(ភ្នំពេញ)៖ ក្រសួងមហាផ្ទៃ ដណ្តើមបាន មេដាយមាសច្រើនជាងគេ ពីការប្រកួតកីឡាចំបាប់ នៃព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤ នាព្រឹកថ្ងៃទី០១ ខែវិច្ឆិកា ឆ្នាំ២០២៤ នៅសាលពហុកីឡដ្ឋានជាតិអូឡាំពិក ដោយឈ្នះមេដាយមាស៩ ប្រាក់៣ និងសំរឹទ្ធ១ សរុប ១៣គ្រឿង ក្នុងចំណោម៦ក្រសួង-រាជធានីខេត្ត ។ យោងតាមមន្ត្រីបច្ចេកទេសសហព័ន្ធកីឡាចំបាប់កម្ពុជា បានឱ្យដឹងថា ក្រសួងមហាផ្ទៃ ដណ្តើមឈរលេខ១ ដណ្តើមបានមេដាយសរុប ១៣គ្រឿង មេដាយមាស៩ ប្រាក់៣ និងសំរឹទ្ធ១, លេខ២ ខេត្តកំពង់ឆ្នាំង មេដាយមាស ២ ប្រាក់៣ និងសំរឹទ្ធ២ សរុប៩គ្រឿង, លេខ៣ ខេត្តកណ្តាល មេដាយមាស២ ប្រាក់១ និងសំរឹទ្ធ១០ សរុប ១៣គ្រឿង, លេខ៤ ខេត្តព្រៃវែង មេដាយមាស ២ ប្រាក់១ និងសំរឹទ្ធ ៩ សរុប៩គ្រឿង, លេខ៥ ខេត្តមណ្ឌលគិរី មេដាយមាស…

(ភ្នំពេញ)៖ ឯកឧត្តម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជា​គូស​បញ្ជាក់ថា ការប្រកួតកីឡាជាតិជនពិការលើកទី២ ឆ្នាំ២០២៤ត្រូវបានក្រសួងអប់រំ យុវជន និងកីឡាគាំទ្រឱ្យរៀបចំ​ប្រភេទកីឡាចំនួន១៣ ពោលគឺច្រើនជាងកាល​ពី​កីឡា​ជាតិជនពិការ លើកទី១ ឆ្នាំ២០២២ កន្លងទៅ ដែលមានត្រឹម៧ប្រភេទកីឡា​ប៉ុណ្ណោះ ដោយនេះជាភាពចំណេញមួយ និងបង្ហាញពីការរីកចម្រើននៃវិស័យកីឡា​កម្ពុជា រួមទាំងកីឡាជនពិការផងដែរ។ ឯកឧត្តមចាត់ទុកថា ការបង្កើនចំនួនប្រភេទកីឡាជនពិការកាន់តែច្រើននេះ គឺជាការ​បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជាក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ចំពោះប្រភេទកីឡាពិការ ដូចប្រភេទ​កីឡាមិនពិការដែរ។ ការរៀបចំការប្រកួតទាំង១៣ប្រភេទកីឡា ក្នុងព្រឹត្តិការណ៍កីឡា​ជាតិ​​ជនពិការ ឆ្នាំ២០២៤នេះ គឺជាការវិនិយោគដ៏សំខាន់មួយ ក្នុងការជំរុញ និង​អភិ​វឌ្ឍ​ប្រភេទកីឡាជនពិការកម្ពុជាទាំង១៣ប្រភេទកីឡា ត្រៀមឆ្ពោះទៅចូលរួមប្រជែង​មេដាយជូនជាតិ នៅក្នុងការប្រកួតកីឡាអាស៊ានប៉ារ៉ាហ្គេម លើកទី១៣ នៅប្រទេស​ថៃ នាខែមករា ឆ្នាំ២០២៦ ខាងមុខ។ ១៣ប្រភេទកីឡានេះ មានដូចជា កីឡាអត្ត​ពល​កម្ម ហែលទឹក លើកទម្ងន់ វាយសី យូដូ បាល់បោះជនពិការភ្នែក បាល់ទាត់ជន​ពិការភ្នែក បាល់ទះអង្គុយ អុកអន្តរជាតិជាដើម។ ឯកឧត្តម យី វាសនា ចាត់ទុកថា ការបង្កើនប្រភេទកីឡាច្រើន…

