(ភ្នំពេញ)៖ ឯកឧត្តម វ៉ាត់ ចំរើន អគ្គលេខាធិការ គណៈកម្មាធិ​ការ​ជាតិអូឡាំពិកកម្ពុជា បានថ្លែងគូសបញ្ជាក់ថា រដ្ឋាភិបាល​សាធារណ​រដ្ឋប្រជាមានិតចិន បាននិងកំពុងបើកភ្លើងខៀវ​ទទួល​គាំទ្រសំណើរស្នើសុំរបស់ព្រះរាជាណាចក្រកម្ពុជាទាំងស្រុង លើការបញ្ជូនអត្តពលិកកម្ពុជាទៅហ្វឹកហាត់ពង្រឹងសមត្ថភាពនៅសាធារណរដ្ឋប្រជាមានិតចិន និងបញ្ជូនគ្រូបង្វឹកមកបង្វឹក​អត្ត​ពលិកដល់កម្ពុជា ហើយគម្រោងនេះ មានរយៈពេលវែង​រហូត​ដល់កីឡាអូឡាំពិកយុវជនអាស៊ីឆ្នាំ២០២៩ ដែលកម្ពុជា​ទទួលធ្វើជាម្ចាស់ផ្ទះ ឯនោះ។ ការបង្ហើបអំពីគម្រោងស្នើសុំរបស់ព្រះរាជាណាចក្រកម្ពុជា ក្រោយជំនួបសំម្តែងការគួរសម និងសំណេះសំណាល ធ្វើឡើងនៅអាគារគណៈកម្មាធិការជាតិអូឡាំពិកកម្ពុជា រវាង ឯកឧត្តម វ៉ាត់ ចំរើ និង លោក Zeng Huacheng អគ្គនាយករងនៃក្រសួងពាណិជ្ជកម្មប្រទេសចិន និងមានការចូលរួមពីតំណាងស្ថានទូតចិនប្រចាំនៅកម្ពុជា។ ឯកឧត្តម វ៉ាត់ ចំរើន បានបញ្ជាក់ទៀតថា សម្រាប់គ្រោងនេះ រដ្ឋាភិបាលចិនបានឯកភាព និងកំពុងធ្វើការពន្លឿន ដើម្បីនាំយកអត្តពលិកកម្ពុជាទៅពង្រឹងសមត្ថភាពនៅចិន និងនាំយកគ្រូបង្វឹកចិនមកកម្ពុជាបង្វឹកដល់អត្តពលិកកម្ពុជា មុនព្រឹត្តិការណ៍កីឡាស៊ីហ្គេម លើកទី៣៣ នៅប្រទេសថៃ នាឆ្នាំ២០២៥។ ឯកឧត្តម វ៉ាត់ ចំរើន បានអះអាងថា គម្រោងដែលផ្តល់ដោយ​រដ្ឋា​ភិ​បាល​ចិន​ជួយលើជំនួយបង្វឹកផ្នែកបច្ចេសទេសដល់​កម្ពុជា​នេះ ក្នុងមួយឆ្នាំៗចិនចំណាយចាប់ពីមួយលានដុល្លារ​ឡើងទៅ ព្រោះត្រូវរាបរងលើការចំណាយរបស់អត្តពលិកកម្ពុជា លើការ​ស្នាក់​នៅ ហូបចុក និងការធ្វើដំណើរជាដើម។ ឯកឧត្តម វ៉ាត់ ចំរើន…

(ភ្នំពេញ)៖ ឆ្លងកាត់ការប្រកួតយ៉ាងស្វិតស្វាញ និងជក់ចិត្តអស់រយៈពេល៣ថ្ងៃនេះ ជាលទ្ធផលជ័យលាភីលើវិញ្ញាសចំនួន១៨ រួមមាន៖ ចំណាត់ថ្នាក់លេខ១ មជ្ឈមណ្ឌលកីឡាកងយោធពលខេមរភូមិន្ទ មេដាយមាស៥ និងសំរឹទ្ធ១, លេខ២ សាលាគុន អង្គរមានឫទ្ធិ៍ មេដាយមាស ៣ ប្រាក់២ និងសំរឹទ្ធ២, លេខ៣ សាលាគុនល្បុក្កតោតារាជ មេដាយមាស៣ និងសំរឹទ្ធ១, លេខ៤ សាលាគុនសាកលវិទ្យាល័យជាតិគ្រប់គ្រង មេដាយមាស២ និងសំរឹទ្ធ២ ខណៈ៥សាលាគុនផ្សេងទៀតទទួលបានមេដាយមាសម្នាក់១វិញ្ញាសាដូចៗគ្នា។ ឯកឧត្តម បណ្ឌិតព្រឹទ្ធាចារ្យ សាន គឹមស៊ាន ទីប្រឹក្សាក្រសួងវប្បធម៌ និងវិចិត្រសិល្បៈ និងជាអនុប្រធានសហព័ន្ធកីឡាគុនល្បុក្កតោកម្ពុជាមានប្រសាសន៍ថា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាតែងតែយកចិត្តទុកដាក់បន្តអភិវឌ្ឍគ្រប់វិស័យ រួមទាំងវិស័យក្បាច់គុនខ្មែរទាំងនៅកម្រិតថ្នាក់ជាតិ និងលើឆាកអន្តរជាតិ។ គុនល្បុក្កតោ ជាក្បាច់គុនដ៏ចំណាស់ ដែលបានរស់ឡើងឡើងវិញ ដោយសារកម្លាំងសាមគ្គីភាព ព្រលឹងជាតិ នៅជាមួយយើងទាំងអស់គ្នានៅគ្រប់ៗជំនាន់។ ឯកឧត្តមបណ្ឌិតព្រឹទ្ធាចារ្យក៏បានកោតសរសើរចំពោះកីឡាករ កីឡាការិនីគុនល្បុក្កតោទាំងអស់ចូលរួមប្រកួតប្រយុទ្ធប្រកបដោយស្មារតីអង់អាចក្លាហាន ទោះបីជាឈ្នះ ឬចាញ់យ៉ាងណាក្តី ។ ឯកឧត្តម បានកោតសរសើរ និងវាយតម្លៃខ្ពស់ចំពោះមន្ត្រីគណៈកម្មការរៀបចំការប្រកួតដែលបានខិតខំរៀបចំឱ្យដំណើរការដោយរលូន រយៈពេល៣ថ្ងៃនេះឱ្យទទួលបានលទ្ធផលជោគជ័យ។ ហើយក៏បានផ្តល់អនុសាសន៍ដល់ភាគីពាក់ព័ន្ធបន្តប្រឹងប្រែងអភិរក្ស និងអភិវឌ្ឍកីឡាគុនល្បុក្កតោ…

(កណ្តាល)៖ ការប្រកួតកីឡាសិស្សបឋមសិក្សាជ្រើសរើសជើង​ឯកប្រចាំឆ្នាំ២០២៥ របស់ខេត្តកណ្តាល បានចាប់ផ្តើមការ​ប្រ​កួត​ផ្លូវការហើយ នាព្រឹកថ្ងៃទី១១ ខែ មីនា ឆ្នាំ២០២៥ ដោយ​ប្រភេទកីឡាបាល់ទះដំណើរការប្រកួតមុនគេ នៅក្នុងវិទ្យាល័យ​ហ៊ុន សែន សេរីភាព ក្រុងតាខ្មៅ ខេត្ត កណ្តាល។ លោក ពៅវណ្ណា ប្រធានការិយាល័យកីឡានៃមន្ទីរអប់រំយុវជន​និងកីឡាខេត្តកណ្តាល បានបញ្ជាក់ឱ្យដឹងថា ការប្រកួតសិស្ស​បឋមសិក្សាជ្រើសរើសជើងឯកខេត្ត កណ្តាល ក្នុងឆ្នាំ២០២៥​នេះ ចាប់ផ្តើមការប្រកួតចាប់ពីថ្ងៃទី១១ ដល់ថ្ងៃទី១៧ ខែមីនា ឆ្នាំ២០២៥ និងមានសិស្សានុសិស្សជាកីឡាករកីឡាការិនី​ចូល​រួមប្រកួតចំនួន៥៧៤នាក់ ក្នុងនោះកីឡាការិនីចំនួន ២១៥នាក់ ដោយធ្វើការប្រកួតលើ៥ប្រភេទកីឡា មានដូចជា បាល់ទាត់ បាល់​បោះ បាល់ទះ ប៊ូលនិងប៉េតង់ និងកីឡាអត្តពលិកកម្ម ខណៈការប្រកួតដំណើរការចំនួន៣ទីតាំងធំៗ នៅវិទ្យាល័យ​ហ៊ុន ​សែន សេរីភាព វិទ្យាល័យហ៊ុន សែន តាខ្មៅ និងក្នុង​កីឡដ្ឋាន​បាល់ទាត់ក្រុងតាខ្មៅ។ ប្រធានការិយាល័យកីឡារូបនេះ បានគូសបញ្ជាក់ថា ការប្រកួត​ជ្រើស​រើសជើងឯកសិស្សបឋមសិក្សារយៈពេល៧ថ្ងៃនេះ ប្រើ​ប្រាស់​ថវិកាផ្ទាល់របស់មន្ទីអប់រំយុវជននិងកីឡាខេត្តកណ្តាល ដើម្បីចម្រាញ់ជ្រើសរើសកីឡាករកីឡាការិនីសិស្សបឋមសិក្សាឆ្នើមតាមប្រភេទកីឡានីមួយៗមកហ្វឹកហាត់តំណាងខេត្តកណ្តាលត្រៀមចូលរួមប្រកួតប្រជែង ការប្រកួតកីឡាជ្រើសរើស​ជើង​ឯកទូទាំងប្រទេសប្រចាំឆ្នាំ២០២៥ ដែលរៀបចំដោយក្រសួង​អប់រំយុវជននិងកីឡា នៅរាជធានីភ្នំពេញ នាពេលខាងមុខ​ឆាប់ៗ​នេះ ។ លោក…

