(ភ្នំពេញ)៖ ក្នុងពិធីបិទបញ្ចប់វគ្គបំប៉នសមត្ថភាពគណៈវិនិច្ឆ័យគ្រប់គ្រងការប្រកួតកីឡាប្រដាល់គុនខ្មែរ នាល្ងាចថ្ងៃទី១០ ខែ មេសា ឆ្នាំ២០២៥ ឯកឧត្តម តែម ម៉ឺន អនុរដ្ឋលេខាធិការ ក្រសួងការពារជាតិ និងជាអនុប្រធានកិត្តិយស សហព័ន្ធកីឡាប្រដាល់គុនខ្មែរ បានថ្លែងជំរុញ ដល់សិក្ខាកាមថា ត្រូវយកចំណេះជំនាញថ្មីៗពាក់ព័ន្ធគណៈវិនិច្ឆ័យដែលបានរៀនសូត្រពីគ្រូឧទ្ទេសទៅប្រើប្រាស់ប្រកបដោយវិជ្ជាជីវៈក្រមសិលធម៌ ដើម្បីចូលរួមលើកកម្ពស់គុណភាពប្រដាល់គុនខ្មែរដែលជាកីឡាអត្តសញ្ញាណជាតិ។ ឯកឧត្តម អនុប្រធានកិត្តិយស បានរំលេចទៀតថា ស្នងការប្រកួតគណៈវិនិច្ឆ័យក្នុងការកាត់សេចក្តីត្រូវប្រុងប្រយ័ត្នបំផុត ព្រោះមានការឆ្គាំឆ្គងបន្តិចបន្តួច និងត្រូវមហាជនដាក់សម្ពាតថា មិនសុក្រិតយុត្តិធម៌ ដូច្នោះ សូមប្រើប្រាស់ជំនាញវិជ្ជាជីវៈកាត់សេចក្តីឱ្យច្បាស់លាស់ និងអនុវត្តច្បាប់វិនិច្ឆ័យក្នុងស្តង់ដាតែមួយ ដើម្បីលើកកម្ពស់គុណតម្លៃក្រមសិលធម៌ជាគណៈវិនិច្ឆិដែលអនុវត្តការងារតាមចំណេះជំនាញដែលបានរៀនសូត្រ។ ឯកឧត្តម បានជំរុញទៀតថា ក្នុងនាមជាគណៈវិនិច្ឆ័យមួយរូបពេលបំពេញភារកិច្ចទី១ត្រូវបញ្ចេញសមត្ថភាពឱ្យអស់ធ្វើដោយឆន្ទៈប្រកាន់ភ្ជាប់នូវវិន័យ ក្រមសិលធម៌នៃវិជ្ជាជីវៈដែលជាស្នងការប្រកួតនិងជាប្រធានវិនិច្ឆ័យសម្រាប់ការប្រកួត ពិសេស ត្រូវរក្សាសាមគ្គីក្នុង ក្នុងក្រម ដើម្បីឱ្យការផ្តល់ពិន្ទុទៅសមស្របនិងអាចទទួលយកបានសមហេតុសមផលធ្វើឱ្យមហាជន និងកីឡាករបរទេសមកប្រកួតពេញចិត្តនិងឯកភាពទទួលយក។ តាមរបាយការណ៍ វគ្គបំប៉នសមត្ថភាពនេះ ត្រូវបានរៀបចំឡើង ក្រោមការគាំទ្ររបស់ក្រសួងអប់រំ យុវជន និងកីឡា ក្នុងការពន្លឿនផែនការអភិវឌ្ឍប្រចាំឆ្នាំដល់សហព័ន្ធកីឡាជាតិ។បានរៀបចំឡើងរយៈពេល៥ថ្ងៃពីថ្ងៃទី០៧-១១ ខែមេសា ឆ្នាំ២០២៥ នៅសាលមជ្ឈមណ្ឌលកីឡាកងយោធពលខេមរភូមិន្ទ (ស្តាតចាស់) ក្រោមការចែករំលែកពីគ្រូឧទ្ទេសចំនួន៣រូប រួមមាន៖ ឯកឧត្តម ម៉ិល កាដូ, លោក ទុយ…

