាអាជ្ញាកណ្តាលបំរើរការងារបាននៅស៊ីហ្គេម ឆ្នាំ២០២៣ គឺត្រូវឆ្លងកាត់វគ្គបណ្តុះបណ្តាលច្បាប់កីឡាវាយកូនគោលប្រមាណជា២ទៅ៣វគ្គទៀត និងឆ្លងកាត់ការចូលរួមកាត់សេចក្តីក្នុងព្រឹត្តិការណ៍ប្រកួតថ្នាក់ជាតិចំនួន២លើកទើបសម្រេចឲ្យជាប់ជាអាជ្ញាកណ្តាលអន្តរជាតិផ្លូវការ។ដូច្នោះហើយ វគ្គបណ្តុះបណ្តាលច្បាប់កីឡាវាយកូនគោលកម្រិត២នេះ សិក្ខាកាមដែលត្រូវបានធ្វើតេជាប់បានពិន្ទុខ្ពស់និងក្លាយជាទិភាពបានរៀនវគ្គបន្តទៀត ដែលរៀបចំដោយសហព័ន្ធ ដើម្បីអភិវឌ្ឍសមត្ថភាពក្លាយជាអាជ្ញាកណ្តាអន្តរជាតិ។ សិក្ខាកាម៥៧រូបដែលបានចូលរួមក្នុងវគ្គបណ្តុះបណ្តាលច្បាប់កីឡាវាយកូនគោលកម្រិត២ដែលរៀបចំដោយសហព័ន្ធ បង្ហាត់បង្ហាញដោយគ្រូជំនាញច្បាប់មកពីស្ថាប័នច្បាប់កីឡាវាយកូនគោលអន្តរជាតិនេះ សិក្ខាកាមទាំងអស់នោះ បានឆ្លងកាត់វគ្គកម្រិត១តាមប្រព័ន្ធអននឡាញដែលសេសដោយសហព័ន្ធម្តងរួចមកហើយ។សូមបញ្ជាក់ថា វគ្គបណ្តុះបណ្តាលច្បាប់កីឡាវាយកូនគោលកម្រិត២នេះ សិក្សារយៈពេល៣ថ្ងៃ មានទាំងទ្រឹស្តីនិងការអនុវត្តផ្ទាល់នៅលើទីលាន ហើយ វគ្គនេះ វិញ្ញាប័នបត្រដែលសិក្ខាកាមដែលទទួលបានគឺចេញ ដោយស្ថានច្បាប់កូនគោលអន្តរជាតិ។ ហើយទៀតសោធវគ្គនេះ ក្រៅពីបណ្តុះធនធានសម្រាប់អាជ្ញាកណ្តាលស៊ីហ្គេមឆ្នាំ២០២៣ វាក៏ជាចលនាបំផុសចែករំលែកបណ្តាក្លឹប ដើម្បីយកចំណេះជំនាញដែលទទួលបានពីវគ្គបណ្តុះបណ្តាលនេះទៅចែករំលែកដល់កីឡាករកីឡាការិនីថ្មីៗឲ្យយល់ដឹងពីច្បាប់អន្តរជាតិក្នុងការអភិវឌ្ឍឲ្យវិស័យកីឡាកូនគោលនៅកម្ពុជាកាន់តែរីកចំរើន៕ អត្ថបទ៖ ជាវ ចន្ធូ

ភ្នំពេញ៖ ការប្រកួតកីឡាវ៉ូវីណាមជើងឯកថ្នាក់ជាតិ ប្រចាំឆ្នាំ២០២២ បានបញ្ចប់ដោយជោគជ័យ ក្លឹបកីឡាវ៉ូវីណាមក្រសួងការពារជាតិ ដណ្តើមបានមេដាយមាសច្រើនជាងគេ គឺមេដាយសរុប១៥គ្រឿង មាស៩ ប្រាក់២ និងសំរិទ្ធ៤គ្រឿង ខណៈលេខ២ ក្លឹបកីឡាវ៉ូវីណាមខេត្តស្វាយរៀង និងលេខ៣ក្លឹបកីឡាវ៉ូវីណាមក្រសួងមហាផ្ទៃ ។លោក យ៉ាំ ថៃសាន អគ្គលេខាធិការ សហព័ន្ធកីឡាវ៉ូវីណាមកម្ពុជា បានអោយដឹងថា ជើងឯកថ្នាក់ជាតិឆ្នាំនេះ មានក្លឹបមកពីរាជធានី-ខេត្តចំនួន៦ ក្រសួង២ ចូលរួម កីឡាការិនី ៥៨នាក់ កីឡាការិនី ២៤ នាក់ ការប្រកួតចែកជា២ផ្នែកធំៗ ១៩ វិញ្ញាសា រួមមាន៖ ១- វិញ្ញាសា មេគុន ចំនួន ១២ និង២- វិញ្ញាសាប្រយុទ្ធ ចំនួន ០៧ ។ លោកអគ្គលេខាធិការ បន្តថា ក្រោយពីបញ្ចប់ការប្រកួតទាំង៣ថ្ងៃនេះ សហព័ន្ធសម្លឹងឃើញ កីឡាករ កីឡាការិនីថ្មីៗ ដែលមានបច្ចេកទេស ទេពកោសល្យ និងមានសមត្ថភាពខ្ពស់ មានស្មារតីអង្គអាចក្លាហាន ដែលអាចប្រកួតប្រជែងនៅកម្រិតជាតិ និង អន្តរជាតិ…

ភ្នំពេញ៖ លោក ប៊ូ វីរៈ អគ្គលេខាធិការសហព័ន្ធកីឡាម៉ូតូទឹកកម្ពុជា បានបញ្ជាក់ថា សម្រាប់ព្រឹត្តការណ៍កីឡាជាតិ លើកទី៣ ឆ្នាំ២០២២នេះ សហព័ន្ធបានត្រៀមដាក់៥ប្រភេទវិញ្ញាសា អោយអត្តពលិក២៥រូប មកពី៧រាជធានី-ខេត្ត-ក្រុង និងក្រសួង ស្ថាប័ន ប្រកួតប្រជែង ។លោកអគ្គលេខាធិការ បន្តថា អត្តពលិក២៥រូបខាងលើ សហព័ន្ធបានធ្វើការជ្រើសរើសយ៉ាងយកចិត្តទុកដាក់ កីឡាករមកពីបណ្តាក្លឹបនានា និងក្រុមជម្រើសរើសជាតិ ដើម្បីសម្រួច និងដុះខាត់សមត្ថភាព ឆ្ពោះទៅដណ្តើមមេដាយពីព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ក្នុងនោះសហព័ន្ធក៏បានត្រៀមមន្រ្តីបច្ចេកទេសសរុបចំនួន៣៥នាក់ និង១០នាក់មកពីក្លឹប Flamingo Jet Ski ប្រទេសថៃ មកជួយរៀបចំកីឡាជាតិលើកទី៣នេះដែរ។ លោក ប៊ូ វីរៈ បន្ថែមថា កីឡាជាតិលើកទី៣នេះ គឺជាឪកាសអោយអត្តពលិកជម្រើសជាតិដែលហ្វឹកហាត់ជាមួយគ្រូកម្រិតអន្តរជាតិ និងកីឡាករមកពីក្លឹបក្នុងស្រុក និងមន្រ្តីបច្ចេកទេស បានផ្លាស់ប្តូរបទពិសោធន៍ បច្ចេកទេស និងចែករំលែកគ្នាទៅវិញទៅមក ជាពិសេសពិនិត្យមើលពីចំនុចខ្វះខាត ចំនុចខ្សោយ ដើម្បីធ្វើការកែប្រែបានល្អប្រសើរ ត្រៀមខ្លួនចូលរួមក្នុងព្រឹត្តិការណ៍ ទាំងកម្រិតតំបន់ និងអន្តរជាតិនាពេលខាងមុខនេះ ។ លោកអគ្គលេខាធិការ អះអាងថា សហព័ន្ធមានគម្រោងបើងវគ្គបណ្តុះបណ្តាលកម្រិតជាតិ…