(ភ្នំពេញ)៖ សាលកីឡាសម្តេចពិជ័យសេនា ទៀ បាញ់ ដែលមានទីតាំង​ក្នុងមជ្ឈមណ្ឌ​ល​កីឡាកងយោធពលខេរភូមិន្ទ ត្រូវបានសម្ពោធដាក់ឱ្យប្រើប្រាស់ជាផ្លូវការ ថ្ងៃទី​៣១ ខែ តុលា ឆ្នាំ២០២៤ក្រោមវត្តមាន ឯកឧត្តម នាយឧត្តមសេនីយ៍ ឃឹម ប៊ុនសុង រដ្ឋលេខាធិការ ក្រសួងការពារជាតិ និងជាប្រធានក្រុមប្រឹក្សាកីឡាកងយោធពល​ខេមរភូមិន្ទ​តំណាងដ៏ខ្ពង់ខ្ពស់សម្តេចពិជ័យសេនា ទៀ បាញ់។ ឯកឧត្តម ឧត្តមសេនីយ៍ទោ ខូវ ឆាយ នាយកមជ្ឈមណ្ឌលកីឡាកងយោធពល​ខេមរ​ភូមិន្ទ បានបង្ហាញពីសមិទ្ធផលសម្រេចបាន ក្នុងការសាងសង់សាលកីឡាសម្តេច​ពិជ័យ​សេនា ទៀ បាញ់ ។ជាមួយគ្នានេះ មជ្ឈមណ្ឌលកីឡាកងយោធពលខេមរភូមិន្ទ​បាននិងកំពុងបន្ថយកចិត្តទុកដាក់ កសាងហេដ្ឋារចនាសម្ព័ន្ធមួយចំនួនថែមទៀត មាន​​ដូចជា ទឹកន្លែងអង្គុយទស្សនាកីឡាបាល់ទាត់ សាល រដ្ឋបាល ទីកន្លែងចំណត​រថយន្ត ចាក់បេតុងផ្លូវព័ទ្ធជុំវិញតារាងបាល់ទាត់ ផ្លូវច្រកចូល និងការតបណ្តាញ អគ្គិសនី ទឹកស្អាត និងប្រព័ន្ធលូទឹកសំណល់ទៀតផង ។ ក្នុងនាមសម្តេចពិជ័យសេនា ទៀ បាញ់, ឯកឧត្តម ឃឹម ប៊ុនសុង បានកោតសរសើរ និងវាយតម្លៃខ្ពស់ចំពោះសមិទ្ធផលថ្មីមួយនេះ ក្នុងចំណោមសមិទ្ធផលជាច្រើន ដែល​ក្រសួង​ការពារជាតិសម្រេចបាន​ ក្រោមគំនិតផ្តួចផ្តើមដ៏ខ្ពង់ខ្ពស់ប្រកបដោយ​ចក្ខុ​វិស័យ​​វែង​ឆ្ងាយរបស់សម្តេចពិជ័យសេនា ទៀ…

(ភ្នំពេញ)៖ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានថ្លែងគូសបញ្ជាក់ ក្នុងពិធីបិទ វគ្គបណ្ដុះបណ្ដាលអាជ្ញាកណ្ដាល-ចៅក្រមកីឡាវ៉ូវីណាម នាល្ងាចថ្ងៃទី២៩ ខែ តុលា ឆ្នាំ២០២៤ថា ការដែលសហព័ន្ធកីឡាវ៉ូវីណាមអនុញ្ញាតឱ្យកីឡាករកីឡាការិនីជម្រើសជាតិបានចូលរួមក្នុងវគ្គបណ្តុះបណ្តាលចៅក្រមអាជ្ញាកណ្តាល ដែលរៀបចំដោយសហព័ន្ធ ក្រោមថវិកាគាំទ្រប្រចាំឆ្នាំរបស់ក្រសួងអប់រំនិងកីឡា មានគោលបំណងផ្តល់ឱកាសឱ្យពួកគេទទួលបានចំណេះដឹង