(ភ្នំពេញ)៖ លោក ងិន សុខបញ្ញា អគ្គលេខាធិការ សហព័ន្ធកីឡាទ្រីយ៉ាត្លុងកម្ពុជាបានបង្ហាញក្តីរំពឹងថា ប្រភេទកីឡាទ្រីយ៉ាត្លុងកម្ពុជាដែលកំពុងដំណើរបោះជំរំហ្វឹកហាត់បំប៉នបចេ្ចកទេស ក្នុងខែមេសានេះនឹងអាចការពារមេដាយមាស១វិញ្ញាសាបាន ក្នុងការប្រកួតកីឡាស៊ីហ្គេម លើកទី៣៣ នាខែធ្នូ ឆ្នាំ២០២៥ នៅប្រទេសថៃ បន្ទាប់ពីប្រភេទកីឡាអូឡាំពិកមួយនេះដណ្តើមបានសមិទ្ធផលធំធេងជាប្រវត្តិសាស្ត្រនូវមេដាយមាស ២គ្រឿង និងសំរឹទ្ធ ១គ្រឿង ក្នុងនាមជាម្ចាស់ផ្ទះ ស៊ីហ្គេម លើកទី៣២ កាលពីឆ្នាំ២០២៣ កន្លងទៅ ។ អគ្គលេខាធិការរូបនេះបន្ថែមថា ការប្រមូលផ្តុំហ្វឹកហាត់របស់ប្រភេទកីឡាទ្រីយ៉ាត្លុង នៅក្នុងចំណោមប្រភេទកីឡាផ្សេងទៀតរបស់កម្ពុជា គឺក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា តាមរយៈមជ្ឈមណ្ឌលជាតិហ្វឹកហ្វឺនកីឡា។ ក្រុមជម្រើសជាតិទ្រីយ៉ាត្លុងកម្ពុជា ដែលប្រមូលផ្តុំហ្វឹកហាត់ត្រៀមនេះ មានចំនួន ១០នាក់ ក្នុងនោះគ្រូបង្វឹកម្នាក់ គ្រូជំនួយម្នាក់ កីឡាការិនី៣នាក់ និងកីឡាករ ៥នាក់ ។ ចំពោះបេក្ខភាពម្ចាស់មេដាយមាស២គ្រឿងលើវិញ្ញាសាទ្រីយ៉ាត្លុងស៊ីហ្គេម ឆ្នាំ២០២៣ គឺកីឡាការិនី ម៉ាហ្គតមរតក ហ្គារ៉ាប៊ីធៀន និងម្ចាស់មេដាយប្រាក់វិញ្ញាសាឌូយ៉ាត្លុង ស៊ីហ្គេម ឆ្នាំ២០២៣ កីឡាករ សុខា ម៉ៃគែល ចូម៉ុន នឹងត្រូវចូលរួមប្រកួតក្នុងការប្រកួតកីឡាស៊ីហ្គេម លើកទី៣៣ នៅប្រទេសថៃ…

(ភ្នំពេញ)៖ ការចុះឈ្មោះចូលរួមព្រឹត្តិការណ៍ជិះកង់ ដើម្បីកុមារកម្ពុជា ពីភ្នំពេញឆ្ពោះទៅខេត្តសៀមរា ក្នុងចម្ងាយផ្លូវ ៣១០គីឡូម៉ែត្រ បានបើកទទួលហើយ។ព្រឹត្តិការណ៍ជិះកង់ ដើម្បីកុមារកម្ពុជា ពីភ្នំពេញឆ្ពោះទៅខេត្តសៀមរា ក្នុងចម្ងាយផ្លូវ ៣១០គីឡូម៉ែត្រ គ្រោងនឹងចេញដំណើរពីវិមានឯករាជ នៅ រាជធានីភ្នំពេញ នៅវេលាម៉ោង ៤:៣០ នាទីព្រឹក ថ្ងៃទី៣១ ខែឧសភា ឆ្នាំ២០២៥ ឆ្ពោះទៅមន្ទីរពេទ្យកុមារអង្គរ ខេត្តសៀមរាប។ លោក នូ ចំរើន អគ្គលេខាធិការ សហព័ន្ធកីឡាទោចក្រយានកម្ពុជា បានបញ្ជាក់ឱ្យដឹងថា ការចូលរួមរបស់ កីឡាករ កីឡាការិនីម្នាក់ៗ ត្រូវបង់ថវិកាចំនួន ២៥ដុល្លារ ដោយបើកការទទួលចុះឈ្មោះរៀងរាល់ថ្ងៃរហូតដល់ថ្ងៃទី៣០ ខែមេសា ឆ្នាំ២០២៥។ សម្រាប់ការចុះឈ្មោះ និងចូលរួមបរិច្ចាគ ក្នុងម្នាក់ ២៥ដុល្លារ ដោយទទួលបានកញ្ចប់ជា អាវជិះកង់១ លិខិតថ្លែងអំណរគុណ និងអាហារសម្រន់តាមដងផ្លូវ ព្រមទាំងភេសជ្ជៈផងដែរ។ លោក នូ ចំរើន បានលើកឡើងទៀតថា នេះជាឆ្នាំទី២ ហើយ ដែលសហព័ន្ធកីឡាទោចក្រយានកម្ពុជា បានរៀបចំព្រឹត្តិការណ៍ជិះកង់បែបនេះ ដើម្បីសប្បុរសធម៌ កាលពីលើកទី១…

