(ភ្នំពេញ)៖ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំយុវជននិងកីឡា បានថ្លែងបញ្ជាក់ ក្រោយ កិច្ចប្រជុំផ្សព្វផ្សាយបទបញ្ញត្តិទូទៅ និងបទបញ្ជាបច្ចេកទេសការប្រកួតកីឡាសិស្សបឋមសិក្សា និងមធ្យមសិក្សាថ្នាក់ជាតិ ឆ្នាំ២០២៥ ទី៣១ ខែមករា ឆ្នាំ២០២៥ នៅមជ្ឈមណ្ឌលជាតិហ្វឹកហ្វឺនកីឡាថា នៅក្នុងឆ្នាំ២០២៥នេះ ក្រសួងអប់រំ យុវជន និងកីឡាត្រៀមរៀបចំការប្រកួតកីឡាសិស្សបឋមសិក្សា និងមធ្យមសិក្សាថ្នាក់ជាតិ ដែលជាការប្រកួតដ៏ធំទូទាំងប្រទេសតែម្តង។ ដូច្នេះមន្ទីរអប់រំ យុវជន និងកីឡារាជធានីខេត្តទាំងអស់ រួមទាំងសហព័ន្ធកីឡាជាតិពាក់ព័ន្ធទាំងអស់នឹងរួបរួមគ្នា ក្នុងការរៀបចំឱ្យមានភាពប្រែប្រួល ក្នុងរបត់ថ្មីមួយ កុំឱ្យដដែលៗ ពោលគឺធ្វើយ៉ាងណាឱ្យមានគោលដៅកាន់តែច្បាស់លាស់ ដើម្បីទាញយកនូវអត្ថប្រយោជន៍ដែលទាញយកពីព្រឹត្តិការណ៍កីឡាថ្នាក់ជាតិទាំងពីកម្រិតនេះ ទាំងស្មារតី ទាំងគុណភាពបច្ចេកទេស ព្រមទាំងឱ្យសិស្សានុសិស្សទាំងអស់បានឈ្វេងយល់អំពីសារៈប្រយោជន៍នៃការរៀបចំព្រឹត្តិការណ៍កីឡាថ្នាក់ជាតិនេះ។ បន្ថែមពីលើនេះ មន្ត្រីជាន់ខ្ពស់ក្រសួងអប់រំរូបនេះបានគូសបញ្ជាក់ទៀតថា ៖«ការបញ្ជ្រាបការផ្សពផ្សព្វផ្សាយនេះក៏បានបញ្ជាក់អំពីប្រធានបទច្បាស់លាស់ មានការដាក់សារអប់រំមួយចំនួនទៀត ទៅក្នុងសកម្មភាពអប់រំកាយ និងកីឡា ដោយផ្នែកអប់រំកាយ និងកីឡានេះជាសមាសធាតុមួយសំខាន់ណាស់ ក្នុងការបំពេញបន្ថែមទៅដល់ការសិក្សារបស់សិស្សានុសិស្ស។ ដូច្នេះ យើងទាំងអស់គ្នាបានខិតខំធ្វើកិច្ចការទៅតាមការណែនាំដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ក្នុងការលើកកម្ពស់គុណភាពសិក្សារបស់សិស្សានុសិស្សនៅតាមសាលារៀន ដោយគុណភាពសិក្សានេះ ក៏មានអប់រំកាយ និងកីឡា នៅក្នុងនោះដែរ…

ភ្នំពេញ៖ប្រទេសកម្ពុជានឹងបញ្ជូនគណៈប្រតិភូទៅចូលរួមក្នុងព្រឹត្តិការណ៍ក្បួនដង្ហែ ឈីងហ្គេ នៅប្រទេសសិង្ហបុរី ពីថ្ងៃទី៦​ដល់ទី៧ ខែកុម្ភៈ ឆ្នាំ២០២៥ ។វត្តមានរបស់កម្ពុជា ត្រូវបានមន្រ្តីក្រសួងវប្បធម៌​និងវិចិត្រសិល្បៈ លើកឡើងថា ជាឱកាស​ផ្សព្វផ្សាយសិល្បៈ វប្បធម៌ខ្មែរទៅកាន់ពិភពលោក។ តាមការគ្រោងទុកគណៈប្រតិភូកម្ពុជា ដឹកនាំដោយ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តី​ក្រសួងមុខងារ​សាធារណៈ និងជាប្រធានសហភាពសហព័ន្ធយុវជនកម្ពុជា នឹងដឹកនាំសិល្បករ សិល្បការិនី