និងបានយល់ដឹងកាន់តែច្បាស់ស្តីអំពីច្បាប់លក្ខន្តិកៈនៃច្បាប់ការប្រកួត មិនឱ្យពួកគេបង្កកំហុសក្នុងការប្រកួតជាតិនិងអន្តរជាតិ ពិសេស ផ្តល់ចំណេះជំនាញជូនពួកគាត់ ដើម្បីវិវឌ្ឍក្លាយខ្លួនជាគ្រូបង្វឹក និងចៅក្រមអាជ្ញាកណ្តាលនូវពេលដែលចូលនិវត្តន៍ពីអាជីពជម្រើសជាតិ។ ទៀតសោធន វគ្គបណ្តុះបណ្តាលចៅក្រមអាជ្ញាកណ្តាលរយៈពេល៤ថ្ងៃនេះ ធ្វើឡើងដើម្បីត្រៀមព្រឹត្តិការណ៍ការប្រកួតកីឡាជាតិលើកទី៤ សម្រាប់កីឡាវ៉ូវីណាម ដែលនឹងធ្វើឡើងពីថ្ងៃទី៣០ ខែតុលា ដល់ថ្ងៃទី០២ ខែវិច្ឆិកា ឆ្នាំ២០២៤ ។ ជាមួយគ្នានោះ វគ្គបណ្ដុះបណ្ដាលអាជ្ញាកណ្ដាល-ចៅក្រោមកីឡាវ៉ូវីណាមនាពេលនេះ ពិតជាមានសារសំខាន់ ក្នុងការពង្រឹង និងពង្រីកនូវធនធានមនុស្ស ដើម្បីអភិវឌ្ឍន៍វិស័យកីឡាវ៉ូវីណាម នៅព្រះរាជាណាចក្រកម្ពុជាឲ្យទទួលបាននូវលទ្ធផលល្អ ក្នុងការប្រកួតថ្នាក់ជាតិ ក៏ដូចលើឆាកអន្តរជាតិ នាពេលខាងមុខផងដែរ ។ ដោយឡែក ឯកឧត្តម លី ចាន់សុភក្តី អ្នកសម្របសម្រួលវគ្គ បានឱ្យដឹងដែរថា វគ្គបណ្តុះបណ្តាលនេះ មានសិក្ខាកាមចំនួន ២៥ នាក់ មកពីបណ្ដាលក្រសួង ស្ថាប័ន…

ភ្នំពេញ៖ ផ្សារទំនើប ដឺភីក (The Peak) ផ្តល់ទីតាំងប្រកួតដល់សហព័ន្ធកីឡាគុនដាវកម្ពុជា និងការឧបត្ថម្ភគាំទ្រ សម្រាប់ការរៀបចំការប្រកួតកីឡាគុនដាវក្នុងព្រឹត្តិការណ៍កីឡាជាតិលើកទី៤ ចាប់ពីថ្ងៃទី៤ ដល់ថ្ងៃទី៧ ខែវិច្ឆិកា ឆ្នាំ២០២៤។សហព័ន្ធកីឡាគុនដាវកម្ពុជាបានសហការជាមួយផ្សារទំនើប ដឺភីករៀបចំការប្រកួតកីឡាគុនដាវក្នុងព្រឹត្តិការណ៍កីឡាជាតិលើកទី៤ ដែលមានអត្តពលិកចំនួន ៩៩ នាក់ មកពីរាជធានី-ខេត្តចំនួន ១២ និងក្រសួងចំនួន២។ ជាមួយគ្នានេះ សហព័ន្ធកីឡាគុនដាវកម្ពុជាក៏បានរៀបចំសិក្ខាសាលា និងរៀបចំការកម្សាន្តនានាសម្រាប់មហាជនទូទៅផង។ កីឡាគុនដាវ ជាកីឡាដែលមានប្រជាប្រិយ និងមានភាពទាន់សម័យដែលប្រទេសជឿនលឿនមួយចំនួនធំចូលចិត្តហ្វឹកហាត់ និងលេងកម្សាន្ត ដូចដែលបានដឹងមកហើយថាក្នុងអំឡុងពេលអូឡាំពិកប៉ារីសឆ្នាំ ២០២៤ ការប្រកួតកីឡាគុនដាវត្រូវបានរៀបចំឡើងនៅ Grand Palais បេះដូងនៃទីក្រុងប៉ារីស នេះបង្ហាញពីភាពពេញនិយម និងល្បីល្បាញបំផុតនៃកីឡាគុនដាវលើពិភពលោក។ ដឺភីក ជាផ្សារទំនើបដ៏ប្រណិតមួយដែលត្រៀមនឹងបើកដំណើរការសាកល្បងជាជំហានដំបូង នៅថ្ងៃទី ៨ ខែវិច្ឆិកា ឆ្នាំ ២០២៤ ជាមួយព្រឹត្តិការណ៍ចម្រុះជាច្រើនក្រោមប្រធានបទ The Peak Prelude: A Journey Begins។ ហើយក៏ជាផ្សារទំនើបដែលបានចូលរួមចំណែកលើកស្ទួយវិស័យកីឡា ក្នុងការផ្តល់ទីតាំងប្រកួតដល់សហព័ន្ធកីឡាគុនដាវកម្ពុជា ដើម្បីរៀបចំការប្រកួតកីឡាគុនដាវក្នុងព្រឹត្តិការណ៍កីឡាជាតិលើកទី៤ ព្រមទាំងបានត្រៀមខ្លួនស្វាគមន៍សម្រាប់ការផ្តល់ទីតាំងបម្រើដល់ការប្រកួតកីឡាលក្ខណៈជាតិ និងអន្តរជាតិនានាផងដែរ។ អ្នកនាំពាក្យផ្សារទំនើប ដឺភីក…

(ភ្នំពេញ)៖ សហព័ន្ធកីឡាប្រដាល់គុនខ្មែរ ដែលមានឯកឧត្តម ខូវ ឆាយ ជាប្រធាន និង លោក ពីជិត សិរីរិទ្ធ អគ្គនាយកក្រុមហ៊ុន អវី.ខ្លឹប មេឌា បានចុះអនុស្សរណៈ​នៃការយោគយល់គ្នា លើកិច្ចសហប្រតិបត្តិការផ្គត់ផ្គង់ឆាក, ភ្លើងពណ៌, អិលស៊ីឌីស្គ្រីន និងប្រព័ន្ធសម្លេង នៃកម្មវិធីប្រដាល់គុនខ្មែរ ក្រោមអធិបតីភាព ឯកឧត្តម ឧត្តមសេនីយ៍ឯក ខៀវ ឆេន រដ្ឋលេខាធិការក្រសួងការពារជាតិ នៅសាលកីឡាសម្តេចពិជ័យសេនា ទៀ បាញ់ (ស្តាតចាស់) នាព្រឹថ្ងៃទី២៩ ខែតុលា ឆ្នាំ២០២៤ ដោយមានការចូលរួមពីក្រុមការងារ និងមន្ត្រីបច្ចេកទេស កីឡាករ កីឡាការិនីជាច្រើនរូប ។ លោក ពីជិត សិរីរិទ្ធ អគ្គនាយកក្រុមហ៊ុន អវី.ខ្លឹប មេឌា បានមានប្រសាសន៍ប្ដេជ្ញាចូលរួមជាមួយសហព័ន្ធកីឡាប្រដាល់គុនខ្មែរ ក្នុងការរៀបចំឆាកប្រកួតឱ្យកាន់តែល្អ តាមរយៈកម្មវិធីប្រកួតនានា ក្នុងន័យបណ្ដុះបណ្ដាលធនធានកីឡាករគុនខ្មែរនាពេលបច្ចុប្បន្ន និងអនាគត ដើម្បីបង្ហាញឱ្យពិភពលោកបានស្គាល់ពីតម្លៃនៃគុនខ្មែរដ៏អស្ចារ្យលើឆាកអន្តរជាតិ ។ ក្នុងឱកាសនេះដែរ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ…

(ភ្នំពេញ)៖ លោក ព្រំ សារ៉ាវុធ ជំនួយការសហពន្ធកីឡាវាយសី ទទួលការងារបណ្តុះ បណ្តាល និងកិច្ចបរទេស បានគូសបញ្ជាក់ថា វគ្គបណ្តុះបណ្តាលគ្រូបង្ហាត់កីឡា វាយ សីកម្រិត១ ដែលរៀបចំដោយសហព័ន្ធកីឡាវាយសីកម្ពុជា ផ្តល់ដោយសហព័ន្ធកីឡា​វាយ​សីពិភពលោក ដែលដំណើររយៈពេលរយៈ៦ថ្ងៃចាប់ពីថ្ងៃទី២៤ដល់ថ្ងៃទី២៩ ខែ តុលា ឆ្នាំ២០២៤ គឺជាវគ្គមួយផ្តល់ជូននូវចំណេះជំនាញដែលបង្ហាត់ដោយគ្រូឧទ្ទេស​មកពីសហព័ន្ធកីឡាវាយសីអាស៊ី ដើម្បីជំរុញឱ្យគ្រូកីឡាវាយសីតាមបណ្តាក្លឹបមកពី​រាជធានី -ខេត្ត ទទួលបាននូវគរុកោសល្យបង្ហាត់កីឡាករកីឡាការិនីវ័យក្មេង​ត្រឹមត្រូវ​តាមបច្ចេកទេសស្តង់ដាររបស់សហព័ន្ធកីឡាវាយសីពិភពលោក ។ ជំនួយការសហព័ន្ធកីឡាវាយសីខាងលើ បានអះអាងទៀតថា វគ្គបណ្តុះបណ្តាល​មួយ​នេះ គ្រូឧទ្ទេសបានបង្ហាត់បង្ហាញទាំងអស់ អំពីក្បួនច្បាប់បច្ចេកទេសរបស់​សហព័ន្ធ​កីឡាវាយសីពិភពលោក បានចងក្រមបង្រៀន និងជាចំណុចសំខាន់របស់គ្រូក្នុង​ការ​វិវឌ្ឍ​ខ្លួនពីកម្រិតដំបូងទៅដល់កម្រិតខ្ពស់។ ហើយវគ្គបណ្តុះបណ្តាលនេះសិក្ខាកាម​ដែល​ជាគ្រូបង្វឹកធ្វើតេសជាប់និងបន្តទៅកាន់វគ្គបណ្តុះបណ្តាលគ្រូបង្ហាត់​កីឡាវាយ​សី​កម្រិត២នៅប្រទេសម៉ាឡេស៊ីទៀត។ លោក បានគូសបញ្ជាក់ទៀតថា វគ្គបណ្តុះបណ្តាលកម្រិត១នេះ គ្រូឧទ្ទេសបាន​បង្ហាត់​នូវ​មូលដ្ឋាន​មុខវិជ្ជា៥គោល មានដូចជាៈ១.ការហ្វឹកហាត់កាយសម្បទា ២.ការហ្វឹកហាត់លើផ្នែកបច្ចេកទេសបង្ហាត ៣.ហ្វឹកហាត់លើផ្នែកកលល្បិច ៤.ផ្នែកចិត្តសាស្រ្តរបស់កីឡាករកីឡាការិនី ៥.ការជ្រើសរើសរបបអាហារ​និង​ការរស់នៅរបស់កីឡាករ ដែលមុខវិជ្ជាគោលទាំង៥នេះហើយជាផ្នែកជំរុញ​ជួយឱ្យគុណផលកីឡាករកីឡាការិនីឈានទៅដល់កម្រិតពិភពលោក។ លោក thana arikristan ប្រធាននាយដ្ឋានឣភិវឌ្ឍន៌ សហពន្ធកីឡាវាសីឣាស៊ី បាន​លើក​ឡើងថា វគ្គបណ្តុះបណ្តាលរៀបចំឡើងដោយសហព័ន្ធកីឡាវាយ​សីពិភព​លោក​នេះ ដើម្បីចូល​អភិវឌ្ឍសមត្ថភាពគ្រូបង្ហាត់កីឡាវាយសីឱ្យមានការបង្ហាត់​ត្រឹមត្រូវ​ទៅ​តាមបច្ចេកទេសរបស់ពិភពលោក ដែលជួយឱ្យប្រទេសមានការអភិវឌ្ឍវិស័យ​កីឡា​វាយសីកាន់តែខ្លាំង។លោកថា វគ្គបណ្តុះបណ្តាលនេះ ជាផ្នែកមួយនឹងជួយអភិវឌ្ឍ​ចំណេះ​ជំនាញ​គ្រូក្លាយជាគ្រូបង្ហាត់ដ៏មានគុណភាពប្រចាំប្រទេស។ លោក មាន ណូរ៉ា…