ភ្នំពេញ៖ការប្រឆាំងសារធាតុដូប៉ាក្នុងវិស័យកីឡា គឺជាចំណុចស្នូល​មួយក្នុង​ចំណោមចំណុចស្នូលជាច្រើនក្នុងវិស័យកីឡា។​ទីភ្នាក់ងារ​កម្ពុជាប្រឆាំងដូប៉ាបានបើកវគ្គបណ្តុះបណ្តាលស្តីពីការប្រឆាំងសារធាតុដូប៉ាក្នុងវិស័យកីឡាជូនដល់ គ្រូបង្វឹក​ជម្រើសជាតិ និងមន្ត្រីសហព័ន្ធ​កីឡាជាតិកម្ពុជា នៅមជ្ឈបណ្ឌលជាតិហ្វឹកហ្វឺនកីឡា រយៈពេល៥ថ្ងៃ ចាប់ពី ថ្ងៃទី១០ដល់​ថ្ងៃទី១៤ ខែមីនា ឆ្នាំ២០២៥ ដោយមាន​សិក្ខាកាម​ចូលរួមចំនួន៧៥នាក់ មកពីសហព័ន្ធកីឡាជាតិ​គោលដៅ​ចំនួន៣៧ ។ វគ្គបណ្តុះបណ្តាលនេះធ្វើឡើងតាមគោលការណ៍កំណត់របស់ក្រមប្រឆាំងដូប៉ាអន្តរជាតិ ដែលតម្រូវឱ្យគ្រូបង្វឹកកីឡា និង​អត្តពលិកទាំង​អស់នៃប្រទេសហត្ថលេខី បានសិក្សាស្វែងយល់អំពីការប្រឆាំងដូ ប៉ាក្នុងវិស័យកីឡា និងទទួលបានវិញ្ញាបន​បត្របញ្ជាក់អាដែល (ADEL)ទើបមានសិទ្ធស្របច្បាប់នៅក្នុង ការចូលរួមប្រកួតជា​លក្ខណៈអន្តរជាតិ។ អញ្ជើញចូលរួក្នុងពិធីបើកវគ្គ លោកជំទាវ គឹម សេដ្ឋានី រដ្ឋលេខា​ធិការប្រចាំការក្រសួងអប់រំ យុវជននិងកីឡា តំណាង​ឯកឧត្តម​បណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួង​អប់រំយុវជននិងកីឡា បានកោតសរសើរ​និងឱ្យតម្លៃខ្ពស់ដល់ថ្នាក់ដឹកនាំ ព្រម ទាំងមន្ត្រីទីភ្នាក់ងារកម្ពុជាប្រឆាំងដូប៉ាទាំងអស់ ដែលខិតខំ​ប្រឹងប្រែងអស់ពីកម្លាំង​កាយចិត្តអនុវត្តភារកិច្ច បានល្អប្រសើរ និង ខ្នះខ្នែងពុះពារដោះស្រាយបញ្ហា ព្រមទាំងសម្របសម្រួល​កិច្ចការនានា​ទាំងក្នុងនិងក្រៅ ប្រទេសបានជោគជ័យ។ លោកជំទាវ បានក្រើនរំលឹកដល់សិក្ខាកាមទាំងអស់ចូលរួមសិក្សា​ដោយការ​យកចិត្តទុកដាក់ខ្ពស់បំផុត ឱ្យទទួលបាននូវ វិញ្ញាបន​បត្របញ្ជាក់តាមការគ្រោងទុក ព្រោះថាវិញ្ញាបនបត្រនេះមិនមែន​ក្រសួង ឬគ្រូឧទ្ទេសអាចផ្តល់ជូន បានតាម​ការស្នើសុំនោះទេ វាជា​វិញ្ញាបនបត្រដែលចេញដោយប្រព័ន្ធគ្រប់គ្រងស្វ័យប្រវត្តិរបស់អន្តរជាតិ នៅពេលដែលសិក្ខាកាម បានយល់ដឹង និងបំពេញតាម​លក្ខខណ្ឌ​ដែលបានកំណត់ ។បើមិនបានបំពេញតាមលក្ខខណ្ឌនោះទេ ប្រព័ន្ធ​មិនចេញវិញ្ញា​បនបត្រឱ្យឡើយ។ បន្ថែមពីនេះសិក្ខាកាមយកចំណេះដឹងដែលទទួលបានពីវគ្គបណ្តុះបណ្តាលនេះ…