(ភ្នំពេញ)៖ ដើម្បីជំរុញគណៈវិនិច្ឆ័យគ្រប់គ្រងការប្រកួតប្រដាល់​គុនខ្មែរ​បានដំណើរការអភិវឌ្ឍជំនាញកីឡាប្រពៃណីជាតិ​ខ្មែ​រឱ្យកាន់តែល្អប្រសើរបន្ថែមទៀតនោះ សហព័ន្ធកីឡាប្រដាល់គុនខ្មែរ ក្រោមការគាំទ្ររបស់ក្រសួងអប់រំ យុវជន និងកីឡា បានបើក វគ្គបំប៉នគណៈវិនិច្ឆ័យគ្រប់គ្រងការប្រកួតប្រដាល់គុនខ្មែរ នៅមជ្ឈមណ្ឌលកីឡាកងយោធពលខេមរភូមិន្ទ (ស្តាតចាស់)។ ឯកឧត្តម ម៉ិល កាដូ ប្រធានស្តីទី សហព័ន្ធកីឡាប្រដាល់គុនខ្មែរ បានគូសបញ្ជាក់ថា វគ្គបំប៉នសមត្ថភាពគណៈវិនិច្ឆ័យគ្រប់គ្រង​ការប្រកួតកីឡាប្រដាល់គុនខ្មែរ ត្រូវបានធ្វើឡើងស្របតាមផែនការ​របស់សហព័ន្ធ ដើម្បីលើកកម្ពស់ដល់គុណភាពសមត្ថភាព​មន្ត្រី​បច្ចេកទេស បម្រើដល់ការប្រកួតកីឡាប្រដាល់គុនខ្មែរនានា។ ឯកឧត្តម បន្តទៀតថា វគ្គបំប៉នសមត្ថភាពនេះ ត្រូវបានរៀបចំឡើង​ក្នុងការ​ពន្លឿនផែនការអភិវឌ្ឍប្រចាំឆ្នាំដល់សហព័ន្ធកីឡាជាតិ។ បច្ចុប្បន្ន សកម្មភាពប្រភេទកីឡាប្រដាល់គុនខ្មែរកំពុងមាន​ការរីក​ចម្រើនគួរឱ្យកត់សម្គាល់ ហើយតាមរយៈវគ្គបំប៉ននេះនឹងជំរុញ​បន្ថែម​ដល់ដំណើរការអភិវឌ្ឍជំនាញកីឡាប្រពៃណីជាតិខ្មែរឱ្យកាន់តែល្អប្រសើរបន្ថែមទៀត។ សហព័ន្ធកីឡាប្រដាល់គុនខ្មែរតែងតែខិត​ខំ​សហការ​ជាមួយដៃគូអភិវឌ្ឍន៍នានា ដើម្បីបំពេញចំណង់ចំណូលចិ​ត្ត​របស់ប្រជាពលរដ្ឋជាអ្នកគាំទ្រ។ ជាមួយគ្នានេះ ឯកឧត្តម ម៉ិល កាដូ ក៏បានលើកបង្ហាញពីបញ្ហា​ប្រឈម​មួយចំនួនដែរ បើទោះបីជាការរៀបចំការប្រកួតនានា មានការលំបាកក្តី ក៏យើងខិតខំធ្វើកិច្ចសហការជំរុញឱ្យវិស័យកីឡា​ប្រដាល់គុនខ្មែរកាន់តែដើរទៅមុខទាំងថ្នាក់ជាតិ និងអន្តរជាតិ។ អ្វីដែលកាន់តែលំបាកទៅទៀត គឺការគ្រប់គ្រងការប្រកួត ការងារ​បច្ចេកទេស ប៉ុន្តែយើងទាំងអស់គ្នាមានមោទនភាព នៅពេលដែល​យើងទាំងអស់គ្នាបានបំពេញការងារប្រកបដោយស្មារតីទទួលខុសត្រូវខ្ពស់។ យ៉ាងណា ការប្រកួតមានលក្ខណៈល្អប្រសើរច្រើន ខណៈការតវ៉ា​ចំពោះអាជ្ញាកណ្តាល ចៅក្រមនៅមានចំនួនតិចតួច ដោយទាំងនេះ​សរបញ្ជាក់អំពីសកម្មភាពអនុវត្តការងារបច្ចេកទេសរបស់មន្ត្រីអាជ្ញាកណ្តាលចៅក្រមមានចំណេះជំនាញច្បាស់លាស់លើប្រភេទកីឡាប្រដាល់គុនខ្មែរនេះ។ ប្រធានស្តីទីបន្ថែមថា អាជ្ញាកណ្តាលចៅក្រមមានចំណេះដឹងច្បាស់​លាស់​អំពីបទបញ្ជាបច្ចេកទេសបានស៊ីជម្រៅ ហើយឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរបានដាក់ទិសដៅ និងចង្អុលបង្ហាញថា…

