ភ្នំពេញ:នៅគ្រប់ព្រឹត្តិការណ៍កីឡាជាតិ និងអន្តរជាតិដ៏ធំៗ ដែលបន្សល់ទុកនូវភាពជក់ចិត្ត​ដិតអារម្មណ៍ និងមោទនភាពជាតិដ៏​ក្រៃលែង គេតែងនឹកឃើញដល់អ្នករៀបចំ និងគាំទ្រ ។នោះគឺក្រុមហ៊ុន វឌ្ឍនៈ ជាអ្នកចូលរួមចំណែកដ៏សំខាន់មុនគេ។ ក្រុមហ៊ុន វឌ្ឍនៈជាក្រុមហ៊ុនរបស់ខ្មែរ ដែលមានម្ចាស់ភាគហ៊ុនជាជនជាតិខ្មែរ ១០០ភាគរយ ។ជាក្រុមហ៊ុន​មានភាពលេច​ធ្លោ​ខ្លាំងក្នុងឧស្សាហកម្មផលិត​ស្រាបៀរ និងភេសជ្ជៈនៅកម្ពុជា ។ក្រុមហ៊ុននេះ​បង្ហាញនូវការប្តេជ្ញាចិត្តដ៏មោះមុត​ក្នុងការ​ចូលរួម​លើកកម្ពស់​វិស័យកីឡាគ្រប់ប្រភេទនៅក្នុងព្រះរាជាណាចក្រ​កម្ពុជា​អស់រយៈពេលជាយូរឆ្នាំមកហើយ ដោយបាន​ក្លាយជាគ្រឹះដ៏រឹងមាំសម្រាប់ការ​អភិវឌ្ឍវិស័យកីឡាជាតិឱ្យកាន់តែរីកចម្រើន។ សកម្មភាពដ៏លេចធ្លោជាច្រើនឆ្នាំកន្លងមកនេះមិនមែនកើតឡើងដោយចៃដន្យ ឬឯកឯងនោះទេ ។កត្តាអ្នកដឹកនាំគឺជា​ការបង្កើតសមិទ្ធផល។ ក្រុមហ៊ុន វឌ្ឍនៈ ដែលមានអ្នកឧកញ៉ា សំអាង វឌ្ឍនៈ ជាអគ្គនាយក ប្រកបដោយចក្ខុវិស័យវែង​ឆ្ងាយ បានផ្តល់ការឧបត្ថម្ភយ៉ាងពេញទំហឹងដល់ព្រឹត្តិការណ៍កីឡា ពានរង្វាន់ ស្ថាប័នកីឡា ក្លិប កីឡាករ កីឡាការិនី និងសកម្មភាពកីឡាផ្សេងៗជាច្រើនទៀត។ ជាក់ស្តែង ក្រុមហ៊ុន វឌ្ឍនៈ បានបន្តជាអ្នកឧបត្ថម្ភធំសម្រាប់ព្រឹត្តិការណ៍ដ៏​អស្ចារ្យ​នៃការប្រកួតវគ្គផ្តាច់ព្រ័ត្រពានរង្វាន់ AFC Challenge 2024/2025 រវាងក្រុម​ព្រះខ័នរាជស្វាយរៀង និងក្រុមអាកាដា ដែលគ្រោងនឹងប្រព្រឹត្តទៅនៅថ្ងៃទី១០ ខែ​ឧសភា ឆ្នាំ២០២៥ ខាងមុខនេះ។ ព្រឹត្តិការណ៍ដ៏កក្រើកនេះទទួលបានការគាំទ្រយ៉ាងខ្លាំងពីមហាជន ដោយមាន​អ្នក​ទិញសំបុត្រទស្សនាជិត ៦ ម៉ឺននាក់ ដែលជាសក្ខីភាពនៃការស្រឡាញ់វិស័យ​កីឡា​បាល់ទាត់ និងការគាំទ្រចំពោះក្រុម​ទាំងពីរ។ ការគាំទ្រដ៏ធំធេងនេះ រំលឹកដល់ព្រឹត្តិការណ៍ជាប្រវត្តិសាស្ត្រនៃការបើក…

(ភ្នំពេញ)៖សហព័ន្ធកីឡាចំបាប់កម្ពុជាបានបញ្ជូនកីឡាករកីឡាការិនី និងគ្រូបង្វឹកសរុបចំនួន១៥រូប ចូលរួមក្នុងព្រឹត្តិការណ៍ ការប្រកួត​កីឡា​ចំបាប់ជើងឯកអាស៊ីអាគ្នេយ៍ នៅប្រទេសសិង្ហបុរី ដែលការប្រកួត​ផ្លូវការ​ចាប់ពីថ្ងៃទី ១០ ដល់ថ្ងៃទី ១២ ខែឧសភា ឆ្នាំ២០២៥។ សម្រាប់ការចូលរួមជើងឯកប្រចាំតំបន់មួយនេះ អត្តពលិកកម្ពុជា១៥រូប នឹងត្រូវចេញដំណើរទៅនៅថ្ងៃទី៩ ខែ ឧសភា ឆ្នាំ២០២៥នេះ ដោយចែកចេញជា២វេន ពេលព្រឹក ម៉ោង៩ មានគ្រូជំនួយនិងអាជ្ញាកណ្តាល ៣រូបរួមមាន លោក កាង ដែនពិសិដ្ឋ អ្នកគ្រូចូវ សុធារ៉ា និងលោក នុតសេរីរដ្ឋា ទៅចូលរួមប្រជុំបច្ចេកទេស ក្នុងព្រឹត្តិការណ៍ Southeast Asian & Invitational Championship (ការប្រកួតចំបាប់ជើងឯកអាស៊ីអាគ្នេយ៍) មុនកីឡាករកីឡាការិនីទៅដល់ ។ រីឯកីឡាករកីឡាការិនីចំនួនចំនួន ១២រូបត្រូវចេញដំណើរម៉ោង៩យប់ ក្នុងនោះមានកីឡាករ ហេង វុទ្ធី .កីឡាករ ហេង រ័ត្តថា .កីឡាករ កែវ សុភ័ក្ត. កីឡាករ យុន ប៉ុនណា .កីឡាករ ឈឿន…

ភ្នំពេញ៖ ក្រុមកីឡាបាល់ទះនារី រាជធានីភ្នំពេញ បានឡើងទៅកាន់វគ្គផ្តាច់ព័ត្រនៃការប្រកួតកីឡាសិស្សបឋមសិក្សាជ្រើសរើសជើងឯកថ្នាក់ជាតិប្រចាំឆ្នាំ២០២៥ហើយ បន្ទាប់ពីប្រកួតយកឈ្នះក្រុមកីឡាបាល់ទះនារី ខេត្តបន្ទាយមានជ័យ នារសៀលថ្ងៃទី៨ ខែ ឧសភា ឆ្នាំ២០២៥ នៅទីលានកីឡដ្ឋានជាតិអូឡាំពិក ដោយលទ្ធផល២សិតទល់និង០ ក្នុងពិន្ទុ២៥ទល់១៣ និង២៥ទល់១៣។ ក្រោយទទួលបានជ័យជម្នះលើក្រុមបាល់ទះនារីខេត្តបន្ទាយមានជ័យ បានឡើងទៅកាន់វគ្គផ្តាច់ព័ត្រ ដណ្តើមចំណាត់លេខ១ កីឡាការិនី សារ៉ុង រក្សា បានថ្លែងលើកឡើងថា នាងមានក្តីរំភើបជាខ្លាំងដែលក្រុមបាល់ទះរបស់នាងបានឡើងទៅដល់វគ្គផ្តាច់ព្រ័ត្រ។ នាងថា ជ័យម្នះដែលឈ្នះជាបន្តបន្ទាប់រហូតឈ្នះកៅអីបានឡើងដល់វគ្គផ្តាច់ព័្រត្រនេះ វាបានកើតឡើងដោយការខិតខំប្រឹងប្រែង និងការរួមកម្លាំងសាមគ្គីជាក្រុម។ នាងរំពឹងយ៉ាងមុតមាំថា ពានរង្វាន់បាល់ទះនារីឆ្នាំ២០២៥នេះ នឹងក្លាយជារបស់ក្រុមបាល់ទះនារីរាជធានីភ្នំពេញ។ នាងប្តេជ្ញាចិត្តលេងឱ្យបានល្អបន្តរក្សាសាមគ្គីភាពក្នុងក្រុមដើម្បីដណ្តើមឱ្យបានជ័យជម្នះ។ ក្នុងរយៈពេលជាច្រើនថ្ងៃកន្លងមកនេះ ក្រុមបាល់ទះនារីសាលាGVAតំណាងឱ្យរាជធានីភ្នំពេញបានប្រកួតយកឈ្នះក្រុមខ្លាំងជាបន្តបន្ទាប់ ដោយប្រកួតទី១វគ្គជម្រុះក្នុងពូលC យកឈ្នះលើក្រុមបាល់ទះនារី រតនៈគិរីក្នុងលទ្ធផល២សិតទល់០ ។វគ្គ១៦ក្រុមការប្រកួតខ្វែងពូលជួបក្រុមបាល់ទះនារីខេត្តពោធិ៍សាត់លេខ២ពូលG ដោយបានយកឈ្នះក្នុងលទ្ធផល២សិតទល់០។វគ្គ៨ក្រុម ឈ្នះក្រុមបាល់ទះនារីខេត្តសៀមរាប ដោយលទ្ធផល២សិតទល់០ ហើយវគ្គ៤ក្រុមបន្តយកឈ្នះក្រុមបាល់ទះនារីខេត្តបន្ទាយមានជ័យដោយលទ្ធផល២សិតទល់០ បានឡើងទៅកាន់វគ្គផ្តាច់ព្រ័ត្រត្រៀមប៉ះក្រុមបាល់ទះនារីខេត្តកំពង់ឆ្នាំប្រជែងដណ្តើមយកចំណាត់លេខ១។ សូមបញ្ជាក់ថា ការប្រកួតកីឡាសិស្សបឋមសិក្សាជ្រើសរើសជើងឯកថ្នាក់ប្រចាំឆ្នាំ២០២៥ ដំណើរប្រកួតពីថ្ងៃទី៣ដល់១០ ខែ ឧសភា ឆ្នាំ២០២៥ សម្រាប់ប្រភេទកីឡាបាល់ទះមាន៤៤ក្រុម ក្នុងនោះបុរស២៤ និងនារី២០ក្រុម ដោយការប្រកួតផ្នែកបុរសមាន៨ពូល និងផ្នែកនារីមាន៨ពូល៕ រូបភាព ជីម ភារ៉ា…

(ភ្នំពេញ)៖ ការប្រកួតកីឡាវាយសី សិស្សបឋមសិក្សាថ្នាក់ជាតិ ឆ្នាំ២០២៥ បានបិទបញ្ចប់ដោយជោគជ័យ នាល្ងាចថ្ងៃទី៨ ខែ មេសា ឆ្នាំ២០២៥ ដោយខេត្តបន្ទាយមានជ័យក្រសោបបានមេដាយសរុបចំនួន៥គ្រឿង មាស៤ និងមេដាយសំរឹទ្ធ១គ្រឿង ខណៈខេត្តព្រះសីហនុឈរនៅក្នុងចំណាត់លេខ២ដណ្តើមបានមេដាយសរុប២គ្រឿង មាស១និងប្រាក់មួយគ្រឿង រាជធានីភ្នំពេញឈរនៅក្នុងចំណាត់លេខ៣ដណ្តើមបានមេដាយសរុបចំនួន៣គ្រឿង មេដាយប្រាក់២គ្រឿង និងមេដាយសំរឹទ្ធ១គ្រឿង ឈរនៅក្នុងចំណាត់លេខ៤ខេត្ត កំពង់ឆ្នាំងដណ្តើមបានមេដាយប្រាក់១គ្រឿង និងខេត្តកំពង់ធំ ឈរនៅចំណាត់លេខ៥ ដណ្តើមបានមេដាយសំរឹទ្ធ១គ្រឿង។ ឯកឧត្តម កែវ រស់ អគ្គលេខាធិការ សហព័ន្ធកីឡាវាយសីកម្ពុជា បានគូសបញ្ជាក់ឱ្យដឹងថា ព្រឹត្តិការណ៍ប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២៥នេះ គឺជាការ ផ្តល់ឱកាសដល់កីឡាករ កីឡាការិនីម្នាក់ៗ បានបញ្ចេញនូវទេពកោសល្យ សមត្ថភាព ក៏ដូចជាវាស់ស្ទង់គុណផល បច្ចេកទេសដែលបានហ្វឹកហាត់កន្លងមកដើម្បីប្រកួតប្រជែងគ្នា និងរឹតចំណងមិត្តភាព សាមគ្គីភាពជាតិ។ ជាពិសេសផ្តោត លើការពង្រឹងគុណភាព សមត្ថភាពបច្ចេកទេសកីឡាករថ្នាលរបស់កម្ពុជា ដើម្បីត្រៀមចូលរួមការប្រកួតកីឡាថ្នាក់ជាតិ និងអន្តរជាតិនាពេលខាងមុខ។ ឯកឧត្តម ក៏បានកោតសរសើរចំពោះប្រតិភូកីឡាទាំងអស់ ដែលបានបញ្ជូនអត្តពលិក របស់ខ្លួនមកចូលរួមក្នុងព្រឹត្តិការណ៍ប្រកួតប្រកបដោយការគោរពតាមបទបញ្ជាបច្ចេកទេស និងឈរលើស្មារតីទទួល ខុសត្រូវខ្ពស់ ដោយមិនគិតតែពីការយកឈ្នះ-ចាញ់គ្នា ពោលគឺឈរលើគោលការណ៍ (Fairplay) កីឡាដើម្បីសុខភាព មិត្តភាព…