ភ្នំពេញ៖ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ បានស្នើរឱ្យមហា​ជ​ន​​ដែលជាអ្នកស្នេហាវិស័យកីឡាប្រដាល់គុនខ្មែរស្វែងយល់ឱ្យបានស៊ីជម្រៅ​លើនិតិ​វិធី​ដាក់​ពិន្ទុរបស់មន្រ្តី​អាជ្ញាកណ្តាលចៅក្រម មុននិងវាយប្រហារទៅលើវិជ្ជាជីវៈរបស់​ពួក​គាត់ ។ ការថ្លែងបញ្ជាក់ បែបនេះ របស់ប្រធានសហព័ន្ធកីឡាប្រដាល់គុនខ្មែរ ក្នុងសន្និសីទ សារព័ត៌មានប្រកាសដាក់ចេញផ្សព្វផ្សាយនៅសៀវភៅបទបញ្ជាការប្រកួតថ្មី និងបក​ស្រាយអំពីលទ្ធផលការប្រកួតរបស់កីឡាករព្រុំ សំណាង និង កីឡាករប្រេស៊ីល លូកាស ក្នុងការប្រកួតដណ្តើមខ្សែក្រវ៉ាត់មាស ដែលធ្វើឱ្យទស្សនិកជនមាន​ការទិកទៀនចំ​ពោះ​លទ្ធផលនៃការប្រកួត ។ ឯកឧត្តម ខូវ ឆាយ បានគូសបញ្ជាក់ថា ការប្រកួតដែលមានលក្ខណៈចំរ៉ុងចំរាស់លទ្ធផល ទោះបីមិនមានការដាក់ពាក្យបណ្តឹង ក៏សហព័ន្ធនិងលើកយកមកត្រួតពិនិត្យ ដើម្បីស្វែង​រកភាពពិតនៅក្នុងការវាយតម្លៃលើការដាក់ពិន្ទុរបស់មន្រ្តីដឹកនាំការប្រកួត ដើម្បីស្វែងរក​យុត្តិធម៌​ជូនកីឡាករ ក៏ដើម្បីលាងភាពស្អាត់ស្អំជូនមន្រ្តីរបស់សហព័ន្ធ ពិសេស គឺ វែកញែក​ឱ្យដល់សាធារណៈជនបានយល់អំពីនិតិវិធីដាក់ពិន្ទុរបស់ចៅក្រមផងដែរ។ ឯកឧត្តម ប្រធានសហព័ន្ធ បានពន្យល់ថា សម្រាប់ការដាក់ពិន្ទុក និងការកាត់​សេចក្តី​របស់​ចៅក្រមអាជ្ញាកណ្តាល ក្នុងការប្រកួតរបស់កីឡាករ ព្រុំ សំណាង និងកីឡាករ លូ​កាស គឺអនុវត្តទៅតាមច្បាប់កត្តិយុទ្ធត្រឹមត្រូវដែលបានចងក្រងយ៉ាងច្បាស់លាស់ ដោយ​មានការទទួលស្គាល់ពីគណៈកម្មាធិការប្រតិបត្តិរបស់សហព័ន្ធតាមរយៈកិច្ចប្រជុំសម្រេចចំនួន៣ដងដែរ។ ជាមួយគ្នានេះសៀវភៅបទបញ្ជាការប្រកួតនេះក៏បានដាក់បញ្ចូលទៅក្នុងកម្មវិធីបណ្តុះបណ្តាលចៅក្រមអាជ្ញាកណ្តាល ជាការបញ្រ្ជាបចំណេះដឹងឱ្យមន្រ្តីយើងទាំងអស់​បានយល់ និងដឹងកាន់តែច្បាស់អំច្បាប់កត្តិយុទ្ធដែលបានចងក្រងយ៉ាងច្បាស់លាស់ ។ ដូច្នោះ​ហើ​យ​​សូមឱ្យអ្នកគាំទ្រទាំងអស់ស្វែងយល់ឱ្យបានច្បាស់លាស់ថា សម្រាប់មន្រ្តីយើងទាំង​អស់​យើង​មាន​បទបញ្ជាការប្រកួតយើងត្រឹមត្រូវដែលប្រើប្រាស់ដើម្បីរៀបចំការប្រកួត មិនមែនយើងវិនិច្ឆ័យការប្រកួតដោយប្រើប្រាស់អារម្មណ៍គ្មានចំនេះជំនាញច្បាស់លាស់នោះទេ ។ ឯកឧត្តម…

ភ្នំពេញ៖ ឯកឧត្តម ហឿង សុផុន រដ្ឋលេខាធិការ ក្នុងនាមឯកឧត្តម ជា សុមេធី រដ្ឋមន្ត្រី​ក្រសួង​សង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈកម្មាធិការជាតិ​ស្ប៉េស្យាល់អូឡាំកកម្ពុជា បានអំពាវនាវ ក្នុងពិធីបើកការប្រកួតកីឡាស្ប៉េស្យាល់​អូឡាំពិក​ថ្នាក់ខេត្តប្រចាំឆ្នាំ២០២៤ ខេត្តស្វាយរៀង នារសៀលថ្ងៃទី១២ ខែសីហា ឆ្នាំ២០២៤ថា សូមអាណាព្យាបាល គ្រប់ភាគីពាក់ព័ន្ធ ផ្តល់ឱកាសអោយជនពិការខ្សោយសតិបញ្ញា បានហ្វឹកហាត់ និងលេងកីឡា ។ ឯកឧត្តម បន្តថា គណៈកម្មាធិការជាតិស្ប៉េស្យាល់អូឡាំពិកកម្ពុជា ជាអង្គការមិនរកប្រាក់​ចំណេញ មានការទទួលខុសត្រូវក្នុង ការអភិវឌ្ឍ ចលនាកីឡាជនបញ្ញាខ្សោយទាំងក្មេង ទាំងចាស់ នៅទូទាំងព្រះរាជាណាចក្រកម្ពុជា។ គណៈកម្មាធិការជាតិស្ប៉េស្យាល់អូឡាំពិកកម្ពុជាជាអង្គការសង្គមកីឡា ដែលទទួលបន្ទុក​ជនពិការខ្សោយសតិបញ្ញាឱ្យទទួលបាន សិទ្ធិពេញលេញ ក្នុងការចូលរួមសកម្មភាព​ក្នុង​សង្គមតាមរយៈវិស័យកីឡា ដែលធ្វើឱ្យពួកគាត់ទទួលបាននូវ សុខុមាលភាព និងមាន​ភាព ក្លាហាន មានបញ្ញាស្មារតីរឹងមាំ សីលធម៌ថ្លៃថ្នូរ និងភាពរាក់ទាក់ពី សំណាក់អាណា​ព្យាបាល និងកីឡាករ កីឡាការិនីដទៃទៀត និងជៀសផុតពីការរើសអើងផ្សេងៗ​នៅក្នុង​សង្គម។ ជាពិសេសផ្តល់ឱកាសដល់ក្មួយៗជនពិការខ្សោយសតិបញ្ញាបានហ្វឹកហាត់ និងចូលរួមប្រកួតកីឡា ដែលបង្ហាញនូវការយកចិត្តទុកដាក់របស់​រាជរដ្ឋាភិបាល​កម្ពុជា​ដល់ជនពិការ ព្រមទាំងអនុវត្តតាមគោលការច្បាប់ស្តីពីកិច្ចការពារ និងលើកកម្ពស់ សិទ្ធិជនមានពិការភាព។ ឯកឧត្តម…