(ភ្នំពេញ)៖ អគ្គលេខាធិការ សហព័ន្ធកីឡាទាញព្រ័ត្រកម្ពុជា បង្ហើប​ថា ឆ្នាំ២០២៥នេះ ការប្រកួតធំៗនៅក្នុង​ប្រទេស​មាន ៣​កម្រិត ខណៈបុណ្យចូលឆ្នាំថ្មីប្រពៃណីជាតិ​បំផុស​ឱ្យមាន​រៀបចំនៅសាលារៀននិងវត្តអារាម។ លោក ចាប រតនា អគ្គលេខាធិការ សហព័ន្ធកីឡា​ទាញព្រ័ត្រកម្ពុជា បានថ្លែងបង្ហើប ប្រាប់អ្នកយកព័ត៌មាន​ទូរទស្សន៍អប្សរា តាមប្រព័ន្ធតេលាក្រាមថា សហព័ន្ធកីឡា​ទាញព្រ័ត្រកម្ពុជា នៅក្នុងឆ្នាំ២០២៥នេះ មានផែនការ អភិរក្សនិងអភិវឌ្ឍល្បែងកីឡាទាញព្រ័ត្រ ដោយគ្រោងរៀប​ចំការប្រកួតធំៗចំនួន៣កម្រិត ក្នុងនោះមានកម្រិត បឋម​សិក្សា មធ្យមសិក្សា និងកម្រិត ឧត្តមសិក្សា ជាការបំផុសនិង​ចម្រាញ់បានធនធានកីឡាករកីឡាការិនីល្អៗ ត្រៀមចូលរួម​ការ​ប្រកួតអន្តរជាតិ ។ ស្របពេលដែលបុណ្យពិធីចូលឆ្នាំថ្មីប្រពៃណីជាតិកាន់តែចូលមកដល់នៅប៉ុន្មានថ្ងៃខាងមុខនេះ សហព័ន្ធក៏លើកទឹកចិត្ត​ឱ្យ​លោកគ្រូអ្នកគ្រូអប់រំកាយនិងកីឡា និងលោកគ្រូអ្នកគ្រូកីឡា​ទាញ​ព្រ័ត្រដែលទទួលបានបណ្តុះបណ្តាលដោយ​សហព័ន្ធ​ចូលរួមបង្កើតល្បែងកីឡាទាញព្រ័ត្រនៅតាមសាលារៀន និងវត្តអារាម ជាការចូលរួមបំផុសអភិវឌ្ឍ និងអភិរក្សល្បែង​កីឡាទាញព្រ័ត្រ ក្នុងគោលដៅជំរុញឱ្យមានការចូលរួម​ពី​សា​ធារណៈជនគ្រប់ស្រទាប់វណ្ណៈឱ្យមានកាន់តែច្រើនគាំទ្រដល់កីឡាអត្តសញ្ញាណជាតិរបស់ខ្មែរ។ លោក អគ្គលេខាធិការ បានបន្ថែមទៀតថា សម្រាប់ទិសដៅ​ចូលរួម​ការប្រកួតក្រៅប្រទេសវិញ សហព័ន្ធក៏មានគ្រោង​ចូលរួមក្នុងព្រឹត្តិការណ៍ធំៗចំនួនពីរដែរ ក្នុងឆ្នាំ២០២៥នេះ គឺព្រឹត្តិការណ៍ប្រកួតជ្រើសរើសជើងឯកប្រចាំឆ្នាំដែលរៀបចំដោយប្រទេសម៉ាឡេស៊ី និងព្រឹត្តិការណ៍កីឡាស៊ីហ្គេម លើកទី៣៣ ដែលប្រទេសថៃធ្វើជាម្ចាស់ផ្ទះចុងឆ្នាំ២០២​៥ខាងមុខនេះ ។ចំពោះវិញវិញ្ញាសា ដែលកំពុងសម្រិត​សម្រាំងជ្រើសរើសតាមរយៈការរៀបចំជើងឯកថ្នាក់ជាតិប្រចាំឆ្នាំ មាន២វិញ្ញាសា រួមមានវិញ្ញាសា ៨នាក់បុរសនិងនារី និងវិញ្ញាសា៤នាក់បុរសនិងនារី។ សូមបញ្ជាក់ដែរថា នេះជាឆ្នាំ១០ហើយ ដែលល្បែង​កីឡា​ទាញព្រ័ត្ររបស់កម្ពុជាត្រូវបានចុះទៅក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិ…