(កំពង់ស្ពឺ)៖ ព្រឹត្តិការណ៍ប្រណាំង WM 125cc Karting Championship សម្រាប់ឆ្នាំ២០២៤ ដែលជាការព្រឹត្តការណ៍ប្រណាំងលើក ហ្កោខាត លើកដំបូងនៅក្នុងប្រទេសកម្ពុជា នៅក្នុងទីលានប្រណាំងយានយន្ត Yamamoto Circuit Cambodia ស្ថិតនៅក្នុងតំបន់កសិទេសចរណ៍ម៉ុងឬទ្ធី ស្រុក សំរោងទង ខេត្ត កំពង់ស្ពឺបានបញ្ចប់ដោយជោគជ័យ ។ កីឡាករជ័យលាភីលេខ១ យៀន ភិរក្សយុទ្ធ បានបញ្ជាក់ថា ការប្រកួតនេះពិតជាតានតឹងខ្លាំងណាស់ ដោយកីឡាករមកពីក្រៅប្រទេសនានាសុទ្ធតែខ្លាំងៗ ដែលធ្វើឱ្យកីឡាករជ័យលាភីរូបនេះបានបោះជំហានទៅមុនថែមមួយកម្រិតទៀត ជាពិសេសបានធ្វើឱ្យខ្លួនបានស្វែងយល់ពីបទបញ្ជាការប្រកួត វិន័យតឹងរឹងក្នុងការប្រកួត ដែលជាកម្រិតអភិវឌ្ឍបានល្អប្រសើរ។ បើយើងចង់ខ្លាំងពូកែក្នុងកីឡានេះ គឺទាមទារនូវទេពកោសល្យល្អ ថាមពលកម្លាំងមាំមួន បូករួមទាំងការហ្វឹកហាត់ខ្លាំងក្លា ក្នុងការសម្រួចគុណភាពបច្ចេកទេសឱ្យបានត្រឹមត្រូវស្របតាមគោលការណ៍ច្បាប់ប្រកួតជាដើម។ លោកពិតជាមានមោទនភាព ដោយនេះជាលើកទី១ ដែលយើងបានរៀបចំជាលើកទី១ នៅកម្ពុជា ក្នុងឆ្នាំ២០២៤នេះ ហើយត្រៀមឆ្ពោះទៅឆ្នាំ២០២៥ខាងមុខ។ លោកយល់ឃើញថា វិស័យកីឡា Go Kart នេះនឹងកាន់តែរីកចម្រើនសម្រាប់កម្ពុជា ហើយការរៀបចំក្លឹប WM ដែលរៀបចំខ្នាតអាជីពមួយ ក្នុងគោលដៅបង្កើនសមត្ថភាពដល់កីឡាករចូលរួមប្រកួតកុំឱ្យមានគ្រោះថ្នាក់កើតឡើង ស្របតាមគោលការណ៍របស់ FIA។ ដូច្នេះហើយ លោក ទេព…

(ភ្នំពេញ)៖ ការប្រកួតកីឡាហែលទឹកជើងឯកថ្នាក់ជាតិ ប្រចាំឆ្នាំ២០២៤ បានបង្ហាញលទ្ធលចំនួន៤ចំណុចសំខាន់ៗ នេះបើតាមការវាយតម្លៃរបស់ឯកឧត្ដម ហឿន សំនៀង អនុប្រធានសហព័ន្ធខ្មែរកីឡាហែលទឹក ក្នុងពិធីបិទបញ្ចប់កាលពីល្ងាចថ្ងៃទី២៨ ខែធ្នូ ឆ្នាំ២០២៤ នៅអាងហែលទឹកពហុកីឡដ្ឋានជាតិ ។ ឯកឧត្ដមអនុប្រធាន បានគូសបញ្ជាក់ថា «ការរៀបចំការការប្រកួតជ្រើសរើសជើងឯកថ្នាក់ជាតិ ឆ្នាំ២០២៤ របស់សហព័ន្ធខ្មែរកីឡាហែលទឹកគឺយើងរៀបចំបានល្អប្រសើរ ហើយខ្ញុំសូមធ្វើការវាយតម្លៃខ្ពស់ និងធ្វើការកោតសរសើរដល់ក្រុមការងារគណៈកម្មការរៀបចំការប្រកួត ។ ប៉ុន្តែ យើងក៏មើលឃើញពីបញ្ហាប្រឈមចំនួន២ ដែលយើងត្រូវតែបន្តប្រឹងប្រែងស្វែងរកដំណោះស្រាយ គឺខ្វះខាតការគាំទ្របន្ថែមសម្រាប់ការរៀបចំការប្រកួតពីបណ្ដាក្រុមហ៊ុននានា និងទី២ គឺកង្វះទស្សនិកជនចូលរួមទស្សនាការប្រកួតនៅមានចំនួនតិច។ ឯកឧត្ដម បន្តថា លទ្ធផលដែលទទួលបានមាន៤ចំណុចសំខាន់គឺ៖១-ជាការប្រកួតមួយដែលផ្ដល់លទ្ធភាពឲ្យសហព័ន្ធអាចជ្រើសរើសកីឡាករ-កីឡាការិនីជម្រើសជាតិប្រចាំឆ្នាំ។ ២-កីឡាករ-កីឡាការិនីមួយចំនួនទទួលបានថេរវេលាថ្មីសម្រាប់ពួកគេ។ ៣-កីឡាករ-កីឡាការិនីបានខិតខំប្រឹងប្រែងក្នុងការប្រកួតប្រជែងអស់ពីលទ្ធភាព។ និង៤-កីឡាករ-កីឡាការិនីគោរពតាមបទបញ្ជានៃការប្រកួតយ៉ាងត្រឹមត្រូវ ។ លោក ហែម គីរី អគ្គលេខាធិការសហព័ន្ធខ្មែរកីឡាហែលទឹក បានបង្ហាញពីគោលបំណងសំខាន់ៗចំនួន២ផងដែរ ទី១គឺយើងធ្វើការប្រកួតបិទបញ្ចប់ការប្រកួតចុងក្រោយប្រចាំឆ្នាំ និងដើម្បីធ្វើការសម្រេចជ្រើសរើសកីឡាករ-កីឡាការិនីជម្រើសជាតិសម្រាប់ឆ្នាំ២០២៥ ដើម្បីត្រៀមការប្រកួតស៊ីហ្គេមលើកទី៣៣ នៅប្រទេសថៃ នាឆ្នាំ២០២៥។ សម្រាប់លទ្ធផលវិញ លេខ១ ក្លឹបហែលទឹកក្រសួងសាធារណការ និងដឹកជញ្ជូន ដណ្តើមបានមេដាយមាស ៦ ប្រាក់៥ សំរឹទ្ធ៣ ។ លេខ២ ក្រសួងសេដ្ឋកិច្ច…

(ភ្នំពេញ)៖ ការប្រកួតកីឡាប្រដាល់សកល ជើងឯកថ្នាក់ជាតិ ឆ្នាំ២០២៤ បានបញ្ចប់ដោយជោគជ័យ ដោយក្លឹបក្រសួងមហាផ្ទៃ ឈរនៅចំណាត់ថ្នាក់លេខ១ ខណៈឯកឧត្តម ប៊ុយ សុភ័ណ្ឌ អគ្គលេខាធិការ សហព័ន្ធកីឡាប្រដាល់សកលកម្ពុជាបានវាយតម្លៃខ្ពស់ អំពីការកើនគុណផល ទាំងកីឡាករជម្រើសជាតិ និងតាមក្លិប ។ ឯកឧត្តម ប៊ុយ សុភ័ណ្ឌ បានវាយតម្លៃខ្ពស់ ចំពោះជោគជ័យដ៏ធំសម្រាប់ការៀបចំជើងឯកថ្នាក់ជាតិឆ្នាំនេះ ដ្បិតចំនួនអត្តពលិក និងក្លិបចូលរួមកើន ៥០% ហើយសហព័ន្ធក៏បានផ្ដល់ការឧបត្ថម្ភដល់កីឡាករ-កីឡាការិនីជយាលភី និងក្លឹបកាន់តែច្រើន។ ការប្រកួតជើងឯកថ្នាក់ជាតិ ឆ្នាំនេះផ្តោតសំខាន់ខ្លាំងដល់ថ្នាលយុវជនបានចូលរួមប្រកួតតែម្ដង ដើម្បីបណ្តុះបណ្តាលធនធានឱ្យកាន់តែសម្បូរបែប ត្រៀមឆ្ពោះទៅគោលដៅ កីឡាយុវជនអាស៊ី នាឆ្នាំ២០២៩ខាងមុខ នៅកម្ពុជា ។ គួរបញ្ជាក់ថា ការប្រកួតជើងឯកថ្នាក់ជាតិ ២០២៤ មានកីឡាករ-កីឡាការិនី ១៤៥នាក់ មកពី ៣០ សមាគម/ក្លឹប-រាជធានី/ខេត្ត និង៣ក្រសួងចូលរួម ដែលកើនឡើង ៥០% បើធៀបកាលពីឆ្នាំមុន។ ចំពោះលទ្ធផលបច្ចេកទេស គឺក្រសួងមហាផ្ទៃ ដណ្ដើមបានមេដាយច្រើនជាងគេ សរុបមេដាយមាស ៥គ្រឿង, ក្រសួងការពារជាតិ ឈរលេខ២ ឈ្នះមេដាយមាស ៣…