សរុបចំនួន​៥៤រូបអញ្ជើញ​ចូលរួម​ក្នុងព្រឹត្តិការណ៍ក្បួនដង្ហែ ឈីងហ្គេ នៅប្រទេសសិង្ហបុរី ពីថ្ងៃទី៦ដល់ទី៧ ខែកុម្ភៈ ។ ក្នុងព្រឹត្តិការណ៍កម្រិតតំបន់នេះ កម្ពុជាបានត្រៀមទស្សនីយភាពកាន់តែអស្ចារ្យជាងការចូលរួមបីលើកកន្លងមក។ មានន័យ​ថា​ ការចូលរួមលើកទី៤ ក្នុងឆ្នាំ២០២៥នេះ កម្ពុជានឹង​បាននាំយកសិល្បៈ​វប្បធម៌បុរាណ​ដោយលាយបញ្ចូលជាមួយសិល្ប៖សម័យ ក្រោមប្រធានបទ “ជីវិត” ដែលមានតួអង្គសំខាន់ៗចំនួន៣ រួមមានដូចជា តួអង្គ សំណាប ស្រូវ និងទឹក ដែលតួ​អង្គទាំងបីនេះ បានបង្ហាញពីអាហារគោលរបស់ប្រជាជនកម្ពុជា។ ឯកឧត្តម ព្រឿង ឈាង ទីប្រឹក្សាក្រសួងវប្បធម៌ និងវិចិត្រសិល្បៈ បានបញ្ជាក់ក្រោយបញ្ចប់ កម្មវិធីសំពះគ្រូ នាព្រឹក​ថ្ងៃទី៣១ ខែមករាថា កម្ពុជាសម្រាប់ការចូលរួមក្នុងព្រឹត្តិការណ៍ក្បួនដង្ហែនៅប្រទេសសិង្ហបុរី ឆ្នាំ២០២៥ ជាឱកាស​ផ្សព្វផ្សាយ​សិល្បៈវប្បធម៌ខ្មែរដែលជាកេរ្តិ៍ដំណែលដូនតាបង្ហាញដល់សកលលោក…

ការប្រកួតកីឡាទោចក្រយាន ជ្រើសរើសជើងឯកថ្នាក់ជាតិ ប្រចាំឆ្នាំ២០២៤ បានបិទបញ្ចប់ដោយជោគជ័យ ក្រោយដំណើរការរយៈពេល ៣ថ្ងៃ នៅខេត្តកំពត ខណៈមន្ដ្រីជំនាញបានវាយតម្លៃខ្ពស់ចំពោះគុណភាពបច្ចេកទេសរបស់កីឡាករ កីឡាការិនីចូលរួម ដែលប្រជែងបានជ័យលាភីលើវិញ្ញាសាទាំង៨។ លោក នូ ចំរើន អគ្គលេខាធិការសហព័ន្ធកីឡាទោចក្រយានកម្ពុជាបានគូសបញ្ជាកថា ការប្រកួតនេះមានសមាគម-ក្លឹបជា២០ បើធៀបឆ្នាំមុន មានការថយចុះ ១០ក្លឹប ដោយសារឆ្នាំនេះ សហព័ន្ធបានរៀបចំលើផ្លូវ ដែលមានស្ថានភាពលំបាក និងជាការប្រកួតជ្រើសរើសកីឡាករប្រមូលផ្ដុំហ្វឹកហាត់ត្រៀមការប្រកួតកីឡាស៊ីហ្គេម លើកទី៣៣ នៅប្រទេសថៃ នាចុងឆ្នាំ២០២៥។ គោលដៅសំខាន់ នៃការប្រកួតជើងឯកថ្នាក់ជាតិលើកនេះ គឺជាការធ្វើតេស្ដសមត្ថភាពក្រុមជម្រើសជាតិ បន្ទាប់ពីពួកគេបានប្រមូលផ្ដុំហ្វឹកហាត់ កាលពីឆ្នាំ២០២៤ កន្លងមក ដើម្បីវាយតម្លៃសមត្ថភាពពួកគេ។ ការប្រកួតជើងឯកថ្នាក់ជាតិនេះត្រូវបានសហព័ន្ធដាក់៨វិញ្ញាសា ហើយជាលទ្ធផល គឺក្លឹបក្រសួងមហាផ្ទៃ ដណ្ដើមបានមេដាយច្រើនជាងគេសរុប ៦គ្រឿង មានមាស ៣ ប្រាក់ ១ និងសំរឹទ្ធ២, ក្លឹបកង់គិរីរម្យ មេដាយមាស ២ និងប្រាក់១ ឈរលេខ២ ខណៈ ក្លឹប Electro Racing ឈ្នះមេដាយមាស ១ ប្រាក់ ១…

កីឡាករកីឡាការិនីបាល់ជាកុមារ នៅខេត្ត កំពង់ធំ កីឡាករកីឡាការនីបាល់ទាត់ជាកុមារ និងយុវជនសរុបចំនួន ៣៦០ នាក់ បានចូលរួមក្នុងព្រឹត្តិការណ៍បើកការប្រកួតបាល់ទាត់វិលជុំកុមារ និងយុវជន AIA – ISF Youth League លើកទីពីរប្រចាំឆ្នាំ នៅក្នុង បរិវេណទីលានបាល់ទាត់ហ្វុតសាល ក្លឹប អាចារ្យលាក់ ក្នុងទីរួមខេត្តកំពង់ធំ។ព្រឹត្តិការណ៍ដ៏ធំប្រចាំឆ្នាំមួយនេះបានបង្ហាញ ឲ្យឃើញពីការពង្រីកវិសាលភាពនៃព្រឹត្តិការណ៍ប្រកួតបាល់ទាត់ថ្នាក់មូលដ្ឋានធំជាងគេបំផុតនៅកម្ពុជា ដែល សហការរៀបចំឡើងដោយអង្គការផ្កាយសមុទ្រ និងក្រុមហ៊ុនធានារ៉ាប់រងអាយុជីវិត និងសុខភាពអេ អាយ អេ (ខេមបូឌា) ឡាយហ្វ៍ អុិនសួរេន ម.កដែលជាអ្នកគាំទ្រជ្រោមជ្រែងផ្តាច់មុខក្នុង ការប្រកួតវិលជុំនេះ។កម្មវិធីបើកការប្រកួតនេះគឺពោរពេញទៅដោយភាពសប្បាយរីករាយ និងសម្លេងហ៊ោកងរំពង ខណៈដែល កុមារ និងយុវជន ជាកីឡាករ កីឡាការនីបានបញ្ចេញសមត្ថភាពរបស់ខ្លួនយ៉ាងស្វាហាប់ និងអស់ពីកម្លាំង កាយចិត្តក្នុងការប្រកួតយកពានរង្វាន់មួយនេះ ។ ទិដ្ឋភាពទាំងមូលក្នុងទីលានប្រកួតបានសបង្ហាញថាកីឡា ពិតជាអាចបង្រួបបង្រួមសហគមន៍ជាធ្លុងមួយ ដោយផ្តល់ឱកាសដល់កីឡាករកីឡាការនីវ័យក្មេងជាច្រើនឲ្យ មានភាពសប្បាយរីករាយ កសាងមិត្តភាព និងសម្រេច ស្នាដៃក្នុងវិស័យកីឡាថែមទៀតផង ។គូសបញ្ជាក់ផងដែរថា ដោយឈរលើឆន្ទៈរួមគ្នា ក្រុមហ៊ុនធានារ៉ាប់រងអាយុជីវិត និងសុខភាព អេ អាយ អេ…

(ភ្នំពេញ)៖ គិតត្រឹមថ្ងៃទី ២៥ ខែមករា នេះ គឺនៅសល់តែ១១ថ្ងៃទៀតប៉ុណ្ណោះ ការទទួលចុះឈ្មោះ ចូលរួមក្នុងព្រឹត្តិការណ៍ ទិវារត់ប្រណាំងស្ដ្រីចម្ងាយ ១០គីឡូម៉ែត្រ (Women Run 10K) លើកទី៤ ឆ្នាំ២០២៥ នឹងបិទបញ្ចប់ជាផ្លូវការហើយ ពោលគឺនៅថ្ងៃទី៥ ខែកុម្ភៈ ខាងមុននេះ ។ ខណៈដែលការប្រកួតនឹងចាប់ផ្ដើមជាផ្លូវការ នាព្រឹកថ្ងៃទី ៨ ខែមីនា នៅសួនច្បារមុខវត្តបទុមវតី រាជធានីភ្នំពេញ។ ការរៀបចំនេះ គឺគោរពតាមគោលការណ៍របស់គណៈកម្មាធិការអូឡាំពិកអន្ដរជាតិ (IOC) ដែលបានជំរុញឲ្យបណ្ដាប្រទេសសមាជិក ជួយរៀបចំទិវាស្ដ្រី និងកីឡា ឲ្យបានច្រើន ពិសេសជំរុញ និងលើកទឹកចិត្តឲ្យស្ដ្រីចូលរួមដឹកនាំ និងសកម្មភាពកីឡាពីដែលស្របទៅនឹងអ្វីដែលរាជរដ្ឋាភិបាលកម្ពុជា កំពុងយកចិត្តទុកដាក់ ហើយក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា (NOCC) ក៏កំពុងជំរុញ និងលើកកម្ពស់សុខុមាលភាពប្រជាពលរដ្ឋ តាមរយៈការលេងកីឡានេះផងដែរ។ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) បានមានប្រសាសន៍ថា៖ «ការចូលរួមរបស់បងប្អូនប្រជាពលរដ្ឋ…