(កំពង់ស្ពឺ)៖ ឯកឧត្តម ប៊ុយ សោភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា បានថ្លែងបញ្ជាក់ នៅថ្ងៃយុទ្ធនាការផ្សព្វផ្សាយគុណតម្លៃអូឡាំពិក ដែលជាថ្ងៃចុងក្រោយ នៃការបិទបញ្ចប់សម្រាប់តុទ្ធនាការ ឆ្នាំ២០២៤ របស់គណៈកម្មាធិការជាតិអូឡាំពិកកម្ពុជា នាថ្ងៃទី២៨ ខែ ធ្នូ ឆ្នាំ២០២៤ នៅអនុវិទ្យាល័យឆាយឆុប ស្ថិតនៅក្នុងក្រុងច្បារមន ខេត្ត កំពង់ស្ពឺថា នៅក្នុងឆ្នាំ២០២៤នេះ សិស្សានុសិស្សនៅតាមបណ្តាសាលាក្នុងរាជធានីភ្នំពេញ និងបណ្តាខេត្ត បានជ្រោជ្រាបយល់ដឹងកាន់តែច្បាស់អំពីគុណតម្លៃអូឡាំពិក ជាងបណ្តាលឆ្នាំមុន ពិសេស គឺការចូលរួមរបស់សិស្សក៏មានចំនួនច្រើនផងដែរ ។ ឯកឧត្តម បានបញ្ជាក់ទៀតថា សម្រាប់យុទ្ធនាការផ្សព្វផ្សាយគុណតម្លៃអូឡាំពិកតាមសាលារៀនឆ្នាំ២០២៤នេះ បានបិទបញ្ចប់ត្រឹមអនុវិទ្យាល័យឆាយឆុប នាព្រឹកថ្ងៃទី២៩ ខែ ឆ្នាំ២០២៤នេះ។ សម្រាប់យុទ្ធនានាការផ្សព្វផ្សាយគុណតម្លៃអូឡាំពិកឆ្នាំ២០២៥ នៅតាមសាលារៀន នឹងបន្តផ្សព្វផ្សាយសកម្មភាពកីឡាផ្សេងៗជាច្រើនមានដូចជា៖សមភាពយេនឌើ និងកីឡាដើម្បីទាំងអស់គ្នា ។ លោក ម៉ែន សារីម ជាគ្រូអប់រំកាយ និងកីឡា ប្រចាំអនុវិទ្យាល័យ ឆាយឆុបបានថ្លែងលើកឡើដែរថា ការចុះផ្សព្វផ្សាយរបស់គណៈកម្មាធិការជាតិអូឡាំពិក អំពីគុណយម្លៃកីឡាមកសាលារៀនឆាយឆុបនាពេលនេះ ពិតជាល្អខ្លាំងណាស់ ដែលជាការរួមចំណែកបំផុសជំរុញឱ្យសិស្សកាន់តែចូលចិត្តកីឡាថែមទៀត ។ ក្នុងនាមលោក ជាគ្រូកីឡា ដែលទទួលបានការអប់រំផ្សព្វផ្សាយគុណតម្លៃអូឡាំពិក ពីមន្រ្តីគណៈកម្មាធិការជាតិអូឡាំពិកកម្ពុជា…

កណ្តាលៈ នាព្រឹកថ្ងៃទី២៨ ខែ ធ្នូ ឆ្នាំ២០២៤នេះ ព្រឹត្តិការណ៍ការប្រកួតកីឡាវាយពានរង្វាន់សម្តេចតេជោ ហ៊ុន សែន” លើកទី៨ បានដំណើរការប្រកួតជាផ្លូវការហើយ នៅទីលានកីឡាវាយកូនគោល ឈុន អូន ហ្គហ្វ រីស៊ត ស្ថិតនៅ ឃុំជ្រៃលាស់, ស្រុកពញាឮ, ខេត្តកណ្តាល។ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ មានប្រសាសន៍ថា ព្រឹត្តិការណ៍ការប្រកួតកីឡាវាយកូនគោល ពានរង្វាន់សម្តេចតេជោ ហ៊ុន សែនលើកទី៨នេះ ដឹកនាំរៀបចំដោយឯកឧត្តម សន្តិបណ្ឌិត នេត សាវឿន ឧបនាយក រដ្ឋមន្ត្រីប្រធានគណៈកម្មការដឹកនាំ ដោយសហការជាមួយក្រុមប្រឹក្សាកីឡាក្រសួងមហាផ្ទៃ សហព័ន្ធកីឡាវាយកូនគោលកម្ពុជា និងទីលានវាយកូនគោល ឈុន អូន ហ្គហ្វ រីស៊ត។ ជាមួយគ្នានេះ ឯកត្តម បានថ្លែងអំណរគុណយ៉ាងជ្រាលជ្រៅដល់ អ្នកឧកញ៉ា ឈុន អូន និង អ្នកឧកញ៉ា ហ៊ុន តូ ដែលបានជួយគាំទ្រនិងឧបត្ថម្ភជ្រោមជ្រែង សម្រាប់ការប្រកួតកីឡា លើកនេះ។ ឯកត្តម…

(ភ្នំពេញ)៖ ឆ្លងកាត់ការប្រកួតរយៈពេល៣ថ្ងៃ ទីបំផុតព្រឹត្តការណ៍ប្រកួតកីឡាប៉េតង់ជ្រើសរើសជើងឯកថ្នាក់ជាតិ ប្រចាំឆ្នាំ២០២៤ បានរកឃើញម្ចាស់ជ័យលាភីតាមប្រភេទវិញ្ញាសានិមួយៗហើយ ពិសេសសម្ព័ន្ធកីឡាប៊ូលនិង ប៉េតង់កងយោធពលខេមរៈភូមិន្ទ ឈរចំណាត់ថ្នាក់លេខ១ ក្នុងចំណោម ១៣សមាគម ក្លឹបចូលរួម ដោយឈ្នះមេដាយច្រើនជាងគេ។ ឯកឧត្តម សុខ សប្បាយណា អគ្គលេខាធិការសហព័ន្ធកីឡាប៊ូល និងប៉េតង់កម្ពុជា បានមានប្រសាសន៍ថា ការប្រកួតនេះរៀបចំឡើង ដើម្បីលើកស្ទួយកីឡាប៊ូល និងប៉េតង់កម្ពុជា បង្កើនទំនាក់ទំនងរវាងសម្ព័ន្ធក្លឹប និងផ្តល់ឧកាសដល់កីឡាករ កីឡាការិនី ទូទាំងប្រទេស អាចចូលរួមដុះខាត់សមត្ថភាព និងជាវេទិការសម្រាប់សហព័ន្ធ សម្លឹងមើលកីឡាករ កីឡាការិនី ដែលមានសក្តានុពល និងឧបនិស្ស័យលើប្រភេទកីឡានេះ ចូលរួមប្រមូលផ្តុំជាក្រុមជម្រើសជាតិ យុវជន ឬថ្នាល នាឆ្នាំបន្តបន្ទាប់ទៀត ។ ឯកឧត្តម អគ្គលេខាធិការ បានបន្ថែមថា ការប្រកួតឆ្នាំកន្លងទៅ ខ្ញុំបានកត់សំគាល់ឃើញថាកីឡាករ កីឡាការិនីម្នាក់ៗ មានបច្ចេកទេសលេងខុសៗគ្នា ហើយពីមួយឆ្នាំទៅមួយឆ្នាំសមត្ថភាពក៍កាន់តែរីកចម្រើនឡើង តាមរយៈសាកល្បងសមត្ថភាពលើទីលាន ដើម្បីចែករំលែកបទពសោធន៍ និងរៀនសូត្រពីបច្ចេកទេស ពីគ្នាទៅវិញទៅមក ។ ឯកឧត្តម អ៊ិន គឹមស្រ៊ុន ប្រធានគណៈការរៀបចំការប្រកួត បានបញ្ជាក់ថា ការប្រកួតនេះធ្វើឡើង…